Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ରତ୍ନ ଭଣ୍ଡାର ଓ ସୁନାବେଶକୁ ନେଇ ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ଆକର୍ଷଣୀୟ ବାଲୁକା କଳା

ପୁରୀ: ଆଜି ହେଉଛି ମହାପ୍ରଭୃଙ୍କର ସୁନାବେଶ ଏବଂ ଆସନ୍ତାକାଲି ମହାପ୍ରଭୃଙ୍କ ଭିତର ରତ୍ନ ଭଣ୍ଡାର ଖୋଲାଯିବ। ଏସବୁକୁ ନେଇ ପୁରୀ ବେଳାଭୂମିରେ ନିର୍ମାଣ ହୋଇଛି ଆକର୍ଷଣୀୟ ବାଲୁକା କଳା। ଯାହାକୁ ତିଆରି କରିଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ।

ଏହିକଳାରେ ସୁଦର୍ଶନ ପ୍ରଭୃ ଜଗନ୍ନାଥଙ୍କ ଏକ ବାଲୁକା ପ୍ରତିକୃତି କରିଛନ୍ତି। ସେଥିରେ ସେ ସୁନାର ମୁକୁଟ ତିଆରି କରିଛନ୍ତି। ଏଥିରେ ଏପରି ବାଲୁକା ରଂଗ ଦିଆଯାଇଛି ତାହା ସତ ସୁନା ପରି ଝଟକିବାରେ ଲାଗିଛି। ସେହିପରି ରତ୍ନ ଭଣ୍ଡାରରେ ଥିବା ବିଭିନ୍ନ ସୁର୍ଣ୍ଣ ଅଳଙ୍କାରର ଏକ ପ୍ରତିକାତ୍ମକ ବାଲୁକା କଳା ତିଆରି କରିଛନ୍ତି। ବର୍ତ୍ତମାନ ରଥଯାତ୍ରା ପାଇଁ ପୁରୀରେ ଭିଡ ଥିବା ବେଳେ ଏହି ବାଲୁକା କଳା ବେଶ ଆକର୍ଷଣୀୟ ହୋଇପାରିଛି।

Categories
ଆଜିର ଖବର ରାଜ୍ୟ ଖବର

ସୁଦର୍ଶନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବର୍ଦ୍ଧନା: ସମ୍ମାନ ସ୍ୱରୂପ ଦୁଇ ଲକ୍ଷ ପୁରସ୍କାର ରାଶି ଘୋଷଣା

ଭୁବନେଶ୍ୱର: ଅନ୍ତର୍ଜାତୀୟ ବାଲୁକା କଳା ଚାମ୍ପିଅନସିପରେ ବିଜୟୀ ହୋଇ ସ୍ଵର୍ଣ୍ଣ ପଦକ ହାସଲ କରିବା ପରେ ବିଶିଷ୍ଟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଆଜି ଭୁବନେଶ୍ଵରରେ ପହଞ୍ଚିଛନ୍ତି। ଭୁବନେଶ୍ଵରରେ ପହଞ୍ଚିବା ପରେ ସେ ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ତାଙ୍କ ବାସଭବନରେ ଭେଟିଛନ୍ତି।

ଏହି ଅବସରରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ପଦ୍ମଶ୍ରୀ ପଟ୍ଟନାୟକଙ୍କୁ ସମ୍ବର୍ଦ୍ଧିତ କରିଛନ୍ତି। ଏହା ସହିତ ସମ୍ମାନ ସ୍ୱରୂପ ଦୁଇ ଲକ୍ଷ ଟଙ୍କାର ପୁରସ୍କାର ପ୍ରଦାନ କରାଯିବ ବୋଲି ଘୋଷଣା କରିଛନ୍ତି। ରାଜ୍ୟ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୁରଜ ମଧ୍ୟ ଉପସ୍ଥିତ ଥିଲେ।

ଏହି ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ରଥଯାତ୍ରା ଠାରୁ ବାହୁଡା ମଧ୍ୟରେ ଋଷିଆରେ ନିଜର ପ୍ରତିଭା ଦ୍ବାରା ସମ୍ମାନିତ ହେବା ଏକ କଳାତ୍ମକ ସଂଯୋଗ। ସେ କହିଛନ୍ତି ଯେ ସୁଦର୍ଶନ ବାବୁ ନନ୍ଦିଘୋଷ ରଥକୁ ଋଷିଆରେ ପ୍ରଦର୍ଶିତ କରି ଓଡ଼ିଆ ଅସ୍ମିତାକୁ ବିଶ୍ଵ ସ୍ତରକୁ ନେଇ ପାରିଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ରାଜ୍ୟ ଖବର

ଅନ୍ତର୍ଜାତୀୟ ବାଲୁକା କଳା ଚାମ୍ପିଅନସିପରେ ସୁଦର୍ଶନ ପଟ୍ଟନାୟକଙ୍କ ସ୍ଵର୍ଣ୍ଣ ପଦକ: ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ରୁଷିଆର ସେଣ୍ଟ ପିଟର୍ସବର୍ଗ ଠାରେ ଆୟୋଜିତ ଆୟୋଜିତ ଅନ୍ତର୍ଜାତୀୟ ବାଲୁକା କଳା ଚାମ୍ପିଅନସିପରେ ବିଶିଷ୍ଟ ବାଲୁକା ଶିଳ୍ପୀ ବିଜୟୀ ହୋଇ ସ୍ଵର୍ଣ୍ଣ ପଦକ ହାସଲ କରିଥିବାରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତାଙ୍କୁ ଅଭିନନ୍ଦନ ଜଣାଇଛନ୍ତି।

ମୁଖ୍ୟମନ୍ତ୍ରୀ କହିଛନ୍ତି ଯେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କ ପ୍ରତିଭା ତାଙ୍କୁ ବ୍ୟକ୍ତିଗତ ଭାବେ ପ୍ରତିଷ୍ଠା ଦେଇଥିବା ବେଳେ ସାରା ଓଡ଼ିଶାକୁ ଗର୍ବିତ କରିଛି। ସେ ଓଡ଼ିଶାର ଓ ସାରା ଦେଶର ଗର୍ବ ଓ ଗୌରବ।

ଅନେକ ଜାତୀୟ ଓ ଅନ୍ତର୍ଜାତୀୟ ପ୍ରତିଯୋଗିତାରେ ବିଜୟୀ ହୋଇ ସେ ବାଲୁକା କଳାରେ ନିଜର ପରାକାଷ୍ଠା ଦେଖାଇ ଚାଲିଛନ୍ତି। ଆଗାମୀ ଦିନରେ ସେ ଆହୁରି ପ୍ରତିଷ୍ଠା ହାସଲ କରିବେ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର ସଂସ୍କୃତି

ଦୁବାଇରେ ହେବ ଓଡିଶା ଜନଜାତି ଚିତ୍ରକଳା ପ୍ରଦର୍ଶନୀ, ଶିଳ୍ପୀମାନଙ୍କ ଦ୍ବାରା ଚାଲିଛି ପ୍ରସ୍ତୁତି 

ଭୁବନେଶ୍ୱର: ବିଦେଶ ମାଟିରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନରେ ଓଡ଼ିଶା ଲଳିତ କଳା ଏକାଡେମୀ ଦ୍ୱାରା ଓଡ଼ିଶାର ୧୫ ଜଣ ଜନଜାତି ଶିଳ୍ପୀ ଦୁବାଇଠାରେ ଆଦିବାସୀ ଜୀବନୀ ଓ ଚାଲିଚଳଣି ଚିତ୍ର ଅଙ୍କନରେ ନିମଗ୍ନ ଅଛନ୍ତି।

୧୪ ତାରିଖ ଦିନ ଦୁବାଇଠାରେ ଭାରତର କନ୍‌ସୁଲ୍‌ ଜେନେରାଲ ସତିଶ କୁମାର ଶିବମ୍‌, ଏକାଡେମୀର ସଭାପତି ତଥା ଅନ୍ତର୍ଜାତୀୟ ଖ୍ୟାତିସଂପନ୍ନ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଏବଂ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ସ୍ୱତନ୍ତ୍ର ଶାସନ ସଚିବ ମଧୂସୁଦନ ଦାସ ଅତିଥି ଭାବେ ଯୋଗଦେଇ ପ୍ରଦର୍ଶନୀ ଉଦ୍‌ଘାଟନ କରିବେ।

ପ୍ରଥମ ଥର ପାଇଁ ବିଦେଶ ମାଟିରେ, ଦୁବାଇଠାରେ ଓଡ଼ିଶାର ଜନଜାତି ଚିତ୍ରକଳା ଅଙ୍କନ କରୁଥିବାରୁ ଶିଳ୍ପୀମାନଙ୍କୁ ସମସ୍ତେ ପ୍ରଶଂସା କରୁଛନ୍ତି। ବିନୋଦିନୀ ସିଂହ, ସୁଜନ୍ମତି ଏକା, ଇନ୍ଦିରା ଗମାଙ୍ଗ, ସୁକୁମତି ଥିଉ, ସୌଭାଗ୍ୟ ମଞ୍ଜରୀ ମଲ୍ଲିକ, ସୁଭଦ୍ରା କରୱା, ଡଲି ଜାନୀ, ସୂର୍ଯ୍ୟଲତା ନାୟକ, ଭାରତୀ ଟୁଡୁ, ଜୁନେଶ ଗମାଙ୍ଗ, ରାଜେନ୍ଦ୍ର ସିଂ ଲାଗୁରି, ସନ୍ତୋଷ ସିଂ ଖୁଣ୍ଟିଆ, ଯୋଗୀ ଶବର, ସାମସନ୍‌ ଗମାଙ୍ଗ ଏବଂ ଅନିଲ କେରକେଟା ପ୍ରମୁଖ ଶିଳ୍ପୀମାନେ ଯୋଗ ଦେଇଛନ୍ତି।

