Tag: ଏମଏସପି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ୍ କମିଟି ୨୦୨୪ ଋତୁ ପାଇଁ କୋପ୍ରାର (ଶୁଖିଲା ନଡ଼ିଆ ଶସ) ସର୍ବନିମ୍ନ ସହାୟକ ମୂଲ୍ୟ (ଏମଏସପି)କୁ ମଞ୍ଜୁର କରିଛନ୍ତି। ୨୦୨୪ ଋତୁ ପାଇଁ ଧାର୍ଯ୍ୟ ଏମଏସପିରେ ପୂର୍ବ ଋତୁ ତୁଳନାରେ ମିଲିଂ କୋପ୍ରା (ଶୁଖିଲା ଖଣ୍ଡ ନଡ଼ିଆ ଶସ) ପାଇଁ କ୍ୱିଣ୍ଟାଲ ପିଛା ୩୦୦ ଟଙ୍କା ଏବଂ ବଲ୍ କୋପ୍ରା (ଶୁଖିଲା ଗୋଲାକୃତି ନଡ଼ିଆ ଶସ) ପାଇଁ କ୍ୱିଣ୍ଟାଲ ପିଛା ୨୫୦ ଟଙ୍କା ବୃଦ୍ଧି କରାଯାଇଛି।

କୃଷକମାନଙ୍କୁ ଲାଭଜନକ ମୂଲ୍ୟ ପ୍ରଦାନ କରିବା ପାଇଁ ସରକାର ୨୦୧୮-୧୯ର କେନ୍ଦ୍ର ବଜେଟରେ ଘୋଷଣା କରିଥିଲେ ଯେ ସମସ୍ତ ବାଧ୍ୟତାମୂଳକ ଫସଲର ଏମଏସପି ସର୍ବଭାରତୀୟ ଉତ୍ପାଦନ ଖର୍ଚ୍ଚର ଅତି କମରେ ୧.୫ ଗୁଣ ସ୍ତରରେ ସ୍ଥିର କରାଯିବ । ୨୦୨୪ ଋତୁ ପାଇଁ ମିଲିଂ କୋପ୍ରା (ଶୁଖିଲା ଖଣ୍ଡ ନଡ଼ିଆ ଶସ)ର ଉପଯୁକ୍ତ ହାରାହାରୀ ଗୁଣବତ୍ତା ପାଇଁ ଏମଏସପି କ୍ୱିଣ୍ଟାଲ ପିଛା ୧୧,୧୬୦ ଟଙ୍କା ଏବଂ ବଲ୍ କୋପ୍ରା (ଶୁଖିଲା ଗୋଲାକୃତି ନଡ଼ିଆ ଶସ) ପାଇଁ କ୍ୱିଣ୍ଟାଲ ପିଛା ୧୨,୦୦୦/- ଟଙ୍କା ଧାର୍ଯ୍ୟ କରାଯାଇଛି। ଏହା ଦ୍ୱାରା ମିଲିଂ କୋପ୍ରା ପାଇଁ ୫୧.୮୪ ପ୍ରତିଶତ ଏବଂ ବଲ୍ କୋପ୍ରା ପାଇଁ ୬୩.୨୬ ପ୍ରତିଶତ ଲାଭ ସୁନିଶ୍ଚିତ ହେବ, ଯାହା କି ସର୍ବଭାରତୀୟ ଭାରପ୍ରାପ୍ତ ହାରାହାରୀ ଉତ୍ପାଦନ ଖର୍ଚ୍ଚର ୧.୫ ଗୁଣରୁ ଅଧିକ। ମିଲିଂ କୋପ୍ରା ବା ଶୁଖିଲା ଖଣ୍ଡ ନଡ଼ିଆ ଶସ ତେଲ ବାହାର କରିବା ପାଇଁ ବ୍ୟବହୃତ ହୁଏ, ଅନ୍ୟପଟେ ଶୁଖିଲା ଗୋଲାକୃତି ନଡ଼ିଆ ଶସ ବା ବଲ/ଖାଇବା କୋପ୍ରାକୁ ଶୁଖିଲା ଫଳ ଭାବରେ ସେବନ କରାଯାଏ ଏବଂ ଧାର୍ମିକ ଉଦ୍ଦେଶ୍ୟରେ ବ୍ୟବହୃତ ହୁଏ। କେରଳ ଏବଂ ତାମିଲନାଡୁ ମିଲିଂ କୋପ୍ରାର ମୁଖ୍ୟ ଉତ୍ପାଦନକାରୀ ହୋଇଥିବା ବେଳେ ବଲ୍ କୋପ୍ରା ମୁଖ୍ୟତଃ କର୍ଣ୍ଣାଟକରେ ଉତ୍ପାଦିତ ହୁଏ।

