Tag: ବୈଦ୍ୟନାଥ ପୁର ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅର୍ନ୍ତଗତ ଆଙ୍କୁଲି ଅଞ୍ଚଳର ଦୀପୁ ନାହାକ ନାମକ ଜଣେ ଯୁବକକୁ ମାନ୍ୟବର ପୋକ୍ସ ଅଦାଲତ ଜଜ୍ ଗଣେଶ୍ୱର ପତି ୩ ବର୍ଷ ଜେଲଦଣ୍ଡ ସହ ୫୫୦୦ ଟଙ୍କା ଜରିମାନା ଆଦେଶ ଶୁଣାଇଛନ୍ତି। ଜରିମାନା ଅନାଦେୟ ଆଉ ୪୫ ଦିନ ଜେଲଦଣ୍ଡ ଶୁଣାଇଛନ୍ତି।

ଘଟଣାରୁ ପ୍ରକାଶ ଯେ, ଅଭିଯୁକ୍ତ ଦୀପୁ ଜନୈକା ନାବାଳିକା ପୋଖରୀକୁ ଗାଧୋଇବା ପାଇଁ ଗଲାବେଳେ ତାକୁ ବଳପୂର୍ବକ ଦୁଷ୍କର୍ମ କରିଥିଲା ଓ ସେ ପାଟି କରିବାରୁ ତାକୁ ନିସ୍ତୁକ ମାଡ ମାରିଥିଲା। ପରେ ନାବାଳିକା ଜଣକ ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲା ଓ ଅଭିଯୋଗକୁ ଭିତ୍ତି କରି ପୋଲିସ ୬୫/୨୧ ଅନୁଯାୟୀ ମକଦ୍ଦମା ରୁଜୁ କରି ଅଭିଯୁକ୍ତ ଦୀପୁ କୁ ଗିରଫ କରିଥିଲା।

କିନ୍ତୁ କିଛି ଦିନ ଜେଲ୍ ରେ ରହି ସେ ଜାମିନରେ ମୁକୁଳି ଆସିଥିଲା। ମାନ୍ୟବର ଜିଲ୍ଲା ସ୍ବତନ୍ତ୍ର ପୋକ୍ସ ଅଦାଲତ ଜଜ୍ ୧୧ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ଉକ୍ତ ଦଣ୍ଡାଦେଶ ଶୁଣାଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ସହରରେ ବେଆଇନ ଭାବେ ଚାଲିଥିବା ୭ ଟି ହୁକ୍କା ବାର୍ ଚଢାଉ କରିଛି। ବୈଦ୍ୟନାଥ ପୁର ଥାନା ଅର୍ନ୍ତଗତ କୋର୍ଟପେଟା ଛକ, ଟାଟାବେଞ୍ଜ ଛକ, ଟାଉନ ଥାନା ଅନ୍ତର୍ଗତ ପୁରୁଣା ବସଷ୍ଟାଣ୍ଡ, ଗାନ୍ଧୀନଗର, ଚର୍ଚ୍ଚ୍ ରୋଡ଼, ଗିରିଜା ଛକ ଓ ବଡ଼ବଜାର ଥାନା ହରିଡ଼ାଖଣ୍ଡି ଛକରେ ଚାଲିଥିବା ବେଆଇନ ହୁକ୍କା ବାର୍ ଉପରେ ବ୍ରହ୍ମପୁର ପୋଲିସ ର ମିଳିତ ଚଢାଉ କରାଯାଇଛି। ଯେଉଁଥିରେ ୪୨ ଟି ହୁକ୍କା ପଟ୍ ଓ ଷ୍ଟେଣ୍ଡ୍ ଜବତ ହୋଇଛି। ଏହା ସହିତ ହୁକ୍କା ବାର୍ ର କିଛି ପରିଚାଳକଙ୍କୁ ଜେରା ଚାଲିଛି।

