Categories
ଆଜିର ଖବର ଖେଳ ଜାତୀୟ ଖବର

କିଏ ଜିତିବ ପର୍ପଲ କ୍ୟାପ୍ ? ଏହି ଦୁଇ ସ୍ପିନରଙ୍କ ମଧ୍ୟରେ ଚାଲିଛି ତୀବ୍ର ପ୍ରତିଯୋଗିତା

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ର ଏହି ସଂସ୍କରଣରେ ପର୍ପଲ କ୍ୟାପ୍ ଜିତିବାର ଦୌଡ ଅତ୍ୟନ୍ତ ମଜାଦାର ଭାବରେ ଚାଲିଛି। ଏହି ଦୌଡରେ ରାଜସ୍ଥାନ ରୟାଲ୍ସ (ଆରଆର) ସ୍ପିନର ୟୁଜଭେନ୍ଦ୍ର ଚହଲ ୨୬ ଟି ୱିକେଟ୍ ନେଇ ଆଗୁଆ ରହିଛନ୍ତି। ଅନ୍ୟପକ୍ଷରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ୱାନିନ୍ଦୁ ହାସରାଙ୍ଗା (ଆରସିବି) ୨୫ ଟି ୱିକେଟ୍ ନେଇ ଦ୍ୱିତୀୟ ସ୍ଥାନରେ ରହିଛନ୍ତି। ରାଜସ୍ଥାନ ଏବଂ ବାଙ୍ଗାଲୋରର ଦଳ ବର୍ତ୍ତମାନ ପ୍ଲେ ଅଫରେ ଅଛନ୍ତି, ତେଣୁ ଏହି ଦୌଡ ଆହୁରି ଆଗକୁ ମଧ୍ୟ ଚାଲିବ।

ଏହି ଦୌଡରେ ପଞ୍ଜାବ କିଙ୍ଗ୍ସର କାଗିସୋ ରାବାଡା, ସନରାଇଜରର ଉମରନ୍ ମଲିକ୍ ଏବଂ ଦିଲ୍ଲୀ କ୍ୟାପିଟାଲ୍ସର କୁଲଦୀପ ଯାଦବ ମଧ୍ୟ ସାମିଲ ଥିଲେ। କିନ୍ତୁ ସେମାନଙ୍କ ଦଳ ବର୍ତ୍ତମାନ ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି। ଏପରି ପରିସ୍ଥିତିରେ ପର୍ପଲ କ୍ୟାପ୍ ଜିତିବା ପାଇଁ ଏହି ଦୌଡ କେବଳ ଚହଲ ଏବଂ ହାସ୍ରଙ୍ଗା ମଧ୍ୟରେ ହେବ।

୧- ୟୁଜବେନ୍ଦ୍ର ଚହଲ- ୧୫ ଟି ମ୍ୟାଚ- ୨୬ ଟି ୱିକେଟ
୨- ୱାନିନ୍ଦୁ ହାସରାଙ୍ଗା- ୧୫ ଟି ମ୍ୟାଚ- ୨୫ ଟି ୱିକେଟ
୩- କାଗିସୋ ରାବାଡା- ୧୩ ଟି ମ୍ୟାଚ- ୨୩ ଟି ୱିକେଟ
୪- ଉମ୍ରାନ୍ ମଲିକ୍- ୧୪ ଟି ମ୍ୟାଚ- ୨୨ ଟି ୱିକେଟ
୫- କୁଲଦୀପ ଯାଦବ- ୧୪ ଟି ମ୍ୟାଚ- ୨୧ ଟି ୱିକେଟ

ସେହିଭଳି ବଟଲର ଚଳିତ ସିଜନରେ ୧୫ ଟି ମ୍ୟାଚରେ ୭୧୮ ରନ୍ ସଂଗ୍ରହ କରିଛନ୍ତି ଏବଂ ବ୍ୟାଟିଂ ହାରାହାରି ୫୧.୨୯ ଏବଂ ବ୍ୟାଟିଂ ଷ୍ଟ୍ରାଇକ୍ ହାର ୧୪୮.୩୪ ରହିଛି। ରନ୍ ସ୍କୋର କ୍ଷେତ୍ରରେ ସେ ଅନ୍ୟ ବ୍ୟାଟ୍ସମ୍ୟାନଙ୍କ ଠାରୁ ବହୁତ ଆଗରେ ଅଛନ୍ତି। ବଟଲରଙ୍କ ପରେ ଲକ୍ଷ୍ନୌ ସୁପର ଜିଆଣ୍ଟସ୍ ଅଧିନାୟକ କେ.ଏଲ୍ ରାହୁଲ ଏବଂ ଓପନର୍ କ୍ୱିଣ୍ଟନ୍ ଡି କକ୍ ଦ୍ଵିତୀୟ ଆଉ ତୃତୀୟ ନମ୍ବର ସ୍ଥାନରେ ରହିଛନ୍ତି। କିନ୍ତୁ ଟୁର୍ଣ୍ଣାମେଣ୍ଟରୁ ଲକ୍ଷ୍ନୌର ବିଦା ହେବ ପରେ ଅରେଞ୍ଜ କ୍ୟାପ୍ ଜିତିବା ପାଇଁ ଏହି ଉଭୟ ବ୍ୟାଟ୍ସମ୍ୟାନ୍ ମଧ୍ୟ ଦୌଡରୁ ଦୂରେଇ ରହିଛନ୍ତି।

