Categories
ଆଜିର ଖବର ରାଜ୍ୟ ଖବର

ଏକ ଭିଡିଓ ମାଧ୍ୟମରେ ନୂଆଖାଇ ଅଭିନନ୍ଦନ କରି ବେଶ କିଛି କହିଲେ ଏହି ବିଜେଡି ନେତ୍ରୀ

ଭୁବନେଶ୍ବର: ଆଜି ହେଇଛି ନୂଆଖାଇ। ସାରା ପଶ୍ଚିମ ଓଡିଶା ବେଶ୍ ଉତ୍ସବ ମୁଖର ହୋଇଉଠିଛି। ନେତାନେତ୍ରୀଠାରୁ ଆରମ୍ଭ କରି ସାଧାରଣ ଜନତା ସମସ୍ତେ ଏହି ଗଣପର୍ବକୁ ବେଶ ଧୂମଧାମରେ ପାଳନ କରୁଛନ୍ତି। ସେହିପରି ନିଜନିଜ ସାମାଜିକ ଗଣ ମାଧ୍ୟମରେ ଅଭିନନ୍ଦନ ମଧ୍ୟ ଜଣାଉଛନ୍ତି। ସେହି ପରିପ୍ରେକ୍ଷୀରେ ପଶ୍ଚିମ ଓଡିଶା ବିଜେଡି ନେତ୍ରୀ ଶ୍ରୀମୟୀ ମିଶ୍ର ମଧ୍ୟ ନିଜର ଅଭିନନ୍ଦନ ଭିଡିଓ ଜାରୀ କରିଛନ୍ତି।

ଏହି ଭି଼ଡିଓରେ ଶ୍ରୀମୟୀ ନୂଆଖାଇ ପରଂପରା ଉପରେ ନିଜର ମତ ରଖିଛନ୍ତି। ସମ୍ବଲପୁରୀ ଭାଷାରେ ସେ କହିଛନ୍ତି ଯେ, ନୂଆଖାଇ ଆମ ମାଟି, ସଂସ୍କୃତି, ପରଂପରା ଆଉ କୃଷିର ଏକ ପରିଚୟ। ଏହା ଭାଇଚାରାର ଏକ ପର୍ବ। ଏଥିସହିତ ଏହି ପର୍ବର ମହତ୍ବ ସହିତ ନାଚଗୀତର ସଂଯୋଗକୁ ମଧ୍ୟ ଉପସ୍ଥାପିତ କରିଛନ୍ତି।

Categories
ବିଶେଷ ଖବର ରାଜ୍ୟ ଖବର

ଭୁବନେଶ୍ବରର ମେୟର ଦୌଡରେ ବିଜେଡିର ତିନି ତୁଙ୍ଗ ନେତ୍ରୀ, କାହାକୁ ଭରସା କରିବେ ସୁପ୍ରିମୋ

ଭୁବନେଶ୍ବର : ଏଥର ରାଜଧାନୀର ମାଲିକ ହେବେ ଜଣେ ମହିଳା। ଭୁବନେଶ୍ବର ମହାନଗରର ମେୟର ପଦବୀ ମହିଳା ସଂରକ୍ଷଣ ନେଇ ଚିଠା ତାଲିକା ପ୍ରକାଶ ପାଇଛି। ଏହା ପ୍ରଚାର ହେବା ପରେ ବର୍ତ୍ତମାନ ବିଜେଡି କାହାକୁ ମେୟର କରିବ ସେ ନେଇ ସମସ୍ତଙ୍କର ଦୃଷ୍ଟି ନିକ୍ଷେପ ରହିଛି। କାରଣ ସମସ୍ତେ ଜାଣନ୍ତି ଯେ, ଅନ୍ୟ ଦଳର ବର୍ତ୍ତମାନ ଯାହା ସ୍ଥିତି ସେଥିରେ ସେମାନଙ୍କ ଦଳର ନେତ୍ରୀ ମେୟର ହେବେ, ତାହାର ସମ୍ଭାବନା ନାହିଁ।