ପ୍ରକାଶ ଯେ, ବିନା ଅନୁମତିରେ ଉକ୍ତ ବାର୍ ଗୁଡିକ ବହୁତ ଆଗରୁ ଚାଲୁଥିଲା। ବହୁ ଯୁବକ ଓ ଯୁବତୀମାନେ ହୁକ୍କା ଟାଣୁଥିବା ସଠିକ୍ ଖବର ପାଇ ପୋଲିସ ହଠାତ୍ ଚଢ଼ାଉ କରିଥିଲା।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅର୍ନ୍ତଗତ ଜ୍ୟୋତି ନଗର ବାସିନ୍ଦା ବିଷ୍ଣୁପ୍ରିୟା ନାୟକ ଝିଅ ସହ ଗେଟ୍ ବଜାର ପରିବା ମାର୍କେଟରୁ ପରିବା କିଣି ଫେରିବା ବେଳେ ଘର ନିକଟସ୍ଥ ଏକ କଲ୍ୟାଣ ମଣ୍ଡପ ନିକଟରେ ଦୁଇ ଯୁବକ ମୋଟରସାଇକେଲରେ ଆସି ରିଭଲଭର ଦେଖାଇ ମହିଳାଙ୍କ ବେକରୁ ୪ ଭରି ଓଜନର ସୁନାହାର ଝାମ୍ପିନେଇ ଚମ୍ପଟ୍ ମାରିଥିଲେ। ଉକ୍ତ ମହିଳା ଜଣଙ୍କ ଘରକୁ ଆସି ପୁଅ ମାନସକୁ ଜଣାଇବା ପରେ ମାନସ ବୈଦ୍ୟନାଥ ପୁର ଥାନାରେ ଲିଖିତ ଅଭିଯୋଗ ଜଣାଇଥିଲା।

ଠିକ ସେହିଭଳି ଗଜପତି ନଗର ଅଞ୍ଚଳର ନିର୍ମଳା ମିଶ୍ର ନାମ୍ନୀ ଜନୈକା ବୃଦ୍ଧା କୋର୍ଟପେଟା ଜଗନ୍ନାଥ ମନ୍ଦିରରେ ପୁଜା କାର୍ଯ୍ୟକ୍ରମ ସାରି ମନ୍ଦିର ବାହାରେ ଛିଡ଼ା ହୋଇଥିବା ବେଳେ ଦୁଇ ଯୁବକ ଆସି ଉକ୍ତ ବୃଦ୍ଧା ଜଣଂକ ପିନ୍ଧିଥିବା ଦୁଇ ଭରି ଓଜନର ସୁନା ଚେନ ଝାମ୍ପି ଘଟଣାସ୍ଥଳରୁ ଚମ୍ପଟ୍ ମାରିଥିବା ଅଭିଯୋଗ ହୋଇଛି। ଉଭୟ ଅଭିଯୋଗ ଗ୍ରହଣ କରି ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅର୍ନ୍ତଗତ ଖୋଡାସିଙ୍ଗି କଳିଙ୍ଗ ନଗର ୨ୟ ଗଳିରେ ଘର ମାଲିକଙ୍କ ଅନୁପସ୍ଥିତର ସୁଯୋଗ ନେଇ ଘର ତାଲା ଭାଙ୍ଗି ଲୁଟପାଟ୍ କରିବା ସହ ଘରେ ନିଆଁ ଲଗେଇ ଚୋରମାନେ ଚମ୍ପଟ୍ ମାରିଛନ୍ତି। ଘଟଣାରୁ ଜଣାପଡିଛି ଯେ, ଗୃହ ମାଲିକ ଦେବୀ ପ୍ରସାଦ ପଟ୍ଟନାୟକ ସପରିବାର ବାହାରକୁ ଯାଇଥିବା ବେଳେ ଏହି ଅଘଟଣ ଘଟିଛି।

ଖବର ପାଇ ପୋଲିସ ଓ ଅଗ୍ନିଶମ ବିଭାଗ ପକ୍ଷରୁ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୃଦ୍ଧା ମାଁ ଙ୍କୁ ଦୁଇ ଝିଅ ଓ ନାତି ଆକ୍ରମଣ କରିଥିବା ଅଭିଯୋଗ ହୋଇଛି। ଏହି ମାମଲାରେ ଦୁଇ ଝିଅ ଓ ନାତିଙ୍କୁ ପୋଲିସ ଗିରଫ କରିଛି। ବୈଦ୍ୟନାଥ ପୁର ଥାନା ଅର୍ନ୍ତଗତ ଲାଞ୍ଜିପଲୀ ଯାତ୍ରା ପଡିଆ ତୋଟା ସାହିରେ ଏଭଳି ଏକ ଅଭାବନୀୟ ଘଟଣା ଘଟିଛି।

