Categories
ବିଶେଷ ଖବର ରାଜ୍ୟ ଖବର

ନୂଆବର୍ଷ ଉପଲକ୍ଷେ ଆଇପିଏସଙ୍କୁ ରାଜ୍ୟ ସରକାରଙ୍କ ଉପହାର, ୧୯ ଅଧିକାରୀଙ୍କ ପଦୋନ୍ନତି

ଭୁବନେଶ୍ୱର: ନୂତନ ବର୍ଷ ୨୦୨୪ ପୂର୍ବରୁ ରାଜ୍ୟ ସରକାର ଆଜି ଓଡିଶା କ୍ୟାଡରର ୧୯ ଆଇପିଏସ୍ ଅଧିକାରୀଙ୍କୁ ବିଭିନ୍ନ ପଦବୀରେ ପଦୋନ୍ନତି ଦେଇଛନ୍ତି। ସାଧାରଣ ପ୍ରଶାସନ  ବିଭାଗ ତରଫରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଛି।

ବିଜ୍ଞପ୍ତି ଅନୁଯାୟୀ, ୧୯୯୯ ବ୍ୟାଚ୍ ର ବରିଷ୍ଠ ଆଇପିଏସ୍ ଅଧିକାରୀ ଘନଶ୍ୟାମ ଉପାଧ୍ୟାୟ, ଯିଏ ବର୍ତ୍ତମାନ କେନ୍ଦ୍ରୀୟ ଡେପୁଟେସନରେ ଅଛନ୍ତି, ତାଙ୍କୁ ଜାନୁଆରୀ ୧, ୨୦୨୪ ଠାରୁ ଏଡିଜି ପୋଲିସ୍ ଗ୍ରେଡ୍ ପଦୋନ୍ନତି ପାଇବାକୁ ଅନୁମତି ଦିଆଯାଇଛି। ଶ୍ରୀ ଉପାଧ୍ୟାୟଙ୍କୁ ପ୍ରୋ-ଫର୍ମା ପଦୋନ୍ନତି ଦିଆଯାଇଛି।

୨୦୦୬ ବ୍ୟାଚ୍ ର ପାଞ୍ଚ ଜଣ ଆଇପିଏସ୍ ଅଧିକାରୀଙ୍କୁ ପୋଲିସର ଇନ୍ସପେକ୍ଟର ଜେନେରାଲ୍ (ଆଇଜି) ପଦବୀକୁ ଉନ୍ନୀତ କରାଯାଇଛି। ସେମାନେ ହେଲେ ଅନୁପ କୁମାର ସାହୁ ଡିଜି ଇଣ୍ଟେଲିଜେନ୍ସକୁ ଆଇଜିପି ରାଙ୍କରେ ପଦୋନ୍ନତି ଦିଆଯାଇ ଥିବା ବେଳେ ଅମୃତା ଦାଶ, ଅନିରୁଦ୍ଧ କୁମାର ସିଂ, ଅନୁପ କୃଷ୍ଣ ଏବଂ ସୁଧା ସିଂଙ୍କୁ ଡେପୁଟେସନରେ ଥିବାରୁ ତାଙ୍କୁ ପ୍ରୋ-ପ୍ରୋମୋ ପଦୋନ୍ନତି ଦିଆଯାଇଛି।

ସେହିଭଳି ୨୦୧୦ ଜଣ ବ୍ୟାଚ୍ ଆଇପିଏସ୍ ଅଧିକାରୀଙ୍କୁ ପୋଲିସର ଡେପୁଟି ଇନ୍ସପେକ୍ଟର ଜେନେରାଲ୍ (ଡିଆଇଜି) ଗ୍ରେଡ୍ ପଦୋନ୍ନତି ଦିଆଯାଇଛି। ସେମାନେ ହେଲେ ମିତ୍ରଭାନୁ ମହାପାତ୍ର, ସାରା ଶର୍ମା, କାନୱାର ବିଶାଲ ସିଂ, ଆଶିଷ କୁମାର ସିଂ, ପାରୁଲ ଗୁପ୍ତା ଏବଂ କେ ଶିବ ସୁବ୍ରମଣି।

