Tag: ଅଗ୍ନିବୀର ନିଯୁକ୍ତି

ନୂଆଦିଲ୍ଲୀ: ଅଗ୍ନିପଥ ଯୋଜନା ଅଧୀନରେ ବାୟୁସେନାରେ ଅଗ୍ନିବୀର ନିଯୁକ୍ତି ପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇଛି। ଅଗ୍ନିପଥ ଯୋଜନା ଅଧୀନରେ ଗତ ତିନି ଦିନ ମଧ୍ୟରେ ଭାରତୀୟ ବାୟୁସେନାରେ ଅଗ୍ନୀବୀର ହେବା ପାଇଁ ମୋଟ ୯୪ ହଜାର ୨୮୧ ଟି ଆବେଦନ ଗ୍ରହଣ କରାଯାଇଛି।

ବାୟୁସେନା ଅନୁଯାୟୀ, ଜୁନ୍ ୨୭ ତାରିଖ ସକାଳ ୧୦.୩୦ ପର୍ଯ୍ୟନ୍ତ ସମୁଦାୟ ୯୪ ହଜାର ୨୮୧ ପ୍ରାର୍ଥୀ ବାୟୁସେନା ୱେବସାଇଟରେ ବାୟୁ-ଅଗ୍ନିବୀର୍ ପାଇଁ ଅନ୍ଲାଇନରେ ପଞ୍ଜୀକରଣ କରିଛନ୍ତି। ଅନଲାଇନ୍ ଆବେଦନ ଜୁନ୍ ୨୪ ତାରିଖ ସକାଳରୁ ଆରମ୍ଭ ହୋଇଥିଲା ଯାହା ଜୁଲାଇ ୫ ତାରିଖ ପର୍ଯ୍ୟନ୍ତ ଚାଲିବ। କହିବାକୁ ଗଲେ, ଭାରତୀୟ ବାୟୁସେନାରେ ଅଗ୍ନିପଥ ଯୋଜନା ଅଧୀନରେ ଏହା ହେଉଛି ପ୍ରଥମ ନିଯୁକ୍ତି ପ୍ରକ୍ରିୟା। ସୂଚନା ଅନୁଯାୟୀ, ଅଗ୍ନିପଥ ଯୋଜନା ଅଧୀନରେ ସେନା ଏବଂ ନୌସେନାରେ ଅଗ୍ନିବୀର ହେବା ପାଇଁ ଆବେଦନ ଜୁଲାଇ ୧ ତାରିଖରୁ ଆରମ୍ଭ ହେବ।

ଅଗ୍ନିପଥ ଯୋଜନା ଅନୁଯାୟୀ, ଭାରତୀୟ ବାୟୁସେନାରେ ଅଗ୍ନିବୀର ନିଯୁକ୍ତି ୪ ବର୍ଷ ପାଇଁ କରାଯିବ। ପ୍ରକାଶ ଥାଉ କି ଅଗ୍ନିବୀର୍ ବାୟୁ ଭାରତୀୟ ବାୟୁସେନାରେ ଏକ ପୃଥକ ପଦବୀରେ ରହିବେ, ଯାହାକି ଅନ୍ୟ ବିଦ୍ୟମାନ ପଦବୀଠାରୁ ଭିନ୍ନ। ବାୟୁ ଅଗ୍ନୀବୀରଙ୍କୁ ଚାରି ବର୍ଷ ସେବା ପରେ ଭାରତୀୟ ବାୟୁସେନାରେ ସ୍ଥାୟୀ ଚାକିରି ପାଇଁ ଆବେଦନ କରିବାର ସୁଯୋଗ ଦିଆଯିବ।

ଉଲ୍ଲେଖନୀୟ କଥା ହେଉଛି, ଅନେକ ରାଜନୈତିକ ଦଳ ଆରମ୍ଭରୁ ଭାରତୀୟ ସେନାର ତିନି ପକ୍ଷରେ ନିଯୁକ୍ତି ପାଇଁ କେନ୍ଦ୍ର ସରକାରଙ୍କ ନୂତନ ନୀତିକୁ ବିରୋଧ କରିଛନ୍ତି। ଅଗ୍ନିପଥ ଯୋଜନା ବିରୋଧରେ ଦେଶର ବିଭିନ୍ନ ସ୍ଥାନରେ ଅନେକ ହିଂସାତ୍ମକ ପ୍ରଦର୍ଶନ ମଧ୍ୟ ଦେଖିବାକୁ ମିଳିଥିଲା। ଯେଉଁଠାରେ ବିକ୍ଷୋଭକାରୀମାନେ ଏହି ଯୋଜନାକୁ ବିରୋଧ କରି ଅନେକ ଜନସାଧାରଣ ସ୍ଥାନକୁ ଭଙ୍ଗାରୁଜା କରିଥିଲେ। ଏହି ଯୋଜନାକୁ ସବୁଠାରୁ ବଡ ବିରୋଧ ବିହାରରେ ଦେଖିବାକୁ ମିଳିଥିଲା। ଯେଉଁଠାରେ ଦୁର୍ବୃତ୍ତମାନେ ଅଗ୍ନିପଥ ଯୋଜନା ବିରୁଦ୍ଧରେ ଟ୍ରେନ୍ ରେ ନିଆଁ ଲଗାଇ ଦେଇଥିଲେ। ଏହି ଯୋଜନା ବିରୋଧ ପ୍ରଦର୍ଶନରେ ରେଳବାଇ ସର୍ବାଧିକ କ୍ଷତି ସହିଛି। ଯେଉଁଥିରେ କୋଟି କୋଟି ଟଙ୍କାର ରେଳବାଇର ସମ୍ପତ୍ତି ନଷ୍ଟ ହୋଇଯାଇଛି।