୧- ଜୋସ୍ ବଟଲର୍- ୧୫ ଟି ମ୍ୟାଚ, ୭୧୮ ରନ
୨- କେଏଲ ରାହୁଲ- ୧୫ ଟି ମ୍ୟାଚ, ୬୧୬ ରନ
୩- କ୍ୱିଣ୍ଟନ୍ ଡି କକ୍- ୧୫ ଟି ମ୍ୟାଚ, ୫୦୮ ରନ
୪- ଶିଖର ଧାୱନ- ୧୪ ଟି ମ୍ୟାଚ, ୪୬୦ ରନ
୫- ହାର୍ଦ୍ଦିକ ପାଣ୍ଡ୍ୟା- ୧୪ ଟି ମ୍ୟାଚ, ୪୫୩ ରନ

Categories
ଆଜିର ଖବର ଖେଳ ଜାତୀୟ ଖବର

ଆଇପିଏଲ: ଧୋନୀଙ୍କ ଏହି ବ୍ୟାଟ୍ସମ୍ୟାନ ଶିଖର ଧବନଙ୍କଠାରୁ ଛଡେଇଲେ ଅରେଞ୍ଜ କ୍ୟାପ

ନୂଆଦିଲ୍ଲୀ: ଆଇପିଏଲ-୧୪ ସଂସ୍କରଣର ୨୩ ତମ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ୭ ୱିକେଟରେ ପରାଜିତ କରିଛି ଚେନ୍ନାଇ ସୁପରକିଙ୍ଗ୍ସ। ଏହି ଟୁର୍ଣ୍ଣାମେଣ୍ଟରେ ଚେନ୍ନାଇ ୬ ଟି ମ୍ୟାଚରୁ ପାଞ୍ଚଟି ବିଜୟ ହାସଲ କରିଛି। ବର୍ତ୍ତମାନ ୧୦ ଅଙ୍କ ସହିତ ଚେନ୍ନାଇ ଟୁର୍ଣ୍ଣାମେଣ୍ଟ ତାଲିକାରେ ଶୀର୍ଷରେ ରହିଛି। ସିଏସକେର ଏହି ବିଜୟର ମୁଖ୍ୟ ଭୂମିକା ଗ୍ରହଣ କରିଥିଲେ ଫାଫ ଡୁପ୍ଲେସିସ। ଫାଫ ଡୁପ୍ଲେସିସ ୩୮ ଟି ବଲରେ ୫୬ ରନର ପାଳି ଖେଳିଥିଲେ। ଋତୁରାଜ ଗାଏକ୍ଵଡ଼ଙ୍କ ସହ ଭାଗୀଦାରୀରେ ଡୁପ୍ଲେସିସ ଚେନ୍ନାଇକୁ ବିଜୟ ଦେଇଥିଲେ। ପ୍ରଥମ ୱିକେଟ ଭାଗୀଦାରୀରେ ଦୁହେଁ ୧୨୯ ରନ ସଂଗ୍ରହ କରିଥିଲେ। ଏହି ଇନିଂସ ପରେ ଦିଲ୍ଲୀ କ୍ୟାପିଟାଲ୍ସର ବ୍ୟାଟ୍ସମ୍ୟାନ ଶିଖର ଧବନଙ୍କୁ ପଛରେ ପକାଇ ଡୁପ୍ଲେସିସ ଅରେଞ୍ଜ କ୍ୟାପକୁ କବ୍ଜା କରିଛନ୍ତି।

ଜାଣନ୍ତୁ ଅରେଞ୍ଜ କ୍ୟାପ ଦୌଡରେ ଥିବା ଖେଳାଳି:

୧- ଫାଫ ଡୁପ୍ଲେସିସ- ୬ ଟି ମ୍ୟାଚ- ୨୭୦ ରନ

୨- ଶିଖର ଧବନ- ୬ ଟି ମ୍ୟାଚ- ୨୬୫ ରନ

୩- କେଏଲ ରାହୁଲ- ୬ ଟି ମ୍ୟାଚ- ୨୪୦ ରନ

ଉଲ୍ଲେଖ ଯୋଗ୍ୟ ଯେ, ଫାଫ ଡୁପ୍ଲେସିସ ଆଇପିଏଲର ଗତ ସିଜିନରେ ଭଲ ପ୍ରଦର୍ଶନ କରିଥିଲେ। ସେ ସିଏସକେର ଟପ ସ୍କୋରର ଥିଲେ। ଗତ ସିଜିନରେ ୧୪ ଇନିଂସ ଖେଳି ଡୁପ୍ଲେସିସ ୪୪୯ ରନ କରିଥିଲେ।