ବର୍ତ୍ତମାନ ଆଶିଷ କୁମାର, ପାରୁଲ ଗୁପ୍ତା ଏବଂ କେ ଶିବ ସୁବ୍ରମଣ୍ୟମ କେନ୍ଦ୍ରୀୟ ଡେପୁଟେସନରେ ଥିବାରୁ ସେମାନଙ୍କୁ ପ୍ରୋ-ଫର୍ମା ପଦୋନ୍ନତି ଦିଆଯାଇଛି। ସେହିପରି ୨୦୧୫ ବ୍ୟାଚ୍ ର ଅନ୍ୟ ଚାରିଜଣ ଓଡିଶା କ୍ୟାଡର ଆଇପିଏସ୍ ଅଧିକାରୀ ରାହୁଲ ଜୈନ, ସର୍ଭାନା ବିବେକ ଏମ, କୁସାଲକର ନିତିନ ଡାଗଡୁ ଏବଂ ପ୍ରତ୍ୟୁଷ ଦିୱାକରଙ୍କୁ ଲେବୁଲ -୧୨ ପେ ସ୍କେଲକୁ ପଦୋନ୍ନତି ଦିଆଯାଇଛି।

୨୦୧୧ ମସିହା ବ୍ୟାଚର ତିନିଜଣ ଆଇପିଏସ୍ ଅଧିକାରୀ ପିନାକ ମିଶ୍ର, ବାନୋଥ ଜୁଗାଲ କିଶୋର କୁମାର, ବତ୍ତୁଲା ଗଙ୍ଗାଧରଙ୍କୁ ପେ ମ୍ୟାଟ୍ରିକ୍ସର ସ୍ତର ୧୩ କୁ ପଦୋନ୍ନତି ଦିଆଯାଇଛି ବୋଲି ବିଜ୍ଞପ୍ତିରେ କୁହାଯାଇଛି।

Categories
ଆଜିର ଖବର ରାଜ୍ୟ ଖବର

ବରିଷ୍ଠ ଆଇପିଏସ ସ୍ତରରେ ଅଦଳ ବଦଳ, ଜାଣନ୍ତୁ କିଏ କେଉଁଠିକୁ ଗଲେ

ଭୁବନେଶ୍ବର: ଆଜି ରାଜ୍ୟ ସରକାର ବରିଷ୍ଠ ଆଇପିଏସ ସ୍ତରରେ ଅଦଳବଦଳ କରିଛନ୍ତି। ଏ ନେଇ ଗୃହ ବିଭାଗ ତରଫରୁ ବିଜ୍ଞପ୍ତି ପ୍ରକାଶ ପାଇଛି। ସେହି ଅନୁସାରେ ପାଞ୍ଚ ଜଣ ଆଇପିଏସଙ୍କର ବଦଳି ହୋଇଛି। ଯେଉଁମାନଙ୍କର ବଦଳ ହୋଇଛି ସେମାନେ ହେଲେ

୧- ୧୯୮୮ ବ୍ୟାଚର ଅରୁଣ କୁମାର ରାୟଙ୍କର ଗୃହମନ୍ତ୍ରାଳୟର ଓଏସଡିରୁ ବଦଳି ହୋଇ ନୂଆ ଦାୟିତ୍ବ ଦିଆଯାଇଛି। ସେ ବର୍ତ୍ତମାନ ପ୍ରିଟିଂ, ଷ୍ଟେସନାରୀ ଏବଂ ପବ୍ଲିକେସନ ନିର୍ଦ୍ଦେଶକ ଭାବେ କାର୍ଯ୍ୟ କରିବେ।

୨- ସେହିପରି ୧୯୮୯ ବ୍ୟାଚ ଆଇପିଏସ ଏ ଏମ ପ୍ରସାଦ ଜେଲ ଡିଜି ଭାବେ ବଦଳି ହୋଇଛି। ସେ ଏବେ ଏଚଆରପିସିର ସ୍ପେଶାଲ ଡିଜିପି ଦାୟିତ୍ୱରେ ଥିଲେ।

୩- ୧୯୯୨ ବ୍ୟାଚର ଆଇପିଏସ ଲଳିତ ଦାସ ସରକାର ପ୍ରେସ ନିର୍ଦ୍ଦେଶକ ପଦରୁ ଏଚଆରପିସିର ଆଡିସନାଲ ଡିଜିପି ଭାବେ ବଦଳି ହୋଇଛି।