ହ୍ୟାଟ ପ୍ଲେସ ଦୁବାଇ ଅଲ ରିଗା ଠାରେ ୩ ଦିନ ଧରି ଓଡ଼ିଶାର ସୁପ୍ରସିଦ୍ଧ ସୌରା ଚିତ୍ର, ସାନ୍ତାଳ, କନ୍ଧ, ପରଜା, ହୋ ଓ କୋହ୍ଲ ଆଦି ସମ୍ପ୍ରଦାୟର ଚିତ୍ର ଅଙ୍କନ କରୁଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ବିଭାଗ ଦ୍ୱାରା ବିଦେଶରେ ଚିତ୍ରକଳା ଶିବିରରେ ଯୋଗଦେଇ ଚିତ୍ର କରିବା ସହିତ ନିଜ ନିଜ ଚିତ୍ରର ପ୍ରଦର୍ଶନୀ କରିବାର ସୁଯୋଗ ପାଉଥିବାରୁ ଚିତ୍ରଶିଳ୍ପୀମାନେ ଅତ୍ୟନ୍ତ ଖୁସି ପ୍ରକଟ କରିଛନ୍ତି। ଏକାଡ଼େମୀର ସଚିବ ପଞ୍ଚାନନ ସାମଲ ଶିବିରକୁ ପରିଚାଳନା କରିଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ଗଣତନ୍ତ୍ର ଦିବସ ଉପଲକ୍ଷେ ସୁଦର୍ଶନ ପଟ୍ଟନାୟକଙ୍କ ପୁରୀ ବେଳାଭୂମିରେ ବାଲୁକା କଳା

ପୁରୀ: 75 ତମ ଗଣତନ୍ତ୍ର ଦିବସ ଉପଲକ୍ଷେ ପୁରୀ ବେଳାଭୂମିରେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ନିର୍ମାଣ କରିଛନ୍ତି। ଏଥିରେ ସୁଦର୍ଶନ ଦୁଇଜଣ ବାଳିକାଙ୍କୁ ତାଙ୍କର ସ୍ଥାପତ୍ୟରେ ସାମିଲ କରି ମେରା ଭାରତ ମହାନ ବାର୍ତ୍ତା ପ୍ରେରଣ କରିଛନ୍ତି। ସବୁବେଳେ ବାଲୁକା କଳା କରି ଚର୍ଚ୍ଚାରେ ରହୁଥିବା ସୁଦର୍ଶନଙ୍କ ଏହି କଳା ବେଶ ସୁନ୍ଦର ହୋଇଛି।

ନିକଟରେ ସୁଦର୍ଶନ ନୂଆଦିଲ୍ଲୀରେ ପରାକ୍ରମ ଦିବସ ଉପଲକ୍ଷେ ଏକ ବାଲୁକା କଳା ନିର୍ମାଣ କରିଥିଲେ। ଯାହାକୁ ଦେଖିବା ପାଇଁ ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେଠାରେ ପହଞ୍ଚିଥିଲେ। କିଛି ସମୟ ତାଙ୍କପ ବାଲୁକା କଳା ଦେଖିବା ସହିତ ସୁଦର୍ଶନଙ୍କୁ ପ୍ରଶଂସା ମଧ୍ୟ କରିଥିଲେ। ବର୍ତ୍ତମାନ ପୁରୀ ବେଳାଭୂମିରେ ଏହି ବାଲୁକା କଳା ପର୍ଯ୍ୟଟକଙ୍କୁ ବେଶ ଆକୃଷ୍ଠ କରିବାରେ ଲାଗିଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ସୁଦର୍ଶନ ପଟ୍ଟନାୟକଙ୍କ ନେତାଜୀଙ୍କ ଉପରେ ଆଧାରିତ ବାଲୁକା କଳାକୁ ପରିଦର୍ଶନ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଜାନୁୟାରୀ 23 ତାରିଖ ହେଉଛି ପରାକ୍ରମ ଦିବସ। ଭାରତର ମହାନ ଜନନାୟକ ନେତାଜୀ ସୁଭାଷ ବୋଷଙ୍କ ଜୟନ୍ତୀରେ ଏହା ପାଳନ କରାଯାଉଛି। ଏହି ଉପଲକ୍ଷେ ନୂଆ ଦିଲ୍ଲୀରେ ପାଳନ ହୋଇଛି ଏହି ପରାକ୍ରମ ଦିବସ। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେଇ ନେତାଜୀଙ୍କୁ ସ୍ମରଣ କରିଥିଲେ।

ଏହି ଉପଲକ୍ଷେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ନୂଆଦିଲ୍ଲୀର ଲାଲକିଲାରେ ନିର୍ମାଣ କରିଥିଲେ ସୁଭାଷ ବୋଷଙ୍କ ବାଲୁକା କଳା। ଯାହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପରିଦର୍ଶନ କରି ବେଶ ପ୍ରଶଂସା ମଧ୍ୟ କରିଛନ୍ତି। ସୁଦର୍ଶନ ବାଲି ସହିତ ଷ୍ଟିଲ ଗିନା ବ୍ୟବହାର କରି ସୁଭାଷ ବୋଷଙ୍କ ଏହି ପ୍ରତିକୃତି ନିର୍ମାଣ କରିଛନ୍ତି। ଏହା ବର୍ତ୍ତମାନ ଲାଲକିଲାରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି।

Categories
Christmas22 ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ପିଆଜରେ ସାନ୍ତକ୍ଲଜ ନିର୍ମାଣ କରି ବିଶ୍ବ ରେକର୍ଡ ହାସଲ କଲେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ

ପୁରୀ: ଆଜି ଖ୍ରୀଷ୍ଟମାସ ବା ବଡଦିନ ଉପଲକ୍ଷେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ଆଣିଦେଇଛି ବଡ ଖୁସି। କାରଣ ସେ ପୁରୀ ବେଳାଭୂମିରେ ନିର୍ମାଣ କରିଥିବା ସାନ୍ତକ୍ଲଜ ବିଶ୍ବ ରେକର୍ଡ ହାସଲ କରିଛି। ଓର୍ଲଡ ରେକର୍ଡ ବୁକ ତରଫରୁ ଅନୁଧ୍ୟାନ କରାଯାଇ ଏହି ମାନ୍ୟତା ପ୍ରଦାନ କରାଯାଇଛି।

ସୁଦର୍ଶନ ବଡଦିନ ଉପଲକ୍ଷେ ପୁରୀ ବେଳାଭୂମିରେ ନିର୍ମାଣ କରିଛନ୍ତି ବାଲୁକାର ଏକ ସାନ୍ତକ୍ଲଜ। ତେବେ ଏଥିରେ ସେ ବାଲି ଉପରେ ପ୍ରାୟ ଦୁଇ ଟନ ପିଆଜକୁ ସ୍ଥାପନ କରିଛନ୍ତି। ଯାହା ବାଲୁକା କଳା ଜଗତରେ ଏକ ନୂଆ ରେକର୍ଡ। ସେ ଏହି ପିଆଜକୁ ସାନ୍ତକ୍ଲଜର କୋର୍ଟକୁ ସୁନ୍ଦର ଭାବେ ନିର୍ମାଣ କରିଛନ୍ତି।

ସେ ୧୦୦ ଫୁଟ ଲମ୍ବ, ୨୦ ଫୁଟ ଉଚ୍ଚ ଓ ୪୦ ଫୁଟ ପ୍ରସ୍ଥ ବିଶିଷ୍ଟ ସାନ୍ତାକ୍ଲଜ ସ୍ଥାପତ୍ୟ ପ୍ରସ୍ତୁତ କରିଛନ୍ତି। ଏଥିସହିତ ସେ ଏହି କଳା ମାଧ୍ୟମରେ ଏକ ସାମାଜିକ ବାର୍ତ୍ତା ମଧ୍ୟ ପ୍ରେରଣ କରିଛନ୍ତି। ତାହା ହେଲା ଚାରାଟିଏ ଉପହାର ଦିଅ, ବିଶ୍ବକୁ ସବୁଜମୟ କର। ବର୍ତ୍ତମାନ ବଡଦିନକୁ ପୁରୀ ବେଳାଭୂମିରେ ପର୍ଯ୍ୟଟକଙ୍କୁ ଏହା ବେଶ ଆକର୍ଷିତ କରିଛି।

Categories
ବିଶେଷ ଖବର ବ୍ୟକ୍ତିତ୍ୱ ରାଜ୍ୟ ଖବର ସଂସ୍କୃତି

ସଉରା ଚିତ୍ରରେ ଝଲସିଲା ରେଜିଂତାଲ, ନିଜ ଘରକାନ୍ଥରେ ଚିତ୍ର ଆଙ୍କିଲେ ଗାଁ ଲୋକେ

ଭୁବନେଶ୍ୱର: ଗାନ୍ଧୀ ଜୟନ୍ତୀ ଅବସରରେ ରାୟଗଡ଼ା ଜିଲ୍ଲାର ଗୁଣପୁର ସବ ଡିଭିଜନ, ରେଜିଂତାଲ ଆଦିବାସୀ ଗାଁରେ ଓଡ଼ିଶା ଲଳିତ କଳା ଏକାଡେମୀ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଦ୍ଵାରା ଏବଂ ରାୟଗଡ଼ା ଜିଲ୍ଲା ପ୍ରଶାସନ ସହଯୋଗରେ ସେପ୍ଟେମ୍ବର୨୮ ଠାରୁ ଉଦ୍ଘାଟିତ ହୋଇଯାଇଛି ୫ ଦିନିଆ ଆଦିବାସୀ କଳା ସଂସ୍କୃତି ଆଧାରିତ ଭିତ୍ତିଚିତ୍ର ଶିଳ୍ପୀ ଶିବିର।

