ନୂଆଦିଲ୍ଲୀ: ରାଜସ୍ଥାନ, ମଧ୍ୟପ୍ରଦେଶ ଏବଂ ଛତିଶଗଡରେ ପରାଜୟ ହେତୁ କଂଗ୍ରେସ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ଦଳ ଏଭଳି ପରାଜୟର ଆଶା କରିନଥିଲା। ଏହି କାରଣରୁ କଂଗ୍ରେସ ପ୍ରଥମେ ମଧ୍ୟପ୍ରଦେଶ ଏବଂ ରାଜସ୍ଥାନରେ ଦଳ ସଂଗଠନରେ ପରିବର୍ତ୍ତନ ଆଣିଛି। କଂଗ୍ରେସ ପୂର୍ବତନ ଡେପୁଟି ସିଏମ୍ ତଥା କଂଗ୍ରେସ ନେତା ସଚିନ ପାଇଲଟଙ୍କ ଘନିଷ୍ଠ ଅଭିମନ୍ୟୁ ପୁନିଆଙ୍କୁ ରାଜସ୍ଥାନ ଯୁବ କଂଗ୍ରେସର ସଭାପତି ଭାବେ ଚୟନ କରିଛି।
ଏହା ବ୍ୟତୀତ ସୁଧୀନ୍ଦ୍ର ମୁଣ୍ଡ ଏବଂ ଯଶବୀର ସୁରାଙ୍କୁ ରାଜସ୍ଥାନର କାର୍ଯ୍ୟକାରୀ ସଭାପତି ଦାୟିତ୍ଵ ଦିଆଯାଇଛି। ଯୁବ କଂଗ୍ରେସର ରାଷ୍ଟ୍ରୀୟ ସଭାପତି ଶ୍ରୀନିବାସ ବିବି ଏ ବାବଦରେ ଏକ ଆଦେଶ ଜାରି କରିଛନ୍ତି। ସମ୍ପ୍ରତି ସମାପ୍ତ ହୋଇଥିବା ବିଧାନସଭା ନିର୍ବାଚନ ପୂର୍ବରୁ ଏହି ସମସ୍ତଙ୍କୁ ନିଯୁକ୍ତି କରିବାର ଥିଲା। ତେବେ ପୂର୍ବତନ ସିଏମ୍ ଅଶୋକ ଗେହଲୋଟ୍ ଏବଂ ସଚିନ୍ ପାଇଲଟ୍ ଙ୍କୁ ମଧ୍ୟରେ ବିବାଦକୁ ଏଡାଇବା ପାଇଁ ଏହି ପଦବୀରେ ନିଯୁକ୍ତି ଦିଆଯାଇ ନଥିଲା।
ପ୍ରକାଶ ଯେ, ଚଳିତ ବର୍ଷ ଫେବୃଆରୀରେ ଯୁବ କଂଗ୍ରେସ ସଭାପତି ତଥା ଅନ୍ୟାନ୍ୟ ପଦବୀ ପାଇଁ ଭୋଟ୍ ଅନୁଷ୍ଠିତ ହୋଇଥିଲା, କିନ୍ତୁ ନିର୍ବାଚନକୁ ଦୃଷ୍ଟିରେ ରଖି ଦଳ କେବଳ ସଭାପତି ପଦ ନିଯୁକ୍ତ କରିଥିବାବେଳେ ବାକି ପଦବୀ ଖାଲି ରହିଥିଲା।