୪- କମିଶନରେଟ ପୋଲିସର ଭୁବନେଶ୍ୱର-କଟକର ସିପି ଥିବା ୨୦୦୮ ବ୍ୟାଚର ଉମାଶଙ୍କର ଦାଶଙ୍କୁ ସ୍ପେଶାଲ ଇନଭେଷ୍ଟିଗେସନ ୱିଙ୍ଗସର ଡିଆଇଜି ଭାବେ ବଦଳି କରାଯାଇଛି ।

୫-୨୦୦୯ ବ୍ୟାଚର ଆଇପିଏସ ବ୍ରିଜେଶ କୁମାର ରାୟଙ୍କୁ କମିଶନରେଟ ପୋଲିସର ଆଡିସିନାଲ ସିପି ଭାବେ ବଦଳି କରାଯାଇଛି। ପୂର୍ବରୁ ସେ ପୋଲିସ ମୁଖ୍ୟାଳୟ ଡିଆଇଜି ଭାବେ କାର୍ଯ୍ୟ କରୁଥିଲେ।

Categories
ଆଜିର ଖବର ରାଜ୍ୟ ଖବର

ଆଇପିଏସ ସ୍ତରରେ ଅଦଳବଦଳ କଲେ ରାଜ୍ୟ ସରକାର

ଭୁବନେଶ୍ଵର: ରାଜ୍ୟ ସରକାର ଆଜି ଆଇପିଏସ ସ୍ତରରେ ଏକ ଛୋଟ ଧରଣର ଅଦଳବଦଳ କରିଛନ୍ତି। କଟକ ଏବଂ ନୟାଗଡ ଏସପିଙ୍କ ଏହି କ୍ରମରେ ବଦଳି ହୋଇଛି। ଆଇପିଏସ ଅଧିକାରୀ ସପିନ ଅହମ୍ମଦ କେ. କ୍ରାଇମବ୍ରାଞ୍ଚ ଆଇଜି ଭାବେ ନିଯୁକ୍ତି ପାଇଛନ୍ତି। ସେହିଭଳି ସାର୍ଥକ ଷଡଙ୍ଗୀଙ୍କୁ ଅଗ୍ନିଶମ ଓ ହୋମଗାର୍ଡର ଡିଆଇଜି ଭାବେ ଦାୟିତ୍ଵ ମିଳିଛି। ସତ୍ୟଜିତ ନାୟକ ଏଚଆରପିସି ଡିଆଇଜି ହୋଇଛନ୍ତି।

ତେବେ ଯୁଗଳ କିଶୋର ବାନୋଥଙ୍କୁ ଏଆଇଜି ହେର୍ଡକ୍ଵାର୍ଟର ଦାୟିତ୍ଵ ମିଳିଥିବା ବେଳେ ରାହୁଲ ଜୈନଙ୍କୁ ନୟାଗଡ ଏସପି ଏବଂ ମିହିର କୁମାର ପଣ୍ଡାକୁ କଟକ ଗ୍ରାମାଞ୍ଚଳ ଏସପି ଭାବେ ନିଯୁକ୍ତି ମିଳିଛି।

Categories
ଆଜିର ଖବର ରାଜ୍ୟ ଖବର

ଆଇପିଏସ ସ୍ତରରେ ହେଲା ଅଦଳବଦଳ: ଜାଣନ୍ତୁ କେଉଁ ଅଧିକାରୀଙ୍କୁ ମିଳିଲା କେଉଁ ଜିଲ୍ଲା ଦାୟିତ୍ଵ

ଭୁବନେଶ୍ବର: ରାଜ୍ୟରେ ଆଇପିଏସ ସ୍ତରରେ ଅଦଳବଦଳ କରାଯାଇଛି। ଅଖିଲେଶ ସିଂହଙ୍କୁ ଜଗତସିଂହପୁର ଆରକ୍ଷୀ ଅଧିକ୍ଷକ ଭାବେ ବଦଳି ହୋଇଥିବା ବେଳେ ପିଏସ ପୁରୁଷୋତ୍ତମ ଦାସଙ୍କୁ ନବରଙ୍ଗପୁର ଜିଲ୍ଲା, ରାହୁଲ ଜୈନଙ୍କୁ ବରଗଡ ଜିଲ୍ଲା ଆରକ୍ଷୀ ଅଧିକ୍ଷକ, ପ୍ରତ୍ୟୁଷ ଦିବାକରଙ୍କୁ ନୂଆପଡା ଜିଲ୍ଲା, କେଆର ଦ୍ୟାନଦେଓଙ୍କୁ ମୟୂରଭଞ୍ଜ ଜିଲ୍ଲା, ପିଏସ ମିନାଙ୍କୁ ମାଲକାନାଗିରି ଜିଲ୍ଲା ଏବଂ ପ୍ରକାଶ ଆରଙ୍କୁ ଭିଜିଲାନ୍ସ ବିଭାଗକୁ ବଦଳି ହୋଇଛି। ସେହିଭଳି କେନ୍ଦ୍ରୀୟ ଡେପୁଟେସନରୁ ଫେରିଥିବା ଆଇଜି ଏସ ଦେବଦତ୍ତ ସିଂହଙ୍କୁ ପୋଲିସ ମୁଖ୍ୟାଳୟକୁ ଆଇଜିପି ଭାବେ ନିଯୁକ୍ତି ହୋଇଛି।