ଏହି ଗାଁର ୫୦ଟି ଘରର ଆଦିବାସୀ ଶିଳ୍ପୀମାନେ ନିଜ ଘର ସମ୍ମୁଖରେ ଅଙ୍କନ କରିଛନ୍ତି ସଉରା ଆଦିବାସୀ ଚିତ୍ରକଳା। ଓଡ଼ିଶାର ଆଦିବାସୀ ଗ୍ରାମ ରେଜିଂତାଲରେ ଲାଞ୍ଜିଆ ସଉରା ଜନଜାତିର ଆଦିବାସୀ ମାନେ ଘରର ପୂଜାପାଠ ଓ ଗାଁର ମଙ୍ଗଳ କାମନା ପାଇଁ ପୂର୍ବ ପୁରୁଷରୁ ନିଜ ଘର କାନ୍ଥରେ ଅଙ୍କନ କରିଥାନ୍ତି ଏହି ଚିତ୍ର।

ଓଡ଼ିଶା ଲଳିତ କଳା ଏକାଡେମୀ ଦ୍ୱାରା ଏହି ଗାଁର ଶିଳ୍ପୀ ମାନେ ନିଜ ଘର କାନ୍ଥରେ ଗାଁର ଚାଷକାମ,ଶିକାରର ଦୃଶ୍ୟ, ଫସଲ ଅମଳ, ପାହାଡ଼ପର୍ବତ, ଆଦିବାସୀ ଜନଜୀବନ, ନୃତ୍ୟ, ବାହାଘର, ମାଟି ଦେବତାଙ୍କ ପୂଜା, ହାତୀ, ବାଘ, ଘୋଡ଼ା, ଝିଟିପିଟି, ମୟୂର ଇତ୍ୟାଦି ବିଷୟବସ୍ତୁ କୁ ଆଧାର କରି ଚିତ୍ର ଗୁଡ଼ିକ ଅଙ୍କନ କରିଛନ୍ତି।

ଅକ୍ଟୋବର୨ ଉଦଯାପନୀ ଉତ୍ସବରେ ରାୟଗଡାର ଉପଜିଲ୍ଲାପାଳ ଲଳିତ କୁମାର କୁଁଅର,ଏକାଡେମୀର ସଭାପତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ, ଗୁଣପୁର ଗୋଷ୍ଠୀ ଉନ୍ନୟନ ଅଧିକାରୀ ସୁଭ୍ରାଂଜଳି ପ୍ରଧାନ,ଜିଲ୍ଲା ସଂସ୍କୃତି ଅଧିକାରୀ ସୁସ୍ମିତା ବାଉରୀ ଓ ସଚିବ ପଞ୍ଚାନନ ସାମଲ ଉତ୍ସବରେ ଯୋଗ ଦେଇ ୫୦ଜଣ ଶିଳ୍ପୀଙ୍କୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ।

ରାୟଗଡା ଜିଲ୍ଲାପାଳ ସ୍ୱେଧାଦେବ ସିଂ ଶିଳ୍ପୀ ଶିବିର ସମୟରେ ମଧ୍ୟ ପରିଦର୍ଶନ କରିରେଜିଂତାଲ୍ ଗ୍ରାମର ଶିଳ୍ପୀମାନଙ୍କୁ ଉତ୍ସାହିତ କରିଥିଲେ।ଶିଳ୍ପୀ ଶିବିର ସମାପ୍ତପରେ ରେଜିଂତାଲ୍ ଗାଁ ଏକମୁକ୍ତାକାଶ ଆର୍ଟ ଗେଲେରୀରେ ପରିଣତ ହୋଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଚନ୍ଦ୍ରଯାନ ସଫଳତା ନେଇ ଆମେରିକାରେ ବାଲୁକା କଳା କଲେ ସୁଦର୍ଶନ ପଟ୍ଟନାୟକ

ଭୁବନେଶ୍ବର: ଆଜି ଚନ୍ଦ୍ରଯାନ-3 ର ସଫଳତା ସାରା ବିଶ୍ବ ଅନେଇ ରହିଛି। ଏହା କିପରି ଚନ୍ଦ୍ରପୃଷ୍ଠରେ ଅବସ୍ଥାନ କରିବ ସେ ନେଇ ସାରା ଦେଶରେ ଆରମ୍ଭ ହୋଇଯାଇଛି ଉତ୍ସୁକତା। ଅନେକ ସ୍ଥାନରେ ମଧ୍ୟ ଚାଲିଛି ପୂଜାପାଠ। ଏହିପରି ପରିସ୍ଥିତିରେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଆମେରିକାରୁ ଏହାର ସଫଳତା କାମନା କରିଛନ୍ତି।

ବାଲୁକା କଳା ପ୍ରତିଯୋଗୀତାରେ ଭାଗ ନେବା ପାଇଁ ଆମେରିକା ଗସ୍ତରେ ଥିବା ସୁଦର୍ଶନ ସେଠାରେ ନିର୍ମାଣ କରିଛନ୍ତି ଏକ ବାଲୁକା କଳା। ସେ ସେଠାରେ 25 କିଲୋ ବାଲିରେ ନିର୍ମାଣ କରିଛନ୍ତି ଚନ୍ଦ୍ରଯାନ3 ର ସଫଳତା କଳା। ଏଥିରେ ସେ ଚନ୍ଦ୍ରପୃଷ୍ଠର ଛବି କଳାମାଧ୍ୟମରେ କରିଥିବା ବେଳେ ଭାରତର ଜାତୀୟ ପତାକାକୁ ସ୍ଥାପନ କରିଛନ୍ତି। ଏଥିରେ ସେ ଜୟ ହୋ ବୋଲି ମଧ୍ୟ ଉଲ୍ଲେଖ କରିଛନ୍ତି।

ଏହି ବାଲୁକା କଳା କରିବା ପାଇଁ ସୁଦର୍ଶନଙ୍କୁ ପ୍ରାୟ 45 ମିନିଟ ସମୟ ଲାଗିଥିଲା।

Categories
ଆଜିର ଖବର ରାଜ୍ୟ ଖବର

ଶ୍ରୀମନ୍ଦିରର ପଶ୍ଚିମ ଦ୍ବାରରେ ଧାରଣା ଦେବେ ସୁଦର୍ଶନ ପଟ୍ଟନାୟକ, ଜାଣନ୍ତୁ କାରଣ

ପୁରୀ: ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ବଡ ଘୋଷଣା। ଆସନ୍ତାକାଲି ସେ ଶ୍ରୀମନ୍ଦିର ପଶ୍ଚିମ ଦ୍ବାର ଆଗରେ ଧାରଣାରେ ବସିବେ। ଏ ନେଇ ସୁଦର୍ଶନ ଟୁଇଟ କରି ଘୋଷଣା କରିଛନ୍ତି। ଏହି ଟୁଇଟକୁ ସେ ପୁରୀ ଅଫିସିଆଲଙ୍କୁ ମଧ୍ୟ ଟ୍ୟାଗ କରିଛନ୍ତି। ଯଦି ତାଙ୍କ କଥା ନ ଶୁଣାଯାଏ ତେବେ ସେ ଏହି ଧାରଣା ଦେବେ।

ତେବେ ଘଟଣାଟି ହେଲା ଯେ, ଶ୍ରୀମନ୍ଦିର ପ୍ରଶାସନ କୋରନା ସମୟରୁ ମନ୍ଦିରର ଚାରି ଦ୍ବାରରୁ କେବଳ ସିଂହଦ୍ବାର ଖୋଲା ରଖି ଅନ୍ୟ ତିନି ଦୁଆର ବନ୍ଦ କରିଦେଇଛନ୍ତି। ଫଳରେ ଭକ୍ତ ତଥା ସ୍ଥାନୀୟ ବାସିନ୍ଦାଙ୍କ ପାଇଁ ଶ୍ରୀଜିୟୁଙ୍କୁ ଦର୍ଶନ କରିବାରେ ବଡ ଅସୁବିଧା ହେଉଛି। ଫଳରେ ଶ୍ରୀମନ୍ଦିର ପ୍ରଶାସନ ଖୁବ ଶିଘ୍ର ଅନ୍ତତଃ ପକ୍ଷେ ପଶ୍ଚିମ ଦ୍ବାର ଖୋଲନ୍ତୁ ବୋଲି ସେ ଦାବୀ କରିଛନ୍ତି। ଅନ୍ୟ ଦ୍ବାର ପରେ ନିଷ୍ପତି ନେଇ ଖୋଲିବାକୁ ସେ ପରାମର୍ଶ ଦେଇଛନ୍ତି।

ଯଦି ପ୍ରଶାସନ ଏହାକୁ କାର୍ଯ୍ୟକାରୀ ନ କରେ ତେବେ ସୋମବାରଠାରୁ ସେ ପଶ୍ଚିମ ଦ୍ବାର ସମ୍ମୁଖରେ ଧାରଣା ଦେବେ ବୋଲି ସୁଦର୍ଶନ ଘୋଷଣା କରିଛନ୍ତି।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଚନ୍ଦ୍ରଯାନ3 ଅଭିଯାନ ନେଇ ବାଲୁକା କଳା କଲେ ଶିଳ୍ପୀ ସୁଦର୍ଶନ ପଟ୍ଟନାୟକ

ପୁରୀ: ଆଜି ବିଶ୍ବ ମହାକାଶ ବିଜ୍ଞାନ କ୍ଷେତ୍ରରେ ଭାରତ ନୂଆ ଇତିହାସ ସୃଷ୍ଟି କରିଛି। ଚନ୍ଦ୍ରଯାନ3 ସଫଳତାର ସହ ଉତକ୍ଷେପଣ କରିଛି। ଏହି ପରିପ୍ରେକ୍ଷୀରେ ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ଏହି ସଫଳତା ନେଇ କରିଛନ୍ତି ବାଲୁକା କଳା।