କେନ୍ଦ୍ର ସରକାର ବିଗତ ୧୦ ବର୍ଷ ମଧ୍ୟରେ ଲଗାତର ଭାବେ କୋପ୍ରାର ଏମଏସପି ବୃଦ୍ଧି ଜାରି ରଖିଛନ୍ତି । ୨୦୧୪-୧୫ରେ ମିଲିଂ କୋପ୍ରା ଓ ବଲ୍ କୋପ୍ରାର ଏମ୍‌ଏସ୍‌ପି ଯଥାକ୍ରମେ କୁଇଣ୍ଟାଲ ପିଛା ୫୨୫୦ ଟଙ୍କା ଓ କ୍ୱିଣ୍ଟାଲ ପିଛା ୫୫୦୦ ଟଙ୍କା ତୁଳନାରେ ୨୦୨୪-୨୫ରେ ଯଥାକ୍ରମେ ୧୧୩ ପ୍ରତିଶତ ଓ ୧୧୮ ପ୍ରତିଶତ ବୃଦ୍ଧି କରି କ୍ୱିଣ୍ଟାଲ ପିଛା ୧୧,୧୬୦ ଟଙ୍କା ଓ ୧୨,୦୦୦ ଟଙ୍କାରେ ଧାର୍ଯ୍ୟ କରିଛନ୍ତି।

ଅଧିକ ଏମଏସପି କେବଳ ନଡ଼ିଆ ଚାଷୀଙ୍କୁ ଉତ୍ତମ ଲାଭଦାୟକ ଲାଭ ସୁନିଶ୍ଚିତ କରିବ ନାହିଁ ବରଂ ଉଭୟ ଘରୋଇ ଏବଂ ଅନ୍ତର୍ଜାତୀୟ ସ୍ତରରେ ନଡ଼ିଆ ଉତ୍ପାଦର ବଢୁଥିବା ଚାହିଦାକୁ ପୂରଣ କରିବା ପାଇଁ କୃଷକମାନଙ୍କୁ କୋପ୍ରା ଉତ୍ପାଦନ ସମ୍ପ୍ରସାରଣ କରିବାକୁ ପ୍ରୋତ୍ସାହିତ କରିବ ।

ଚଳିତ ଋତୁ ୨୦୨୩ରେ ସରକାର ୧,୪୯୩ କୋଟି ଟଙ୍କା ବ୍ୟୟରେ ୧.୩୩ ଲକ୍ଷ ମେଟ୍ରିକ୍ ଟନ୍‌ରୁ ଅଧିକ କୋପ୍ରା କ୍ରୟ କରିଛନ୍ତି, ଯାହାଦ୍ୱାରା ପ୍ରାୟ ୯୦,୦୦୦ କୃଷକ ଉପକୃତ ହୋଇଛନ୍ତି । ପୂର୍ବ ଋତୁ (୨୦୨୨) ତୁଳନାରେ ଚଳିତ ଋତୁ ୨୦୨୩ରେ ୨୨୭ ପ୍ରତିଶତ ଅଧିକ କୋପ୍ରା କିଣାଯାଇଛି ।

ଜାତୀୟ କୃଷି ସମବାୟ ବିପଣନ ମହାସଂଘ ଲିମିଟେଡ୍ (ନାଫେଡ୍) ଏବଂ ଜାତୀୟ ସମବାୟ ଉପଭୋକ୍ତା ମହାସଂଘ (ଏନସିସିଏଫ୍) କେନ୍ଦ୍ରୀୟ ନୋଡାଲ ଏଜେନ୍ସି (ସିଏନ୍ଏ) ଭାବରେ ମୂଲ୍ୟ ସମର୍ଥନ ଯୋଜନା (ପିଏସ୍ଏସ୍) ଅଧୀନରେ କୋପ୍ରା ଏବଂ ଚୋପାଛଡ଼ା ନଡ଼ିଆ କିଣିବା ଜାରି ରଖିବେ।

