Categories
ଅପରାଧ ଆଜିର ଖବର ରାଜ୍ୟ ଖବର

ଗୁଳି ମାଡ଼ରେ ଯୁବକ ଗୁରୁତର

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଭଞ୍ଜନଗର ଥାନା ଅନ୍ତର୍ଗତ କୁଶପଲୀ ଗ୍ରାମର ନିଲୁ ବିଷୋୟୀ ନାମକ ଜଣେ ଯୁବକକୁ ଗୁଳି ମାଡ଼ ହୋଇଛି ଓ ସେ ଗୁରୁତର ଆହତ ଅବସ୍ଥାରେ ବ୍ରହ୍ମପୁର ବଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଘଟଣାରୁ ଜଣାପଡିଛି ଯେ ଆହତ ନିଲୁ ରାସ୍ତାରେ ଛିଡା ହୋଇଥିବା ବେଳେ ହଠାତ୍ କିଛି ଯୁବକ ଆସି ତାଙ୍କ ଉପରକୁ ଗୁଳି ମାଡ଼ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ସନ୍ଦିଗ୍ଧ ଅବସ୍ଥାରେ ଯୁବକଙ୍କ ମୃତ ଦେହ ଉଦ୍ଧାର

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅନ୍ତର୍ଗତ କୁଲାଡ ମୁଖ୍ୟ ରାସ୍ତା ପଞ୍ଚାୟତ କାର୍ଯ୍ୟାଳୟ ନିକଟରେ ଥିବା ଏକ ପୋଖରୀରୁ ଜନୈକ ଯୁବକଙ୍କ ମୃତ ଦେହ ଉଦ୍ଧାର ହୋଇଛି। ମୃତ ଯୁବକଙ୍କ ନାମ ଗୁରୁ ମୁର୍ତ୍ତି ଡାକୁଆ ଓ ତାଙ୍କ ଘର ଡୁମାକୁମ୍ପା ବୋଲି ଜଣାପଡିଛି। ସେ ଏହି କିଛି ବର୍ଷ ହେବ ଏଠାରେ ରହୁଥିଲେ।

ପୋଖରୀରେ ଭାସୁଥିବା ଅବସ୍ଥାରେ ପୋଲିସ ତାଙ୍କୁ ଉଦ୍ଧାର କରିଛି। ଉଦ୍ଧାର ସମୟରେ ତାଙ୍କର ଶରୀରର ବିଭିନ୍ନ ସ୍ଥାନରେ କ୍ଷତ ଥିବାରୁ ସନ୍ଦେହ ସୃଷ୍ଟି ହୋଇଛି। ପୋଲିସ ଘଟଣାସ୍ଥଳରେ ପହଞ୍ଚି ୨୫/୨୪ ଅନୁଯାୟୀ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି।

Categories
ଆଞ୍ଚଳିକ

ଭଞ୍ଜନଗର ଥାନାରେ ନୁତନ ଥାନା ଅଧିକାରୀଙ୍କ ଯୋଗଦାନ

ଭଞ୍ଜନଗର: ଭଞ୍ଜନଗର ଥାନାରେ ନୁତନ ଥାନା ଅଧିକାରୀ ଭାବେ ଭଗବାନ ପୁଜାରୀ ଯୋଗ ଦେଇଛନ୍ତି। ଶ୍ରୀ ପୁଜାରୀ ପୁର୍ବରୁ ଏହି ଥାନାରେ ଉପ ନୀରିକ୍ଷକ ଭାବେ କାର୍ଯ୍ୟ କରୁଥିଲେ। ବର୍ତ୍ତମାନ ସେ ସୁନ୍ଦରଗଡ଼ ଜିଲ୍ଲା ବିଶ୍ରା ଥାନାରୁ ଏହି ଥାନାକୁ ଆଇଆଇସି ଭାବେ ବଦଳି ହୋଇଛି।

ବିଶେଷ କରି ସହରର ଟ୍ରାଫିକ ସମସ୍ୟା ଓ ଆଇନ ଶ୍ରୁଙ୍ଖଳା ପରିସ୍ଥିତିର ସୁଧାର ଆଣିବା ସହ ସରକାରଙ୍କ ୫-ଟି ନିୟମ ଅନୁଯାୟୀ ସାଧାରଣ ଲୋକଙ୍କୁ ଉତ୍ତମ ବ୍ୟବହାର ଓ ସେବା ଯୋଗାଇବା ପାଇଁ ସାଧାରଣ ଲୋକଙ୍କ ସହଯୋଗ କାମନା କରିଛନ୍ତି।