ପୁରୀ ବେଳେ ଭୂମିରେ ସେ ଏହି କଳା କରିଛନ୍ତି। ସୁଦର୍ଶନ ଏଥିରେ ପାଞ୍ଚ ହଜାର ଷ୍ଟିଲ ବୋତଲ ବ୍ୟବହାର କରିଛନ୍ତି। ଯାହା ବେଶ ଆକର୍ଷଣୀୟ ହୋଇପାରିଛି। ଏଥିରେ ସୁଦର୍ଶନ ବିଜୟୀ ଭବ ବୋଲି ଉଲ୍ଲେଖ କରିଛନ୍ତି।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଏଥର ୨୫୦ ଟି ନଡିଆ ସ୍ଥାପନା କରି ସୁଦର୍ଶନ ନିର୍ମାଣ କଲେ ରଥଯାତ୍ରା ବାଲୁକା କଳା

ପୁରୀ: ପବିତ୍ର ରଥଯାତ୍ରା ସମୟରେ ଭକ୍ତମାନେ ସେମାନଙ୍କ ଢଙ୍ଗରେ ପ୍ରଭୃଙ୍କୁ ସୁମରଣା କରିଥାନ୍ତି। କିଏ ଦୂରରୁ ଚାଲିଚାଲି ପୁରୀ ଆସିଥାଏ ତ କିଏ ବଡଦାଣ୍ଡରେ ନାଚନାଚି ଭକ୍ତି ପ୍ରଦର୍ଶନ କରିଥାଏ। ଠିକ୍ ସେହିପରି ପ୍ରଖ୍ୟାତ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ନିଜ କଳା କୌଶଳରେ ପ୍ରଭୃଙ୍କୁ କରିଛନ୍ତି ଭକ୍ତି।

ପ୍ରତିବର୍ଷ ରଥଯାତ୍ରା ବେଳେ ନିଜର ଭିନ୍ନ ବାଲୁକା କଳା କରି ପ୍ରଶଂସିତ ହୋଇଥାନ୍ତି ଶିଳ୍ପୀ ସୁଦର୍ଶନ ପଟ୍ଟନାୟକ। କେତେବେଳେ ସେ ଶହଶହ ବାଲିର ରଥ ନିର୍ମାଣ କରିଥାନ୍ତି ତ କେତେବେଳେ ଦାସିଆ ବାଉରୀ ବାଲୁକାକଳା କରି ରେକର୍ଡ କରିଥାନ୍ତି। ସେହିପରି ଚଳିତ ବର୍ଷ ସୁଦର୍ଶନ ବାଲୁକା କଳାରେ ମିଶ୍ରଣ କରିଛନ୍ତି ନଡିଆ।

ସୁଦର୍ଶନ ତାଙ୍କର ବାଲୁକା କଳାରେ ତିନୋଟି ବଡ ବାଲିର ନଡିଆ ନିର୍ମାଣ କରିଛନ୍ତି। ସେହି ଭିତରେ ସେ ତିନିଠାକୁରଙ୍କୁ ସ୍ଥାପନା କରିଛନ୍ତି। ତାଙ୍କର ମୁଣ୍ଡ ଉପରେ ତିନୋଟି ରଥ ମଧ୍ୟ ସେ ନିର୍ମାଣ କରିଛନ୍ତି। ତା ମଧ୍ୟ ଭାଗରେ ସୁଦର୍ଶନ ୨୫୦ଟି ନଡିଆ ସ୍ଥାପନ କରିଛନ୍ତି। ଯାହା ଦ୍ବାରା ବାଲୁକା କଳାର ଆକର୍ଷଣ ବେଶ ବୃଦ୍ଧି ପାଇଛି।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଭୁବନେଶ୍ୱରରେ ପ୍ରସିଦ୍ଧ ଉଦୟଗିରି ଗୁମ୍ଫା ପରିଦର୍ଶନ କଲେ ଜି-୨୦ ଦ୍ୱିତୀୟ ସଂସ୍କୃତି କାର୍ଯ୍ୟ ଗୋଷ୍ଠୀ ପ୍ରତିନିଧି

ଭୁବନେଶ୍ୱର: ‘‘ସଠିକ ଚିନ୍ତାଧାରା, ସଠିକ ସଂକଳ୍ପ ଏବଂ ସଠିକ କାର୍ଯ୍ୟାନୁଷ୍ଠାନ’’ ଭାରତକୁ ଉପଯୁକ୍ତ ସମ୍ମାନ ଦେଇପାରିବ ବୋଲି କହିଛନ୍ତି କେନ୍ଦ୍ର ବୈଦେଶିକ ବ୍ୟାପାର ଏବଂ ସଂସ୍କୃତି ରାଷ୍ଟ୍ରମନ୍ତ୍ରୀ ମୀନାକ୍ଷୀ ଲେଖୀ। ଆଜି ଭୁବନେଶ୍ୱର ଠାରେ ଜି ୨୦ ସଂସ୍କୃତି କାର୍ଯ୍ୟଗୋଷ୍ଠୀ ଦ୍ୱିତୀୟ ବୈଠକ ସମାପନ ହେବା ଅବସରରେ ଗଣମାଧ୍ୟମକୁ ସମ୍ବୋଧିତ କରି ଶ୍ରୀମତୀ .ଲେଖୀ ଏହି ବକ୍ତବ୍ୟ ରଖିଛନ୍ତି।

ଅମୃତ କାଳ ଅର୍ଥାତ୍‌ ଆସନ୍ତା ୨୫ ବର୍ଷ ମଧ୍ୟରେ ଭାରତକୁ ବିକାଶର ନୂତନ ଶିଖରକୁ ନେଇଯିବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂକଳ୍ପ ଦୋହରାଇ ଶ୍ରୀମତୀ ଲେଖୀ କହିଥିଲେ ଯେ, ଭାରତକୁ ନିଜର ହୃତଗୌରବ ଫେରି ପାଇବା ଲାଗି କଠିନ ପରିଶ୍ରମ କରିବାକୁ ହେବ। ସଂସ୍କୃତିର ସାମଞ୍ଜସ୍ୟପୂର୍ଣ୍ଣ ପ୍ରକୃତି ଉପରେ ରେଖାଙ୍କିତ କରି କେନ୍ଦ୍ର ମନ୍ତ୍ରୀ କହିଥିଲେ ଯେ, ‘‘ସଂସ୍କୃତି ସମସ୍ତଙ୍କୁ ଏକଜୁଟ କରିବା ଲାଗି ସମ୍ପର୍କ ସ୍ଥାପନର ଏକ ମାଧ୍ୟମ ହୋଇପାରିବ। ବିଶେଷ କରି ବିଶ୍ୱବ୍ୟାପୀ ଅଧିକ ଉତ୍ତେଜନା ଓ ଚାପ ଦେଖା ଦେଇଥିବା ସମୟରେ ସମ୍ପର୍କକୁ ସୁଦୃଢ଼ କରିବା ଦିଗରେ ସଂସ୍କୃତି ପ୍ରମୁଖ ଭୂମିକା ଗ୍ରହଣ କରିପାରିବ। ‘‘ସଂସ୍କୃତି ସମ୍ପର୍କ ଯୋଡ଼ିଥାଏ’’ ବୋଲି ମତବ୍ୟକ୍ତ କରିବା ସହିତ ସେ କହିଥିଲେ ଯେ ଜି-୨୦ ସଂସ୍କୃତିକ କାର୍ଯ୍ୟଗୋଷ୍ଠୀକୁ ପ୍ରଥମ ଥର ପାଇଁ ଏକ ଭିନ୍ନ ଗୋଷ୍ଠୀ ଭାବେ ଗଠନ କରାଯାଇଛି।

ଆମେ ଜି-୨୦ରେ ସଦଭାବ ଏବଂ ଶାନ୍ତିର କଥା କହୁଥିବା ସମୟରେ ସଂସ୍କୃତି ଉପରେ ଗୁରୁତ୍ୱାରୋପ କରିବାର ଆବଶ୍ୟକତା ରହିଛି। ଓଡ଼ିଶା ବା ଉତ୍କଳ ରାଜ୍ୟରେ ସଂସ୍କୃତି କାର୍ଯ୍ୟଗୋଷ୍ଠୀ ବୈଠକ ଆୟୋଜନକୁ ନେଇ ସେ ଖୁସି ବ୍ୟକ୍ତ କରିଥିଲେ। କେନ୍ଦ୍ରମନ୍ତ୍ରୀ କହିଥିଲେ ଯେ ଉତ୍କଳ ବା ‘ଉତ୍କର୍ଷ କଳାର ଭୂମି’ ଓଡ଼ିଶା ନିଜର ସମୃଦ୍ଧଶାଳୀ କଳା ଓ ସଂସ୍କୃତି ପାଇଁ ପରିଚିତ। ଏଠାରେ ଏକ ବିଶ୍ୱସ୍ତରୀୟ କାର୍ଯ୍ୟକ୍ରମ ଆୟୋଜନକୁ ନେଇ ସେ ସନ୍ତୋଷ ପ୍ରକାଶ କରିଥିଲେ।

ବିଦେଶାଗତ ଅତିଥିମାନେ ଭୁବନେଶ୍ୱର ଉପକଣ୍ଠରେ ଥିବା ଉଦୟଗିରି ଗୁମ୍ଫା ବୁଲି ଦେଖିବା ସମ୍ପର୍କରେ ପ୍ରଶ୍ନ କରାଯିବାରୁ ଶ୍ରୀମତୀ ଲେଖୀ କହିଥିଲେ ଯେ, ଏହା ପ୍ରତିନିଧିମାନଙ୍କ ପାଇଁ ଏକ ଜ୍ଞାନ ବିନିମୟ ଅନୁଭୂତି ଥିଲା। ସେମାନେ ପ୍ରାଚୀନ କାଳର କଳାସ୍ଥାପତ୍ୟ ଏବଂ ଓଡ଼ିଶାର ସଂସ୍କୃତିକୁ ଦେଖି ଅଭିଭୂତ ହୋଇଥିଲେ।