ସୂଚନା ମୁତାବକ ତୋଟା ସାହିର କାନ୍ତି ବେହେରା ନାମ୍ନୀ ଜଣେ ବୃଦ୍ଧା ନିଜ ଘରେ ରହୁଥିବା ବେଳେ ଦୁଇ ବିବାହିତା ଝିଅ ସସ୍ମିତା ଦେବୀ ଓ ବସ୍ମୀତା ଦେବୀ ନାତି ସମୀର ବେହେରା ସହ ଆସି ଉକ୍ତ ଘରେ ରହିଥିଲେ। ଏହାପରେ ସେମାନେ ବୃଦ୍ଧା ମାଁ ଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ। ପରିସ୍ଥିତି ଅସମ୍ଭାଳ ହେତୁ ମାଁ କାନ୍ତି ବେହେରା ଆମ୍ବପୁଆ ନିକଟରେ ଏକ ଭଡ଼ା ଘରକୁ ଯାଇ ରହୁଥିଲେ।

ମାର୍ଗଶୀର ମାସ ଗୁରୁବାର ପୁଜା ପାଇଁ ବୃଦ୍ଧା ଜଣଙ୍କ ନିଜ ଘରକୁ ଆସିଥିବା ବେଳେ ଦୁଇ ବିବାହିତା ଝିଅ ଓ ନାତି ମିଶି ବୃଦ୍ଧା ମାଁ ଙ୍କୁ ଗାଳିଗୁଲଜ କରିଥିଲେ ଓ ଏକ ଲୁହା ଛଡରେ ଆକ୍ରମଣ କରିଥିଲେ। ମାଁ ଙ୍କର ଏହି ଅବସ୍ଥା ଦେଖି ପୁଅ ଅମିତ୍ ଆସି ପ୍ରତିରୋଧ କରିବାରୁ ସମସ୍ତେ ମିଶି ଅମିତ୍ ଙ୍କ ସ୍କୁଟି ଗାଡ଼ି ଭାଙ୍ଗି ଅମିତ୍ କୁ ମଧ୍ୟ ଆକ୍ରମଣ କରିଥିଲେ।

ଯାହା ଫଳରେ ବୃଦ୍ଧା ମାଁ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେବା ପରେ ଥାନାକୁ ଆସି ଅଭିଯୋଗ କରିଥିଲେ। ଅଭିଯୋଗ ଗ୍ରହଣ କରି ପୋଲିସ ଅନୁସନ୍ଧାନ କରି ଅଭିଯୁକ୍ତ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅର୍ନ୍ତଗତ ଇଞ୍ଜିନିୟରିଂ ସ୍କୁଲ ନିକଟସ୍ଥ ଏକ ହୋଟେଲ ଗୃହରେ ନକଲି ବିଦେଶୀ ମଦ ପ୍ରସ୍ତୁତି ଖବର ପାଇ ପୋଲିସ ଆତର୍କିତ ଭାବେ ଚଢ଼ାଉ କରି ସଫଳତା ପାଇଛି। ଉକ୍ତ ଘରେ ଚଢ଼ାଉ କରି ପୋଲିସ ୩ ଜଣ ଯୁବକ ଯଥା ଭଗବାନ ବେହେରା, ତାପସ ସାହୁ ଓ ଅମିତ୍ ଦାସ ସମସ୍ତେ ମିଶି ନକଲି ବିଦେଶୀ ମଦ ପ୍ରସ୍ତୁତି କରୁଥିବା ବେଳ ସେମାନଙ୍କ ନିକଟରୁ ୯୫ ଲିଟର ନକଲି ବିଦେଶୀ ମଦ ପ୍ରସ୍ତୁତି କରୁଥିବା ଅବସ୍ଥାରେ ଧରା ପଡ଼ିଥିଲେ। ମହଜୁଦ ମଦ ସବୁ ନକଲି ବୋଲି ସେମାନେ ରାଜି ହୋଇଥିଲେ।

