ଭୁବନେଶ୍ବର, ଭାରତୀୟ ପୋଷ୍ଟ ବର୍ତ୍ତମାନ ଜମାଖାତାଧାରୀଙ୍କ ପାଇଁ ନୂଆ ଆଇନି ଆଣିଛି। ଏଣିକି ପୋଷ୍ଟ ଅଫିସରେ ଥିବା ଜମା ଖାତାରେ ଆପଣଙ୍କୁ ଏକ ସର୍ବନିମ୍ନ ଜମା ରଖିବାକୁ ପଡିବ। ତାହା ହେଲା ଜମା ଖାତାରେ ଅତି କମରେ ପାଞ୍ଚ ଶହ ଟଙ୍କା ଜମା ରଖିବାକୁ ପଡିବ। ଯଦି ପାଞ୍ଚ ଶହ ଟଙ୍କାରୁ କମ ରହିବ ତେବେ ପୋଷ୍ଟ ଅଫିସ ବାର୍ଷିକ ଶହେ ଟଙ୍କା ଲେଖାଏଁ କାଟି ନେବ। ଏହିପରି ଟଙ୍କା କାଟିବା ପରେ ଖାତାରୁ ଟଙ୍କା ସରିଯିବା ପରେ ତାହା ବନ୍ଦ ହୋଇଯିବ। ତେବେ ଏହି ନିୟମ ଆସନ୍ତା ଡିସେମ୍ବର 12 ତାରିଖରୁ ଲାଗୁ ହେବ। ଏ ନେଇ ଭାରତୀୟ ପୋଷ୍ଟ ଅଫିସ ଏକ ବିଜ୍ଞପ୍ତି ପ୍ରକାଶ କରିଛି। ଯଦି ଜମା ଖାତାରେ 5 ଶହରୁ କମ ଟଙ୍କା ଅଛି ତେବେ ଡିସେମ୍ବର 11 ତାରିଖ ସୁଦ୍ଧା ବଳକା ଟଙ୍କା ଜମା କରିବାକୁ କୁହାଯାଇଛି।