ଏଥିପୂର୍ବରୁ କେନ୍ଦ୍ର ମନ୍ତ୍ରୀ ନିଜେ ବିଦେଶାଗତ ଅତିଥିମାନଙ୍କ ସହିତ ୨ହଜାର ବର୍ଷ ପୁରୁଣା ପ୍ରସିଦ୍ଧ ଉଦୟଗିରି ଗୁମ୍ଫା ବୁଲି ଦେଖିଥିଲେ। ସେମାନେ ମଧ୍ୟ ମହାତ୍ମା ଗାନ୍ଧୀଙ୍କ ଜୀବନ ଓ ଆଦର୍ଶ ପ୍ରତି ସମର୍ପିତ ଗାନ୍ଧୀ ଶାନ୍ତି କେନ୍ଦ୍ର ପରିଦର୍ଶନ କରିଥିଲେ।

ଏଥିସହିତ ଚାରି ଦିନିଆ ଜି୨୦ ସଂସ୍କୃତି କାର୍ଯ୍ୟଗୋଷ୍ଠୀ ବୈଠକ ଶେଷ ହୋଇଛି। ବୈଠକ ଅବସରରେ ବିଭିନ୍ନ କାର୍ଯକ୍ରମ ଏବଂ ବ୍ୟାପକ ବିଚାରବିମର୍ଶ କରାଯାଇଥିଲା।  ଦ୍ୱିତୀୟ ସଂସ୍କୃତି କାର୍ଯ୍ୟ ଗୋଷ୍ଠୀ ବୈଠକରେ ଜି୨୦ ସଦସ୍ୟ ରାଷ୍ଟ୍ର, ନିମନ୍ତ୍ରିତ ରାଷ୍ଟ୍ର ଏବଂ ବିଭିନ୍ନ ଅନ୍ତର୍ଜାତୀୟ ସଂଗଠନର ପ୍ରତିନିଧିମାନେ ଅଂଶଗ୍ରହଣ କରିଥିଲେ। ସେମାନେ ସଂସ୍କୃତି କ୍ଷେତ୍ରରେ ଦେଖା ଦେଇଥିବା ବିଭିନ୍ନ ସମସ୍ୟାର ସମାଧାନ ଲାଗି ଏକ ବାସ୍ତବବାଦୀ ଏବଂ କାର୍ଯ୍ୟ ଉନ୍ମୁଖୀ ସୁପାରିସ  କରିବା ଲାଗି ବ୍ୟାପକ ଆଲୋଚନା ତଥା ବିଚାରବିମର୍ଶ କରିଥିଲେ। ସଂସ୍କୃତି କାର୍ଯ୍ୟଗୋଷ୍ଠୀ ବୈଠକରେ ମୋଟ୍‌ ଦୁଇ ଦିନ ଧରି ଛଅଟି ଅଧିବେଶନରେ ଆଲୋଚନା ହୋଇଥିଲା। ଭାରତର ଜି୨୦ ଅଧ୍ୟକ୍ଷତା ଅଧୀନରେ ୪ଟି ପ୍ରାଥମିକତା କ୍ଷେତ୍ର  : ସାଂସ୍କୃତିକ ସମ୍ପତ୍ତିର ସଂରକ୍ଷଣ ଏବଂ ପୁନଃପ୍ରତିଷ୍ଠା; ଦୀର୍ଘସ୍ଥାୟୀ ଭବିଷ୍ୟତ ପାଇଁ ଜୀବନ୍ତ ଐତିହ୍ୟର ଉପଯୋଗ; ସଂସ୍କୃତି ଏବଂ ସୃଜନଶୀଳ ଉଦ୍ୟୋଗ ଓ ଅର୍ଥବ୍ୟବସ୍ଥାର ପ୍ରୋତ୍ସାହନ; ଏବଂ ସଂସ୍କୃତିର ସୁରକ୍ଷା ଓ ସଂରକ୍ଷଣ ପାଇଁ ଡିଜିଟାଲ ପ୍ରଯୁକ୍ତିର ଉପଯୋଗ ଉପରେ ଆଲୋଚନା କରାଯାଇଥିଲା।

ଜି୨୦ ସଂସ୍କୃତି କାର୍ଯ୍ୟଗୋଷ୍ଠୀର ଦ୍ୱିତୀୟ ବୈଠକର ଅଂଶବିଶେଷ ସ୍ୱରୂପ ‘ସଷ୍ଟେନ : ଦ କ୍ରାଫ୍ଟ ଇଡିଅମ୍’ ଶୀର୍ଷକ ପ୍ରଦର୍ଶନୀ ଭୁବନେଶ୍ୱରସ୍ଥିତ ଓଡ଼ିଶା ହସ୍ତଶିଳ୍ପ ସଂଗ୍ରହାଳୟ – କଳାଭୂମି ପରିସରରେ ଆୟୋଜନ କରାଯାଇଥିଲା। ସଂସ୍କୃତି କାର୍ଯ୍ୟଗୋଷ୍ଠୀ ଦ୍ୱାରା ଗ୍ରହଣ କରାଯାଇଥିବା ଦ୍ୱିତୀୟ ପ୍ରାଥମିକତା – “ଏକ ଦୀର୍ଘସ୍ଥାୟୀ ଭବିଷ୍ୟତ ପାଇଁ ଜୀବନ୍ତ ଐତିହ୍ୟର ଉପଯୋଗ” ବିଷୟବସ୍ତୁକୁ ଆଧାର କରି ଏହି ପ୍ରଦର୍ଶନୀ ଅନୁଷ୍ଠିତ ହୋଇଥିଲା। ସେହିପରି ‘ସଂସ୍କୃତି ସମସ୍ତଙ୍କୁ ଏକଜୁଟ କରିଥାଏ’ ଶୀର୍ଷକ ବାର୍ତ୍ତା ନେଇ ପୁରୀ ବେଳାଭୂମିରେ ଅନ୍ତର୍ଜାତୀୟ ଖ୍ୟାତିସମ୍ପନ୍ନ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଏକ ବାଲୁକା କଳା ପ୍ରଦର୍ଶନ କରିଥିଲେ।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଆଜି ‘ସଂସ୍କୃତି ସମସ୍ତଙ୍କୁ ଏକଜୁଟ୍‌ କରିଥାଏ’ ବିଷୟବସ୍ତକୁ ନେଇ ତିଆରି ହେବ ବାଲୁକା କଳା

ଭୁବନେଶ୍ଵର: ଭାରତର ଜି୨୦ ଅଧ୍ୟକ୍ଷତା ଅଧୀନରେ ସଂସ୍କୃତି କାର୍ଯ୍ୟଗୋଷ୍ଠୀ ପକ୍ଷରୁ ‘‘ସଂସ୍କୃତି ସମସ୍ତଙ୍କୁ ଏକଜୁଟ୍‌ କରିଥାଏ’’ ଶୀର୍ଷକ ବାର୍ତ୍ତାକୁ ଏକ ବ୍ୟାପକ ଅଭିଯାନ ଆକାରରେ ପ୍ରଚାରପ୍ରସାର କରାଯିବ। ବିବିଧ ସଂସ୍କୃତି ଓ ସମୁଦାୟଗୁଡ଼ିକ ମଧ୍ୟରେ ଶାନ୍ତିପୂର୍ଣ୍ଣ ସହାବସ୍ଥାନ ଉପରେ ଆଧାରିତ ବହୁପକ୍ଷବାଦ ଉପରେ ଭାରତର ଅତୁଟ ବିଶ୍ୱାସକୁ ପ୍ରକଟ କରିବା ଲାଗି ଏହି ଅଭିଯାନ ଆରମ୍ଭ ହୋଇଛି।

ଭୁବନେଶ୍ୱର ଠାରେ ଆଜି ଆୟୋଜିତ ହେବାକୁ ଥିବା ଦ୍ୱିତୀୟ ସଂସ୍କୃତି କାର୍ଯ୍ୟଗୋଷ୍ଠୀ ବୈଠକ ଅଧୀନରେ ‘‘ସଂସ୍କୃତି ସମସ୍ତଙ୍କୁ ଏକଜୁଟ୍‌ କରିଥାଏ’’ ବାର୍ତ୍ତାକୁ ନେଇ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ଆସନ୍ତାକାଲି ଅର୍ଥାତ୍‌ ୧୪ ତାରିଖରେ ଏକ ବାଲୁକା କଳାକୃତି ପ୍ରଦର୍ଶନ କରିବେ। ଏହି ବାଲୁକା କଳାକୁ କେନ୍ଦ୍ର ସଂସ୍କୃତି, ପର୍ଯ୍ୟଟନ ଓ ଡୋନର ମନ୍ତ୍ରୀ ଜି. କିଶନ ରେଡ୍ଡୀ ଏବଂ କେନ୍ଦ୍ର ସଂସ୍କୃତି ଓ ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ଅର୍ଜୁନ ରାମ ମେଘୱାଲ ଉଦଘାଟନ କରିବେ।

ଆଜିର ଦୁନିଆ ପରସ୍ପର ସହ ଯୋଡ଼ି ହୋଇ ରହିଛି। ଏଭଳି ସ୍ଥିତିରେ ସହଭାଗୀ ପରିଣାମକୁ ଆଗେଇ ନେବା ଏବଂ ସମାବେଶୀ ତଥା ସଦଭାବନାପୂର୍ଣ୍ଣ ସହାବସ୍ଥାନ ପାଇଁ ସଂସ୍କୃତି ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ। ‘ସଂସ୍କୃତି ସମସ୍ତଙ୍କୁ ଏକଜୁଟ୍‌ କରିଥାଏ’ର ବାର୍ତ୍ତା ଏହି ସତ୍ୟକୁ ସ୍ୱୀକାର କରିଥାଏ ଯେ, ଭିନ୍ନ ଭିନ୍ନ ସାଂସ୍କୃତିକ ପରମ୍ପରା ଓ ଚାଲିଚଳଣିରେ ବ୍ୟାପକ ଭିନ୍ନତା ରହିଥିଲେ ସୁଦ୍ଧା ସେଗୁଡ଼ିକ ମଧ୍ୟରେ ଏକ ଅନ୍ତର୍ନିହିତ ଆଦର୍ଶ ଓ ମୂଲ୍ୟବୋଧଗତ ସମାନତା ଦେଖିବାକୁ ମିଳେ। ସଂସ୍କୃତିରେ ଏପରି ସମ୍ଭାବନା ରହିଛି, ଯାହା ସୀମାପାର୍‌ ସମ୍ପର୍କକୁ ପ୍ରୋତ୍ସାହିତ କରିବା ସହିତ ରାଷ୍ଟ୍ର, ସମୁଦାୟ ଓ ବ୍ୟକ୍ତିବିଶେଷଙ୍କୁ ବାସ୍ତବ ପାରସ୍ପରିକ ଆଲୋଚନା ତଥା ବୁଝାମଣା ପାଇଁ ଅନୁପ୍ରାଣିତ କରିପାରିବ।