ନୂଆଦିଲ୍ଲୀ: ମୁଦ୍ରାସ୍ଫୀତି ଯେପରି ଏବେ ଖାଦ୍ୟଶସ୍ୟ ଉପରେ ନ ପଡ଼ିବ ସେଥିପାଇଁ ସରକାର ସତର୍କ ଅଛନ୍ତି। ଅଟା ଦରକୁ ନିୟନ୍ତ୍ରଣରେ ରଖିବା ପାଇଁ ଉପଭୋକ୍ତା ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରାଳୟ ସୁଲଭ ଭାରତ ଅଟା ଯୋଗାଣ ବୃଦ୍ଧି କରିବାକୁ ପ୍ରସ୍ତୁତ ହୋଇଛି।
ଏଥିସହିତ ବଫର ଷ୍ଟକକୁ ସୁଦୃଢ଼ କରିବା ପାଇଁ ସରକାର ଉତ୍ତରପ୍ରଦେଶ, ରାଜସ୍ଥାନ ଓ ବିହାରରେ ଗହମ କ୍ରୟ କେନ୍ଦ୍ର ବୃଦ୍ଧି କରିବାକୁ ଯାଉଛନ୍ତି। ନିକଟରେ ଅନୁଷ୍ଠିତ ମନ୍ତ୍ରୀ କମିଟି ବୈଠକରେ ଏ ସଂକ୍ରାନ୍ତରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ବଡ଼ ଚେନ ରିଟେଲର ଏବଂ ଇ-କମର୍ସ ପ୍ଲାଟଫର୍ମ ମାଧ୍ୟମରେ ନାଫେଡ ଏବଂ ଏନସିସିଏଫ ଦ୍ୱାରା କିଲୋ ପିଛା ୨୭.୫୦ ଟଙ୍କାରେ ବିକ୍ରି ହେଉଥିବା ଭାରତ ଅଟାର ଯୋଗାଣ ବୃଦ୍ଧି କରିବାକୁ ସରକାର ଯୋଜନା କରିଛନ୍ତି।

ବଫର ଷ୍ଟକକୁ ସନ୍ତୁଳନ କରିବାକୁ ଚାହୁଁଛି ମନ୍ତ୍ରାଳୟ

ସରକାରୀ ବ୍ରାଣ୍ଡର ଏହି ଅଟା ଯୋଗାଣ ସତ୍ତ୍ୱେ ବଜାରରେ ଅଟା ଦର ବଢ଼ୁନଥିବାରୁ ଏଥିପାଇଁ ଖୋଲା ବଜାର ଉପରେ ମଧ୍ୟ ସରକାରଙ୍କ ନଜର ରହିଛି। ବର୍ତ୍ତମାନ ବଫର ଷ୍ଟକରୁ ବାହାର କରି ଓପନ ମାର୍କେଟ ସେଲ ସ୍କିମ (ଘରୋଇ) ଅଧୀନରେ ବିକ୍ରି ହେଉଥିବା ୩ ଲକ୍ଷ ମେଟ୍ରିକ ଟନ ଗହମର ପରିମାଣ ମଧ୍ୟ ବୃଦ୍ଧି କରାଯିବ ବୋଲି ନିଷ୍ପତ୍ତି ହୋଇଛି। ୨୦୨୩ ଡିସେମ୍ବର ୨୦ରୁ ସପ୍ତାହକୁ ୪ ଲକ୍ଷ ମେଟ୍ରିକ ଟନ ବିକ୍ରି ଲକ୍ଷ୍ୟ ରଖାଯାଇଛି। ଏହି ବିକ୍ରି ବଢ଼ାଇବା ସହ ମନ୍ତ୍ରାଳୟ ଏହାର ବଫର ଷ୍ଟକ୍କୁ ସନ୍ତୁଳିତ କରିବାକୁ ଚାହୁଁଛି।

