Tag: ମୁଖ୍ୟ ଅଭିଯୁକ୍ତ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିମଖଣ୍ଡି ଥାନା ଅନ୍ତର୍ଗତ ବୀରକୃଷ୍ଣଚନ୍ଦ୍ର ପୁର ଗ୍ରାମର ବାବୁଲା ସାହୁ ଓ ବୁଲୁ ସାହୁ ଙ୍କ ଘର ଉପରେ ବୋମାମାଡ ଓ ଉକ୍ତ ଦୁଇ ଭାଇଙ୍କୁ ମାରଣାନ୍ତକ ଆକ୍ରମଣ ଅଭିଯୋଗରେ ନିମଖଣ୍ଡି ପୋଲିସ ଅଭିଯୋଗ ପାଇ ଘଟଣାର ତଦନ୍ତ ଚଳାଇ ମୁଖ୍ୟ ଅଭିଯୁକ୍ତ ଆଲୋକ ସାହୁ ଓ ସହଯୋଗୀ ଅନୀଲ ବେହେରାକୁ ଗିରଫ କରି କୋର୍ଟ ଚାଲାଣ କରିଛି।

ଘଟଣା ରୁ ପ୍ରକାଶ ଯେ ଗୁରୁତର ଆହତ ଦୁଇ ଭାଇଙ୍କ ସହ ଆଲୋକ ପୁର୍ବରୁ ଶତ୍ରୁତା ଥିଲା ଓ ଗତ ୨୬ ତାରିଖ ଦିନ ବାବୁଲା ଘରକୁ ଫେରିବା ସମୟରେ ଉକ୍ତ ଦୁଇ ଅଭିଯୁକ୍ତ ତାକୁ ଖଣ୍ଡାରେ ହାଣି ତାର ଘର ଉପରକୁ ବୋମାମାଡ କରିବା ସହ ତାର ଭାଇକୁ ମଧ୍ୟ ମାରଣାନ୍ତକ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ। ଏହି ଆକ୍ରମଣ ଘଟଣା ପରେ ଲୋକେ ଗୁରୁତର ଦୁଇ ଭାଇଙ୍କୁ ସଙ୍କଟାପନ୍ନ ଅବସ୍ଥାରେ ଭୁବନେଶ୍ୱର ର ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି ଓ ପରେ ଉଭୟଙ୍କ ସ୍ତ୍ରୀ ଆସି ନିମଖଣ୍ଡି ଥାନା ରେ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ପୋଲିସ ଅନୁସନ୍ଧାନ ଚଳାଇ ଉକ୍ତ ଦୁଇ ଅଭିଯୁକ୍ତ ଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।

ଚାନ୍ଦପୁର: ତହସିଲ କର୍ମଚାରୀଙ୍କୁ ଆକ୍ରମଣ ଘଟଣାରେ ମୁଖ୍ୟ ଅଭିଯୁକ୍ତକୁ ଚାନ୍ଦପୁର ପୋଲିସ ଗିରଫ କରିଛି। ଅଭିଯୁକ୍ତ ଜଣଙ୍କର ନାମ ପୂର୍ଣ୍ଣ ସାଗର ମାଝୀ (୨୨) ଏବଂ ତା’ର ଘର ଜଙ୍କିଆ ଗ୍ରାମରେ ବୋଲି ଜଣାପଡିଛି।

ଉଲ୍ଲେଖାଯୋଗ୍ୟ ଯେ, ଗତ ବୁଧବାର ରାତିରେ ଜଙ୍କିଆ ବେଆଇନ ପଥର ଖଣିରେ ଚଢ଼ାଉ କରିଥିଲା ରଣପୁର ତହସିଲ ପ୍ରଶାସନ। ଚଢ଼ାଉ ବେଳେ ଖଣି ମାଫିଆ ମାନେ ୪ ଜଣ ଆରଆଇ ଙ୍କ ସମେତ ବହୁ କର୍ମଚାରିଙ୍କୁ ମାଡ଼ ମାରି ଲହୁ ଲୁହାଣ କରିଥିଲେ। ଏ ନେଇ ରଣପୁର ତହସିଲଦାର ଚାନ୍ଦପୁର ଥାନାରେ ଲିଖିତ ଅଭିଯୋଗ କରିଥିଲେ।

