ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ନାତୁଣୀଙ୍କ ସୁରକ୍ଷାକୁ ନେଇ ଏକ ବଡ଼ ଧରଣର ତ୍ରୁଟି ସାମ୍ନାକୁ ଆସିଛି। ବାଇଡେନଙ୍କ ନାତୁଣୀକୁ ସୁରକ୍ଷା ଦେଉଥିବା ସିକ୍ରେଟ୍ ସର୍ଭିସ ଏଜେଣ୍ଟ ସୁରକ୍ଷା ଉଲ୍ଲଂଘନ କରି ତିନି ଜଣଙ୍କ ଉପରକୁ ଗୁଳି ଚଳାଇଛନ୍ତି।
Tag: ଆମେରିକା ରାଷ୍ଟ୍ରପତି
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସନ୍ଧ୍ୟାରେ ନୂଆଦିଲ୍ଲୀସ୍ଥିତ ତାଙ୍କ ବାସଭବନରେ ମରିସସ୍ ପ୍ରଧାନମନ୍ତ୍ରୀ ପ୍ରବିନ୍ଦ କୁମାର ଜଗନ୍ନାଥ, ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନା ଏବଂ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସହ ତିନୋଟି ଦ୍ୱିପାକ୍ଷିକ ବୈଠକ କରିବେ ବୋଲି ଏକ ଏକ୍ସ ପୋଷ୍ଟରେ ସୂଚନା ଦେଇଛନ୍ତି।
ଶ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ ଏହି ବୈଠକ ଏହି ଦେଶମାନଙ୍କ ସହିତ ଭାରତର ଦ୍ୱିପାକ୍ଷିକ ସମ୍ପର୍କର ସମୀକ୍ଷା କରିବା ଏବଂ ବିକାଶମୂଳକ ସହଯୋଗକୁ ଆହୁରି ସୁଦୃଢ଼ କରିବାର ସୁଯୋଗ ଦେବ ।
ପ୍ରଧାନମନ୍ତ୍ରୀ ଏକ୍ସରେ କହିଛନ୍ତି ଯେ, ‘ଆଜି ସଂଧ୍ୟାରେ ମୁଁ ମୋ ବାସଭବନରେ ତିନୋଟି ଦ୍ୱିପାକ୍ଷିକ ବୈଠକ ପାଇଁ ଅପେକ୍ଷା କରିଛି। ମୁଁ ମରିସସ୍ ପ୍ରଧାନମନ୍ତ୍ରୀ କୁମାର ଜଗନ୍ନାଥ, ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନା ଏବଂ ଜୋ ବାଇେଡନଙ୍କୁ ଭେଟିବି। ଏହି ବୈଠକ ଏହି ଦେଶମାନଙ୍କ ସହିତ ଭାରତର ଦ୍ୱିପାକ୍ଷିକ ସମ୍ପର୍କର ସମୀକ୍ଷା କରିବା ଏବଂ ବିକାଶମୂଳକ ସହଯୋଗକୁ ଆହୁରି ସୁଦୃଢ଼ କରିବାର ସୁଯୋଗ ଦେବ।
ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ ବାଇଡେନ ସେପ୍ଟେମ୍ବର ୭ ତାରିଖରେ ନୂଆଦିଲ୍ଲୀ ଅଭିମୁଖେ ଯାତ୍ରା କରିବେ ଏବଂ ସେପ୍ଟେମ୍ବର ୧୦ତାରିଖରେ ଭାରତ ଦ୍ୱାରା ଆୟୋଜିତ ହେବାକୁ ଥିବା ଜି-୨୦ ଶିଖର ସମ୍ମିଳନୀରେ ଯୋଗ ଦେବେ ଏବଂ ସେପ୍ଟେମ୍ବର ୧୦ତାରିଖରେ ୱାଶିଂଟନ୍ ଡିସିକୁ ଫେରିବେ।
ସେପ୍ଟେମ୍ବର ୯ ଓ ୧୦ତାରିଖରେ ନୂଆଦିଲ୍ଲୀରେ ଜି-୨୦ ନେତା ସମ୍ମିଳନୀ ଆୟୋଜନ କରିବ ଭାରତ। ଡିସେମ୍ବର ୧, ୨୦୨୨ରୁ ନଭେମ୍ବର ୩୦, ୨୦୨୩ ପର୍ଯ୍ୟନ୍ତ ଏକ ବର୍ଷ ପାଇଁ ଜି-୨୦ର ସଭାପତିଭାବେ ଦାୟିତ୍ୱ ଗ୍ରହଣ କରିବା ସହ ସମଗ୍ର ଦେଶରେ ଅନେକ ବୈଠକ ଆୟୋଜନ କରିଆସୁଛି।
ଜୁନ୍ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତ ସମୟରେ ରାଷ୍ଟ୍ରପତି ବାଇଡେନ୍ କହିଥିଲେ ଯେ ସେ ସେପ୍ଟେମ୍ବରରେ ନୂଆଦିଲ୍ଲୀରେ ହେବାକୁ ଥିବା ଜି-୨୦ ଶିଖର ସମ୍ମିଳନୀକୁ ଅପେକ୍ଷା କରିଛନ୍ତି।
ସେ (ବାଇଡେନ) ଚଳିତ ଜି-୨୦ ଅଧ୍ୟକ୍ଷତାରେ ଭାରତର ନେତୃତ୍ୱକୁ ପ୍ରଶଂସା କରିଛନ୍ତି, ଯାହା ଜଳବାୟୁ ପରିବର୍ତ୍ତନ, ମହାମାରୀ, ଦୁର୍ବଳତା ଏବଂ ସଂଘର୍ଷ ଭଳି ବୈଶ୍ୱିକ ଆହ୍ୱାନର ମୁକାବିଲା ପାଇଁ ବହୁପକ୍ଷୀୟ ଅନୁଷ୍ଠାନ ଏବଂ ଅନ୍ତର୍ଜାତୀୟ ସହଯୋଗକୁ ସୁଦୃଢ଼ କରିବା ଉପରେ ନୂତନ ଧ୍ୟାନ ଦେବା ସହିତ ମିଳିତ ଜାତିସଂଘର ନିରନ୍ତର ବିକାଶ ଲକ୍ଷ୍ୟ ହାସଲକୁ ତ୍ୱରାନ୍ୱିତ କରିବା ଏବଂ ଶକ୍ତିଶାଳୀ, ସ୍ଥାୟୀ, ସନ୍ତୁଳିତ ଏବଂ ଅନ୍ତର୍ଭୁକ୍ତ ଅଭିବୃଦ୍ଧିର ମୂଳଦୁଆ ପକାଇବା ଉପରେ ନୂତନ ଧ୍ୟାନ ଦେଇଛି। ଭାରତ ଓ ଆମେରିକା ର ମିଳିତ ବିବୃତିରେ ଏହା କୁହାଯାଇଛି।