ଭୁବନେଶ୍ବର ମେୟର ପଦବୀ ମହିଳା ସଂରକ୍ଷଣ ନେଇ ପ୍ରସ୍ତାବ ଆସିବା ପରେ ବିଜେଡି ନେତ୍ରୀଙ୍କ ପାଟିରୁ ଲାଳ ଗଡିବା ଆରମ୍ଭ ହୋଇଯାଇଛି। କାରଣ ବିଜେଡିରୁ ଯାହାକୁ ବି ମେୟର ହେବା ନେଇ ମୋହର ବାଜିଲା ସେ ନିଶ୍ଚିତ ଜିତିବ, ଏହି ସମ୍ଭାବନା ନେତ୍ରୀମାନଙ୍କର ରହିଛି। ସେହି ଅନୁସାରେ ବର୍ତ୍ତମାନ ବିଜେଡି ନେତ୍ରୀମାନେ ବିଭିନ୍ନ ପର୍ଯ୍ୟାୟରେ ସେମାନଙ୍କର ଲବି ଆରମ୍ଭ କରିଦେଇଛନ୍ତି। ତେବେ ସର୍ବଶେଷ ରିପୋର୍ଟ ଅନୁସାରେ ବର୍ତ୍ତମାନ ତିନିଜଣଙ୍କ ନାମ ବେଶ୍ ଚର୍ଚ୍ଚାରେ ରହିଛି। ସେମାନେ ହେଲେ ପ୍ରୀତିନନ୍ଦା ରାଉତରାୟ, ସୁଲତା ଦେଓ ଏବଂ ଶ୍ରୀମୟୀ ମିଶ୍ର।

ବିଏମସି ରାଜନୀତି ସହିତ ପ୍ରୀତିନନ୍ଦା ରାଉତରାୟ ବେଶ୍ ପରିଚିତ। କାରଣ ସେ ଆଗରୁ କରର୍ପୋରେଟର ରହି ଆସିଛନ୍ତି। ଗତ ବିଧାନସଭା ନିର୍ବାଚନରେ ସେ ଭୁବନେଶ୍ବରର ଉତ୍ତରରୁ ବିଧାୟିକ ପ୍ରାର୍ଥୀ ହେବା ନେଇ ଚର୍ଚ୍ଚା ଚାଲିଥିଲା। ଅନ୍ୟପକ୍ଷରେ ସେ ହେଉଛନ୍ତି ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଦାମୋଦର ରାଉତଙ୍କ ଝିଅ। ତାଙ୍କ ଭାଇ ସମ୍ବିତ ରାଉତରାୟ ବର୍ତ୍ତମାନ ପାରାଦ୍ବୀପର ବିଜେଡି ବିଧାୟକ ଅଛନ୍ତି। ଯେହେତୁ ପ୍ରୀତିନନ୍ଦା ଉଭୟ ରାଜନୈତିକ ପରିବାରର ଏବଂ ବିଏମସି ରାଜନୀତି ସହ ଓତଃପ୍ରାତଃ ଭାବେ ଜଡିତ, ସେଥିପାଇଁ ସେ ମେୟର ପାଇଁ ଉପଯୁକ୍ତ ବୋଲି ବିବେଚନା କରାଯାଉଛି।

ଅନ୍ୟପକ୍ଷରେ ସୁଲତା ଦେଓଙ୍କ ନାମ ମଧ୍ୟ ଏହି ପଦବୀ ପାଇଁ ଚର୍ଚ୍ଚାରେ ରହିଛି। କାରଣ ରାଜ୍ୟ ସ୍ତରରେ ବିଜେଡିର ଭାବ ମୂର୍ତ୍ତିକୁ ସଜାଡି ରଖିବାରେ ସେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଅନ୍ୟପକ୍ଷରେ ସେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କୁ ଜବାବ ଦେବା ପାଇଁ ବିଜେଡି ସୁଲତାଙ୍କୁ ହିଁ ବ୍ୟବହାର କରୁଛି। ସେଥିରେ ସଫଳତା ମଧ୍ୟ ଦଳକୁ ମିଳୁଛି। ଗତ ନିର୍ବାଚନରେ ତାଙ୍କୁ ବରିରୁ ଟିକେଟ ମିଳିବ ବୋଲି ଆଶା କରାଯାଉଥିଲା। ହେଲେ ତାହା ହେଲା ନାହିଁ। ବର୍ତ୍ତମାନ ସେ ମହିଳା ଓ ଶିଶୁ ବିକାଶ ବିଭାଗର ଉପଦେଷ୍ଠା ଅଛନ୍ତି। ସେ ଏହି ମେୟର ପଦବୀ ପାଇଁ ବେଶ୍ ଉପଯୁକ୍ତ ବୋଲି ବରିଷ୍ଠ ମହଲରେ ଚର୍ଚ୍ଚା ଚାଲିଛି।

