Tag: ଏନଡିଏ

ନୂଆଦିଲ୍ଲୀ: କୃଷି ଆଇନ ପ୍ରତ୍ୟାହାର ପରେ ଜେଡିୟୁ ନେତା କେସି ତ୍ୟାଗୀ ସରକାରଙ୍କ ନିଷ୍ପତ୍ତିକୁ ସ୍ୱାଗତ କରିଛନ୍ତି। ଏଥିସହିତ ଏହା କାହା ପାଇଁ ବିଜୟ କିମ୍ବା ପରାଜୟ ନୁହେଁ ବୋଲି କହିଛନ୍ତି। କୃଷକ ଆନ୍ଦୋଳନ ଏବଂ କୃଷକ ସଂଗଠନର ଏକତା ପାଇଁ ଏହା ଏକ ବିଜୟ। ଜେଡିୟୁ ନେତା କେସି ତ୍ୟାଗୀ କହିଛନ୍ତି ଯେ ,ଏହି ଆନ୍ଦୋଳନରେ ୭୦୦ ଚାଷୀଙ୍କ ମୃତ୍ୟୁ ଘଟିଛି। ଏକ ବର୍ଷ ଧରି ଚାଲିଥିବା ଏହି ଆନ୍ଦୋଳନ ଏକ ଅହିଂସା ଆନ୍ଦୋଳନ ଥିଲା, ଯାହାକି ଗାନ୍ଧିଜୀଙ୍କ ନୀତି ଅନୁଯାୟୀ ଚାଲିଥିଲା।

ଜେଡିୟୁ ନେତା କେସି ତ୍ୟାଗୀ କହିଛନ୍ତି ଯେ, ଲଢେଇ ଏପର୍ଯ୍ୟନ୍ତ ଶେଷ ହୋଇନାହିଁ। ଏମଏସପି ଉପରେ ଆଇନ ନହେବା ପର୍ଯ୍ୟନ୍ତ ସଂଗ୍ରାମ ଶେଷ ହେବ ନାହିଁ।

ୟୁପି ବିଧାନସଭା ନିର୍ବାଚନରେ ​​ଜେଡିୟୁ ପ୍ରତିଦ୍ୱନ୍ଦ୍ୱିତା କରିବ:

ଅନ୍ୟପକ୍ଷରେ, ଆଗାମୀ ୟୁପି ନିର୍ବାଚନ ସମ୍ପର୍କରେ ଜେଡିୟୁ ନେତା କେସି ତ୍ୟାଗୀ କହିଛନ୍ତି ଯେ, ତାଙ୍କ ଦଳ ୟୁପିରେ ଏନଡିଏ ସହ ନିର୍ବାଚନ ଲଢିବାକୁ ଚେଷ୍ଟା କରୁଛି ଏବଂ ଏହି ଦିଗରେ ଆଲୋଚନା ଚାଲିଛି। ଯଦି ଆଲୋଚନା ସଫଳ ନହୁଏ, ତେବେ ଜେଡିୟୁ ସୀମିତ ଆସନରେ ନିଜେ ନିର୍ବାଚନ ଲଢିବ।

ଅନ୍ୟପକ୍ଷରେ, ଲକ୍ଷ୍ମୀପୁର ଖେରୀ ଘଟଣାରେ ଜେଡିୟୁ ନେତା କେ.ସି ତ୍ୟାଗୀ କହିଛନ୍ତି ଯେ, ମନ୍ତ୍ରୀଙ୍କ ପୁଅ ଯେପରି ଚାଷୀଙ୍କୁ ଗାଡି ଚଢାଇଥିଲେ, ତାହା ନିନ୍ଦନୀୟ। ଲକ୍ଷ୍ମୀପୁର ଖେରୀ ଘଟଣା ପୂର୍ବରୁ ମନ୍ତ୍ରୀ ଯେଉଁଭଳି ଭାବରେ ବିବୃତ୍ତି ଦେଇଥିଲେ, ତାହା ମଧ୍ୟ ଭୁଲ ଥିଲା। ଚାଷୀଙ୍କ ଦାବି ହେଉଛି ମନ୍ତ୍ରୀଙ୍କୁ ବରଖାସ୍ତ କରାଯାଉ।