ପୋଲିସ ଉକ୍ତ ୩ ଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ନକଲି ବିଦେଶୀ ମଦ କୁ ଜବତ କରି ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅନ୍ତର୍ଗତ ବାସୁଦେବ ନଗର ତୃତୀୟ ଲାଇନ ସ୍ଥିତ ଏକ ଆପାଟମେଣ୍ଟରେ ଚାଲି ଥିବା ଜୁଆ ଆଡ୍ଡା ଉପରେ ପୋଲିସ ଚଢାଉ କରିଛି। ବୈଦ୍ୟନାଥପୁର ଥାନା ଅଧିକାରୀଣି ସୁଚିତ୍ରା ପରିଡ଼ାଙ୍କ ନେତୃତ୍ୱରେ ଏହି ଚଢ଼ାଉ କରାଯାଇ ୬ ଜୁଆଡ଼ିଙ୍କୁ ଗିରଫ କରିବା ସହ ୨ଲକ୍ଷ ୧୮ ହଜାର ୩୪୦ ଟଙ୍କା, ୬ଟି ମୋବାଇଲ ୩ଟି ମୋଟରସାଇକେଲ ଜବତ କରାଯାଇଛି। ଏନେଇ ବ୍ରହ୍ମପୁର ଏସପି ଡ଼ା ସର୍ବଣା ବିବେକ ଏମ୍ ସୂଚନା ଦେଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବିଗତ ଦିନରେ ବୈଦ୍ୟନାଥ ପୁର ଥାନା ଅନ୍ତର୍ଗତ ଗଜପତି ନଗର, ବଡ ଡାକ୍ତରଖାନା ପରିସର ଓ ବିଭିନ୍ନ ଅଂଚଳରୁ ମୋଟରସାଇକେଲ ଚୋରି ହୋଇଥିବା ଅଭିଯୋଗକୁ ଗ୍ରହଣ କରି ପୋଲିସ ଗୁପ୍ତ ଭାବେ ତଦନ୍ତ ଚଳାଇ ସଫଳତା ପାଇଛି।

ଏହି ଘଟଣାରେ ପୋଲିସ ୮ ଟି ମୋଟରସାଇକେଲ ଉଦ୍ଧାର କରି ପ୍ରକୃତ ଗାଡ଼ି ମାଲିକଙ୍କ ଠାରୁ ପ୍ରମାଣ ରଖି ଗାଡ଼ି ଫେରସ୍ତ କରାଯାଇଛି ଓ ୨ ଅଭିଯୁକ୍ତ ପୁରୀ ଜିଲ୍ଲାର ଦେବ ନାୟକ ଗୋଇଲୁଣ୍ଡି ଅଞ୍ଚଳର ପ୍ରଭାକର ମହାରଣାଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ବ୍ରହ୍ମପୁର ଏସ୍ ପି ଡଃ ଶ୍ରବଣ ବିବେକ ଏମ୍ ଗାଡ଼ି ମାଲିକମାନଙ୍କୁ ନିଜ କାର୍ଯ୍ୟାଳୟକୁ ଡ଼ାକି ଗାଡ଼ି ଫେରସ୍ତ କରିଛନ୍ତି। ଏହି ସମୟରେ ବ୍ରହ୍ମପୁର ଟାଉନ ଏସ୍ ଡି ପି ଓ ବୈଦ୍ୟନାଥ ପୁର ଥାନା ଅଧିକାରୀଣି ସୁଚିତ୍ରା ପରିଡ଼ା ପ୍ରମୁଖ ଉପସ୍ଥିତ ଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅନ୍ତର୍ଗତ ବଡ ଡାକ୍ତରଖାନା ଖେଳପଡିଆରେ ଡକାୟତି ଯୋଜନାକୁ ପଣ୍ଡ କରିଛି ପୋଲିସ। ବିଶ୍ୱସ୍ତ ସୂତ୍ରରୁ ଖବର ପାଇ ବୈଦ୍ୟନାଥ ପୁର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ୪ ଯୁବକଙ୍କୁ ଧରିବା ସହ ଖଣ୍ଡା, କାତି, ମାଉଜର ସମେତ ମୋବାଇଲ ଫୋନ ଜବତ କରିଛି।

