ଭୁବନେଶ୍ଵର: ଆଜି ମଧ୍ୟ ତତଲା କଡେଇରେ ଓଡିଶା ଡହଳ ବିକଳ ହେଉଛି। ବଢୁଥିବା ତାପମାତ୍ରା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡୁଛନ୍ତି। ତେବେ ସବୁ ଦିନ ଭଳି ଆଜି ମଧ୍ୟ ଭୁବନେଶ୍ବର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ତାପମାତ୍ରାର ଅପଡେଟ ଜାରି କରାଯାଇଛି। ଆଜି ୧୧.୩୦ ପର୍ଯ୍ୟନ୍ତ କେଉଁ ସହରରେ କେତେ ତାପମାତ୍ରା ରେକର୍ଡ କରାଯାଇଛି, ତାହା ପାଣିପାଗ ପକ୍ଷରୁ ସୂଚନା ଦିଆଯାଇଛି। ଆଜି ଦିନ ୧୧.୩୦ ସୁଦ୍ଧା ଓଡିଶାର ସବୁଠୁ ଉତ୍ତପ୍ତ ସହର ଭାବେ ଝାରସୁଗୁଡା ରେକର୍ଡ କରିଛି। କିନ୍ତୁ ଗତକାଲି ଏହି ସମୟ ମଧ୍ୟରେ ରାଜ୍ୟର ସବୁଠୁ ଉତ୍ତପ୍ତ ସହରରେ ଭାବେ ରାଜଧାନୀ ଭୁବନେଶ୍ବର ରେକାର କରିଥିଲା। ଆଜି ଝାରସୁଗୁଡାରେ ଦିନ ୧୧.୩୦ ସୁଦ୍ଧା ୪୦.୮ ଡିଗ୍ରୀ ଥିବା ବେଳେ କେନ୍ଦୁଝରରେ ୩୯.୨ ଡିଗ୍ରୀ, ଭୁବନେଶ୍ବରରେ ୩୯.୦ ଡିଗ୍ରୀ, ସମ୍ବଲପୁରରେ ୩୯.୦ ଡିଗ୍ରୀ, ବାଲେଶ୍ବରରେ ୩୭.୮ ଡିଗ୍ରୀ, ହୀରାକୁଦରେ ୩୭.୮ ଡିଗ୍ରୀ, ଚାନ୍ଦବାଲିରେ ୩୭.୪ ଡିଗ୍ରୀ, ପୁରୀରେ ୩୪ ଡିଗ୍ରୀ, ଗୋପାଳପୁରରେ ୩୩.୬ ଡିଗ୍ରୀ ଏବଂ ପାରାଦୀପରେ ୩୨.୪ ଡିଗ୍ରୀ ସେଲସିୟସ ରେକର୍ଡ କରାଯାଇଛି।
ଆଜି ଦିନ ୧୧ଟା ୩୦ ସୁଦ୍ଧା ରେକର୍ଡ ତାପମାତ୍ରା
ଝାରସୁଗୁଡା: ୪୦.୮ ଡ଼ିଗ୍ରୀ
କେନ୍ଦୁଝର: ୩୯.୨ ଡ଼ିଗ୍ରୀ
ଭୁବନେଶ୍ୱର: ୩୯.୦ ଡ଼ିଗ୍ରୀ
ସମ୍ବଲପୁର: ୩୯.୦ ଡ଼ିଗ୍ରୀ
ବାଲେଶ୍ୱର: ୩୭.୮ ଡ଼ିଗ୍ରୀ
ହୀରାକୁଦ:୩୭.୮ ଡ଼ିଗ୍ରୀ
ଚାନ୍ଦବାଲି:୩୭.୪ ଡ଼ିଗ୍ରୀ
ପୁରୀ:୩୪ ଡ଼ିଗ୍ରୀ
ଗୋପାଳପୁର:୩୩.୬
ପାରାଦୀପ:୩୨.୪ ଡ଼ିଗ୍ରୀ— Meteorological Centre, Bhubaneswar (@mcbbsr) April 19, 2023
ଉଲ୍ଲେଖ ଥାଉ କି ରାଜ୍ୟରେ ଏଭଳି ଗ୍ରୀଷ୍ମ ପ୍ରବାହ ଜାରୀ ରହିଥିବାରୁ ରାଜ୍ୟ ସରକାର ଏକ ବଡ ନିଷ୍ପତ୍ତି ନେଇଛନ୍ତି। ଆଜି ଏବଂ ଆସନ୍ତାକାଲି ରାଜ୍ୟର ସମସ୍ତ ସ୍କୁଲକୁ ରାଜ୍ୟ ସରକାର ଛୁଟି ଘୋଷଣା କରିଛନ୍ତି।