ସାମ୍ପ୍ରତିକ ଜାଗତିକ ସମସ୍ୟାଗୁଡ଼ିକର ଦୀର୍ଘସ୍ଥାୟୀ ଏବଂ ସନ୍ତୁଳିତ ସମାଧାନ ପାଇଁ ସହଭାଗିତା ବିକଶିତ କରିବା ନିମନ୍ତେ ସଂସ୍କୃତି ମାର୍ଗପ୍ରଶସ୍ତ କରିଥାଏ। ‘‘ସଂସ୍କୃତି ସମସ୍ତଙ୍କୁ ଏକଜୁଟ କରିଥାଏ’’ର ବାର୍ତ୍ତା ‘ବସୁଧୈବ କୁଟୁମ୍ବକମ’ (ସାରା ବିଶ୍ୱ ଏକ ପରିବାର) ଆଦର୍ଶକୁ ନେଇ ସାମୂହିକ ସ୍ଥାୟୀ ଭବିଷ୍ୟତ ଏବଂ ସାର୍ବଜନୀନ କଲ୍ୟାଣ ଦିଗରେ କାମ କରିବା ଲାଗି ଏକ ସାମଗ୍ରିକ ଦୃଷ୍ଟିକୋଣକୁ ପ୍ରତିଫଳିତ କରିଥାଏ।

ଭାରତରେ ବାଲୁକା କଳାର ଅଗ୍ରଦୂତ ଭାବେ ପରିଚିତ ସୁଦର୍ଶନ ପଟ୍ଟନାୟକଙ୍କୁ କଳା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଯୋଗଦାନକୁ ବିଚାର କରି ଦେଶର ତୃତୀୟ ସର୍ବୋଚ୍ଚ ନାଗରିକ ସମ୍ମାନ ପଦ୍ମଶ୍ରୀରେ ସମ୍ମାନିତ କରାଯାଇଛି। ତାଙ୍କର ବାଲୁକା କଳାକୃତିଗୁଡ଼ିକ ବିଶ୍ୱପ୍ରସିଦ୍ଧ ଏବଂ ବିଶ୍ୱସ୍ତରର ବିଭିନ୍ନ ପ୍ରତିଯୋଗିତାରେ ସେ ଭାରତ ପକ୍ଷରୁ ପ୍ରତିନିଧିତ୍ୱ କରିସାରିଛନ୍ତି। ନିଜ କଳାକୁ ଉପଯୋଗ କରି ସାମାଜିକ ଓ ପରିବେଶଗତ ପ୍ରସଙ୍ଗରେ ସଚେତନତା ସୃଷ୍ଟି କରିବା ଏବଂ ଆପୋସ ହିତ ଲାଗି ଜନସାଧାରଣଙ୍କୁ ଏକଜୁଟ କରିବା ସହିତ ଶାନ୍ତି ଓ ସଦଭାବନାର ବାର୍ତ୍ତା ପ୍ରଚାର କରିବାରେ ଶ୍ରୀ ପଟ୍ଟନାୟକ ବିଶ୍ୱାସ କରିଥାନ୍ତି।

ସାରା ବିଶ୍ୱରେ ବାଲୁକା କଳା ନିର୍ମାଣ କାର୍ଯ୍ୟରେ ସାଂସ୍କୃତିକ ଏବଂ ଆଞ୍ଚଳିକ ପାର୍ଥକ୍ୟ ସତ୍ତ୍ୱେ ଗୋଟିଏ ସମାନତା ସେମାନଙ୍କୁ ଏକତ୍ରିତ କରିଥାଏ। ଏହାର ମୂଳରେ ଥିବା ସମାନତାଟି ହେଉଛି, ବାଲୁକା କଳା ପ୍ରାକୃତିକ ଦୁନିଆର ସୌନ୍ଦର୍ଯ୍ୟ ଏବଂ ଏହାର କ୍ଷଣିକ ଚରିତ୍ରକୁ ପ୍ରତିଫଳିତ କରିଥାଏ। ଏହି ଦୀର୍ଘସ୍ଥାୟୀ କଳା ସ୍ୱରୂପ, ବେଳାଭୂମିରେ ତୁରନ୍ତ ମିଳିଯାଉଥିବା ବାଲି ଓ ପାଣିରେ ତିଆରି କରାଯାଏ ଏବଂ ଏହାଦ୍ୱାରା ପ୍ରକୃତିର କୌଣସି କ୍ଷତି ହୁଏ ନାହିଁ।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଛତିଶଗଡରେ ସହିଦ ଯବାନଙ୍କୁ ବାଲୁକା କଳାରେ ଶ୍ରଦ୍ଧାଞ୍ଜଳୀ ଦେଲେ ସୁଦର୍ଶନ

ଭୁବନେଶ୍ବର: ଗତକାଲି ଛତିଶଗଡ ଦାନ୍ତେୱାଡାରେ ମାଓବାଦମାନେ ଯେପରି ବର୍ବରକାଣ୍ଡ କଲେ ସେଥିରେ ଦଶ ଜଣ ଯବାନ ମୃତ୍ୟୁବରଣ କରିଛନ୍ତି। ଏହି ଘଟଣା ସାରା ଭାରତ ବର୍ଷକୁ ସ୍ତବ୍ଧ କରିଦେଇଛି। ବିଭିନ୍ନ ମହଲରେ ଏହି ଘଟଣାକୁ ନିନ୍ଦା କରାଯାଇଛି। ବିଭିନ୍ନ ସ୍ଥାନରେ ମୃତ ଯବାନଙ୍କୁ ଶ୍ରଦ୍ଧାଞ୍ଜଳୀ ମଧ୍ୟ ଦିଆଯାଉଛି।

ଏହିପରି କ୍ଷେତ୍ରରେ ଆନ୍ତର୍ଜାତୀୟ ବାଲୁକା ଶିଳ୍ପ ସୁଦର୍ଶନ ପଟ୍ଟନାୟକ ମଧ୍ୟ ତାଙ୍କ କଳା ମାଧ୍ୟମରେ ମୃତ ଯବାନଙ୍କୁ ଶ୍ରଦ୍ଧାଞ୍ଜଳୀ ପ୍ରଦାନ କରିଛନ୍ତି। ସେ ପୁରୀ ବେଳାଭୂମିରେ ଏକ ରଂଗୀନ ବାଲୁକା ସ୍ଥାପତ୍ୟ ନିର୍ମାଣ କରିଛନ୍ତି। ସେଥିରେ ସେ ଯବାନମାନଙ୍କ ଟୋପିଗୁଡିକ ବିକ୍ଷିପ୍ତ ହୋଇପଡିଥିବାରୁ ଦୃଶ୍ୟକୁ କଳା ମାଧ୍ୟମରେ ଅବଗତ କରାଇଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆଜି ଘଣ୍ଟାଏ ପାଇଁ ବିଦ୍ୟୁତ ସୁଇଚ ବନ୍ଦ କରନ୍ତୁ, ବାଲୁକା କଳାରେ ସଚେତନ କଲେ ସୁଦର୍ଶନ

ପୁରୀ: ଆଜି ସାରା ବିଶ୍ବ ପାଳନ କରିବ ଆର୍ଥ ଆୱାର। ଅର୍ଥାତ ଘଣ୍ଟାଏ ପାଇଁ ଆଜି ଘରର ସମସ୍ତ ବିଦ୍ୟୁତ ସୁଇଚ ଅପ କରିବାକୁ ପରାମର୍ଶ ଦିଆଯାଇଛି। ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ଅନ୍ତର୍ଜାତୀୟ ବାଲୁକା ଶିଳ୍ପ ସୁଦର୍ଶନ ପଟ୍ଟନାୟକ ନେଇଛନ୍ତି ପଦକ୍ଷେପ। ସେ ନିର୍ମାଣ କରିଛନ୍ତି ଏକ ବାଲୁକା କଳା, ଯାହା ପର୍ଯ୍ୟଟକଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ବେଶ ସାହାଯ୍ୟ କରିପାରୁଛି।

ବର୍ତ୍ତମାନ ପୃଥିବୀ ଧିରେ ଧିରେ ଉତପ୍ତ ହେବାରେ ଲାଗିଛି। ଏଥିପାଇଁ ଆମ ଘରର ବିଦ୍ୟୁତ ମଧ୍ୟ କେତେକ କାରଣ ପାଇଁ ଦାୟୀ। ସେଥିପାଇଁ ଆଜି ରାତି ୮ ଟା ୩୦ ରୁ ୯ ଟା ୩୦ ପଯ୍ୟନ୍ତ ବିଦ୍ୟୁତ ସୁଇଚ ବନ୍ଦ କରିବାକୁ ଅନୁରୋଧ କରାଯାଇଛି। ଗୋଟିଏ ସମୟରେ ପୃଥିବୀର ବିଦ୍ୟୁତ ବନ୍ଦ ହେଲେ ତାହାର ପ୍ରଭାବ ପଡିବାକୁ ଥିବାରୁ ସବୁଆଡେ ଗୋଟିଏ ସମୟ ଧାର୍ଯ୍ୟ କରାଯାଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ଗଣତନ୍ତ୍ର ଦିବସ ଉପଲକ୍ଷେ ସୁଦର୍ଶନଙ୍କ ନିଆରା ବାଲୁକା କଳା କରୁଛି ଆକର୍ଷିତ

