Tag: ମର୍ମନ୍ତୁଦ ଦୁର୍ଘଟଣା

ବ୍ରହ୍ମପୁର: ଖଲ୍ଲିକୋଟ ଥାନା ୧୬ ନଂ ଜାତୀୟ ରାଜପଥ ଡିମିରିଆ ଛକରେ ଘଟିଛି ଏକ ମର୍ମନ୍ତୁଦ ଦୁର୍ଘଟଣା। କାଉଡ଼ିଆ ମନେ ଗଞ୍ଜାମ ଋଷିକୂଲ୍ୟା ନଦୀରୁ ପାଣି ନେଇ ବାଣପୁର ଅଭିମୁଖେ ଯାଉଥିବା ବେଳେ ଡିମିରିଆ ଛକ ନିକଟରେ ଦୁଇ କାଉଡ଼ିଆଙ୍କ ସହ ଡିମିରିଆ ପଞ୍ଚାୟତ ଦଲିବାଟି ଗ୍ରାମର ଏ ବନମାଳି ପାତ୍ରଙ୍କ ଉପରେ ଟ୍ରକ ମାଡ଼ି ଯାଇଥିଲା। ଯାହା ଫଳରେ ଘଟଣା ସ୍ଥଳରେ ଦୁଇ କାଉଡ଼ିଆଙ୍କମୃତ୍ୟୁ ହୋଇଥିବା ବେଳେ ବନମାଳିଙ୍କୁ ଖଲ୍ଲିକୋଟ ମେଡିକାଲରେ ଡାକ୍ତର ମୃତ ଘୋଷଣା କରିଛନ୍ତି।

ମୃତ ଦୁଇ କାଉଡ଼ିଆ ହେଲେ ବାଣପୁର ହରିଜନ ସାହିର ପପୁ ନାହାକ ଓ ରଞ୍ଜିତ ନାହାକ। ଘଟଣା ସ୍ଥଳରେ ଖଲ୍ଲିକୋଟ ପୋଲିସ ପହଞ୍ଚି ଶବକୁ ଜବତ କରିବା ସହ ଟ୍ରକ ଡ୍ରାଇଭରକୁ ଅଟକ ରଖି ତଦନ୍ତ ଆରମ୍ଭ କରିଛି। ଏନେଇ ଖଲ୍ଲିକୋଟ ଥାନା ଅଧିକାରୀ ନରେଶ ସାହୁ  ସୂଚନା ଦେଇଛନ୍ତି।

ଚାନ୍ଦପୁର: ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ବେଣ୍ଟ ଛକରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଯେଉଁଥିରେ ଜଣେ ମୋଟର ସାଇକେଲ ଚାଳକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ଗୁରୁତରଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ଭର୍ତ୍ତି କରିଛନ୍ତି। ପରେ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି।

ଖବର ମୁତବକ ନିରଞ୍ଜନ ପ୍ରଧାନ (୪୧) ଓ ତାଙ୍କ ସାଥି ବୁଲେଟ ଯୋଗେ କୌଣସି କାମରେ ଖୋର୍ଦ୍ଧା ଜିଲ୍ଲା କୁହୁଡି ଯାଇଥିଲେ। ସେଠାରୁ ନିଜ ଗାଁ ପୁରୀ ଜିଲ୍ଲା କଣାସ ଥାନା ଅନ୍ତର୍ଗତ ଗଡ଼ ଖାରଦକୁ ଫେରୁଥିଲେ। ହେଲେ ବୁଲେଟ ଟି ବେଣ୍ଟ ଛକ ନିକଟରେ ଦୁର୍ଘଟଣା ଗ୍ରସ୍ତ ହୋଇଥିଲା। ଫଳରେ ନିରଞ୍ଜନଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ସାଆଠିଏ ଗୁରୁତର ହୋଇଥିଲେ। ଦୁର୍ଘଟଣାର କାରଣ ଜଣା ପଡିନାହିଁ। ଚାନ୍ଦପୁର ପୋଲିସ ଶବ ସହ ବୁଲେଟକୁ ଜବତ କରି ଘଟଣାର ତଦନ୍ତ କରୁଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ଫାଷ୍ଟ୍ ଗେଟ୍ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟି ଜଣେ ମୋଟରସାଇକେଲ ଚାଳକଙ୍କ ମୃତ୍ୟୁ ଘଟିଛି। ସୁଚନା ଅନୁଯାୟୀ ଜଣାପଡିଛି ଯେ, ବଡ଼ବଜାର ଥାନା ଅନ୍ତର୍ଗତ ଶିତାରାମ ସାହି ବାସିନ୍ଦା ଧରଣୀଧର ବେହେରା କୌଣସି କାମରେ ସହର ବାହାରକୁ ଯାଇ ଘରକୁ ଫେରିବା ସମୟରେ ଉକ୍ତ ସ୍ଥାନରେ ଏକ ଘରୋଇ ଯାତ୍ରୀବାହୀ ବସ୍ ତାଙ୍କୁ ପଛପଟୁ ଧକ୍କା ଦେଇଥିଲା। ଯାହା ଫଳରେ ଧରଣୀଧର ରାସ୍ତା କଡ଼ରେ ଛିଟିକି ପଡ଼ି ମୁହଁ ମାଡି ପଡ଼ିଯାଇଥିଲା। ଯ’ଦ୍ଵାରା ତାଙ୍କର ମୁଣ୍ଡରେ ଗଭୀର ଆଘାତ ଲାଗି ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା।