ପ୍ରଚାର ଦାୟିତ୍ୱ ଏଫସିଆଇକୁ ଦିଆଯାଇଛି

ଏହି ସନ୍ତୁଳନକୁ ଦୃଷ୍ଟିରେ ରଖି ଭାରତୀୟ ଖାଦ୍ୟ ନିଗମ, ନାଫେଡ ଏବଂ ଏନସିସିଏଫ ଦ୍ୱାରା ଗହମ ଉତ୍ପାଦନକାରୀ ରାଜ୍ୟ ଉତ୍ତରପ୍ରଦେଶ, ରାଜସ୍ଥାନ ଏବଂ ବିହାରରେ ଚାଷୀଙ୍କଠାରୁ ସର୍ବନିମ୍ନ ସହାୟକ ମୂଲ୍ୟରେ ଗହମ କିଣିବା ପାଇଁ କ୍ରୟ କେନ୍ଦ୍ର ସଂଖ୍ୟା ବୃଦ୍ଧି କରାଯିବ ବୋଲି ନିଷ୍ପତ୍ତି ନିଆଯାଇଛି। ୨୦୨୪ ଫେବ୍ରୁଆରି ୧୫ତାରିଖରୁ ଧାନ କିଣା ଆରମ୍ଭ କରିବାକୁ ଲକ୍ଷ୍ୟ ରଖାଯାଇଛି। କୃଷକମାନଙ୍କ ମଧ୍ୟରେ ଏହାର ପର୍ଯ୍ୟାପ୍ତ ପ୍ରଚାର ପାଇଁ ଏଫସିଆଇକୁ ଦାୟିତ୍ୱ ଦିଆଯାଇଛି।

ନୂଆଦିଲ୍ଲୀ: କୃଷି ଆଇନ ପ୍ରତ୍ୟାହାର ପାଇଁ ଏହି ବିଲ୍ ଆଜି ଲୋକସଭାରେ ଆଗତ ହେବାକୁ ଯାଉଛି। କୃଷକଙ୍କ ମନୋଭାବରେ ସାମାନ୍ୟ ନରମତା ଅଛି, କିନ୍ତୁ ଆନ୍ଦୋଳନ ଜାରି ରହିଛି। ଗଣମାଧ୍ୟମକୁ ଏକ ବାର୍ତ୍ତାଳାପରେ କୃଷକ ନେତା ରାକେଶ ଟିକାଏତ କହିଛନ୍ତି ଯେ, ଯେପର୍ଯ୍ୟନ୍ତ ସରକାର ଏମଏସପି ଗ୍ୟାରେଣ୍ଟି ନ ଦିଅନ୍ତି, ଚାଷୀଙ୍କ ବିରୋଧରେ ମାମଲା ପ୍ରତ୍ୟାହାର କରାଯାଇନାହିଁ ଏବଂ କ୍ଷତିପୂରଣ ସମସ୍ୟାର ସମାଧାନ ନ ହୋଇଛି, ସେପର୍ଯ୍ୟନ୍ତ ଆନ୍ଦୋଳନ ଜାରି ରହିବ।

ଗୋଟିଏ ଦିନ ପୂର୍ବରୁ ମୁମ୍ବାଇର ସଂଯୁକ୍ତ ଶେତକାରି କାମଗଗାର ମୋର୍ଚ୍ଚା (ଏସଏସକେଏମ) ବ୍ୟାନରରେ ଆଜାଦ ମଇଦାନରେ ଆୟୋଜିତ ହୋଇଥିବା ‘କିଷାନ ମହାପଞ୍ଚାୟତ’ରେ ଭାଗ ନେବାକୁ ଯାଇଥିବା ରାକେଶ ଟିକାଏତ କହିଥିଲେ ଯେ, ଗୁଜୁରାଟର ମୁଖ୍ୟମନ୍ତ୍ରୀ ଥିବାବେଳେ ପ୍ରଧାନମନ୍ତ୍ରୀ ମୋଦୀ ଏମଏସପିର ସମର୍ଥକ ଥିଲେ। ମନ୍ତ୍ରୀ ଏବଂ ସେ କୃଷକଙ୍କ ହିତରେ ଥିଲେ। ଗ୍ୟାରେଣ୍ଟି ନିଶ୍ଚିତ କରିବାକୁ ଦେଶବ୍ୟାପୀ ଆଇନ ଚାହୁଁଥିଲେ। କିନ୍ତୁ ବର୍ତ୍ତମାନ ମୋଦୀଙ୍କ ନେତୃତ୍ୱାଧୀନ କେନ୍ଦ୍ର ସରକାର ଏହି ପ୍ରସଙ୍ଗରେ ବିତର୍କରୁ ଦୂରେଇ ଯାଉଛନ୍ତି ବୋଲି ସେ ଅଭିଯୋଗ କରିଛନ୍ତି।