ପୁରୀ: ଆନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଏଥର ସାଧାରଣତନ୍ତ୍ର ଦିବସ ଉପଲକ୍ଷେ ନିର୍ମାଣ କରିଛନ୍ତି ସ୍ବତନ୍ତ୍ର ବାଲୁକା କଳା। ଏହି କଳା ଏଇଥିପାଇଁ ସ୍ବତନ୍ତ୍ର ରହିଛି କାରଣ ସେ ଏଥର ବାଲୁକା କଳାରେ ସ୍ଥାପନ କରିଛନ୍ତି ଷ୍ଟିଲ ଗିନାରେ ଥିବା ମହମ ବତୀ। ଯାହା ଗଣତନ୍ତ୍ର ଦିବସରେ ମୁଖ୍ୟ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଯାଇଛି।

ପୁରୀ ବେଳାଭୂମିରେ ସୁଦର୍ଶନ ନିର୍ମାଣ କରିଛନ୍ତି ଏହି ବାଲୁକା କଳା। ଏଥିରେ ସେ ବିଭିନ୍ନ ରଂଗର ମହମ ଭର୍ତ୍ତି ଷ୍ଟିଲ କପକୁ ସ୍ଥାପନ କରିଛନ୍ତି।  ସୁଦର୍ଶନ ୭୪ତମ ସାଧାରଣତନ୍ତ୍ରକୁ ଏହି କପ ଦ୍ବାରା ସଜାଇଛନ୍ତି। ସେହିପରି ସ୍ଥାପତ୍ୟ ମଝିରେ ସେ ଇଂରାଜୀରେ ‘ହାପି ରିପବ୍ଲିକ ଡେ’ ବୋଲି ଉଲ୍ଲେଖ କରିଛନ୍ତି।

ସେହିପରି ସେ ଏହି ସ୍ଥାପତ୍ୟରେ ମଦର ଇଣ୍ଡିଆ ଏବଂ ପାରା ଉଡୁଥିବାରୁ ଦୃଶ୍ୟକୁ କାଳାକୃତରେ ସ୍ଥାନିତ କରିଛନ୍ତି। ଏହାର ଠିକ ଉପରେ ସୁଦର୍ଶନ ଇଂରାଜୀରେ ‘ଆଇ ଲଭ ମାଇ ଇଣ୍ଡିଆ’ ବୋଲି ମଧ୍ୟ ଲେଖିଛନ୍ତି। ଏହି କଳାକୃତି ସାଧାରଣତନ୍ତ୍ର ଦିବସରେ ପୁରୀ ଆସୁଥିବା ପର୍ଯ୍ୟଟକଙ୍କୁ ବେଶ ଆକର୍ଷିତ କରିପାରିଛି।

Categories
Hockey Worldcup23 ଜାତୀୟ ଖବର ବିଶେଷ ଖବର ରାଜ୍ୟ ଖବର

ଚର୍ଚ୍ଚାରେ ସୁଦର୍ଶନ ପଟ୍ଟନାୟକଙ୍କ ୫ ହଜାର ହକି ବଲରେ ନିର୍ମିତ ବାଲୁକା କଳା

କଟକ: ବର୍ତ୍ତମାନ ସାରା ଓଡିଶାରେ ଅନୁଭୂତ ହୋଇଛି ହକି ଜ୍ବର। ଚାରିଆଡେ ବର୍ତ୍ତମାନ ହକିକୁ ନେଇ ଚର୍ଚ୍ଚା। କାରଣ ଆଜି ହେଉଛି ଏହି ହକି ମହାକୁମ୍ଭର ଉଦଘାଟନ ସଂଧ୍ୟା। ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହା ମହାକୁମ୍ଭକୁ ଆନୁଷ୍ଠାନିକ ଭାବେ ଉଦଘାଟନ କରିବେ। ସେଥିପାଇଁ ପ୍ରାୟ ବର୍ଷାଧିକାଳ ଏହାର ପ୍ରସ୍ତୁତି ଆରମ୍ଭ ହୋଇଛି।

ସେଥିପାଇଁ କଟକ, ଭୁବନେଶ୍ବର ଏବଂ ରାଉରକେଲା ସହରକୁ ପୁରା ନୂଆ ରାଣୀ ପରି ସଜାଇ ଦିଆଯାଇଛି। ଚାରିଆଡେ ପେଣ୍ଟିଂ, ସ୍ଥାପତ୍ୟ ଏବଂ ସୁନ୍ଦର ତୋରଣ ସାରା ସହର ଝଲସି ଉଠିଛି। କଳିଙ୍ଗ ଷ୍ଟାଡିୟମକୁ ମଧ୍ୟ ନୂଆ ରୂପ ଦିଆଯାଇଛି। ଉଦଘାଟିତ ହୋଇଛି ରାଉରକେଲାରେ ନୂଆ ହକି ଷ୍ଟାଡିୟମ। ବର୍ତ୍ତମାନ ଚାରିଆଡେ କେବଳ ହକି ହକି ଆଉ ହକି।

ଏପରି ପରିବେଶରେ ଆନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ କେମିିତି ବାଦ ପଡିଥାଆନ୍ତେ। ସେ ମଧ୍ୟ ନିଜର ଜଲୱା ପ୍ରଦର୍ଶିତ କରିଛନ୍ତି। ସେ କଟକ ବାଲିଯାତ୍ରା ପଡିଆରେ ନିର୍ମାଣ କରିଛନ୍ତି ଭିନ୍ନ ଏକ କଳା। ଯାହାକୁ ଯେ ଦେଖୁଛି ସେ ଘଡିଏ ଅନେଇ ରହୁଛି। ତାଙ୍କ କଳାର ଆକର୍ଷଣ ଏପରି ହୋଇଛି ଯେ ସବୁ ଆୟୋଜନଠାରୁ ଏହା ବଳିଯାଇଛି କହିଲେ ଅତ୍ୟୁକ୍ତି ହେବ ନାହିଁ।

ସୁଦର୍ଶନ ବାଲୁକା କଳାରେ ନିର୍ମାଣ କରିଛନ୍ତି ଏକ ହକି ଷ୍ଟିକ୍। ତେବେ ଏହି ବାଲୁକାରେ ସେ ସ୍ଥାପନ କରିଛନ୍ତି ବିଭିନ୍ନ ରଂଗର ହକି ବଲ। ସେ ପ୍ରାୟ ୫ ହଜାର ହକି ବଲରେ ନିର୍ମାଣ କରିଛନ୍ତି ଏହି ହକି ଷ୍ଟିକ୍। ଏହାକୁ ସେ ଏପରି ନିର୍ମାଣ କରିଛନ୍ତି ଯେ, ସେଥିରେ ସେ ହକି ଟ୍ରଫି, ହକି ଷ୍ଟିକ, ଷ୍ଟାଡିୟମ, ହକି ବଲ ଏବଂ ବିଭିନ୍ନ ଦେଶର ଜାତୀୟ ପତାକା କଳାକୁ ସେଥିରେ ସ୍ଥାନିତ କରିଛନ୍ତି।

ଏହି ହକି ଷ୍ଟିକର ଲମ୍ବା ୧୦୫ ଫୁଟ ରହିଥିବା ବେଳେ ଚଉଡା ରହିଛି ୪୫ ଫୁଟ ଏବଂ ଉଚ୍ଚତା ରହିଛି ୨୨ ଫୁଟ। ଏଥିରେ ସୁଦର୍ଶନ ୬୮ ଟନ ବାଲିକୁ ସ୍ଥାପତ୍ୟରେ ବ୍ୟବହାର କରିଛନ୍ତି। ଏଥିରେ ସୁଦର୍ଶନଙ୍କ ୧୫ ଜଣ ଛାତ୍ରଛାତ୍ରୀ ସହଯୋଗ କରିଛନ୍ତି। ତେବେ ସବୁଠାରୁ ବଡ କଥା ହେଲା ଯେ, ଏଥିରେ ବ୍ୟବହାର ହୋଇଥିବା ହକି ବଲଗୁଡିକ ବିଭିନ୍ନ ହକି ଖେଳାଳିଙ୍କଠାରୁ ସଂଗ୍ରହ କରାଯାଇଛି।

ଏହି ବାଲୁକା କଳା ଖୁବ ଶିଘ୍ର ଏକ ନୂଆ ରେକର୍ଡରେ ସ୍ଥାନିତ ହେବ ବୋଲି ଅନୁମାନ କରାଯାଇଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ନୂଆ ବର୍ଷକୁ ଆକର୍ଷଣୀୟ ବାଲୁକା କଳାରେ ସ୍ବାଗତ କଲେ ଶିଳ୍ପୀ ସୁଦର୍ଶନ ପଟ୍ଟନାୟକ

Happy New Year 2023: ଆଜି ନୂଆ ବର୍ଷ। ସାରା ପୃଥିବୀ ବେଶ ରଂଗୀନ ହୋଇ ଉଠିଛି। ସମସ୍ତେ ବର୍ତ୍ତମାନ ଏହି ନୂଆ ବର୍ଷକୁ ସ୍ବାଗତ କରିବା ମୁଡରେ ଅଛନ୍ତି। ଏପରି କ୍ଷେତ୍ରରେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ କିପରି ଚୁପ ରୁହନ୍ତେ। ସେ ମଧ୍ୟ ନିଜ ବାଲୁକା କଳାରେ ନୂତନ ବର୍ଷକୁ ସ୍ବାଗତ କରିଛନ୍ତି।