Categories
ଆଜିର ଖବର ରାଜ୍ୟ ଖବର

ଆଇପିଏସ ସ୍ତରରେ ଛୋଟ ଧରଣର ଅଦଳ ବଦଳ

ଭୁବନେଶ୍ବର, ଆଜି ରାଜ୍ୟ ସରକାର ଆଇପିଏସ ସ୍ତରରେ ଏକ ଛୋଟ ଧରଣର ଅଦଳବଦଳ କରିଛନ୍ତି। ସେହି ଅନୁସାରେ ଯେଉଁ ନୂଆ ବିଭାଗ ମିଳିଲା ତାହା ହେଲା..

1- ଦୀପ୍ତେଶ ପଟ୍ଟନାୟକ- ଆଇଜି ଜେଲ ବିଭାଗ

2-ନରସିଂହ ଭୋଳ- ଆଇଜି କେନ୍ଦ୍ରାଞ୍ଚଳ, କଟକ

3- ଏଚ କେ ଲାଲ- ଆଇଜି ପୂର୍ବାଞ୍ଚଳ ରେଞ୍ଜ, ବାଲେଶ୍ବର

4-ଦୀପକ କୁମାର- ଡିଆଇଜି, ଉତ୍ତରାଞ୍ଚଳ, ସମ୍ବଲପୁର

5- ରାଜକିଶୋର ପାଇକରାୟ- ଏସପି ଦେବଗଡ

6- ଡି ପି ତ୍ରିପାଠୀ- ଏସ ଆର ପି, କଟକ

Categories
ଆଜିର ଖବର ରାଜ୍ୟ ଖବର

ବରିଷ୍ଠ ଆଇପିଏସ ସ୍ତରରେ ଅଦଳ ବଦଳ: ଟୁଇନ୍ ସିଟିର ନୂଆ ପୋଲିସ କମିଶନର ହେଲେ ସୌମେନ୍ଦ୍ର ପ୍ରିୟଦର୍ଶୀ

ଭୁବନେଶ୍ୱର: ରାଜ୍ୟ ସରକାର ବରିଷ୍ଠ ଆଇପିଏସ ସ୍ତରରେ ଅଦଳ ବଦଳ କରିଛନ୍ତି। ୧୯୯୫ ବ୍ୟାଚର ବରିଷ୍ଠ ଆଇପିଏସ୍ ସୌମେନ୍ଦ୍ର ପ୍ରିୟଦର୍ଶୀଙ୍କୁ ଟୁଇନ୍ ସିଟିର ନୂଆ ପୋଲିସ କମିଶନର ଭାବେ ଦାୟିତ୍ଵ ଦିଆଯାଇଛି। ସେ ଏବେ କ୍ରାଇମବ୍ରାଞ୍ଚ ଏଡିଜି ଅଛନ୍ତି। ଦୀର୍ଘ ଦେଢ ବର୍ଷ ଧରି ସୁଧାଂଶୁ ଷଡଙ୍ଗୀ ଟୁଇନ୍ ସିଟିର ପୋଲିସ୍‌ କମିଶନର ଭାବେ ଦାୟିତ୍ୱ ନିର୍ବାହ କରିଥିଲେ।

