ଭୁବନେଶ୍ବର, ବେଶ୍ ଶାନ୍ତ ଶୃଙ୍ଖଳାର ସହିତ ଶେଷ ହେଲା ଓଡିଶାର ଦୁଇଟି ଆସନର ଉପନିର୍ବାଚନ। ଆଜି ସକାଳ 6 ଟାରୁ ମତଦାନ ପକ୍ରିୟା ଆରମ୍ଭ ହୋଇଥିଲା। ତେବେ ବାଲେଶ୍ବର କେତେକ ଆସନରେ ସଂଧ୍ୟା 6 ଟା ପରେ ମଧ୍ୟ ମତଦାନ ପକ୍ରିୟା ଚାଲୁ ରହିଛି। ତେବେ ସଦ୍ୟ ସୂଚନା ଅନୁସାରେ ବାଲେଶ୍ବରରେ ୭୧ ପ୍ରତିଶତ ଏବଂ ତିର୍ତ୍ତୋଲରେ ୬୯.୯ ପ୍ରତିଶତ ମତଦାନ ହୋଇଛି। ଏ ନେଇ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି। ତେବେ ଚୁଡାନ୍ତ ମତଦାନ ପ୍ରତିଶତ କେତେ ହେଲା ସଂପୂର୍ଣ୍ଣ ଭୋଟ ଗ୍ରହଣ ସରିବା ପରେ ଆସନ୍ତାକାଲି ଜଣାପଡିବ।
ଗତ ସାଧାରଣ ନିର୍ବାଚନ ବେଳେ ବାଲେଶ୍ୱରରେ ୭୧.୨୯ ପ୍ରତିଶତ ଏବଂ ତିର୍ତ୍ତୋଲରେ ୭୪.୦୯ ପ୍ରତିଶତ ମତଦାନ ହୋଇଥିଲା। ଆଜି ଯେଉଁ ବୁଥଗୁଡିକରେ ନିର୍ଦ୍ଧାରିତ ସମୟରେ ମତଦାନ ହୋଇଯାଇଛି ସେହି ଇଭିଏମଗୁଡିକ ଷ୍ଟ୍ରଙ୍ଗରୁମରେ ରଖାଯାଇଛି। ସେଠାରେ କଡା ସୁରକ୍ଷା ବ୍ୟବସ୍ଥା ମଧ୍ୟ କରାଯାଇଛି। ଆସନ୍ତା 10 ତାରିଖରେ ଉଭୟ ଆସନ ଭୋଟ ଗଣନା କରାଯାଇ ସେହିଦିନ ଫଳାଫଳ ଘୋଷଣା କରାଯିବ।
