ରେଢାଖୋଲ (କନ୍ଦର୍ପ ବେହେରା): ରେଢ଼ାଖୋଲ ବ୍ଲକ୍ ମିଲେଟ ମିଶନ ଓ ମହାଶକ୍ତି ଫାଉଣ୍ଡେସନ ତରଫରୁ ରେଢ଼ାଖୋଲ କୃଷି ଜିଲ୍ଲା କାର୍ଯ୍ୟାଳୟ ଠାରେ ରେଢାଖୋଲ ଉପଖଣ୍ଡର ଉପ-ଜିଲ୍ଲାପାଳ ଶ୍ରୀଯୁକ୍ତ ପବିତ୍ର ବେହେରା “ମିଲେଟ ରଥ”କାର୍ଯକ୍ରମର ଶୁଭାରମ୍ଭ କରିଛନ୍ତି।
ଉକ୍ତ କାର୍ଯ୍ୟକ୍ରମରେ ଜିଲ୍ଲା କୃଷି ଅଧିକାରୀ ପ୍ରଦୀପ କୁମାର ନନ୍ଦ, ବ୍ଲକ୍ କୃଷି ଅଧିକାରୀ ଅମିତ୍ ପଟେଲ, ବ୍ଲକ୍ ସହ-କୃଷି ଅଧିକାରୀ ଗଗନ ବିହାରୀ ନାଏକ, ସହ- କୃଷି ଯନ୍ତ୍ରୀ ମୋନାଲିସା ରାଉତ ଉପସ୍ଥିତ ରହି ଶୁଭ ଉଦ୍ଘାଟନ କରିଥିଲେ।
ଉପ ଜିଲ୍ଲାପାଳ ଶ୍ରୀ ବେହେରା ମିଲେଟ୍ ମିଶନର ଲକ୍ଷ୍ୟ ଉଦ୍ଦେଶ୍ୟ ସମସ୍ତଙ୍କୁ ଜଣାଇବା ଓ ସରକାରଙ୍କ ଉକ୍ତ ଯୋଜନାକୁ ଲୋକାଭିମୁଖୀ ତଥା ସଚେତନ କରିବା ପାଇଁ ଏହାର ବହୁଳ ପ୍ରଚାର, ପ୍ରସାର ଉପରେ ଗୁରୁତ୍ୱାରୋପ କରିଥିଲେ। କୃଷି ଅଧିକାରୀ ଶ୍ରୀ ନନ୍ଦ ପୁଷ୍ଟିଶସ୍ୟ ଜଳବାୟୁ ପରିବର୍ତ୍ତନ ସହନଶୀଳ ଶସ୍ୟ ହୋଇଥିବାରୁ ଏହାକୁ ସମସ୍ତେ ଚାଷ କରିବା ଆବଶ୍ୟକ ବୋଲି ମତ ବ୍ୟକ୍ତ କରିଥିଲେ।
ଶେଷରେ ଆମନ୍ତ୍ରିତ ଅତିଥି ମାନଙ୍କ ଦ୍ଵାରା ସବୁଜ ପତାକା ପ୍ରଦର୍ଶନ ପରେ ପ୍ରଚାର ରଥ ଗଡିଥିଲା।ରେଢ଼ାଖୋଲ ବ୍ଲକର ଓଡ଼ିଶା ମିଲେଟ ମିଶନ ବ୍ଲକ ସଂଯୋଜକ ଆକାଶ ସାହୁ କାର୍ଯକ୍ରମ ପରିଚାଳନା କରିଥିଲେ ଏବଂ ପ୍ରଚାର ରଥ ରେଢାଖୋଲ ବ୍ଲକ୍ ର ବିଭିନ୍ନ ପଞ୍ଚାୟତକୁ ବୁଲିବା ନେଇ ଯୋଜନା ଥିବା ପ୍ରକାଶ କରିଥିଲେ।
ଏଥିରେ ମିଲେଟ୍ ମିଶନର ସହ ସଂଯୋଜିକା ସରିତା ପ୍ରଧାନ,ଚିରସବୁଜ କୃଷକ ଉତ୍ପାଦକ କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ନାରାୟଣ ସାହୁ, କୋଷାଧ୍ୟକ୍ଷ ଆଦିକନ୍ଦ ପ୍ରଧାନ,ମାନସ ସେଠ୍ ଓ ଅନ୍ୟ ମାନେ କାର୍ଯ୍ୟକ୍ରମରେ ସହଯୋଗ କରିଥିଲେ ।
