Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଭାରତର ‘ପଳାତକ’କୁ କତାରରେ ସ୍ୱାଗତ, ଫିଫା ବିଶ୍ଵକପରେ ଇସଲାମର ପ୍ରଚାର କରିବେ ଜାକିର ନାୟକ

ନୂଆଦିଲ୍ଲୀ: ଫିଫା ବିଶ୍ୱକପ ୨୦୨୨ରେ ଧାର୍ମିକ ପ୍ରବଚନଦେବା ପାଇଁ ବିବାଦୀୟ ଭାରତୀୟ ଇସଲାମ ପ୍ରଚାରକ ଜାକିର ନାୟକଙ୍କୁ କତାର ନିମନ୍ତ୍ରଣ କରିଛି। ଭାରତରେ ଅର୍ଥ ହେରେଫେର ଏବଂ ବିବାଦୀୟ ଭାଷଣ ଅଭିଯୋଗର ସମ୍ମୁଖୀନ ହୋଇଥିବା ନାୟକ ୨୦୧୭ ମସିହାରୁ ମାଲେସିଆରେ ନିର୍ବାସନରେ ରହୁଛନ୍ତି। ଭାରତ ତାଙ୍କୁ ପଳାତକ ଘୋଷଣା କରିଛି। କତାରର ସରକାରୀ କ୍ରୀଡ଼ା ଚ୍ୟାନେଲ ଅଲକାସର ଉପସ୍ଥାପିକା ଫୈସଲ ଅଲହଜ୍ରି ଟ୍ୱିଟ କରି କହିଛନ୍ତି ଯେ, ବିଶକପ୍ ସମୟରେ ପ୍ରଚାରକ ଶେଖ ଜାକିର ନାୟକ କତାରରେ ଅଛନ୍ତି ଏବଂ ଟୁର୍ଣ୍ଣାମେଣ୍ଟରେ ଅନେକ ଧାର୍ମିକ ବକ୍ତୃତା ପ୍ରଦାନ କରିବେ। ଆମନ୍ତ୍ରିତ ମାନ୍ୟଗଣ୍ୟ ବ୍ୟକ୍ତି ଭାବରେ କତାରରେ ନାୟକଙ୍କ ଉପସ୍ଥିତିକୁ ପୃଷ୍ଟି କରିଛନ୍ତି ଏବଂ ଟ୍ୱିଟ୍ କରି କହିଛନ୍ତି ଯେ, ଆମ ସମୟର ଅନ୍ୟତମ ଲୋକପ୍ରିୟ ଇସଲାମ ବିଦ୍ୱାନ ଡ ଜାକିର ନାୟକ #ଫିଫା ୱାର୍ଲ୍ଡକପ୍ ପାଇଁ #କାତାରରେ ପହଞ୍ଚିଛନ୍ତି।

ଜାକିର ନାୟକଙ୍କ ଇସଲାମିକ୍ ରିସର୍ଚ୍ଚ ଫାଉଣ୍ଡେସନ୍ (ଆଇଆରଏଫ୍) କୁ ୨୦୧୬ର ଶେଷ ଭାଗରେ ଏହାର ଅନୁଗାମୀମାନଙ୍କ ଦ୍ଵାରା ବିଭିନ୍ନ ଧାର୍ମିକ ସମ୍ପ୍ରଦାୟ ଏବଂ ଗୋଷ୍ଠୀ ମଧ୍ୟରେ ଶତ୍ରୁତା, ଘୃଣା ଭାବନାକୁ ପ୍ରୋତ୍ସାହିତ କରିବାକୁ ଚେଷ୍ଟା ​​ଏବଂ ସହାୟତା ପ୍ରଦାନ କରିବା ଅଭିଯୋଗରେ ବେଆଇନ ଘୋଷିତ ହୋଇଥିଲା। ଚଳିତ ବର୍ଷ ମାର୍ଚ୍ଚରେ ଗୃହ ମନ୍ତ୍ରଣାଳୟ (MHA) ଆଇଆରଏଫକୁ ଏକ ବେଆଇନ ସଙ୍ଗଠନ ଘୋଷଣା କରି ଏହାକୁ ପାଞ୍ଚ ବର୍ଷ ପାଇଁ ନିଷିଦ୍ଧ କରିଛି। ୧୯୯୦ ଦଶକରେ ଆଇଆରଏଫ୍ ମାଧ୍ୟମରେ ଦାୱାଙ୍କ କାର୍ଯ୍ୟକଳାପ (ଲୋକଙ୍କୁ ଇସଲାମ ଧର୍ମ ଗ୍ରହଣ କରିବାକୁ ଆମନ୍ତ୍ରଣ କରିବାର କାର୍ଯ୍ୟ) ପାଇଁ ଖ୍ୟାତି ଅର୍ଜନ କରିଥିବା ନାୟକ ମଧ୍ୟ ଏକ ‘ତୁଳନାତ୍ମକ ଧର୍ମ’ ପିସ୍ ଟିଭିର ପ୍ରତିଷ୍ଠାତା ଅଟନ୍ତି।