ସାର୍ବଭୌମ ଋଣ ପୁନର୍ଗଠନ ପ୍ରକ୍ରିୟାରେ ଉନ୍ନତି ଆଣିବା ସମେତ ଜି-୨୦ ନେତା ସମ୍ମିଳନୀପାଇଁ ମିଳିତ ପ୍ରାଥମିକତା ପୂରଣ କରିବା ପାଇଁ ଜି-୨୦କୁ ବ୍ୟବହାର କରିବାକୁ ପ୍ରଧାନମନ୍ତ୍ରୀ ମୋଦୀ ଏବଂ ରାଷ୍ଟ୍ରପତି ବାଇଡେନ୍ ଏକଜୁଟ ହୋଇଛନ୍ତି। ସମସ୍ତ ବିକାଶଶୀଳ ଦେଶଗୁଡ଼ିକୁ ସମର୍ଥନ କରିବା ପାଇଁ ବିଶ୍ୱବ୍ୟାଙ୍କରେ ନୂତନ ରିହାତି ଆର୍ଥିକ ଯୋଗାଣ ସମେତ ବହୁପାକ୍ଷିକ ବିକାଶ ବ୍ୟାଙ୍କ ବିକାଶ ଏଜେଣ୍ଡାକୁ ଆଗକୁ ବଢ଼ାଇବା; ଏବଂ ବୈଶ୍ୱିକ ଭିତ୍ତିଭୂମି ଏବଂ ପୁଞ୍ଜିନିବେଶ ପାଇଁ ଭାଗିଦାରୀ ମାଧ୍ୟମରେ ଗୁଣାତ୍ମକ, ସ୍ଥାୟୀ ଏବଂ ସହାୟକ ଭିତ୍ତିଭୂମି ପାଇଁ ଘରୋଇ କ୍ଷେତ୍ରର ପୁଞ୍ଜିନିବେଶକୁ ଏକତ୍ରିତ କରିବା ପାଇଁ ଆକାଂକ୍ଷାର ସ୍ତର ବୃଦ୍ଧି କରିବା।
ଏହା ପୂର୍ବରୁ ଆମେରିକାର ଦକ୍ଷିଣ ଓ ମଧ୍ୟ ଏସିଆ ସହକାରୀ ବୈଦେଶିକ ସଚିବ ଡୋନାଲ୍ଡ ଲୁ କହିଥିଲେ ଯେ ରାଷ୍ଟ୍ରପତି ବାଇଡେନ୍ ସେପ୍ଟେମ୍ବରରେ ଜି-୨୦ ଶିଖର ସମ୍ମିଳନୀରେ ଯୋଗ ଦେବାକୁ ଭାରତ ଗସ୍ତରେ ଆସିବେ।
ଭାରତ-ଆମେରିକା ସମ୍ପର୍କ ପାଇଁ ଏହା ଏକ ବଡ଼ ବର୍ଷ ହେବାକୁ ଯାଉଛି। ଭାରତ ଜି-୨୦ ଆୟୋଜନ କରୁଥିବା ବେଳେ ଆମେରିକା ଏପେକ୍, ଜାପାନ ଜି-୭ ଆୟୋଜନ କରୁଛି। ଆମପାଖରେ କ୍ୱାଡ଼୍ର ଅନେକ ସଦସ୍ୟ ଅଛନ୍ତି ଯେଉଁମାନେ ନେତୃତ୍ୱ ଭୂମିକା ଗ୍ରହଣ କରୁଛନ୍ତି ଏବଂ ଏହା ଆମକୁ ଆମ ଦେଶକୁ ନିକଟତର କରିବାର ସୁଯୋଗ ପ୍ରଦାନ କରେ ବୋଲି ଲୁ କହିଛନ୍ତି।
ମାର୍ଚ୍ଚ ମାସରେ ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ୍ ଜି-୨୦ ବୈଦେଶିକ ମନ୍ତ୍ରୀମାନଙ୍କ ବୈଠକରେ ଯୋଗଦେବା ପାଇଁ ଭାରତ ଗସ୍ତରେ ଆସିଥିବା ବେଳେ ଟ୍ରେଜେରୀ ସଚିବ ଜେନେଟ୍ ୟେଲେନ୍ ଏବଂ ବାଣିଜ୍ୟ ସଚିବ ଜିନା ରାଇମୋଣ୍ଡୋ ଭାରତ ଗସ୍ତରେ ଆସି ନୂଆଦିଲ୍ଲୀରେ ଇଣ୍ଡିଆ ୟୁଏସ୍ ଫୋରମରେ ଯୋଗ ଦେଇଥିଲେ।
