କେନ୍ଦ୍ରାପଡ଼ା: କେନ୍ଦ୍ରାପଡା ଓକିଲ ସଂଘ ନିର୍ବାଚନ ଚଳିତ ମାର୍ଚ୍ଚ ମାସ ୨୭ ତାରିଖ ସକାଳ ୮ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଅନୁଷ୍ଠିତ ହେବ। ଓ ସେହିଦିନ ଅପରାହ୍ନ ୫ଟା ସମୟରୁ ଭୋଟ ଗଣତି ଆରମ୍ଭ ହୋଇ ଫଳ ପ୍ରକାଶ ପାଇବ ବୋଲି ନିର୍ବାଚନ ପରିଚାଳନା ଦାୟିତ୍ୱରେ ଥିବା ବରିଷ୍ଠ ଆଇନଜୀବି ତଥା ନିର୍ବାଚନ ଅଧିକାରୀ ପ୍ରଦୀପ୍ତ କୁମାର ମହାପାତ୍ର ସୂତ୍ରରୁ ସୂଚନା ମିଳିଛି।
ଏଥିପାଇଁ ମାର୍ଚ୍ଚ ୬ତାରିଖ ରୁ ୮ତାରିଖ ମଧ୍ୟରେ ସକାଳ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ମନୋନୟନ ପତ୍ର ଦାଖଲ କରାଯିବ। ଏବଂ ୯ତାରିଖରେ କେଉଁ ପଦବୀ ପାଇଁ ମନୋନୟନପତ୍ର ଦାଖଲ କରାଯାଇଛି ତାର ତାଲିକା ପ୍ରକାଶ ପାଇବ। ୧୦ ତାରିଖ ୧୧ଟାରୁ ୩ଟା ମଧ୍ୟରେ ମନୋନୟନପତ୍ରର ଯାଂଚ କରାଯିବ। ୧୧ତାରିଖରେ ପଦବୀ ପାଇଁ ଚୂଡାନ୍ତ ପାର୍ଥୀ ତାଲିକା ପ୍ରକାଶ ପାଇବ। ୧୩ତାରିଖ ୧୧ଟାରୁ ୩ଟା ମଧ୍ୟରେ ମନୋନୟନ ପତ୍ର ପ୍ରତ୍ୟାହାରର ସମୟ ଥିବାବେଳେ ୧୪ତାରିଖରେ ଚୂଡାନ୍ତ ପାର୍ଥୀ ତାଲିକା ପ୍ରକାଶ କରାଯାଇ ୨୭ତାରିଖରେ ଭୋଟ ଗ୍ରହଣ କରାଯିବ।
ଏହି ନିର୍ବାଚନରେ କେନ୍ଦ୍ରାପଡା ଓକିଲ ସଂଘର ମୋଟ୍ ୪୬୫ଜଣ ଯୋଗ୍ୟ ସଭ୍ୟ ଭୋଟ୍ ଦାନ ପ୍ରକ୍ରିୟାରେ ଅଂଶ ଗ୍ରହଣ କରିବେ ବୋଲି ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ମହାପାତ୍ରଙ୍କ ସମେତ ସହକାରୀ ନିର୍ବାଚନ ଅଧିକାରୀ ରବିନ୍ଦ୍ର କୁମାର ପାତ୍ର, ସେକ୍ ମୋତିଓଲ୍ଲା ବକ୍ସ, ଜ୍ଞାନରଞ୍ଜନ ମହାନ୍ତି, ନୀଳମଣୀ ମହାନ୍ତି, ପ୍ରଭାତ କୁମାର ପ୍ରଧାନ ପ୍ରମୁଖ ସୂଚନା ଦେଇଛନ୍ତି। କାର୍ଯ୍ୟାଳୟ ସହକାରୀ ଭାବେ ନିଶାମଣୀ ପଣ୍ଡା ନିର୍ବାଚନ ପରିଚାଳନାରେ ସହାୟତା କରୁଛନ୍ତି।