ସେ କହିଛନ୍ତି, ‘କୃଷକମାନଙ୍କୁ ଏମଏସପି ଗ୍ୟାରେଣ୍ଟି ଦେବା ପାଇଁ କେନ୍ଦ୍ର ଏକ ଆଇନ ଆଣିବା ଉଚିତ। କୃଷି ଏବଂ ଶ୍ରମ କ୍ଷେତ୍ର ସହିତ ଜଡିତ ଅନେକ ସମସ୍ୟା ଅଛି, ଯାହା ଧ୍ୟାନ ଆବଶ୍ୟକ କରେ ଏବଂ ଆମେ ଏହାକୁ ଉଜାଗର କରିବା ପାଇଁ ଦେଶ ଭ୍ରମଣ କରିବୁ। କେନ୍ଦ୍ରର ତିନୋଟି କୃଷି ମାର୍କେଟିଂ ନିୟମ ବିରୁଦ୍ଧରେ ଏକ ବର୍ଷ ଧରି ଚାଲିଥିବା ବିକ୍ଷୋଭରେ ପ୍ରାଣ ହରାଇଥିବା ଚାଷୀଙ୍କ ପରିବାରକୁ ଆର୍ଥିକ ସହାୟତା ଦିଆଯିବାକୁ ଟିକାଏତ ଦାବି କରିଛି।

ନୂଆଦିଲ୍ଲୀ: ତିନୋଟି କୃଷି ଆଇନକୁ କେନ୍ଦ୍ର ପ୍ରତ୍ୟାହାର ଘୋଷଣା କରିବା ପରେ ବିଜେପି ସାଂସଦ ବରୁଣ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଚିଠି ଲେଖିଛନ୍ତି। ଚିଠିରେ ବରୁଣ ଗାନ୍ଧୀ ଦାବି କରିଛନ୍ତି ଯେ, ଏମଏସପି ଏବଂ ଅନ୍ୟାନ୍ୟ ପ୍ରସଙ୍ଗରେ ଆଇନ ପ୍ରଣୟନର ତୁରନ୍ତ ସମାଧାନ କରାଯାଉ। ଏଥିସହ ବରୁଣ ଗାନ୍ଧୀ ଗୃହମନ୍ତ୍ରୀ ଅଜୟ ମିଶ୍ରଙ୍କୁ ବରଖାସ୍ତ କରିବାକୁ ଦାବି କରିଛନ୍ତି। ଗତକାଲି ଦେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ ଏହି ତିନୋଟି ବିବାଦୀୟ କୃଷି ଆଇନ ପ୍ରତ୍ୟାହାର ଘୋଷଣା କରିଥିଲେ।

I welcome the announcement of the withdrawal of the 3 #FarmLaws. It is my humble request that the demand for a law on MSP & other issues must also be decided upon immediately, so our farmers can return home after ending their agitation.

My letter to the Hon’ble Prime Minister: pic.twitter.com/6eh3C6Kwsz

— Varun Gandhi (@varungandhi80) November 20, 2021

ବରୁଣ ଗାନ୍ଧୀ ଟ୍ୱିଟ୍ କରି କହିଛନ୍ତି ଯେ, ଏମଏସପି ତଥା ଅନ୍ୟାନ୍ୟ ପ୍ରସଙ୍ଗରେ ଆଇନ ପ୍ରଣୟନ କରିବାର ତୁରନ୍ତ ନିଷ୍ପତ୍ତି ନେବା ପାଇଁ ମୋର ନମ୍ର ଅନୁରୋଧ। ତେଣୁ ଆନ୍ଦୋଳନ ଶେଷ ହେବା ପରେ କୃଷକ ଭାଇମାନେ ସମ୍ମାନର ସହ ଘରକୁ ଫେରିବେ। ସମ୍ମାନିତ ପ୍ରଧାନମନ୍ତ୍ରୀଙ୍କୁ ଏ ବାବଦରେ ମୋର ଚିଠି।