Tag: ବିରଜା ମନ୍ଦିର

ଯାଜପୁର : ଆସନ୍ତା 29ରୁ ଖୋଲିବ ଯାଜପୁରର ମା’ ବିରଜା ମନ୍ଦିର । ସକାଳ 6ରୁ ସନ୍ଧ୍ୟା 5 ଯାଏଁ ଦର୍ଶନ କରିପାରିବେ ଭକ୍ତ ବୋଲି ସୂଚନା ରହିଛି । ତେବେ ଗହଳି ଏଡାଇବାକୁ ଜାନୁଆରୀ 1,2 ଓ 3 ତାରିଖ ମନ୍ଦିର ବନ୍ଦ ରହିବ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯାଜପୁର ଜିଲ୍ଲାପାଳ ।

ସୂଚନାଯୋଗ୍ୟ, ଗତ 23 ତାରିଖରୁ ପୁରୀ ଶ୍ରୀମନ୍ଦିର ଖୋଲାଯାଇଛି । ପ୍ରଥମ ତିନିଦିନ ସେବାୟତ ଓ ତାଙ୍କ ପରିବାର ଦର୍ଶନ କରିଥିବାର ବ୍ୟବସ୍ଥା କରାଯାଇଛି । ଆସନ୍ତାକାଲିଠୁ ମହାପ୍ରଭୁଙ୍କୁ ଦର୍ଶନ କରିବେ ପୁରୀ ସହରବାସୀ । କାଲିଠୁ 7ଟି ଓ୍ଵାର୍ଡ ତଥା 2,3,6,9,11, 12,15 ନମ୍ବର ଓ୍ଵାର୍ଡର ବାସିନ୍ଦା ଦର୍ଶନ କରିବେ । ଏଥିପାଇଁ ଓ୍ଵାର୍ଡବାସୀଙ୍କୁ ପୌରପାଳିକା ପକ୍ଷରୁ ଟୋକନ ବ୍ୟବସ୍ଥା କରାଯାଇଛି । ତିନି ଦିନ ପାଇଁ ସେବାୟତ ଓ ତାଙ୍କ ପରିବାର ପାଇଁ ଦର୍ଶନ ବ୍ୟବସ୍ଥା ହୋଇଛି । ଏହାପରେ ପୁରୀ ସହରବାସୀ ଓ ଜାନୁଆରୀ 3ତାରିଖରୁ ଆରମ୍ଭ ହେବ ସର୍ବସାଧାରଣ ଦର୍ଶନ । ଏଥିପାଇଁ ଏସଓପି ଜାରି କରିଛି ଶ୍ରୀମନ୍ଦିର ପ୍ରଶାସନ ।