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର କହିଛନ୍ତି ଯେ, ଭାରତ ଏବଂ ଆମେରିକା ମଧ୍ୟରେ ବନ୍ଧୁତା ଦୁନିଆର ମଙ୍ଗଳ ପାଇଁ ଏକ ଶକ୍ତି ଏବଂ ବିଶ୍ଵକୁ ଉନ୍ନତ କରିବ। ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ଟ୍ୱିଟର ଉତ୍ତର ଶ୍ରୀ ମୋଦୀ ଏହିଭଳି ଭାବେ ଦେଇଛନ୍ତି। ବାଇଡେନଙ୍କ ଟ୍ୱିଟର ଜବାବରେ ସେ କହିଛନ୍ତି ଯେ, ବିଶ୍ୱରେ ଆମେରିକା ଏବଂ ଭାରତ ମଧ୍ୟରେ ବନ୍ଧୁତା ସବୁଠାରୁ ଗୁରୁତ୍ୱପୂର୍ଣ୍ଣ।
ପ୍ରଧାନମନ୍ତ୍ରୀ ମୋଦୀଙ୍କ ନିକଟରେ ଶେଷ ହୋଇଥିବା ଆମେରିକା ଗସ୍ତର ଏକ ଭିଡିଓ ମେଣ୍ଟାଜ ସେୟାର କରି ବାଇଡେନ ଟ୍ୱିଟ କରି କହିଛନ୍ତି ଯେ, ଆମେରିକା ଏବଂ ଭାରତ ମଧ୍ୟରେ ବନ୍ଧୁତା ଦୁନିଆର ଗୁରୁତ୍ୱପୂର୍ଣ୍ଣ ଏବଂ ଏହା ପୂର୍ବ ଅପେକ୍ଷା ଅଧିକ ଶକ୍ତିଶାଳୀ, ଘନିଷ୍ଠ ଏବଂ ଅଧିକ ଗତିଶୀଳ ଅଟେ। ଶ୍ରୀ ମୋଦୀ ଟ୍ୱିଟ୍ କରି କହିଛନ୍ତି ଯେ, ମୁଁ ଆପଣଙ୍କ ସହ ସମ୍ପୂର୍ଣ୍ଣ ଭାବେ ସହମତ। ଆମ ଦେଶ ମଧ୍ୟରେ ବନ୍ଧୁତା ବିଶ୍ୱବ୍ୟାପୀ ମଙ୍ଗଳ ପାଇଁ ଏକ ଶକ୍ତି। ଏହା ପୃଥିବୀକୁ ଉନ୍ନତ କରିବ। ମୋର ଆମେରିକା ଗସ୍ତ ଆମର ବନ୍ଧନକୁ ଆହୁରି ମଜବୁତ କରିବ।
The friendship between the United States and India is among the most consequential in the world. And it's stronger, closer, and more dynamic than ever. pic.twitter.com/6B8iLCos3f
— President Biden (@POTUS) June 25, 2023
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକା ଏବଂ ଇଜିପ୍ଟ ଗସ୍ତ ପରେ ଭାରତ ଫେରିଛନ୍ତି। ପାଲମ ବିମାନବନ୍ଦରରେ ପ୍ରଧାନମନ୍ତ୍ରୀ ମୋଦୀଙ୍କୁ ସ୍ୱାଗତ କରାଯାଇଛି। ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିବା ପାଇଁ ବିଜେପି ସଭାପତି ଜେପି ନଡ୍ଡା ଏବଂ ଅନେକ ବିଜେପି ସାଂସଦ ଉପସ୍ଥିତ ଥିଲେ। ପ୍ରଧାନମନ୍ତ୍ରୀ ମୋଦୀ ତାଙ୍କର ପାଞ୍ଚ ଦିନିଆ ଗସ୍ତ ଜୁନ୍ ୨୦ ତାରିଖରେ ଆରମ୍ଭ କରିଥିଲେ। ସେ ୨୧-୨୪ ଜୁନ୍ ରୁ ଆମେରିକା ଗସ୍ତ କରିଥିଲେ। ତାଙ୍କର ଆମେରିକୀୟ ଗସ୍ତ ନ୍ୟୁୟର୍କରେ ଆରମ୍ଭ ହୋଇଥିଲା, ଯେଉଁଠାରେ ସେ ଜୁନ୍ ୨୧ ତାରିଖ ଦିନ ନବମ ଆନ୍ତର୍ଜାତୀୟ ଯୋଗ ଦିବସ ପାଳନ କରିବାକୁ ମିଳିତ ଜାତିସଂଘ ମୁଖ୍ୟାଳୟରେ ଏକ ଐତିହାସିକ ଘଟଣାର ନେତୃତ୍ୱ ନେଇଥିଲେ।
ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ଜୋ ବାଇଡେନ ଏବଂ ପ୍ରଥମ ଲେଡି ଜିଲ ବାଇଡେନଙ୍କ ଝିଅ ଆସଲେ କରୋନାଭାଇରସରେ ସଂକ୍ରମିତ ହୋଇଛନ୍ତି। ହ୍ଵାଇଟ ହାଉସ୍ ଏହି ସୂଚନା ଦେଇଛି।
ହ୍ଵାଇଟ ହାଉସର ପ୍ରେସ ସଚିବ କରିନ୍ ଜିନ-ପିୟରେ କହିଛନ୍ତି ଯେ, ରାଷ୍ଟ୍ରପତି ଏବଂ ପ୍ରଥମ ମହିଳାଙ୍କ ସହ ଆସଲେ କିଛି ଦିନ ପୂର୍ବରୁ ସାକ୍ଷାତ କରିଥିଲେ। ବୁଧବାର ଦିନ ଜିଲ ବାଇଡେନ ଇକ୍ୟୁଏଡର ଯିବା ପୂର୍ବରୁ ଏଶଲେ ବିଡେନ କରୋନାଭାଇରସରେ ସଂକ୍ରମିତ ହୋଇଥିବା ଘୋଷଣା କରାଯାଇଥିଲା। ଇକ୍ୟୁଏଡର୍ ଠାରୁ ଆରମ୍ଭ କରି ଜିଲ୍ ବାଇଡେନ ଲାଟିନ୍ ଆମେରିକା ଗସ୍ତରେ ଅଛନ୍ତି। ଏହା ପରେ ସେ ପାନାମା ଏବଂ କୋଷ୍ଟାରିକା ମଧ୍ୟ ଯିବେ।
ଦ୍ୱିତୀୟ ଥର ପାଇଁ ଆସଲେ ବାଇଡେନ (୪୦) ଙ୍କୁ ତାଙ୍କ ସରକାରୀ ଗସ୍ତ ବାତିଲ କରିବାକୁ ପଡିବ। ଏହାପୂର୍ବରୁ ମେ ମାସରେ ସଂକ୍ରମିତ ବ୍ୟକ୍ତିଙ୍କ ସହ ଯୋଗାଯୋଗ ହେତୁ ସେ ତାଙ୍କ ମା’ଙ୍କ ସହିତ ପୂର୍ବ ୟୁରୋପରେ ଯାତ୍ରା କରିପାରିନଥିଲେ। ତେବେ ସେହି ସମୟରେ ଆସଲେ ସଂକ୍ରମିତ ହୋଇନଥିଲେ।
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକା ରାଷ୍ଟ୍ରପତି ଜୋ ବିଡେନଙ୍କ ସହିତ ସୋମବାର ରାତିରେ ଭର୍ଚ୍ୟୁଆଲି ଆଲୋଚନା କରିଛନ୍ତି। ଏଥିରେ ପ୍ରଧାନମନ୍ତ୍ରୀ କହିଛନ୍ତି ଯେ, ଭାରତ ଏବଂ ଆମେରିକା ବିଶ୍ବର