ସୁଧାଂଶୁ ଷଡଙ୍ଗୀଙ୍କୁ ଏବେ ଗୃହ ନିର୍ମାଣ ବିଭାଗର ଅଧ୍ୟକ୍ଷ ଦାୟିତ୍ୱ ତୁଲାଇବେ।ପୋଲିସ୍‌ କମିଶନର ହେବା ପୂର୍ବରୁ ସେ ଗୃହ ନିର୍ମାଣ ବିଭାଗର ଅଧ୍ୟକ୍ଷ ଦାୟିତ୍ୱରେ ଥିଲେ। ସେହିପରି ଏମ. ଅକ୍ଷୟଙ୍କୁ ଅଗ୍ନିଶମ ଓ ହୋମଗାର୍ଡ ଡିଜି ଭାବେ ଦାୟିତ୍ଵ ମିଳିଛି।

Categories
ଆଜିର ଖବର ରାଜ୍ୟ ଖବର

ବରିଷ୍ଠ ଆଇପିଏସ ସ୍ତରରେ ଅଦଳବଦଳ କଲେ ରାଜ୍ୟ ସରକାର

ଭୁବନେଶ୍ବର: ଆଜି ରାଜ୍ୟ ସରକାରଙ୍କ ଦ୍ଵାରା ବରିଷ୍ଠ ଆଇପିଏସ ସ୍ତରରେ ଅଦଳବଦଳ କରାଯାଇଛି। ଏହି କ୍ରମରେ ଢେଙ୍କାନାଳ ଏସପି ଅନୁପମା ଜେମ୍ସଙ୍କୁ ଭିଜିଲାନ୍ସ ବିଭାଗ ଏସପି ଦାୟିତ୍ଵ ଦିଆଯାଇଥିବା ବେଳେ ଅରୁଣ କୁମାର ରାୟଙ୍କୁ ଏଡିଜି, କମ୍ୟୁନିକେସନ ଦାୟିତ୍ଵ। ଲଳିତ ଦାସଙ୍କୁ ଏଡିଜି, ହେଡକ୍ୱାର୍ଟର ଦାୟିତ୍ଵ। ଯଶୋବନ୍ତ ଜେଠୱାଙ୍କୁ ଏଡିଜି, ଆଇନଶ୍ରୁଙ୍ଖଳା ଦାୟିତ୍ଵ। ବିନୟତୋଷ ମିଶ୍ରଙ୍କୁ ଏସଆରବି ନିର୍ଦ୍ଦେଶକ ଦାୟିତ୍ଵ। ସଞ୍ଜୟ ସିଂହଙ୍କୁ ଆଇଜିପି, ପୋଲିସ ଆଧୁନିକକରଣ ଦାୟିତ୍ଵ। ରେଖା ଲୋହାନିଙ୍କୁ ଅତିରିକ୍ତ ପୋଲିସ କମିଶନର ଦାୟିତ୍ଵ। ରିତୁ ଆରୋର ହେଲେ ଗୃହ ବିଭାଗର ଓଏସଡି। ରାଜେଶ କୁମାରଙ୍କୁ  ଆଇଜି ପୋଲିସ ଏଫଏସଏଲର ଦାଇତ୍ଵ ମିଳିଛି।

 

Categories
ବିଶେଷ ଖବର ମତାମତ

ଦଳବଦଳ ତଥା ଅବସର ପରେ ରାଜନୀତିରେ ଯୋଗଦାନ, ରାଜନୀତି ପ୍ରତି ପ୍ରତିବଦ୍ଧତା ନା ରାଜନୀତି ଉଦ୍ଦେଶ୍ୟ ପ୍ରଣୋଦିତ!