ନୂଆଦିଲ୍ଲୀ: ଦୀର୍ଘ ଦିନ ଧରି ଚାଲିଆସୁଥିବା ଚାଷୀଙ୍କ ବିରୋଧ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ତିନୋଟି ନୂତନ କୃଷି ଆଇନ ପ୍ରତ୍ୟାହାର କରିବାକୁ ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ଏହି ଘୋଷଣା ପରେ କୃଷକ ସଂଗଠନ ତଥା ବିରୋଧୀଦଳର ନେତାମାନେ ଖୁସି ବ୍ୟକ୍ତ କରିଛନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଚଳିତ ମାସ ଶେଷ ସୁଦ୍ଧା ଏହି ଆଇନ ପ୍ରତ୍ୟାହାର ପାଇଁ ସାମ୍ବିଧାନିକ ପ୍ରକ୍ରିୟା ମଧ୍ୟ ଆରମ୍ଭ ହେବ। ପାଞ୍ଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଗୁରୁ ନାନକ ଦେବ ଜୟନ୍ତୀ ଦିନ ସରକାରଙ୍କ ତିନୋଟି କୃଷି ଆଇନ ପ୍ରତ୍ୟାହାର ଏକ ବଡ ପଦକ୍ଷେପ ବୋଲି ବିବେଚନା କରାଯାଉଛି।

ଅକାଳୀ ଦଳ ବିଜେପି ସହିତ ଆସିବ କି?:

ଏହା ପରେ ପ୍ରଶ୍ନ ଉଠିଛି ଯେ, କୃଷି ଆଇନ ପ୍ରସଙ୍ଗରେ ଏନଡିଏ ଛାଡିଥିବା ଅକାଳୀ ଦଳ ପଞ୍ଜାବ ନିର୍ବାଚନରେ ​​ବିଜେପି ସହିତ ଫେରିବେ କି ନାହିଁ। ଏହି ପ୍ରସଙ୍ଗରେ ଶିରୋମଣି ଅକାଳୀ ଦଳ ମୁଖପାତ୍ର ମନଞ୍ଜିନ୍ଦର ସିର୍ସା କହିଛନ୍ତି ଯେ, “ଆଜି ଗୁରୁ ନାନକ ଦେବଙ୍କ ପ୍ରକାଶ ପାର୍ବ। ଏହି ବଡ ଦିନରେ ଆପଣ ସମସ୍ତଙ୍କୁ ଶୁଭେଚ୍ଛା। ଦେଶର ପ୍ରଧାନମନ୍ତ୍ରୀଙ୍କ ଠାରୁ ତିନୋଟି କୃଷି ଆଇନ ପ୍ରତ୍ୟାହାର ଦେଶ ତଥା କୃଷକଙ୍କ ପାଇଁ ଏକ ବଡ଼ ଆରାମ ଏବଂ ଖୁସି ଖବର। ଏହି ଅନୁଗ୍ରହ ଗୁରୁ ନାନକ ଦେବଙ୍କ କୃପା ହେତୁ ହୋଇଛି।”

