Tag: ଆଇନ ବିଭାଗ

ଭୁବନେଶ୍ଵର: ପଞ୍ଚାୟତ ନିର୍ବାଚନ ଲାଗି ଅଧ୍ୟାଦେଶ ସମ୍ପର୍କିତ ଗେଜେଟ୍ ବିଜ୍ଞପ୍ତି ପ୍ରକାଶ ପାଇଛି। ରାଜ୍ୟ ଆଇନ ବିଭାଗ ପକ୍ଷରୁ ଏହି ଗେଜେଟ୍ ବିଜ୍ଞପ୍ତି ପ୍ରକାଶ କରାଯାଇଛି। ଏଣିକି ସତ୍ୟପାଠ ଜରିଆରେ ପ୍ରାର୍ଥୀମାନେ ନିଜର ତଥ୍ୟ ପ୍ରଦାନ କରିବେ। ନାମାଙ୍କନ ଦାଖଲ ସମୟରେ ନିଜର ତଥ୍ୟ ପ୍ରଦାନ କରିବେ। ପ୍ରାର୍ଥୀମାନେ ଅପରାଧିକ ମାମଲା, ସମ୍ପତ୍ତି, ଶିକ୍ଷାଗତ ଯୋଗ୍ୟତାର ତଥ୍ୟ ପ୍ରଦାନ କରିବାକୁ ବାଧ୍ୟତାମୂଳକ କରାଯାଇଛି। ତଥ୍ୟ ଲୁଚାଇଲେ ପ୍ରାର୍ଥୀଙ୍କୁ ୬ ମାସ ପର୍ଯ୍ୟନ୍ତ ଜେଲ ଓ ଜରିମାନା ଦେବାକୁ ପଡିବ। ଜିଲ୍ଲା ପରିଷଦ, ସମିତି ସଭ୍ୟ ଓ ସରପଞ୍ଚମାନଙ୍କ ପାଇଁ ଏହି ନିୟମ ଲାଗୁ ହେବ। ଏହାସହିତ ପଞ୍ଚାୟତ ନିର୍ବାଚନମାନଙ୍କୁ ବିପର୍ଯ୍ୟୟ ମୁକାବିଲା ପାଇଁ ଅଧିକ କ୍ଷମତା ମିଳିବ। ପଞ୍ଚାୟତ ସମିତି ସ୍ତରରେ ରିଲିଫ, ପୁନଃଥଇଥାନ, ପୁନଃନିର୍ମାଣ କାର୍ଯ୍ୟରେ ସାମିଲ ହେବେ।