ସମୀକ୍ଷାବ୍ୟୁରୋ

ଭାରତର ସପ୍ତଦଶ ଲୋକସଭା ନିର୍ବାଚନର ଦୁଇଟି ପର୍ଯ୍ୟାୟ ଇତିମଧ୍ୟରେ ସମାପ୍ତ ହୋଇଗଲାଣି। ଏ ପର୍ଯ୍ୟନ୍ତ ହୋଇଥିବା ନିର୍ବାଚନୀ ପ୍ରକ୍ରିୟାରେ ସାରାଂଶ ଆମେ ଏଇୟା ଲକ୍ଷ୍ୟ କଲୁ ଯେ,  ରାଜନୀତିରେ କୌଣସି ବ୍ୟକ୍ତିବିଶେଷ ବା କୌଣସି ଅନୁଷ୍ଠାନ ବିରୋଧରେ ଅଭିଯୋଗ କରିବା କୌଣସି ମୌଳିକ ବିଧିଶସ୍ତ୍ର ଭିତରେ ଆସେ ନାହିଁ। ଆଜିର ନୈତିକତା ହୁଏତ ଆସନ୍ତାକାଲିର ରୁଗ୍ଣ ମାନସିକତା ହୋଇପାରେ। ସବୁ ନିଜ ନିଜର ପସନ୍ଦ ଉପରେ ନିର୍ଭର କରେ। ଚଳିତ ଥର ଓଡ଼ିଶା ରାଜନୀତିରେ ବହୁତ ବ୍ୟତିକ୍ରମ ଦେଖାଦେଇଛି। ବହୁ ରାଜନୈତିକ ବ୍ୟକ୍ତିବିଶେଷ ମାନେ ନିଜ ନିଜର ଦଳ ପରିବର୍ତ୍ତନ କରିଛନ୍ତି।  କିନ୍ତୁ ଅନେକ ସମୟରେ ଦେଖାଦେଇଛି ଯେ, ବର୍ଷ ବର୍ଷ ଧରି ରାଜନୈତିକ ଦଳ ଦ୍ଵାରା ଉପକୃତ ହୋଇଥିବା ବ୍ୟକ୍ତି ହଠାତ ଦଳ ଛାଡିବା ଓ ଅନ୍ୟ ଦଳକୁ  ଯିବା ପରେ ପୂର୍ବ ଦଳରେ କେବଳ ଖଳ ପ୍ରକୃତି ର ଲୋକ ଅଛନ୍ତି ବୋଲି ହଠାତ ଆବିଷ୍କାର କରିବା  ହୁଏତ ସମ୍ପୃକ୍ତ ବ୍ୟକ୍ତିକୁ ବ୍ୟାକ ଫୁଟ କୁ ନେଇ ଯାଇପାରେ। କେବଳ ସ୍ମୃତି ରେ ସୀମିତ କରି ଦେଇ ପାରେ।  ସିଧା ସିଧା କହିବାକୁ ଗଲେ ଦଳ ଛାଡିଲା ପରେ ଦିନେ ଯେଉଁମାନେ ସମ୍ପୃକ୍ତ ଦଳରେ ରହି ଶାସନ କରୁଥିଲେ ତାଙ୍କୁ ଏବେ ସେହି ଦଳରେ କେବଳ ଖଳ ପ୍ରକୃତିର ଲୋକ ଥିବା ଭଳି ଅନୁଭୂତ ହେଉଛି ଯାହା କି ଦରକାର କରୁଥିବା ଏକ ପ୍ରକୃତ ଦକ୍ଷତା ପଛରେ ବିଜ୍ଞତା ର ଦୃଶ୍ୟମାନ ହୁଏ।

ବର୍ତ୍ତମାନ ଅନେକ ଗୋଷ୍ଠୀ ଅଛନ୍ତି ଯେଉଁମାନେ ଅବସର ପରେ ରାଜନୀତିରେ ଯୋଗ ଦେଇଛନ୍ତି ବା ଦେବାକୁ ଉତ୍ସୁକ ଅଛନ୍ତି। କୌଣସି ଦଳରେ ଯୋଗଦାନ ପରେ ସେମାନେ ଅତୀତରେ ଯେଉଁ ସରକାର ଭିତରେ ରହି କାମ କରିଥିଲେ ସେହି ସରକାର ବିରୋଧରେ ସେମାନେ ହଠାତ ପ୍ରତିକ୍ରିୟାଶୀଳ ହୋଇ କ୍ରୁର ଯୁକ୍ତି ବାଢୁଛନ୍ତି ସତେ ଯେମିତି ସେମାନେ ଏତେ ବର୍ଷ ଧରି ସରକାରୀ ସୁବିଧାକୁ ଉପଭୋଗ କଲା ପରେ ଏକପ୍ରକାର ଅଣନିଶ୍ବାସୀ ହୋଇ ଯାଇଥିଲେ। ବର୍ତ୍ତମାନ ସେହିଦିନକୁ ମନେ ପକାଇ ସେହି ଦିନ ଗୁଡିକ ଭୟାନକ ଏବଂ ଏକ ଦୁଃସ୍ଵପ୍ନ ଥିଲା ବୋଲି ବଖାଣିବାରେ ଲାଗିଛନ୍ତି।