ସେ କହିଛନ୍ତି- ଦୀର୍ଘ ଦିନ ଧରି ସଂଘର୍ଷ କରୁଥିବା ଚାଷୀଙ୍କ ଏହା ହେଉଛି ବିଜୟ। ପ୍ରାୟ ଏକ ବର୍ଷ ପରେ ଏହି ନିଷ୍ପତ୍ତି ନିଆଯାଇଛି। ବିଳମ୍ବ କିନ୍ତୁ ସଠିକ୍ ନିଷ୍ପତ୍ତି ଆସିଛି। ଯେତେବେଳେ ଶିରୋମାନି ଅକାଳୀ ଦଳର ମୁଖପାତ୍ର ମନଞ୍ଜିନ୍ଦର ସିର୍ସାଙ୍କୁ ଏନଡିଏକୁ ଫେରିବେ କି ନାହିଁ, ପ୍ରଶ୍ନ କରାଯାଇଥିଲା? ଏହି ପ୍ରଶ୍ନର ଉତ୍ତରରେ ମନଞ୍ଜିନ୍ଦର ସିର୍ସା କହିଛନ୍ତି ଯେ, ଏହି ନିଷ୍ପତ୍ତି ବଡ, ଯାହା ଦଳର ସଭାପତି ମଧ୍ୟ କରିପାରିବେ ନାହିଁ, କିନ୍ତୁ ଦଳର କୋର କମିଟି ଏହା ଉପରେ ନିଷ୍ପତ୍ତି ନେଇଥାଏ।

ଚଣ୍ଡିଗଡ: ହରିୟଣା ରାଜନୀତିରେ ହଲଚଲ ଦେଖିବାକୁ ମିଳିଛି। ଜନନାୟକ ଜନତା ପାର୍ଟିର ଉପାଧ୍ୟକ୍ଷ ଏବଂ ବିଧାୟକ ରାମ କୁମାର ଗୌତମ ଦଳୀୟ ପଦବୀରୁ ଇସ୍ତଫା ଦେଇଛନ୍ତି। ଇସ୍ତଫା ଦେବା ପରେ ରାମ କୁମାର କହିଛନ୍ତି ଯେ, ଦଳୀୟ ବିଧାୟକମାନକ ଯୋଗୁଁ ଦୁଷ୍ୟନ୍ତ ଚୌଟାଲା ଉପ-ମୁଖ୍ୟମନ୍ତ୍ରୀ ହୋଇଛନ୍ତି। ଏହା ସହିତ ବିଜେପି ସାଥିରେ ଦୁଷ୍ୟନ୍ତ ମେଣ୍ଟ କରିଥିବାରୁ ସେ ଦୁଃଖ ପ୍ରକାଶ କରିଛନ୍ତି।

ଦଳର ଅଧିକାଂଶ ନେତାଙ୍କ ଅଜ୍ଞାତରେ ଏହି ମେଣ୍ଟ ହୋଇଥିବାର ସେ କହିଥିଲେ। ସମସ୍ତ ଭଲ ବିଭାଗଗୁଡିକୁ ଦୂଷ୍ୟନ୍ତ ନେଇଛନ୍ତି। ହେଲେ ବାକି ବିଧାୟକମାନଙ୍କୁ କଣ ମିଳିଛି। ଅନ୍ୟ ବିଧାୟକମାନଙ୍କୁ କଣ ଜନତା ଭୋଟ ଦେଇନଥିଲେ ବୋଲି ରାମ କୁମାର ପ୍ରଶ୍ନ କରିଛନ୍ତି।

ପାଟଣା: ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ହିନ୍ଦୁସ୍ଥାନ ଅବାମ ମୋର୍ଚ୍ଚାର ମୁଖ୍ୟ ଜୀତନ ରାମ ମାଝୀ ଆଜି ପରୋକ୍ଷରେ ବିଜେପିରକୁ ଟାର୍ଗେଟ କରିଛନ୍ତି। ଟୁଇଟ ମାଧ୍ୟମରେ ବିନା ନାମ ନେଇ ସେ ବିଜେପିକୁ ଟାର୍ଗେଟ କରିଛନ୍ତି।