ଯୋଜନାରେ ସଂଶ୍ଳିଷ୍ଟ ଯୁବକମାନେ ହେଲେ ଶୁଭମ୍ ପାଣିଗ୍ରାହୀ, ସାଗର ପାଣିଗ୍ରାହୀ, ରମେଶ ଚନ୍ଦ୍ର ରଥ ଓରାଜ ମାଲହୋତ୍ରା ବୋଲି ଜଣାପଡିଛି। ପୋଲିସ ଉକ୍ତ ଅଭିଯୁକ୍ତମାନଙ୍କୁ ଜେରା କରିବା ବେଳେ ସହରର କୁଖ୍ୟାତ ଅପରାଧି ସନ୍ଦୀପ ସାହୁର ନେତୃତ୍ୱରେ ଏହି ଭଳି କାର୍ଯ୍ୟରେ ସଂଶ୍ଳିଷ୍ଟ ବୋଲି ସେମାନେ କହିଥିଲେ।

ସୁଚନା ଅନୁଯାୟୀ ଜଣାପଡିଛି ଯେ ବିଶ୍ୱସ୍ତ ସୂତ୍ରରୁ ଖବର ପାଇ ପୋଲିସ ତତକ୍ଷଣାତ୍ ଚଢ଼ାଉ କରିବା ବେଳେ କିଛି ଯୁବକ ଘଟଣାସ୍ଥଳରୁ ଛତ୍ରଭଙ୍ଗ ହୋଇଯାଇଥିଲେ। ତଥାପି ଅନୁସନ୍ଧାନ ଚାଲିଛି ବୋଲି ଅତିରିକ୍ତ ପୋଲିସ ଅଧ୍ୟକ୍ଷ ଙ୍କ ଠାରୁ ପ୍ରକାଶ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅନ୍ତର୍ଗତ କମାପଲ୍ଲୀ ବୈଦ୍ୟନାଥ ନଗର ଠାରେ ଭଡ଼ା ଘରେ ରହୁଥିବା ଜଣେ ଛାତ୍ରର ମୃତ ଦେହ ଉଦ୍ଧାର କରାଯାଇଛି। ମୃତ ଛାତ୍ର ଜଣକ ବ୍ରହ୍ମପୁର ପଲିଟେକନିକ୍ ଅନୁଷ୍ଠାନର ମେକାନିକାଲ ବିଭାଗର ଛାତ୍ର ଓ ତାଙ୍କର ନାମ ସାଗର ବେହେରା ବୋଲି ଜଣାପଡିଛି।

ସେ ଅନ୍ୟ ଜଣେ ସାଙ୍ଗ ସହିତ ଏକ ଭଡ଼ା ଘରେ ରହୁଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଛାତ୍ର ମୃତ୍ୟୁର କାରଣ ଜଣାପଡ଼ିନାହିଁ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅନ୍ତର୍ଗତ ଦୁର୍ବନ୍ଧ ଗ୍ରାମର ମୃତ୍ୟୁଞ୍ଜୟ ପାଢ଼ୀ ନାମରେ ଜଣେ ଠକ ଯୁବକକୁ ବୈଦ୍ୟନାଥ ପୁର ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର ଏସ୍ ପି ଡଃ ସର୍ବଣା ବିବେକ ଏମ୍ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଉକ୍ତ ଠକ ଯୁବକ ମୃତ୍ୟୁଞ୍ଜୟ ବିଭିନ୍ନ ବ୍ୟବସାୟ  ଲୋଭ ଦେଖାଇ ଚନ୍ଦ୍ରମଣିପେଟା ସାହିର ସତ୍ୟନାରାୟଣ ସାମଲ ନାମକ ଜଣେ ବ୍ୟକ୍ତି ଙ୍କ ଠାରୁ ୨୭ ଲକ୍ଷ ଟଙ୍କା, ଏସ୍ କେ ଅନୱର ନାମରେ ଜଣେ ଯୁବକ ଠାରୁ ୨୦ ଲକ୍ଷ, ସନ୍ଦୀପ କୁମାର ପାତ୍ର ଠାରୁ ୪ ଲକ୍ଷ ୫୦ ହଜାର, ଅଲେଖ ସାହୁ ଠାରୁ ୮ ଲକ୍ଷ ଓ ସନ୍ଦୀପ କୁମାର ଯେନା ନାମରେ ଜଣେ ଯୁବକଙ୍କ ଠାରୁ ୨୦ ଲକ୍ଷ ଟଙ୍କା ଏହି ଭଳି ସେ ପ୍ରାୟ ଏକ କୋଟି ଟଙ୍କାରୁ ଅଧିକ ଅଭିନବ ଉପାୟରେ ବ୍ୟବସାୟ ରେ ଟଙ୍କା ଲଗାଇ ଦୁଇ ଗୁଣ କରାଇଦେବାର ଲୋଭ ଦେଖାଇ ଠକି ଚାଲିଥିଲା।