ତେବେ  ପ୍ରଶ୍ନ ଉଠେ ଏତେ ଦିନ ଧରି ସେମାନେ ରାଜ୍ୟରେ ହେଉ କି କେନ୍ଦ୍ର ରେ ହେଉ ରହି ପାରିଲେ କେମିତି, ଯଦି ସମଗ୍ର ରାଜନୈତିକ କଳ ଆଜି ରୋଗଗ୍ରସ୍ତ ଏବଂ ପ୍ରଦୂଷିତ। ସେମାନେ ସେହି ସମୟରେ କୌଣସି ଛଳନାର ପ୍ରଶୟ ନ ନେଇ  ଚାକିରି ଛାଡି ରାଜନୀତିକୁ ଆସି ପାରିଥାନ୍ତେ।

ଆଇଏଏସ ଏବଂ ଆଇପିଏସ ଭଳି ପଦବୀରେ ଥାଇ ମୌଳିକ ରାଜନୀତି ସହ ନିଜର ବୃତ୍ତିଗତ ଲକ୍ଷ୍ୟକୁ ମେଳ ଖୁଆଇ ନ ପାରି ସରକାରକୁ ଭର୍ତ୍ସନା କରି ଦୁଇଜଣ ପୂର୍ବତନ ଅଧିକାରୀ ଏବେ ରାଜନୀତିରେ ଯୋଗ ଦେଇଛନ୍ତି। ସେମାନେ ସାଧାରଣ ଲୋକଙ୍କ ସମସ୍ୟା ଓ  କଥା କୁ ନେଇ ରାଜନୀତି କରିବା ପରିବର୍ତ୍ତେ  ଅତୀତରେ ଶାସନ କଳ ସହିତ ଥିବା ଆକ୍ରୋଶ କୁ ନେଇ ରାଜନୀତି କରୁଛନ୍ତି। ଯେତେବେଳେ ଶିକ୍ଷାନୁଷ୍ଠାନ ପାଇଁ ନୂତନ ଡ୍ରେସ କୋଡ ଲାଗୁ କରାଗଲା,ସମ୍ପୃକ୍ତ ବିଭାଗ ଶାଢୀଗୁଡିକ ଓଡିଶା ବାହାରୁ ଆମଦାନୀ କରିଥିଲା କିନ୍ତୁ ପ୍ରକୃତରେ ଆମ ଓଡିଶାର ସମ୍ବଲପୁରୀ ବସ୍ତ୍ର ଯାହାର ସାରା ଭାରତରେ ଏକ ସ୍ଵତନ୍ତ୍ର ସ୍ଥାନ ରହିଛି ତାକୁ ଜାଣିଶୁଣି ନିଜ ଲାଭ ପାଇଁ ଅଣଦେଖା କରାଯାଇଥିଲା। ଲୋକେ କିଛି ଜାଣି ପାରୁନାହାନ୍ତି ଭାବି ଲୋକଙ୍କୁ ଭକୁଆ ବନେଇବାର ମାନସିକତା  କୌଣସି ବର୍ତ୍ତମାନ ରାଜନୈତିକ ଦଳ ଦ୍ଵାରା ଅନୁପ୍ରାଣିତ ହୋଇ ଆଜିକାଲି ରାଜନୀତି ରେ ଏକ ରୁଗ୍ଣ ଦାର୍ଶନିକତା ରେ ପରିଣତ ହେଲାଣି।