ଦୁଇଟି ବୃହତ ଗଣତାନ୍ତ୍ରିକ ରାଷ୍ଟ୍ର ହୋଇଥିବାରୁ ଏହି ଦୁଇ ରାଷ୍ଟ୍ର ପ୍ରାକୃତିକ ଭାବେ ଯୋଡି ହୋଇଛନ୍ତି। ମୋଦୀ କହିଛନ୍ତି ସବୁଠାରୁ ଗୁରୁତ୍ବ ପୂର୍ଣ୍ଣ କଥା ହେଲା ଯେ, ୟୁକ୍ରେନର ପରିସ୍ଥିତି ଚିନ୍ତାଜନକ ଥିବାବେଳେ ଏହି ଆଲୋଚନା ଚାଲିଛି।
ସେ କହିଛନ୍ତି ଯେ କିଛି ସପ୍ତାହ ପୂର୍ବରୁ ୟୁକ୍ରେନରେ 20 ହଜାରରୁ ଅଧିକ ଭାରତୀୟ ଫସି ରହିଥିଲେ ଏବଂ ସେମାନଙ୍କ ମଧ୍ୟରୁ ଅଧିକାଂଶ ଛାତ୍ର ଥିଲେ। ସେମାନଙ୍କୁ ସୁରକ୍ଷିତ ଭାବେ ଆମେ ଉଦ୍ଧାର କରିବାରେ ସକ୍ଷମ ହୋଇଛୁ ବୋଲି ମୋଦୀ କହିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ୟୁକ୍ରେନରେ ସାଧାରଣ ନାଗରିକଙ୍କ ନିରାପତ୍ତା ତଥା ଔଷଧ ଏବଂ ରିଲିଫ ସାମଗ୍ରୀ ସମେତ ସେମାନଙ୍କୁ ମାନବିକ ସହାୟତା ଯୋଗାଇବାରେ ଭାରତ ଗୁରୁତ୍ୱ ଦେଇଛି। ସେ ସୂଚନା ଦେଇଛନ୍ତି ଯେ ୟୁକ୍ରେନର ଅନୁରୋଧ କ୍ରମେ ଭାରତ ଖୁବ୍ ଶୀଘ୍ର ବିପୁଳ ପରିମାଣର ଔଷଧ ପଠାଇବାକୁ ବନ୍ଦୋବସ୍ତ କରିଛି।
ନିକଟରେ ୟୁକ୍ରେନର ବୁଚା ସହରରେ ନିରୀହ ସାଧାରଣ ନାଗରିକଙ୍କ ହତ୍ୟା ଅତ୍ୟନ୍ତ ଚିନ୍ତାଜନକ ବୋଲି ମୋଦୀ କହିଛନ୍ତି। ସେ ଦର୍ଶାଇଛନ୍ତି ଯେ ଭାରତ ଏହାକୁ ନିନ୍ଦା କରିଛି ଏବଂ ଏହାର ଉଚିତ ତଦନ୍ତ ଦାବି କରିଛି। ରୁଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଆଲୋଚନା ଶାନ୍ତି ପାଇଁ ବାଟ ଫିଟିବ ବୋଲି ପ୍ରଧାନମନ୍ତ୍ରୀ ଆଶା କରିଥିଲେ।
ପ୍ରଧାନମନ୍ତ୍ରୀ କହିଛନ୍ତି ଯେ ସେ ୟୁକ୍ରେନ ଏବଂ ଋଷର ରାଷ୍ଟ୍ରପତିଙ୍କ ସହ ଅନେକ ଥର ଫୋନରେ କଥା ହୋଇଛନ୍ତି ଏବଂ ଶାନ୍ତି ପାଇଁ ନିବେଦନ ମଧ୍ୟ କରିଛନ୍ତି। ସେ କହିଛନ୍ତି ଯେ ୟୁକ୍ରେନର ରାଷ୍ଟ୍ରପତିଙ୍କ ସହ ସିଧାସଳଖ କଥାବାର୍ତ୍ତା କରିବାକୁ ସେ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ମଧ୍ୟ ପରାମର୍ଶ ଦେଇଛନ୍ତି। ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଭାରତୀୟ ସଂସଦରେ ୟୁକ୍ରେନର ବିଷୟ ଉପରେ ବିସ୍ତୃତ ଭାବରେ ଆଲୋଚନା ମଧ୍ୟ କରାଯାଇଛି।