ଏହାପରେ ଚାନ୍ଦପୁର ପୋଲିସ ତଦନ୍ତ ଆରମ୍ଭ କରି କାର୍ଯ୍ୟାନୁଷ୍ଠାନ ଗ୍ରହଣ କରିଛି।

ସୀତାରାମ ଅଗ୍ରୱାଲ

ବାଣପୁର: ଚାକିରୀ କରେଇଦେବା ନାମରେ ଲକ୍ଷ ଲକ୍ଷ ଟଙ୍କା ଠକିବା ଅଭିଯୋଗରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରୁ ଅଭିଯୁକ୍ତଙ୍କୁ ବାନ୍ଧିଲା ଭୁବନେଶ୍ୱର ସାଇବର ଏବଂ ଅର୍ଥନୈତିକ ଅପରାଧ ଥାନା ପୋଲିସ। ଅଭିଯୁକ୍ତ ଜଣକ ହେଉଛନ୍ତି ବାଣପୁର ଥାନା ନଛିପୁର ଗ୍ରାମର ବାଦଲ ଦାସ।

ସାଇବର ଏବଂ ଅର୍ଥନୈତିକ ଅପରାଧ ଥାନା ଆଇଆଇସି ରଶ୍ମିତା ଜେନାଙ୍କ ସୂଚନା ମୁତାବକ ନିକଟରେ ଭୁବନେଶ୍ୱର ପାତ୍ରପଡା ଅଞ୍ଚଳର ଜଣେ ଯୁବତୀ ବାଦଲଙ୍କ ବିରୁଦ୍ଧରେ ସାଇବର ଥାନାରେ ଏକ ଲିଖିତ ଅଭିଯୋଗ ଦେଇଥିଲେ। ଅଭିଯୋଗ ମୁତାବକ ବାଦଲ ଫେସବୁକରେ ଓଡ଼ିଶା ଜବ ସର୍ଭିସ ନାମକ ଏକ ନକଲି ପ୍ରୋଫାଇଲ ଖୋଲି ଏମ୍ସ ହସ୍ପିଟାଲ ରେ ଚାକିରୀ କରେଇଦେବା ନାମରେ ଆଶାୟୀଙ୍କ ନିକଟରୁ ମୋଟା ଅଙ୍କର ଟଙ୍କା ଲୁଟୁଥିଲେ। ଏ ନେଇ ଜଣେ ଯୁବକ ବାଦଲଙ୍କ ଆକାଉଣ୍ଟକୁ ୨୫ ହଜାର ଟଙ୍କା ଏବଂ ସମ୍ପୃକ୍ତ ଯୁବତୀ ଜଣକ ୨ ଲକ୍ଷ ୨୮ ହଜାର ୫୦୦ ଟଙ୍କା ଟ୍ରାନ୍ସଫର କରିଥିଲେ।

ତେବେ ଏହା ନକଲି ଚାକିରୀ ଜାଣିବାରୁ ପୀଡ଼ିତାଜଣଙ୍କ ଥାନାର ଦ୍ୱାରସ୍ଥ ହୋଇଥିଲେ। ଏ ନେଇ ସାଇବର ଏବଂ ଅର୍ଥନୈତିକ ଅପରାଧ ଥାନା କେସ ନମ୍ବର ୧୨/୨୩ ରେ ମାମଲା ରୁଜୁ କରି ତଦନ୍ତ ଜାରି ରଖିଥିବା ବେଳେ ଗତକାଲି ବାଣପୁର ନଛିପୁର ଗ୍ରାମରେ ଚଢ଼ାଉ କରି ବାଦଲ ଓ ତାଙ୍କ ପତ୍ନୀଙ୍କୁ ଉଠାଇ ନେଇଥିଲା।