କିଛି ଲୋକ ବଡ଼ବଜାର ଥାନାକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁଁ ଡାକ୍ତରଖାନାକୁ ପଠାଇବା ସହ ଧକ୍କା ଦେଇଥିବା ବସ୍ ର ଡ଼୍ରାଇଭରକୁ କାବୁ କରି ଥାନାରେ ଅଟକ ରଖି ପଚରାଉଚରା କରୁଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ସଦର ଥାନା ଅନ୍ତର୍ଗତ ଆମ୍ବଗଡ ଶ୍ମଶାନ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟି ଅଟୋ ଚାଳକ ସିମାଞ୍ଚଳ ଦଳେଇଙ୍କ ମୃତ୍ୟୁ ହୋଇଥିବା ବେଳେ ଦୁଇ ଅଚିହ୍ନା ମୋଟରସାଇକେଲ ଆରୋହୀ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଅଟୋ ଚାଳକ ସିମାଞ୍ଚଳ ମୃଦ୍ୟୁ ପାନୀୟ ବ୍ୟବସାୟ ସାରି ନିଜ ନିଜ ଘରକୁ ଫେରୁଥିବା ବେଳେ ଉକ୍ତ ମୋଟରସାଇକେଲ ପଛପଟୁ ବଡ଼ ଜୋରରେ ପିଟି ଦେବାରୁ ଅଟୋଟି ରାସ୍ତା କଡ଼କୁ ଖସି ଯିବାରୁ ସିମାଞ୍ଚଳ ଦେହରେ ଅଟୋ କାଚ ପଶି ସେ ଗୁରୁତର ଆହତ ହୋଇ ଯାଇଥିଲେ। ଯ’ଦ୍ଵାରା ସେ ଗୁରୁତର ଆହତ ହୋଇ ବିୟୋଗ ଘଟିଛି।

ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଗୁରୁତର ଆହତ ମୋଟରସାଇକେଲ ଆରୋହୀ ଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ପୋଲସରା: ପୋଲସରା ମୁଖ୍ୟ ରାସ୍ତା ଷ୍ଟେଟବ୍ୟାଙ୍କ ଛକରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଉକ୍ତ ଘଟଣାରେ ପୋଲସରା ବ୍ଳକ ମାଳ ତେନ୍ତୁଳିଆ ପଞ୍ଚାୟତ ଖଇରଚଟା ଗ୍ରାମର ସତ୍ୟବାଦୀ ଗୌଡ଼ ନାମକ ଜଣେ ବରିଷ୍ଠ ବିଜେଡି କର୍ମୀଙ୍କ ପରଲୋକ ହୋଇଯାଇଛି।

ଘଟଣାରୁ ପ୍ରକାଶ ଯେ, ମୃତ ସତ୍ୟବାଦୀ କୌଣସି କାମରେ ବ୍ୟାଙ୍କକୁ ଆସି କାମ ସାରି ମୋଟରସାଇକେଲ ବାହାର କରୁଥିବା ବେଳେ ବୁଗୁଡ଼ା ପଟୁ ଆସୁଥିବା ନାଗାଲାଣ୍ଡ କୋହିମା ଅଞ୍ଚଳର ବଡ଼ କଣ୍ଟେନର ଗାଡ଼ି ତାକୁ ଧକ୍କା ଦେଇଥିଲା। ଫଳରେ ସତ୍ୟବାଦୀ ତଳେ ପଡ଼ିଯିବା ପରେ ଉକ୍ତ ଗାଡିଟି ତା’ର ଅଣ୍ଟା ଉପରେ ମାଡ଼ି ଯାଇଥିଲା।

ଗୁରୁତର ଅବସ୍ଥାରେ ତାଙ୍କୁ ଅଞ୍ଚଳ ଲୋକେ ଉଦ୍ଧାର କରି ଚିକିତ୍ସା ନିମନ୍ତେ ଡାକ୍ତରଖାନାକୁ ପଠାଇଥିଲେ। ଚାଳକ ଗାଡ଼ି ଛାଡ଼ି ଦୌଡ଼ି ପଳାଉଥିବା ବେଳେ ଲୋକମାନେ ଗୋଡ଼ାଇ ଗୋଡ଼ାଇ ତାକୁ ଧରି ପୋଲିସକୁ ହସ୍ତାନ୍ତର କରିଥିଲେ।

ପୋଲିସ ଘଟଣାସ୍ଥଳରେ ପହଞ୍ଚି ଗାଡ଼ି କୁ ଜବତ କରିବା ସହ ଗାଡ଼ି ଚାଳକ ଓ ଅନ୍ୟ ଜଣେ ବ୍ୟକ୍ତିକୁ ଅଟକ ରଖି ତଦନ୍ତ ଚଳାଇଛନ୍ତି।