ନୂଆଦିଲ୍ଲୀ, ଆଜି ରାତିରେ ଆନ୍ଧ୍ରପ୍ରଦେଶର ଏକ ଡ୍ୟାମର କେତେକ ଅଂଶ ଭାଙ୍ଗିଯାଇଛି। ଫଳରେ ରାଜ୍ୟ ସରକାର ଜରୁରୀ ବନ୍ୟା ସତର୍କ ଜାରୀ କରିଛନ୍ତି। ଏହି ଡ୍ୟାମଟି ହେଉଛି ଆନ୍ଧ୍ରପ୍ରଦେଶର କ୍ରିଷ୍ଣା ଜିଲ୍ଲାର ପୁଲିଚିନ୍ତାଲା ଡ୍ୟାମ।
ଆଜି ଏହି ଡ୍ୟାମରୁ ପାଣି ନିଷ୍କାସନ ହେଉଥିବା ବେଳେ ଗେଟଟି ଭାଙ୍ଗି ଯାଇଥିଲା। ତେବେ ତୁରନ୍ତ ତାହାକୁ ବନ୍ଦ କରାଯାଇଥିଲେ ମଧ୍ୟ ପାଣି ବନ୍ଦ ହୋଇ ନ ଥିଲା। ଫଳରେ ଏହା ଧୀରେଧୀରେ ବଢିବ ବୋଲି ଡ୍ୟାମ କର୍ତ୍ତୁପକ୍ଷ ଆଶଙ୍କା କରିଛନ୍ତି। ଫଳରେ ସେହି ଜିଲ୍ଲାକୁ ବନ୍ୟା ସତର୍କ କରାଯାଇଛି। ତେବେ ବିଶେଷ ଭାବେ ଗୁଣ୍ଠୁର ଅଞ୍ଚଳରେ ଥିବା ଗ୍ରାମଗୁଡିକ ପ୍ରଭାବିତ ହେବେ ବୋଲି ଜଣାପଡିଛି।