ନୂଆଦିଲ୍ଲୀ: ସେନାରେ ନୂତନ ନିଯୁକ୍ତି ଯୋଜନା ବିରୁଦ୍ଧରେ ଚାଲିଥିବା ପ୍ରଦର୍ଶନ ମଧ୍ୟରେ ସେନା ପରେ ବର୍ତ୍ତମାନ ବାୟୁସେନା ମଧ୍ୟ ଅଗ୍ନିବୀରଙ୍କର ନିଯୁକ୍ତି ପାଇଁ ପଞ୍ଜୀକରଣ ଏବଂ ପରୀକ୍ଷା ତାରିଖ ଘୋଷଣା କରିଛି। ବାୟୁସେନାରେ ଅଗ୍ନିବୀରଙ୍କ ପାଇଁ ସର୍ବନିମ୍ନ ଶିକ୍ଷାଗତ ଯୋଗ୍ୟତା ଦ୍ୱାଦଶ ଅଟେ। ଏଥିରେ ପଦାର୍ଥ ବିଜ୍ଞାନ, ଗଣିତ ଏବଂ ଇଂରାଜୀ ବାଧ୍ୟତାମୂଳକ ହେବା ଉଚିତ୍।

ବାୟୁସେନାରେ ଆଗ୍ନିବୀରଙ୍କ ପାଇଁ ପଞ୍ଜୀକରଣ ଜୁନ୍ ୨୪ ତାରିଖରୁ ଆରମ୍ଭ ହୋଇ ଜୁଲାଇ ୫ ତାରିଖ ପର୍ଯ୍ୟନ୍ତ ଜାରି ରହିବ। ଅନଲାଇନ୍ ମୋଡ୍ ମାଧ୍ୟମରେ ଏହି ପଞ୍ଜୀକରଣ କରାଯିବ। ଏହାର ପରୀକ୍ଷା ଜୁଲାଇ ୨୪ ତାରିଖରେ ଅନୁଷ୍ଠିତ ହେବ। ଏଥିରେ ଶିକ୍ଷାଗତ ଯୋଗ୍ୟତା ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ରଖାଯାଇଛି। ଯେଉଁଥିରେ ପ୍ରାର୍ଥୀଙ୍କର ଗଣିତ, ପଦାର୍ଥ ବିଜ୍ଞାନ ଏବଂ ଇଂରାଜୀ ବାଧ୍ୟତାମୂଳକ ଥିବା ଆବଶ୍ୟକ। ଏହା ସହିତ ଇଂରାଜୀରେ ପଚାଶ ପ୍ରତିଶତ ମାର୍କ ବାଧ୍ୟତାମୂଳକ କରାଯାଇଛି। କିମ୍ବା ଏକ ସରକାରୀ ସ୍ୱୀକୃତିପ୍ରାପ୍ତ ପଲିଟେକ୍ନିକ୍ ଇନଷ୍ଟିଚ୍ୟୁଟରୁ ୫୦ ପ୍ରତିଶତ ମାର୍କ ବିଶିଷ୍ଟ ଇଞ୍ଜିନିୟରିଂ (ମେକାନିକ୍ / ଇଲେକ୍ଟ୍ରିକାଲ୍ / ଇଲେକ୍ଟ୍ରୋନିକ୍ସ / ଅଟୋମୋବାଇଲ୍ / କମ୍ପ୍ୟୁଟର ସାଇନ୍ସ / ଇନଷ୍ଟ୍ରୁମେଣ୍ଟାଲ୍ ଟେକ୍ନୋଲୋଜି / ସୂଚନା ପ୍ରଯୁକ୍ତିବିଦ୍ୟା) ରେ ତିନିବର୍ଷର ଡିପ୍ଲୋମା ପାଠ୍ୟକ୍ରମ ରହିବା ଆବଶ୍ୟକ।