ରଣପୁର: ଭାରତର କମ୍ୟୁନିଷ୍ଟ ପାର୍ଟି (ମାର୍କ୍ସବାଦୀ) ରଣପୁର ଆଞ୍ଚଳିକ କମିଟି ସମ୍ମିଳନୀ ପଟିଆ ପଞ୍ଚାୟତର କଦମଝୋଲା ଠାରେ ଅନୁଷ୍ଠିତ ହୋଇଯାଇଅଛି। ସମ୍ମିଳନୀକୁ ଆନୁଷ୍ଠାନିକ ଭାବେ ଉଦଘାଟନ କରି ବକ୍ତବ୍ୟ ପ୍ରଦାନ କରିଥିଲେ ଜିଲ୍ଲାର ବରିଷ୍ଠ ସାଥୀ ବିଶ୍ବନାଥ ମହାପାତ୍ର। ସେ ତାଙ୍କ ବକ୍ତବ୍ୟରେ କହିଥିଲେ ବିଶ୍ଵ ସାମ୍ରାଜ୍ୟ ବାଦି ନିଜ ସ୍ଵାର୍ଥ ପାଇଁ ବିଭିନ୍ନ ଦେଶ ଉପରେ ଆକ୍ରମଣ ଜାରି ରଖିଛି, ଆମେରିକା ସହଯୋଗ ରେ ଇସ୍ରାଏଲ ପାଲେଷ୍ଟାଇନ ଗାଜା ଉପରେ ଆକ୍ରମଣ କରି ନିରିହ ଲୋକଙ୍କୁ ହତ୍ୟା କରୁଛି ତାହା ବିରୋଧ ରେ ଜନସାଧାରଣ ସ୍ଵର ଉତ୍ତୋଳନ କରିବାକୁ ଆହ୍ବାନ ଦେଇଛନ୍ତି ସେହିଭଳି ଆମ ଦେଶରେ ମୋଦି ସରକାର ତାର ତୃତୀୟ ପାଳି ସହିତ ଆମ ରାଜ୍ୟରେ ବିଜେପି ସରକାର ଚାଲୁଛି ଅଳ୍ପ ଝୁଣ୍ଟୁଛି ବେଶି। ସେଥିମଧ୍ୟରୁ ସୁଭଦ୍ରା ଯୋଜନା ମାଧ୍ୟମରେ ଦୁଇ ବର୍ଷ ରେ ୫୦ହଜର ଟଙ୍କା ଦେବାକୁ କହି ବର୍ଷ କୁ ଦଶ ହଜାର ୫ ବର୍ଷ ରେ ୫୦ ହଜାର ଦେବା ଆରମ୍ଭ କରିଛନ୍ତି ଏଥିରେ କିପର ମହିଳା ମାନେ ଆତ୍ମନିର୍ଭରଶୀଳ ହୋଇପାରିବ ବୋଲି ପ୍ରଶ୍ନ କରିଥିଲେ, ୩୦୦ ଇଉନିଟ୍ ମାଗଣା ବିଜୁଳି,୨୪ ଘଣ୍ଟା ରେ ଚିଟ୍ ଫଣ୍ଡ ଟଙ୍କା ଫେରସ୍ତ କୁଆଡ଼େ ଗଲା, ବାର୍ଦ୍ଧକ୍ୟ ବିଧବା ଭିନ୍ନକ୍ଷମ ଭତା ୩୦୦୦. କୁଆଡ଼େ ଗଲା ଅପର ପକ୍ଷରେ ଖଣି ବିମାନ ବନ୍ଦର ଗୋପାଳପୁର ବନ୍ଦରକୁ ଆଦାନୀ କୁ ବିକ୍ରି କରି ସାରିଲେଣି ଏହା ବିରୋଧରେ ଅଇକ୍ୟା ବଦ୍ଦ ଆନ୍ଦୋଳନ ଗଢ଼ି ତୋଳିବାକୁ ଆହ୍ବାନ ଦେଇଥିଲେ।
ଆଞ୍ଚଳିକ କମିଟି ସଂପାଦକ ନିତ୍ୟାନନ୍ଦ ପରିଡ଼ା ସମ୍ପାଦକିୟ ବିବରଣୀ ପ୍ରଦାନ କରିଥିଲେ।ଏହା ଉପରେ ୯ଜଣ ସାଥୀ ଆଲୋଚନା କଲାପରେ ଆଗାମୀ ଦିନରେ ଜନସାଧାରଣଙ୍କ ସମାସ୍ୟା ଉପରେ ଗଣ ଆନ୍ଦୋଳନ ଗଢ଼ି ତୋଳିବାକୁ ଆହ୍ବାନ ଦିଆ ଯାଇଥିଲା, ଅନ୍ୟ ମାନଙ୍କ ମଧ୍ୟରେ ବକ୍ତବ୍ୟ ରଖିଥିଲେ ସାଥୀ ହରିଶ୍ଚନ୍ଦ୍ର ମିଶ୍ର, ସୁରେଶ ସ୍ବାଇଁ, ଦୁଃଶାସନ ଜେନା ଗଦାଧର ପ୍ରଧାନ, ଶୁଶିଲ ମାହାନ୍ତି,ରଜତ ଜେନା ବିଜୟ କୁମାର ଜେନା ମହେନ୍ଦ୍ର କୁମାର ସାହୁ ବିନୋଦ ନାୟକ ଜୋଗି ନାୟକ ପ୍ରମୁଖ। ଆଗାମୀ ୩ ବର୍ଷ ପାଇଁ ନିତ୍ୟାନନ୍ଦ ପରିଡ଼ା ସମ୍ପାଦକ ଥାଇ ଏକ ୯ ଜଣିଆ ଆଞ୍ଚଳିକ କମିଟି ଗଠନ କରାଯାଇଛି। ଆଗାମୀ ଜିଲ୍ଲା ସମ୍ମିଳନୀ ନଭେମ୍ବର ୧୭,୧୮ ରଣପୁର ଠାରେ ଅନୁଷ୍ଠିତ ହେବ ଏହାକୁ ସଫଳ କରିବା ପାଇଁ ଆହ୍ୱାନ କରଯାଇଥିଲା।