ଭୁବନେଶ୍ବର: ପୁଣି ଥରେ ରାଜ୍ୟରେ ତାପମାତ୍ରା ବଢିଛି। ଭୁବନେଶ୍ଵର ଆଜି ରାଜ୍ୟର ସର୍ବାଧିକ ସହର ଭାବେ ରେକର୍ଡ କରାଯାଇଛି। ଭୁବନେଶ୍ଵରରେ ଆଜିର ତାପମାତ୍ରା ୪୨.୧ ଡିଗ୍ରୀ ରେକର୍ଡ କରାଯାଇଛି, ଯାହା ରାଜ୍ୟରେ ସର୍ବାଧିକ ଅଟେ।
ତେବେ ଆଜି ରାଜ୍ୟର ୧୨ ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି। ବୌଦ୍ଧରେ ତାପମାତ୍ରା ୪୨ଡିଗ୍ରୀ ଥିବା ବେଳେ ସୋନପୁରରେ ୪୧.୮ ଡିଗ୍ରୀ, ବାରିପଦାରେ ୪୧.୬ ଡିଗ୍ରୀ, ଟିଟିଲାଗଡରେ ୪୧ ଡିଗ୍ରୀ, ସମ୍ବଲପୁରରେ ୪୧ ଡିଗ୍ରୀ, ଝାରସୁଗୁଡାରେ ୪୦.୫ ଡିଗ୍ରୀ, ଅନୁଗୁଳରେ ୪୦.୩ ଡିଗ୍ରୀ, ତାଳଚେରରେ ୪୦.୧ ଡିଗ୍ରୀ, ଭବାନୀପାଟଣା ଏବଂ ନୟାଗଡରେ ୪୦ ଡ଼ିଗ୍ରୀ ସେଲସିୟସ୍ ତାପମାତ୍ରା ରେକର୍ଡ କରାଯାଇଛି।
