Categories
ଆଜିର ଖବର ରାଜ୍ୟ ଖବର

ଉଲ୍ଲେଖନୀୟ ପ୍ରଦର୍ଶନ ଯୋଗୁଁ ନୀତି ଆୟୋଗ ଦ୍ୱାରା ରାୟଗଡା ଜିଲ୍ଲାକୁ ୫ କୋଟିର ଅନୁଦାନ ପ୍ରଦାନ

ଭୁବନେଶ୍ଵର: ଉଲ୍ଲେଖନୀୟ ପ୍ରଦର୍ଶନ ଯୋଗୁଁ ରାୟଗଡା ଜିଲ୍ଲାକୁ ଆର୍ଥିକ ୫ କୋଟି ଅନୁଦାନ ପ୍ରଦାନ କରିଛନ୍ତି ନୀତି ଆୟୋଗ। ତ୍ରୟମାସିକ ମାନ୍ୟତା ଭିତ୍ତିରେ ଆକାଂକ୍ଷୀ ଜିଲ୍ଲାମାନଙ୍କ ପାଇଁ ପୁରସ୍କାର ଘୋଷଣା କରି ସ୍ୱାସ୍ଥ୍ୟ ଏବଂ ପୁଷ୍ଟିକର, ଶିକ୍ଷା, କୃଷି ଏବଂ ଜଳ ସମ୍ପଦ, ମୂଳ ଭିତ୍ତିଭୂମି, ଆର୍ଥିକ ଅନ୍ତର୍ଭୁକ୍ତୀକରଣ ଏବଂ ଦକ୍ଷତା ବିକାଶର ପାଞ୍ଚଟି କ୍ଷେତ୍ର ମଧ୍ୟରେ ସାମଗ୍ରିକ କାର୍ଯ୍ୟଦକ୍ଷତା ଏବଂ କ୍ଷେତ୍ର ଅନୁଯାୟୀ ଜ୍ଞାନର ସଫଳତାକୁ ମୂଲ୍ୟାଙ୍କନ କରି ସେପ୍ଟେମ୍ବର ୨୦୨୪ ଶେଷ ହେଉଥିବା ତ୍ରୟମାସିକ ପାଇଁ ସର୍ବଶେଷ ଅଧ୍ୟନ ଅନୁଯାୟୀ, ରାୟାଗଡା ଜିଲ୍ଲା ଦେଶର ୧୧୨ ଆକାଂକ୍ଷା ଜିଲ୍ଲା ମଧ୍ୟରେ ସାମଗ୍ରିକ ପ୍ରଦର୍ଶନରେ ତୃତୀୟ ମାନ୍ୟତା ହାସଲ କରିଛି ଏବଂ ଓଡିଶାର ୧୦ ଟି ଆକାଂକ୍ଷା ଜିଲ୍ଲା ମଧ୍ୟରେ ପ୍ରଥମ ସ୍ଥାନ ଅଧିକାର କରିଛି।

ସମସ୍ତ ବର୍ଗର ଉଲ୍ଲେଖନୀୟ ପ୍ରଦର୍ଶନକୁ ସମ୍ମାନ ଜଣାଇ ନୀତିଆୟୋଗ ରାୟଗଡା ଜିଲ୍ଲାକୁ ଆର୍ଥିକ ଅନୁଦାନ ୫ କୋଟି ପ୍ରଦାନ କରିଛନ୍ତି। ଏହି ଅନୁଦାନ ବିକାଶ ପଦକ୍ଷେପକୁ ଆହୁରି ବଢlଇବ ଏବଂ ସ୍ୱାସ୍ଥ୍ୟ, ଶିକ୍ଷା, ଭିତ୍ତିଭୂମି ଏବଂ ଆର୍ଥିକ ଅନ୍ତର୍ଭୂକ୍ତିକୁ ଅନ୍ତର୍ଭୁକ୍ତ କରି ବିଭିନ୍ନ କ୍ଷେତ୍ରରେ ପ୍ରଗତିକୁ ତ୍ୱରାନ୍ୱିତ କରିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି, ଯାହାଦ୍ୱାରା ଏହାର ନାଗରିକଙ୍କ ଜୀବନଶୈଳୀରେ ଉନ୍ନତି ଘଟିବ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ବ୍ରେନ୍ ଷ୍ଟ୍ରୋକ୍‌ ରୋଗରେ ପୀଡ଼ିତ ନାଟ୍ୟ ନିର୍ଦ୍ଦେଶକ ଲାଲା ବୀରେନ: ଚିକିତ୍ସା ପାଇଁ ଅନୁଦାନ ଦେଲେ ରାଜ୍ୟସରକାର