ଆମେରିକାର ରାଷ୍ଟ୍ରପତି ଜୋ ବିଡେନ ତାଙ୍କ ଉଦବୋଧନରେ କହିଛନ୍ତି ଯେ ଭାରତ ଏବଂ ଆମେରିକା ଦୁଇଟି ବଡ ଗଣତାନ୍ତ୍ରିକ ରାଷ୍ଟ୍ର ଯାହାକି ଏକ ଦୃଢ ପ୍ରତିରକ୍ଷା ସହଭାଗୀତା ବାଣ୍ଟିପାରିଛି। ସେ କହିଛନ୍ତି ଯେ ଭାରତ – ଆମେରିକାର ଭାଗିଦାରୀ ଅଧିକ ଶକ୍ତିଶାଳୀ ହେବାରେ ଲାଗିଛି। ସେସବୁକୁ ଜାରୀ ରଖିବା ପାଇଁ ବିଭିନ୍ନ ସମୟରେ ପରାମର୍ଶ ଏବଂ କଥାବାର୍ତ୍ତା ଗୁରୁତ୍ୱପୂର୍ଣ୍ଣ ଭୂମିକା ନେଉଛି।
ଏଥିସହିତ କୋଭିଡ19 ମହାମାରୀ, ବିଶ୍ୱ ଅର୍ଥନୈତିକ ପୁନରୁଦ୍ଧାର, ଜଳବାୟୁ, ଦକ୍ଷିଣ ଏସିଆ ଏବଂ ଭାରତ-ପ୍ରଶାନ୍ତ ମହାସାଗରରେ ଘଟିଥିବା ବିକାଶ ଏବଂ ୟୁକ୍ରେନର ପରିସ୍ଥିତି ଭଳି ଅନେକ ଆଞ୍ଚଳିକ ତଥା ବିଶ୍ବ ସ୍ତରୀୟ ପ୍ରସଙ୍ଗରେ ଦୁଇ ନେତାଙ୍କ ମଧ୍ୟରେ ବ୍ୟାପକ ମତ ବିନିମୟ ହୋଇଛି।
ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ଟ୍ୱିଟର ଆକାଉଣ୍ଟ ବନ୍ଦ କରାଯାଇଛି। ଆମେରିକାରେ ହିଂସା ବଢିବା ଆଶଙ୍କା କରି ଟ୍ରମ୍ଫଙ୍କ ଆକାଉଣ୍ଟ ବନ୍ଦ କରାଯାଇଛି। ପୂର୍ବରୁ ତାଙ୍କ ଟ୍ୱିଟର ଆକାଉଣ୍ଟ କିଛି ଘଣ୍ଟା ପାଇଁ ବନ୍ଦ ହୋଇଥିଲା। ତେବେ ଏଥର ସ୍ଥାୟୀ ଭାବେ ଆକାଉଣ୍ଟକୁ ବନ୍ଦ କରିପାରେ ବୋଲି ଚେତାବନୀ ଦିଆଯାଇଛି। ଟ୍ୱିଟରର ଏପରି ନିଷ୍ପତ୍ତିରେ ଟ୍ରମ୍ପଙ୍କ କ୍ୟାମ୍ପେନ୍ ଆଡ୍ଭାଇଜର ଜୈସନ ମିଲର ଟ୍ୱିଟ୍ କରି ଅସନ୍ତୋଷ ବ୍ୟକ୍ତ କରିଛନ୍ତି। ବୁଧବାର ଦିନ ଫେସବୁକ ମଧ୍ୟ ନିୟମ ଉଲଙ୍ଘନ ଅଭିଯୋଗ ଆଣି ଟ୍ରମ୍ପଙ୍କ ପେଜକୁ ୨୪ ଘଣ୍ଟା ପର୍ଯ୍ୟନ୍ତ ବ୍ଲକ୍ କରିଥିଲା।