ସେ ଟୁଇଟରେ ଲେଖିଛନ୍ତି ଯେ, ବିଧାନସଭା ନିର୍ବାଚନରେ ଜଦୟୁ ସାଥିରେ ଧୋକ୍କା କରାଯାଇଥିଲା। ସେ ନିତୀଶ କୁମାରଙ୍କୁ ପ୍ରଶଂସା କରି କହିଛନ୍ତି ଯେ, ନୀତିଶଙ୍କୁ ମେଣ୍ଟର ଧର୍ମ ତୁଲାଇବା ଭଲ ଭାବେ ଜଣାଅଛି। ଏନଡିଏ ମେଣ୍ଟରେ ସାମିଲ ଥିବା ଦଳ ଜଦୟୁକୁ ବିରୋଧ ବା ଷଡଯନ୍ତ୍ର କରୁଥିଲେ ମଧ୍ୟ ନିତୀଶ ସେମାନଙ୍କୁ ସହଯୋଗ କରିବା ହେଉଛି ତାଙ୍କର ମହନୀୟତା। ମେଣ୍ଟର ଧର୍ମ ତୁଲାଇବା ଯଦି କାହାଠାରୁ ଶିଖିବାକୁ ହୁଏ, ତେବେ ତାହା ନୀତିଶଙ୍କ ଠାରୁ ଶିଖିବା ଉଚିତ। ଶେଷରେ ମାଂଝି ଲେଖିଛନ୍ତି ଯେ, ନୀତିଶଙ୍କ ଏପରି ସାହସକୁ ମାଂଝି ସଲାମ କରୁଛି।

ଉଲ୍ଲେଖଯୋଗ୍ୟ ଯେ, ବିହାର ଏନଡିଏରେ ସବୁ କିଛି ଠିକ ଚାଲୁନଥିବା ପାଇଁ ଜୀତନ ରାମ ମାଂଝି ଚର୍ଚ୍ଚାରେ ଥିଲେ। ଚର୍ଚ୍ଚା ହେଉଥିଲା କି, ଜୀତନ ରାମ ବିହାର ମନ୍ତ୍ରୀମଣ୍ଡଳରେ ଆଉ ଗୋଟିଏ ସ୍ଥାନ ସହ ଏମଏଲସି ଆସନ ପାଇଁ ଚାପ ପକାଉଛନ୍ତି।

ସୂଚନା ଯୋଗ୍ୟ ଯେ, ଗତ ନିର୍ବାଚନରେ ନିତୀଶ କୁମାରଙ୍କ ଦଳ ଜନତା ଦଳ ୟୁନାଇଟେଡକୁ ଆଶା ମୁତାବକ ଆସନ ମିଳିନଥିଲା। ଆଜି ଦଳ ଜନତା ଦଳ ୟୁନାଇଟେଡର ପ୍ରଦେଶ କାର୍ଯ୍ୟକାରିଣୀ ବୈଠକରେ ଦଳର ଖରାପ ପ୍ରଦର୍ଶନ ଲାଗି ବିଜେପି ଦାୟୀ ବୋଲି ଦଳର କେତେ ଜଣ ନେତା କହିଥିଲେ। ଏନଡିଏରେ ଥାଇ ମଧ୍ୟ ଚିରାଗ ପାଶୱାନ ଜଦୟୁ ବିରୋଧରେ ପ୍ରାର୍ଥୀ ଦେଇଥିଲା। କିନ୍ତୁ ଚିରାଗ ପାଶୱାନଙ୍କ ଦଳ ବିଜେପିକୁ ସମର୍ଥନ କରିଥିଲା। ଫଳରେ ନିର୍ବାଚନ ଫଳାଫଳ ପରେ ଅନେକ ନେତା ବିଜେପି ଉପରେ ଅଭିଯୋଗ ଆଣିଥିଲେ।

