ଭୁବନେଶ୍ବର, ଠିକ ଉପନିର୍ବାଚନ ତାରିଖ ଘୋଷଣା ହେବାର କିଛି ସମୟ ପୂର୍ବରୁ ରାଜ୍ୟ ସରକାର ତିର୍ତ୍ତୋଲ ପାଇଁ ବଡ ଘୋଷଣା କରିଛନ୍ତି। ତିର୍ତ୍ତୋଳ ନିର୍ବାଚନ ମଣ୍ଡଳିର ଲୋକଙ୍କ ପାଇଁ ଘୋଷଣା ହୋଇଛି ୧୧୮. ୫୬ କୋଟି ଟଙ୍କାର ବ୍ରିଜ ନିର୍ମାଣ କାମ। ପୋଷଳ ଶଙ୍ଖେଶ୍ବର ରାସ୍ତାର ମହାନଦୀ ଉପରେ ଏହି ବ୍ରିଜ ନିର୍ମାଣ ହେବ। ଏହାର ଲମ୍ବ ହେବ ୮୮୮.୮୯ ମିଟର। ଏନେଇ ଆଜି ଗ୍ରାମ୍ୟ ଉନ୍ନୟନ ବିଭାଗ ତରଫରୁ ବିଜ୍ଞପ୍ତି ପ୍ରକାଶ କରାଯାଇଛି।
ଆଉ କିଛି ସମୟ ପରେ ଭାରତ ନିର୍ବାଚନ କମିଶନର ଓଡିଶାର ତିର୍ତ୍ତୋଲ ଏବଂ ବାଲେଶ୍ବର ଉପନିର୍ବାଚନ ତାରିଖ ଘୋଷଣା କରିବେ। ଏହା ଘୋଷଣା ହେବା ମାତ୍ରେ ନିର୍ବାଚନ ହେବାକୁ ଥିବା ଅଞ୍ଚଳରେ ଆଚରଣ ବିଧି ଲାଗୁ ହୋଇଯିବ। ସେଥିପାଇଁ ସରକାର ତା ପୂର୍ବରୁ ତିର୍ତ୍ତୋଲ ପାଇଁ ଏହି ବଡ ଘୋଷଣା କରିଛନ୍ତି।
