ଖୋର୍ଦ୍ଧା: ଟାଙ୍ଗୀ ଥାନା ଭୂଷଣ୍ଡପୁର ଫାଣ୍ଡି ନିକଟରେ ଏକ ଅଟୋ ରିକ୍ସା ଏକ ସିମେଣ୍ଟ ଖୁଣ୍ଟକୁ ଧକ୍କା ଦେବା ପରେ ତାହା ଭାଙ୍ଗି ଚୁରମାର ହୋଇଯାଇଛି। ଧକ୍କା ଏତେ ଜୋରରେ ହୋଇଥିଲା ଯେ ଅଟୋ ଚାଳକର ମୃତ ହୋଇଛି। ଚାଳକଙ୍କ ନାମ ବିପ୍ଲବ ହାଲଦାର, ବୟସ 40 ବର୍ଷ ଏବଂ ତାଙ୍କ ଘର ଝାଟି ନୂଆଗାଁ ରେ ବୋଲି ଜଣାପଡିଛି।
ଘଟଣାରୁ ଜଣାପଡିଛି ଯେ, ଆଜି ଅପରାହ୍ନ 4 ଟା ସମୟରେ ଝାଟି ନୂଆଗାଁ ର ବିପ୍ଳବ ହାଲଦାର ନିଜ ଅଟୋ ରିକ୍ସା କାମ ସାରି ଘରକୁ ଖାଇବା ପାଇଁ ଫେରିଥିଲେ। ଘରେ ପତ୍ନୀ କୁ ଭାତ ଖାଇବା ପାଇଁ ମାଗିବା ସହ ହାତ ମୁହଁ ଧୋଇବା ପାଇଁ ବାଡ଼ି ପଟକୁ ଯାଇଥିଲେ।
ହଠାତ ଏକ ଫୋନ କଲ ଆସିବାରୁ ବିପ୍ଳବ ଅଟୋ ରିକ୍ସା ନେଇ ଘର ଠାରୁ କିଛି ଦୂର ଯାଇଥିବା ବେଳେ ଅଟୋ ରିକ୍ସା ଟି ଜଣେ ବ୍ୟକ୍ତିଙ୍କର ଦାଣ୍ଡ ଦୁଆରେ ଲାଗିଥିବା ସିମେଣ୍ଟ ଖୁଣ୍ଟ ସହ ଧକ୍କା ହୋଇଥିଲା।
ଫଳରେ ସିମେଣ୍ଟ ଖୁଣ୍ଟ ଟି ଭାଙ୍ଗି ରୁଜି ଚୂରମାର ହୋଇ ଚାଳକ ବିପ୍ଳବ ଙ୍କ ଛାତି ଉପରେ ପଡ଼ି ଯାଇଥିଲା। ଏଭଳି ଦୁର୍ଘଟଣା ଦେଖି ସ୍ଥାନୀୟ ଲୋକେ ବିପ୍ଳବଙ୍କୁ ସିମେଣ୍ଟ ଖୁଣ୍ଟ ତଳୁ ଉଦ୍ଧାର କରି ଟାଙ୍ଗୀ ମେଡିକାଲ ରେ ଭର୍ତ୍ତି କରିଥିଲେଷ ସେଠାରେ ଡାକ୍ତର ବିପ୍ଳବକୁ ମୃତ ଘୋଷଣା କରିଥିଲେ। ପୋଲିସ ଶବ ଜବତ କରି ଏହାର ତଦନ୍ତ କରୁଛି।