ପାଟନା: ଆଜି ବିହାରରେ ଏନଡିଏ ବିଧାୟକ ଦଳର ବୈଠକ ମଧ୍ୟାହ୍ନ ୧୨.୩୦ରୁ ଆରମ୍ଭ ହେବ। ଏନଡିଏରେ ସାମିଲ ଥିବା ବିଜେପି, ଜେଡିୟୁ, ବିକାଶଶୀଳ ଇନସାନ ପାର୍ଟି ଓ ହିନ୍ଦୁସ୍ତାନୀ ଆୱାମ ମୋର୍ଚ୍ଚାର ନବନିର୍ବାଚିତ ବିଧାୟକମାନେ ଏହି ବୈଠକରେ ଯୋଗଦେବାର କାର୍ଯ୍ୟକ୍ରମ ରହିଛି। ନୀତିଶ କୁମାର ଆଜି ଏନଡିଏର ବିଧାୟକ ଦଳ ନେତା ହୋଇପାରନ୍ତି। ନିର୍ବାଚନରେ ଜେଡିୟୁ ନିରାଶାଜନକ ପ୍ରଦର୍ଶନ କରିଥିଲେ ସୁଦ୍ଧା ଏନଡିଏର ପ୍ରାକ୍ ନିର୍ବାଚନୀ ଘୋଷଣା ଅନୁଯାୟୀ ନୀତିଶ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଗାଦିସୀନ ହେବାକୁ ଯାଉଛନ୍ତି। ଜେଡିୟୁ ତୁଳନାରେ ବିଜେପିକୁ ବହୁ ଅଧିକ ଆସନ ମିଳିଥିବାବେଳେ ନୀତିଶଙ୍କୁ ପୁଣି ଥରେ ମୁଖ୍ୟମନ୍ତ୍ରୀ ପଦରେ ଅଧିଷ୍ଠିତ କରାଇବା ପ୍ରସଙ୍ଗକୁ ବିଜେପିର କେତେକ ନେତା ନାପସନ୍ଦ କରୁଥିଲେ ସୁଦ୍ଧା ଦଳ ତାହାର ପୂର୍ବ ପ୍ରତିଶ୍ରୁତିକୁ ପାଳନ କରିବ ବୋଲି ଦୃଢ ଆଶ୍ୱାସନା ଦେଇଛି। ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଏହି ମେଣ୍ଟର ସଫଳତା ପାଇଁ ନୀତିଶକୁ ପ୍ରଶଂସା କରିବା ସହ ମୁଖ୍ୟମନ୍ତ୍ରୀ ପଦ ପାଇଁ ଅଣଆନୁଷ୍ଠାନିକଭାବେ ତାଙ୍କ ନାମ ଉଲ୍ଲେଖ କରିସାରିଛନ୍ତି।

ନୂଆଦିଲ୍ଲୀ, ଶେଷରେ ପଂଜାବର ଶିରୋମଣି ଅକାଳି ଦଳ ଏନଡିଏରେ ହାତ ଛାଡିଛି। ଆଜି ଏ ନେଇ ଦଳ ତରଫରୁ ସ୍ପଷ୍ଟ କରାଯାଇଛି। କୃଷି ବିଲକୁ ଦଳର କୌଣସି କର୍ମି ଗ୍ରହଣ କରୁ ନାହାଁନ୍ତି। ସେଥିପାଇଁ ରାଜନୈତିକ ଚାପରେ ଏହି ନିଷ୍ପତି ନେବାକୁ ବାଧ୍ୟ ହେଲୁ ବୋଲି ଅକାଳୀ ଦଳର ଅଧ୍ୟକ୍ଷ ସୁଖବୀର ସିଂ ବାଦଲ କହିଛନ୍ତି।

ପୂର୍ବରୁ ଏହି ବିଲକୁ ବିରୋଧ କରି ଅକାଲି ଦଳର ସାଂସଦ ହରଶମିତ୍ କୌର ମନ୍ତ୍ରୀ ପଦରୁ ଇସ୍ତପା ଦେଇଥିଲେ। ତେବେ ସେତେବେଳେ ଦଳ ତରଫରୁ କୁହାଯାଇଥିଲା ଯେ ଏନଡିଏକୁ ବାହାରୁ ସମର୍ଥନ ଦେବେ। ହେଲେ ବର୍ତ୍ତମାନ ପରିସ୍ଥିତି ଆମକୁ ଏନଡିଏକୁ ବାଏ ବାଏ କରିବା ପାଇଁ ବାଧ୍ୟ କଲା ବୋଲି ବାଦଲ କହିଛନ୍ତି।