ନୂଆଦିଲ୍ଲୀ: ଲାଞ୍ଚ ନେଇଥିବାରୁ ଭାରତୀୟ ରେଳ ସେବାର ଜଣେ ବରିଷ୍ଠ ଅଧିକାରୀଙ୍କୁ ସିବିଆଇ ଗିରଫ କରିଛି। ଗିରଫ ଅଧିକାରୀଙ୍କ ନାମ ଜିତେନ୍ଦ୍ର ପାଲ ସିଂ ଏବଂ ସେ ବର୍ତ୍ତମାନ ଗୁଆହାଟୀରେ ଆସିଷ୍ଟାଣ୍ଟ ଆଞ୍ଚଳିକ ରେଳ ପରିଚାଳକ (ADRM) ଭାବରେ କାର୍ଯ୍ୟରତ ଅଛନ୍ତି।
ADRM ସହିତ ତାଙ୍କ ସହକାରୀ (ବେସରକାରୀ) ହରିଓମଙ୍କୁ ମଧ୍ୟ ଗିରଫ କରାଯାଇଛି। ସୂତ୍ରରୁ ଜଣାପଡିଛି ଯେ, ୫୦ଲକ୍ଷ ଟଙ୍କା ଲାଞ୍ଚ ମାମଲାରେ ଏହି ପଦକ୍ଷେପ ନିଆଯାଇଛି। ଉଭୟ ଲାଞ୍ଚ ନେଉଥିବା ବେଳେ ଆଜି ଦିଲ୍ଲୀରୁ ଧରାପଡିଛନ୍ତି।
ସୂଚନା ଅନୁଯାୟୀ, ଜିତେନ୍ଦ୍ର ପାଲ ସିଂ ୧୯୯୭ ବ୍ୟାଚର ରେଳ ଇଞ୍ଜିନିୟର। ବର୍ତ୍ତମାନ ତାଙ୍କୁ ଗୁଆହାଟୀରେ ADRM ଭାବରେ ନିଯୁକ୍ତି ଦିଆଯାଇଛି। ଏ ସମ୍ପର୍କରେ ତଦନ୍ତ କରାଯାଉଛି। ତେବେ ଏପର୍ଯ୍ୟନ୍ତ ସିବିଆଇ ଗିରଫ ସମ୍ପର୍କରେ କୌଣସି ବିବୃତ୍ତି ଦେଇନାହିଁ।