ତେବେ ଏଥରର ସୁଦର୍ଶନଙ୍କ ବାଲୁକା କଳା ତାଙ୍କର ପୂର୍ବ କଳାଠାରୁ ସଂପୂର୍ଣ୍ଣ ଭିନ୍ନ ରହିଛି। କାରଣ ସେ ସବୁବେଳେ ଏହି ନୂଆ ବର୍ଷ ହେଉ କିମ୍ବା ଅନ୍ୟ କୌଣସି ଗୁରୁତ୍ବପୂର୍ଣ୍ଣ ଦିନରେ ବାଲୁକା କଳା କରିଥାନ୍ତି। ତେବେ ସେହି ବାଲୁକା କଳାକୁ ସେ କେବଳ ବାଲିରେ ନିର୍ମାଣ କରିଥାନ୍ତି।

ହେଲେ ଚଳିତ ନୂଆ ବର୍ଷରେ ସୁଦର୍ଶନ ଏକ ନୂଆ ଢାଞ୍ଚାରେ ତାଙ୍କର ବାଲୁକା କଳାକୁ ନିର୍ମାଣ କରିଛନ୍ତି। ସେ ଏଥର ବାଲୁକା କଳାରେ ବ୍ୟବହାର କରିଛନ୍ତି ବିଭିନ୍ନ ରଂଗବେରଂଗର ସତେଜ ଫୁଲ। ଯାହା ତାଙ୍କ କଳାକୁ ବେଶ୍ ଆକର୍ଷଣୀୟ କରିଦେଇଛି। ଯେ ଦେଖୁଛି ସେ ଘଡିଏ ଅନେଇ ରହୁଛି। ପ୍ରଶଂସାରେ ଶତମୁଖ ହୋଇ ଯାଉଛନ୍ତି ଦେଖଣାହାରୀ।

ସୁଦର୍ଶନ 2023 ମସିହାକୁ ସ୍ବାଗତ କରିବା ପାଇଁ ସେ ପ୍ରଭୃ ଶ୍ରୀଜଗନ୍ନାଥ, ବଳଭଦ୍ର ଏବଂ ମା ସୁଭଦ୍ରାଙ୍କ ବାଲୁକା ପ୍ରତିମୂର୍ତ୍ତି ପୁରୀ ବେଳା ଭୂମିରେ କରିଛନ୍ତି। ଏଥିରେ ସେ ବିଶେଷ ଭାବେ ଗୋଲାପ ଫୁଲ ବ୍ୟବହାର କରିଛନ୍ତି। ତିନିଠାକୁରଙ୍କ ଉପରେ ସେ ଏପରି ଏକ ଫୁଲର ହାର ଲଗାଇଛନ୍ତି, ଯାହା ବେଶ ଆକର୍ଷଣୀୟ ହୋଇଛି। ସେହିପରି ନାଲି ଓ ଧଳାଫୁଲରେ ସେ ତିନିଠାକୁରଙ୍କ ମୁକୁଟ, ମାଳାକୁ ସ୍ଥାପନ କରିଛନ୍ତି।

ଏହି ବାଲୁକା କଳାର ତିନି ଠାକୁରଙ୍କ ତଳେ ଇଂରାଜୀରେ ସେ ଜୟ ଜଗନ୍ନାଥ ବୋଲି ଉଲ୍ଲେଖ କରିଛନ୍ତି। ସେହିପରି ପୁରା ତଳେ ସେ ଓଡିଆରେ ଜୟ ଜଗନ୍ନାଥ ଲେଖିବା ସହିତ 2023 ସ୍ବାଗତଂ ବୋଲି ଲେଖିଛନ୍ତି। ଏହି କଳା ପୁରୀ ବେଳାଭୂମିରେ ପର୍ଯ୍ୟଟକଙ୍କୁ ବେଶ୍ ଆକୃଷ୍ଠ କରିଛି। ବର୍ତ୍ତମାନ ନୂଆ ବର୍ଷକୁ ପୁରୀରେ ଲୋକ ଗହଳି ଥିବାରୁ ଏହି କଳା ସେମାନଙ୍କ ପାଇଁ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି।

Categories
ଜାତୀୟ ଖବର ବିଶେଷ ଖବର ବ୍ୟକ୍ତିତ୍ୱ

ହୀରାବେନଙ୍କ ପାଇଁ ବାଲୁକା କଳାରେ ଶୋକବ୍ୟକ୍ତ କଲେ ଶିଳ୍ପୀ ସୁଦର୍ଶନ ପଟ୍ଟନାୟକ

ପୁରୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାଆ ହୀରାବେନଙ୍କ ଅହମ୍ମଦାବାଦରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ଶହେ ବର୍ଷ ହୋଇଥିଲା। ସେ ଅସୁସ୍ଥ ହୋଇ ହସପିଟାଲରେ ଚିକିତ୍ସିତ ହେଉଥିଲେ। ଭୋର ୩ ଟା ୩୦ ମିନିଟରେ ସେ ଶେଷ ନିଃସ୍ବାସ ତ୍ୟାଗ କଲେ। ସେଥିପାଇଁ ଆଜି ବହୁ ବିଶିଷ୍ଠ ବ୍ୟକ୍ତି ତାଙ୍କ ମୃତ୍ୟୁରେ ଶୋକ ବ୍ୟକ୍ତ କରିଛନ୍ତି।

ସେହିପରି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ତାଙ୍କ ବାଲୁକା କଳାରେ ଶୋକ ବ୍ୟକ୍ତି କରିଛନ୍ତି। ସେ ପୁରୀ ବେଳାଭୂମିରେ ହୀରାବେନଙ୍କ ବାଲୁକା କଳା ନିର୍ମାଣ କରିଛନ୍ତି ଯାହା ବେଶ ଆକର୍ଷଣୀୟ ହୋଇଛି। ଏଥିରେ ସେ ପଛପଟେ ‘ମା’ ବୋଲି ହିନ୍ଦିରେ ଉଲ୍ଲେଖ କରିଛନ୍ତି।

ସେ ନୀଳ ରଂଗର ଏକ ସ୍ତୁପ ନିର୍ମାଣ କରି ତା ଉପରେ ଧଳା ରଂଗର ବାଲିରେ ହୀରାବେନଙ୍କ ବାଲୁକା କଳା ସ୍ଥାପନ କରିଛନ୍ତି। ତାଙ୍କ ଚାରିପଟେ ମେଘ ଖଣ୍ଡକୁ ସେ ମଧ୍ୟ ସ୍ଥାପନ କରିଛନ୍ତି। ଏହାର ଅର୍ଥ ହେଉଛି ଯେ, ମା ହୀରେବନ ବର୍ତ୍ତମାନ ସ୍ବର୍ଗ ଭୂମିରେ ପଦାର୍ପଣ କରିଛନ୍ତି। ତା ତଳେ ସୁଦର୍ଶନ ଇଂରାଜୀରେ ‘ଓମ୍ ଶାନ୍ତି’ ବୋଲି ଲେଖିଛନ୍ତି।

ସୁଦର୍ଶନ ଏକ ଟୁଇଟ କରି କହିଛନ୍ତି ଯେ, ‘ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାଆ ହୀରାବେନ ମୋଦୀଙ୍କ ପଦ୍ମପାଦ ଭଗବାନଙ୍କ ନିକଟରେ ପହଁଚିଛି। ଏଥିପାଇଁ ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ତାଙ୍କ ପରିବାରଙ୍କୁ ମୋର ବାଲୁକା କଳା ମାଧ୍ୟମରେ ସମବେଦନା ଜଣାଉଅଛି।

Categories
Christmas22 ଆଜିର ଖବର ଜାତୀୟ ଖବର ରାଜ୍ୟ ଖବର

ଟମାଟରେ ସୁଦର୍ଶନ ନିର୍ମାଣ କଲେ ସାଣ୍ଟ କ୍ଲଜ, ଲାଗିଲା ଦେଢ ଟନ ଟମାଟ

ଗୋପାଳପୁର: ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଖ୍ରୀଷ୍ଟମାସ ଉପଲକ୍ଷେ ନିର୍ମାଣ କରିଛନ୍ତି ସାଣ୍ଟ କ୍ଲଜ। ପ୍ରତିବର୍ଷ ସେ ଏହି ଖ୍ରୀଷ୍ଟମାସରେ କିଛି ନୂଆ କରି ରେକର୍ଡ କରିଥାନ୍ତି। ଏଥରେ ସେ ମଧ୍ୟ ଏକ ନୂଆ ରେକର୍ଡ କରିବାକୁ ଯାଉଛନ୍ତି। ତାହା ହେଲା ସୁଦର୍ଶନ ଏଥର ବାଲୁକା ସାଣ୍ଟା କ୍ଲଜରେ ସ୍ଥାପନ କରିଛନ୍ତି ଟମାଟ।

ଗୋପାଳପୁର ବେଳାଭୂମିରେ ସେ ନିର୍ମାଣ କରିଛନ୍ତି ବାଲୁକା ଟମାଟ କଳା। ସେ ଏହି କଳା ନିର୍ମାଣ ପାଇଁ ବ୍ୟବହାର କରିଛନ୍ତି ଦେଢ ଟନ ଟମାଟ। ସେ ପ୍ରଥମେ ବାଲିରେ ସାଣ୍ଟା କ୍ଲଜ କରିବା ପରେ ସେଥିରେ ନାଲି ପୋଷାକ ପାଇଁ ଟମାଟକୁ ସ୍ଥାପନ କରିଛନ୍ତି। ଯାହା ବେଶ ଆକର୍ଷଣୀୟ ହୋଇପାରିଛି।

ପ୍ରାୟ 60 ଫୁଟ ଲମ୍ବା ଏବଂ 27 ଫୁଟ ଉଚ୍ଚତା ବିଶିଷ୍ଠ ଏହି ବାଲୁକା କଳା ନିର୍ମାଣ ପାଇଁ ସୁଦର୍ଶନଙ୍କ ସହିତ ତାଙ୍କର ଛାତ୍ରଛାତ୍ରୀ ସାହାଯ୍ୟ କରିଥିଲେ।