ପରବର୍ତ୍ତୀ ସମୟରେ ସେ ଟଙ୍କା ନେଇ ଥିବା ଲୋକଙ୍କୁ ଚେକ୍ ମଧ୍ୟ ଦେଇଥିଲା,ଯେ ବ୍ୟବସାୟ ନହେଲେ ଟଙ୍କା ଫେରାଇବାକୁ ଚୁକ୍ତି କରିଥିଲା। କିନ୍ତୁ ଉକ୍ତ ଚେକ୍ ନେଇ ଟଙ୍କା ଦେଇ ଥିବା ବ୍ୟକ୍ତି ଗଣ ବ୍ୟାଙ୍କ କୁ ଦେଖିଲା ବେଳକୁ ତାର ବ୍ୟାଙ୍କ ଏକାଉଣ୍ଟ୍ ରେ ଜିରୋ ବାଲାନ୍ସ୍ ରହିଛି। ଏହି ଭଳି ପରିସ୍ଥିତିରେ ଟଙ୍କା ଦେଇ ଥିବା ଲୋକଙ୍କ ସନ୍ଦେହ ସ୍ରୁଷ୍ଟି ହୋଇଥିଲା, ଯାହା ଫଳରେ ପୋଲିସ ନିକଟରେ ଅଭିଯୋଗ କରିଥିଲେ। ଅଭିଯୋଗ ଅନୁଯାୟୀ ବୈଦ୍ୟନାଥ ପୁର ଥାନା ପୋଲିସ ୪୫୧/୨୩ ଅନୁଯାୟୀ ମାମଲା ରୁଜୁ କରି ଘଟଣାର ତଦନ୍ତ ଚଳାଇ ଉକ୍ତ ଠକ ଠକ ଯୁବକ କୁ ନେଇ ଥାନା ରେ ଜେରା କରିବା ପରେ ପୋଲିସ ବହୁ ତଥ୍ୟ ହାସଲ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୈଦ୍ୟନାଥ ପୁର ଥାନା ରାମନଗର ୩ ୟ ଗଳିରେ ରହୁଥିବା ସୁନୀତା ପଣ୍ଡା ନାମ୍ନୀ ଜନୈକ ମହିଳାଙ୍କ ମୃତ ଦେହ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଛି। ମୃତ ମହିଳାଙ୍କ ସ୍ବାମୀଙ୍କ ନାମ ସୁଶାନ୍ତ ପଣ୍ଡା ଓ ଉଭୟେ ଉକ୍ତ ଘରେ ରହୁଥିଲେ। ତାଙ୍କର ଦୁଇଟି ପୁତ୍ର ସନ୍ତାନ ଅଛନ୍ତି।

ମହିଳାଙ୍କ ଆତ୍ମହତ୍ୟାର କାରଣ ଜଣାପଡ଼ିନଥିବା ବେଳେ ପାରିବାରିକ ଗଣ୍ଡଗୋଳ ଯୋଗୁଁ ସେ ଆତ୍ମହତ୍ୟା କରିଥିବା ସାହିପଡିଶା ଲୋକଙ୍କ ଠାରୁ ଶୁଣିବାକୁ ମିଳୁଛି।

ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ଆତ୍ମହତ୍ୟାର କାରଣ ଜଣାପଡିବ ବୋଲି ପୋଲିସ ସୁତ୍ରରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ବଡଡାକ୍ତରଖାନାରେ ଦୁଇ ଆମ୍ବୁଲାନ୍ସ ଡ଼୍ରାଇଭର ମଧ୍ୟରେ ଗାଡ଼ି ଭଡାକୁ କେନ୍ଦ୍ର କରି ଗଣ୍ଡଗୋଳ ଓ ମାରପିଟ୍ ହୋଇଛି। ଏହି ଘଟଣାରେ ଉଭୟଙ୍କ ପକ୍ଷରୁ ବୈଦ୍ୟନାଥ ପୁର ଥାନାରେ ଅଭିଯୋଗ ହୋଇଛି।

ଘଟଣାରୁ ପ୍ରକାଶ ଯେ, ଜ୍ୟୋତିକୃଷ୍ଣ ନାମକ ଜଣେ ଆମ୍ବୁଲାନ୍ସ ଡ଼୍ରାଇଭର ୪ ହଜାର ଟଙ୍କା ଭଡ଼ାରେରେ ଏକ ରୋଗୀକୁ ନେଉଥିବା ବେଳେ ଗୋବିନ୍ଦ ଚନ୍ଦ୍ର ପୁଣ୍ଡି ନାମକ ଅନ୍ୟ ଜଣେ ଡ଼୍ରାଇଭର ସେଠାରେ ପହଞ୍ଚି ଏହି ଭଡ଼ା ୬ ହଜାର ଟଙ୍କାରେ ନେବା ପାଇଁ କହିଥିଲା। ଯ’ଦ୍ଵାରା ଜ୍ୟୋତିକୃଷ୍ଣ ମନାକରିବାରୁ ଉଭୟଙ୍କ ମଧ୍ୟରେ ମାରପିଟ୍ ହୋଇଥିଲା। ଯାହାଦ୍ୱାରା ଜ୍ୟୋତି କୃଷ୍ଣଙ୍କ ହାତ ଭାଙ୍ଗି ଯାଇଥିଲା।

ଖବର ପାଇ ମାଲିକ ସିମାଞ୍ଚଳ ନାୟକ ପଚାରିବାରୁ ଗୋବିନ୍ଦ ତାଙ୍କୁ ମଧ୍ୟ ମାଡ଼ ମାରି ଆହତ କରିଥିଲା। ଯାହା ଫଳରେ ମାଲିକ ଓ ଡ଼୍ରାଇଭର ମିଶି ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲେ ଓ ପୋଲିସ ଏତଲା ନଂ ୨୬୮/୨୩ ଅନୁଯାୟୀ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ଅପରପକ୍ଷରେ ଗୋବିନ୍ଦ ମଧ୍ୟ ପ୍ରଥମେ ସେ ମାଡ଼ ଖାଇ ଆହତ ହୋଇଛି ବୋଲି ଥାନାରେ ଅଭିଯୋଗ କରିଥିଲା।

ପୋଲିସ ଗୋବିନ୍ଦର ଅଭିଯୋଗ ଗ୍ରହଣ କରି ଏତଲା ନଂ ୨୬୯/୨୩ ଅନୁଯାୟୀ ମାମଲା ରୁଜୁ କରି ଉଭୟ ଏତଲାର ତଦନ୍ତ ଆରମ୍ଭ କରିଛି।

