Tag: ଯାନ୍ତ୍ରିକ ତ୍ରୁଟି

ନୂଆଦିଲ୍ଲୀ: ଯାନ୍ତ୍ରିକ ତ୍ରୁଟି ପରେ ଇଣ୍ଡିଗୋର ଶାରଜା-ହାଇଦ୍ରାବାଦ ବିମାନକୁ ପାକିସ୍ତାନର କରାଚିରେ ଅବତରଣ କରିବାକୁ ପଡିଛି। ଯେତେବେଳେ ବିମାନର ପାଇଲଟ୍ ବଯାନ୍ତ୍ରିକ ତ୍ରୁଟି ବିଷୟରେ ଜାଣିବାକୁ ପାଇଲେ, ସେତେବେଳେ ସେ ସତର୍କତାମୂଳକ ଭାବରେ ବିମାନକୁ ପାକିସ୍ତାନର କରାଚି ଆଡକୁ ପଥ ପରିବର୍ତ୍ତନ କରିଥିଲେ। ଏହା ପରେ ତାଙ୍କୁ କରାଚି ବିମାନବନ୍ଦରରେ ଅବତରଣ କରାଯିବା ପରେ ସେଠାରେ ବିମାନର ଅନୁସନ୍ଧାନ କରାଯାଉଛି। ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ଯାତ୍ରୀମାନଙ୍କୁ ବିମାନରେ ଆଣିବା ପାଇଁ ଇଣ୍ଡିଗୋ ଏୟାରଲାଇନ୍ କରାଚିରେ ଆଉ ଏକ ବିମାନ ପଠାଇବାକୁ ଯୋଜନା କରିଛି।

ବିମାନ ସେବା ଦ୍ଵାରା ଜାରି ଏକ ବିବୃତ୍ତି ଅନୁଯାୟୀ, ଇଣ୍ଡିଆଗୋ ବିମାନ 6E-1406 ଶାରଜା ଠାରୁ ହାଇଦ୍ରାବାଦ ଅଭିମୁଖେ ଆସୁଥିଲା। ପାଇଲଟ ଏକ ଯାନ୍ତ୍ରିକ ତ୍ରୁଟି ଦେଖିଲେ। ଆବଶ୍ୟକ ପ୍ରକ୍ରିୟା ଅନୁସରଣ କରାଯାଇଥିଲା ଏବଂ ଏକ ସତର୍କତାମୂଳକ ପଦକ୍ଷେପ ଭାବରେ ବିମାନଟି କରାଚି ଆଡକୁ ନିଆଯାଇଥିଲା। ଯାତ୍ରୀମାନଙ୍କୁ ହାଇଦ୍ରାବାଦକୁ ଆଣିବା ପାଇଁ କରାଚିରେ ଏକ ଅତିରିକ୍ତ ବିମାନ ପଠାଯାଉଛି।

ସୂଚନା ଥାଉକି ଏଭଳି ଘଟଣା ୨ ସପ୍ତାହରେ ଦୁଇଥର ସାମ୍ନାକୁ ଆସିଛି। ଯାନ୍ତ୍ରିକ ତ୍ରୁଟି ଯୋଗୁଁ ଦୁଇ ଭାରତୀୟ ବିମାନକୁ କରାଚି ଠାରେ ଜରୁରୀକାଳିନ ଅବତରଣ କରାଯାଇଛି।