୧୦୦ ମିଲିୟନରୁ ଅଧିକ ଦର୍ଶକଙ୍କ ପାଖରେ ଏହି ଚ୍ୟାନେଲ ପହଞ୍ଚିଥିବା ଜଣାଯାଇଛି, ସେମାନଙ୍କ ମଧ୍ୟରୁ ଅନେକ ତାଙ୍କୁ ସଲାଫି (ସୁନ୍ନି ସମ୍ପ୍ରଦାୟ ମଧ୍ୟରେ ଏକ ସଂସ୍କାରମୂଳକ ପ୍ରୟାସ) ଭାବନାର ଏକ ପ୍ରଦର୍ଶକ ଭାବରେ ଗ୍ରହଣ କରନ୍ତି। ଭାରତୀୟ ଆଇନରୁ ରକ୍ଷା ପାଇବା ପାଇଁ ଜାକିର ନାୟକ ମାଲେସିଆ ଯାଇଥିଲେ। ମାଲେସିଆରେ ତାଙ୍କର ସ୍ଥାୟୀ ବାସସ୍ଥାନ ଥାଇ ମଧ୍ୟ ଏହି ଦେଶ ନାୟକଙ୍କୁ ‘ଜାତୀୟ ନିରାପତ୍ତା’ର ସ୍ୱାର୍ଥକୁ ଦୃଷ୍ଟିରେ ରଖି ୨୦୨୦ ରେ’ ଧାର୍ମିକ ପ୍ରଚାର’ କରିବାକୁ ବାରଣ କରିଥିଲା। ବାସ୍ତବରେ ମୁସଲିମ ଦେଶରେ ପ୍ରଥମ ଥର ପାଇଁ ଫିଫା ବିଶ୍ୱକପ ଆୟୋଜନ କରାଯାଉଛି। ବିଶେଷଜ୍ଞମାନେ ଏହାକୁ ଇସଲାମ ପ୍ରଚାର ପାଇଁ ଏକ ଉପକରଣ ଭାବରେ ଦେଖୁଛନ୍ତି। ବିବାଦୀୟ ଭାରତୀୟ ଚିତ୍ରକାର ଏମଏଫ ହୁସେନଙ୍କୁ କତାର ଆଶ୍ରୟ ଦେଇଥିଲା। ଏପରିକି ନୁପୁର ଶର୍ମା ବିବାଦରେ ବିରୋଧ କରୁଥିବା ଦେଶଗୁଡିକର କତାର ନେତୃତ୍ୱ ନେଉଥିଲା।

Categories
ବିଶେଷ ଖବର

ନୁପୁର ଶର୍ମାଙ୍କୁ ସମର୍ଥନ କଲେ ରାଜ ଠାକରେ: ଜାକିର ନାୟକଙ୍କ ଉଦ୍ଧେଶ୍ୟରେ କହିଲେ ଏଭଳି କଥା

ମୁମ୍ବାଇ: ମହାରାଷ୍ଟ୍ର ନବନିର୍ମାନ ସେନା ମୁଖ୍ୟ ରାଜ ଠାକରେ ନୁପୁର ଶର୍ମାଙ୍କୁ ସମର୍ଥନ କରିଛନ୍ତି। ସେ କହିଛନ୍ତି ଯେ ସମସ୍ତେ ନୁପୁର ଶର୍ମାଙ୍କଠାରୁ କ୍ଷମା ମାଗିଥିଲେ କିନ୍ତୁ ମୁଁ ତାଙ୍କୁ ସମର୍ଥନ କଲି। ରାଜ ଠାକରେ କହିଛନ୍ତି ଯେ, ଡକ୍ଟର ଜାକିର ନାୟକ ନୁପୁର ଶର୍ମା ଯାହା କହିଛନ୍ତି ତାହା ସେ କହି ସାରିଛନ୍ତି, କିନ୍ତୁ ତାଙ୍କଠାରୁ କ୍ଷମା ମାଗିବାକୁ କେହି ଦାବି କରିନାହାଁନ୍ତି। ଠାକରେ କହିଛନ୍ତି ଯେ, ଓୱାଇସି ଭାଇମାନେ ଆମର ଦେବତା ଏବଂ ଦେବୀଙ୍କୁ ଖରାପ ବୋଲି କହିଛନ୍ତି।

ନୁପୁର ଶର୍ମାଙ୍କ ମାମଲା କ’ଣ?:

ନୁପୁର ଶର୍ମା ଜୁନ୍ ମାସରେ ମହମ୍ମଦଙ୍କ ଉପରେ ଏକ ବିବାଦୀୟ ମନ୍ତବ୍ୟ ଦେଇଥିଲେ। ଯାହା ପରେ ବିଶ୍ଵର ଅନେକ ଦେଶ ଭାରତକୁ ସମାଲୋଚନା କରିଥିଲେ। ଏହା ପରେ ଦଳ ନୁପୁର ଶର୍ମାଙ୍କୁ ବହିଷ୍କାର କରିଥିଲା। ଏହି ବିବାଦୀୟ ବିବୃତ୍ତି ହେତୁ ଦେଶର ବିଭିନ୍ନ ଅଞ୍ଚଳରେ ନୁପୁର ବିରୋଧରେ ଅନେକ ଏଫ୍ଆଇଆର୍ ପଞ୍ଜିକୃତ ହୋଇଥିଲା। ସୁପ୍ରିମକୋର୍ଟ ମଧ୍ୟ ତାଙ୍କ ମନ୍ତବ୍ୟରେ ନୁପୁର ଶର୍ମାଙ୍କୁ ତାଗିଦ କରିଥିଲେ।

ଅନ୍ୟ ଏକ ବିବାଦୀୟ ବିବୃତ୍ତି ମାମଲାରେ ହରିୟାଣା ପ୍ରଦେଶ ନେତା ନବୀନ ଜିନ୍ଦଲଙ୍କୁ ମଧ୍ୟ ବିଜେପି ବହିଷ୍କାର କରିଛି।