ପ୍ରକାଶ ଥାଉକି ବଡଡାକ୍ତରଖାନା ପରିସରରେ ଥିବା ବେସରକାରୀ ଆମ୍ବୁଲାନ୍ସ ଗାଡ଼ିର ଭଡ଼ା ଚୁକ୍ତିର କୌଣସି ନିର୍ଧାରଣ ନାହିଁ କି କର୍ତ୍ତୁପକ୍ଷଙ୍କ ତରଫରୁ କୌଣସି ଲଗାମ୍ ନଥିବାରୁ ଏହି ଭଳି ଅଶାନ୍ତ ପରିବେଶ ସୃଷ୍ଟି ହେଉଛି। ଯାହାକୁ ନେଇ ବୁଦ୍ଧିଜିବୀ ମହଲରେ ଅସନ୍ତୋଷ ପ୍ରକାଶ ପାଉଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଖଲ୍ଲିକୋଟ ଥାନା ଅନ୍ତର୍ଗତ ବିକ୍ରମ ପୁର ଗ୍ରାମର ଦୀପକ୍ ପାହାଣ ନାମକ ଜଣେ ଯୁବକକୁ ବୈଦ୍ୟନାଥ ପୁର ଥାନା ପୋଲିସ୍ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଥାଉକି ଦୀପକ୍ କମାପଲ୍ଲୀ ଠାରେ ଏକ ଭଡ଼ା ଘରେ ରହୁଥିବା ବେଳେ ଜନୈକା ନାବାଳିକା ସହ ପରିଚୟ ହୋଇଥିଲା ଓ ଧିରେ ଧିରେ ସମ୍ପର୍କ ବଢ଼ି ଚାଲିଥିଲା। ଏହା ମଧ୍ୟରେ ନାବାଳିକା ଜଣକ ନିଜ ମାମୁଁ ଘର ଲାଞିପଲି ଯାଇଥିଲା ବେଳେ କୌଶଳ କ୍ରମେ ଦୀପକ୍ ତାକୁ କୌଣସି ଏକ ସ୍ଥାନକୁ ନେଇ ଦୁଷ୍କର୍ମ କରିଥିଲା। ପୀଡ଼ିତା ନାବାଳିକା ଜଣକ ଏହି ବିଷୟରେ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ବୈଦ୍ୟନାଥ ପୁର ଥାନା ରେ ଅଭିଯୋଗ କରିଥିଲେ ଓ ଅଭିଯୋଗକୁ ଭିତ୍ତି କରି ପୋଲିସ ପୀଡ଼ିତାର ବୟାନ ରେକର୍ଡ କରିଥିଲେ ଓ ଉଭୟଙ୍କୁ ଡ଼ାକ୍ତରୀ ମାଇନା କରିବା ପରେ ଅଭିଯୁକ୍ତ ଦୀପକ୍ କୁ ଗିରଫ କରି କୋର୍ଟ ଚାଲାଣ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୈଦ୍ୟନାଥ ପୁର ଥାନା ଅନ୍ତର୍ଗତ ଆଙ୍କୁଲି ଓଭରବ୍ରିଜ୍ ଉପରେ ଏକ ବଡ଼ ଧରଣର ଲୁଟ୍ ହୋଇଛି।

ଘଟଣାରୁ ପ୍ରକାଶ ଯେ, ଗଞ୍ଜୁ ଆରୁଆପଲୀ ଗ୍ରାମର ପ୍ରଭାକର ପଣ୍ଡା ନାମକ ଜଣେ ବ୍ୟକ୍ତି ନିଜ ସ୍ତ୍ରୀଙ୍କ ସହ ଆମ୍ବପୁଆ ଷ୍ଟେଟ ବ୍ୟାଙ୍କରୁ ନଗଦ ୫ ଲକ୍ଷରୁ ଉର୍ଦ୍ଧ୍ବ ଟଙ୍କା ଧରି ନିଜ ଘରକୁ ଫେରୁଥିଲେ। ସେତେବେଳେ ହଠାତ୍ ଦୁଇ ଜଣ ଯୁବକ ଏକ ମୋଟରସାଇକେଲରେ ଆସି ସ୍ତ୍ରୀଙ୍କ ହାତରେ ଥିବା ଭେନିଟ୍ ବ୍ୟାଗ୍ ଝାମ୍ପି ଚମ୍ପଟ ମାରିଥିଲେ। ଯାହା ଫଳରେ ଉକ୍ତ ଭେନିଟ୍ ବ୍ୟାଗ୍ ରେ ନଗଦ ୪ ଲକ୍ଷ ୫୦ ହଜାର ଟଙ୍କା ଚୋରୀ ହୋଇଯାଇଥିଲା। ଏନେଇ ଲୁଟ୍ ର ଶୀକାର ବୃଦ୍ଧ ବ୍ୟକ୍ତି ଜଣକ ଥାନାରେ ଅଭିଯୋଗ କରିଛନ୍ତି।

ଅଭିଯୋଗ ଗ୍ରହଣ କରି ବୈଦ୍ୟନାଥ ପୁର ଥାନା ପୋଲିସ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ନିକଟରେ ଥିବା ବିଭିନ୍ନ ସି ସି କ୍ୟାମେରା ଫୁଟେଜକୁ ଆଧାର କରି ତଦନ୍ତ ଆରମ୍ଭ କରିଛି।