ତେବେ ଓଡ଼ିଶାର ରାଜନୀତିରେ ଏଥର ଛଅଜଣ ରାଜ୍ୟ ପ୍ରଶାସକମାନେ ମଇଦାନକୁ ଓହ୍ଲାଇଛନ୍ତି। ଓଡ଼ିଶାର ପ୍ରମୁଖ ଦଳ ବିଜେଡ଼ି ଓ ବିଜେପିର ପ୍ରମୁଖ ପ୍ରାର୍ଥୀ ଭାବେ ରାଜ୍ୟ ପ୍ରଶାସନର ପ୍ରମୁଖ ଶାସକମାନେ ଉଭା ହୋଇଛନ୍ତି। ବିଜେପିର ଭୁବେନଶ୍ବର ମଧ୍ୟ ନିର୍ବାଚନ ମଣ୍ଡଳୀ ପାଇଁ ଆଇଏଏସ୍ ଅଫିସର ଅପରାଜିତା ଷଡଙ୍ଗୀ ରାଜନୀତିକୁ ଓହ୍ଲାଇଥିବାବେଳେ ତାଙ୍କ ବିପକ୍ଷରେ ରହିଛନ୍ତି ବିଜେଡ଼ିର ଆଇପିଏସ୍‌ ଅଫିସର ଅରୂପ ପଟ୍ଟନାୟକ। ସେହିପରି ବିଜେପି ତରଫରୁ ସିଆରପିଏଫ୍‌ ଡିଜିପି ପ୍ରକାଶ ମିଶ୍ରଙ୍କୁ କଟକ ଲୋକସଭା ଆସନରୁ ପ୍ରାର୍ଥୀ କରାଯାଇଥିବାବେଳେ ତାଙ୍କ ବିପକ୍ଷରେ ରହିଛନ୍ତି ଦୁଇ ପ୍ରମୁଖ ଦଳର ଦୁଇ ବରିଷ୍ଠ ନେତା। ବିଜେଡ଼ି ତରଫରୁ ଭର୍ତ୍ତୃହରି ମହତାବ ଓ କଂଗ୍ରେସରୁ ରହିଛନ୍ତି ପଞ୍ଚାନନ କାନୁନ୍‌ଗୋ। ସେହିପରି ବିଜେଡ଼ିର ଅନ୍ୟତମ ଲୋକସଭା ପ୍ରାର୍ଥୀ ନଳିନୀକାନ୍ତ ପ୍ରଧାନ ମଧ୍ୟ ଚର୍ଚ୍ଚାରେ ରହିଛନ୍ତି। ପୂର୍ତ୍ତ ବିଭାଗର ସଚିବ ଥିବା ନଳିନକାନ୍ତ ନିକଟରେ ପ୍ରଶାସନିକ ସେବାରୁ ଅବ୍ୟାହତି ନେଇ ରାଜନୀତିରେ ପ୍ରବେଶ କରିଛନ୍ତି। ତାଙ୍କୁ ସମ୍ବଲପରୁ ଆସନରୁ ବିଜେଡ଼ି ପ୍ରାର୍ଥୀ କରାଇଛି। ସେହିପରି ବିଜେଡ଼ିର ଅନ୍ୟତମ ପ୍ରାର୍ଥୀ ଶର୍ମିଷ୍ଠା ସେଠୀ ମଧ୍ୟ ଯାଜପୁର ଲୋକସଭା ସିଟ୍‌ରୁ ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି। ତାଙ୍କ ବିପକ୍ଷରେ ଅଛନ୍ତି ବିଜେପି ତରଫରୁ ଅମୀୟ ମଲ୍ଲିକ ଓ କଂଗ୍ରେସର ମାନସ ଜେନା। ବିଜେଡ଼ିର ଆଠମଲ୍ଲିକରୁ ପ୍ରାର୍ଥୀ ହୋଇଛନ୍ତି ପୂର୍ବତନ ପ୍ରଶାସକ ରମେଶ ଚନ୍ଦ୍ର ସାଇ। ତାଙ୍କ ବିରୋଧରେ ରହିଛନ୍ତି ବିଜେପିର ଭାଗିରଥୀ ପ୍ରଧାନ ଓ କଂଗ୍ରେସର ବିଜୟାନନ୍ଦ। ତେବେ ଏହି ପ୍ରମୁଖ ପ୍ରଶାସକମାନେ ପ୍ରଶାସନିକ ସେବାରେ ଯେପରି ନିଜକୁ ଯୋଗ୍ୟ ରୂପେ ପ୍ରତିପାଦିତ କରିଥିଲେ, ସେପରି ରାଜନୀତି କ୍ଷେତ୍ରରେ ପ୍ରମାଣିତ କରିବେ, ନା ରାଜନୀତି କରିବେ ସେ କଥା ଆଗାମୀ ସମୟ କହିବ!!

( ଫଟାଫଟ ଖବର ଜାଣିବା ପାଇଁ ଆପଣଙ୍କ ମୋବାଇଲର ପ୍ଲେ-ଷ୍ଟୋରକୁ ଯାଇ ଡାଉନଲୋଡ କରନ୍ତୁ SANKHIPTA ଆପ, ଏହାପରେ ମୋବାଇଲ ସ୍କ୍ରିନକୁ ଆଙ୍ଗୁଠିରେ ତଳୁ ଉପରକୁ ଘଷି ପଢି ଚାଲନ୍ତୁ ଖବର ପରେ ଖବର )