ଭୁବନେଶ୍ୱର: ଓଡ଼ିଶାର ପ୍ରଖ୍ୟାତନାମା ନାଟ୍ୟ ନିର୍ଦ୍ଦେଶକ ତଥା ଓଡ଼ିଶା ନାଟ୍ୟସଂଘର ସମ୍ପାଦକ ଲାଲା ବୀରେନ ପ୍ରସାଦ ରାୟ ଗତ ଦୁଇଦିନ ଧରି ମସ୍ତିଷ୍କ ରକ୍ତପ୍ରବାହ ଜନିତ (ବ୍ରେନ୍ ଷ୍ଟ୍ରୋକ୍‌) ରୋଗରେ ପୀଡ଼ିତ ହୋଇ, ଲୁଇସରୋଡ଼, ଭୁବନେଶ୍ୱରସ୍ଥିତ ଶ୍ରୀ ହସ୍ପିଟାଲରେ ଚିକିତ୍ସିତ ହେଉଛନ୍ତି। ତାଙ୍କର ଏହି ଅସୁସ୍ଥତାର ଖବର ପାଇ ଓଡ଼ିଶା ସଙ୍ଗୀତ ନାଟକ ଏକାଡ଼େମୀର ସଚିବ ପ୍ରବୋଧ ରଥ, ଓଡ଼ିଶା ନାଟ୍ୟସଂଘର ବରିଷ୍ଠ ଉପଦେଷ୍ଟା ଧୀରେନ୍ଦ୍ରନାଥ ମଲ୍ଲିକ ଓ ଓଡ଼ିଶା ନାଟ୍ୟସଂଘର ସଭାପତି ହରେନ୍ ସାହୁ ସରକାରଙ୍କ ପାଖରେ ଶ୍ରୀ ରାୟଙ୍କ ଏହି ଦୁଃସମୟରେ ଆର୍ଥିକ ସହାୟତା ଦେବା ପାଇଁ ଆବେଦନ କରିଥିଲେ। ବଡ଼ ଖୁସିର କଥା ଯେ, ସରକାର ଗୁରୁତ୍ୱର ସହିତ ଏହାକୁ ବିଚାରକୁ ନେଇ ଶ୍ରୀ ରାୟଙ୍କ ଚିକିତ୍ସା ଖର୍ଚ୍ଚ ପାଇଁ ୧ଲକ୍ଷ ଟଙ୍କାର ଅନୁଦାନ ପ୍ରଦାନ କରିଛନ୍ତି।

ଏଠାରେ ସୂଚନାଯୋଗ୍ୟ ଯେ, ଆଜି ସନ୍ଧ୍ୟାରେ ବ୍ୟକ୍ତିଗତ ଭାବେ ଓଡ଼ିଶା ସଙ୍ଗୀତ ନାଟକ ଏକାଡ଼େମୀର ସଚିବ ପ୍ରବୋଧ ରଥ, ନାଟ୍ୟସଂଘର ସଭାପତି ହରେନ୍ ସାହୁ ଓ ଓଡ଼ିଶା ନାଟ୍ୟସଂଘର ଯୁଗ୍ମ ସମ୍ପାଦକ ଶୁଭକାନ୍ତ ପାଢୀ ଏହି ଅନୁଦାନ ରାଶିକୁ ନେଇ ଶ୍ରୀ ହସ୍ପିଟାଲ ଠାରେ ଲାଲା ବୀରେନ୍ ରାୟଙ୍କ ଧର୍ମପତ୍ନୀଙ୍କୁ ପ୍ରଦାନ କରି ଆସିଛନ୍ତି।

ଏଥିପାଇଁ ଓଡ଼ିଶା ନାଟ୍ୟସଂଘ ତରଫରୁ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ, ଆଇ.ଏ.ଏସ୍‌. ଓ ସଂସ୍କୃତି ବିଭାଗର ନିର୍ଦ୍ଦେଶକ ରଞ୍ଜନ କୁମାର ଦାସଙ୍କୁ ସଭାପତି ଶ୍ରୀ ହରେନ୍ ସାହୁ ଗଭୀର କୃତଜ୍ଞତା ଜ୍ଞାପନ କରିଛନ୍ତି।