ତେବେ ଆଜି ବାଦଲ ଓ ତାଙ୍କ ୩ ସହଯୋଗୀ ଗିରଫ ହୋଇଥିବା ଆଇଆଇସି ଶ୍ରୀମତୀ ଜେନା କହିଛନ୍ତି । ତାଙ୍କ ନିକଟରୁ ଗୋଟିଏ ଲାପଟପ, ନକଲି ନିଯୁକ୍ତି ପତ୍ର, ୩ ଗୋଟି ମୋବାଇଲ ଫୋନ, ୮୦ ହଜାର ନକଦ ଟଙ୍କା ଆଦି ଜବତ ହୋଇଥିବା ବେଳେ ୩ ଗୋଟି ବ୍ୟାଙ୍କ ଆକାଉଣ୍ଟ ଅଚଳ ହୋଇଥିବା ଜଣାପଡିଛି।

ଭୁବନେଶ୍ବର: ବହୁ ଚର୍ଚ୍ଚିତ ମମତା ମେହେର ହତ୍ୟା ମାମଲାର ଏକ ବଡ ଖବର ହସ୍ତଗତ ହୋଇଛି। ଏହି ମାମଲାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଆତ୍ମହତ୍ୟା କରିଥିବା ସୂଚନା ମିଳିଛି। କଣ୍ଟାବାଞ୍ଜି ଜେଲରେ ମୁଖ୍ୟ ଅଭିଯୁକ୍ତ ଆତ୍ମହତ୍ୟା କରିଥିବା ଜଣାପଡିଛି। ଆତ୍ମହତ୍ୟା ଖବର ମିଳିବା ମାତ୍ରେ ତାଙ୍କୁ ଉଦ୍ଧାର କରାଯାଇ କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ସୂଚନା ରହିଛି।

ତେବେ ଆତ୍ମହତ୍ୟାର କାରଣ ଏଯାଏଁ ସ୍ପଷ୍ଟ ହୋଇନଥିବା ବେଳେ ପୋଲିସ ତଦନ୍ତ ଆରମ୍ଭ କରିଦେଇଛି।

ପୁରୀ: ଆଜି ସେବାୟତ କାଳିଆ ପଢିଆରୀଙ୍କ ହତ୍ୟା ମାମଲାକୁ ନେଇ ପୁରୀ ଏସପି କନୱାର ବିଶାଳ ସିଂହ ଏକ ସାମ୍ବାଦିକ ସମ୍ମିଳନୀ କରିଛନ୍ତି। ସାମ୍ବାଦିକ ସମ୍ମିଳନୀରେ ପୁରୀ ଏସପି ଏହି ମାମଲାର ପର୍ଦ୍ଦାଫାସ କରିଛନ୍ତି। ଏହି ବହୁ ଚର୍ଚ୍ଚିତ ମାମଲାରେ ୬ ଜଣଙ୍କୁ ପୋଲିସ ଗିରଫ କରିଛି।

ଦୁଇ ମୁଖ୍ୟ ଅଭିଯୁକ୍ତଙ୍କ ସମେତ ୬ ଜଣଙ୍କୁ ପୋଲିସ ଗିରଫ କରିଛି। ଗିରଫ ଅଭିଯୁକ୍ତଙ୍କ ମଧ୍ୟରେ କାଳିଆ ସିଂହାରୀ ଓ ଦୋଳଗୋବିନ୍ଦ ସିଂହାରୀ ଅଛନ୍ତି। ମୁନା ପାତ୍ର, ସନ୍ଦୀପ ଜେନା, କାଳୁ ପାଣିଗ୍ରାହୀ, ବାବା ମହାପାତ୍ର ମଧ୍ୟ ଗିରଫ ହୋଇଛନ୍ତି। କିନ୍ତୁ ଅନ୍ୟ ତିନି ଜଣ ଅଭିଯୁକ୍ତ ଫେରାର ଅଛନ୍ତି। ସେମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ଏସପି କହିଛନ୍ତି।

ଆଜି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ଏବଂ ରିମାଣ୍ଡରେ ଆଣିବା ପାଇଁ ଆବେଦନ କରାଯିବ। ତେବେ ଗିରଫ କାଳୁ ଠାରୁ ଦେଢ ଲକ୍ଷ ଟଙ୍କା ଜବତ କରାଯାଇଛି। ପୂର୍ବ ଶତ୍ରୁତା ଏବଂ ଜମିଜମା ବିବାଦକୁ ନେଇ ଏହି ହତ୍ୟାକାଣ୍ଡ ଘଟିଥିବା ଏସପି କହିଛନ୍ତି।