ଶେଷରେ ଯାହାଙ୍କ ନାମ ଚର୍ଚ୍ଚାରେ ରହିଛି ସେ ହେଉଛନ୍ତି ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର। ବଲାଙ୍ଗିର ରାଜନୀତି ସହିତ ବେଶ୍ ପରିଚିତ ଥିବା ଶ୍ରୀମୟୀ ବର୍ତ୍ତମାନ ଓଡିଶା ରାଜନୀତିରେ ବେଶ୍ ସକ୍ରିୟ ଅଛନ୍ତି। ସେ ମଧ୍ୟ ଟିଭି ବିତର୍କରେ ଭାଗ ନେଇ ଦଳର ଭାବମୂର୍ତ୍ତିକୁ ରକ୍ଷା କରିବାରେ ସହାୟତା ଦେଇ ଆସୁଛନ୍ତି।

ଏଥିସହିତ ଓଟିଡିସିର ଅଧ୍ୟକ୍ଷା ଭାବ ସେ ଭୁବନେଶ୍ବରରେ ବିଭିନ୍ନ କାର୍ଯ୍ୟ କରିଛନ୍ତି। ସେଥିପାଇଁ ସେ କୁଆଡେ ବିଜେଡିର ମେୟର ପ୍ରାର୍ଥୀ ହେବେ ବୋଲି ଚର୍ଚ୍ଚା ଚାଲିଛି। ତାଙ୍କୁ କୁଆଡେ ନବୀନ ନିବାସରୁ ସବୁଜ ସଙ୍କେତ ଦିଆଯାଇଛି ବୋଲି ଆଲୋଚନା ଚାଲିଛି। ତେବେ ଏହି ତିନି ଜଣଙ୍କ ମଧ୍ୟରୁ ସୁଲତା ଓ ଶ୍ରୀମୟୀଙ୍କ ନାମ ବେଶ୍ ଆଗରେ ରହିଛି।

Categories
ବିଶେଷ ଖବର ରାଜ୍ୟ ଖବର ସଂସ୍କୃତି

ଲକଡାଉନରେ ରଜର ମଜା ନେବା ପାଇଁ ଓଟିଡିସି ତରଫରୁ ଆରମ୍ଭ ହେଲା ‘ପିଠା ଅନ୍ ହ୍ବିଲ୍’ କାର୍ଯ୍ୟକ୍ରମ

ଭୁବନେଶ୍ବର, ଆସନ୍ତାକାଲି ହେଉଛି ଓଡିଶାର ଗଣପର୍ବ ରଜ। ତିନିଦିନ ଧରି ସାରା ଓଡିଶାରେ ଏହି ପର୍ବ ପାଳନ କରାଯିବ। ହେଲେ କୋରନା ପାଇଁ ସାରା ଓଡିଶାରେ ଲାଗିଛି ଲକ ଡାଉନ। ରଜ ପରେ ଖୋଲିବ ଏହି ଲକ ଡାଉନ। ତେବେ ଲୋକଙ୍କୁ ରଜର ସ୍ବାଦ ଚଖାଇବା ପାଇଁ ଓଡିଶା ପର୍ଯ୍ୟଟନ ଉନ୍ନୟନ ନିଗମ ତରଫରୁ ଆରମ୍ଭ ହୋଇଛି ‘ପିଠା ଅନ୍ ହ୍ବିଲ୍’ କାଯ୍ୟକ୍ରମ।

ଆଜି ଭୁବନେଶ୍ବରସ୍ଥିତ ପାନ୍ଥନିବାସଠାରେ ଏହି କାର‌୍ୟ୍ୟକ୍ରମକୁ ପତାକା ଦେଖାଇ ଶୁଭାରମ୍ଭ କରିଛନ୍ତି ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର। ଏଥିରେ ଏକ ଗାଡି ଭିତରେ ଭଳିକି ଭଳି ରଜପିଠା ରଖି ବିଭିନ୍ନ ସ୍ଥାନରେ ବିକ୍ରି କରାଯିବ। ଚଲିତ ବର୍ଷ ଭୁବନେଶ୍ବର ସହିତ ସମ୍ବଲପୁରରେ ଏହି ‘ପିଠା ଅନ୍ ହ୍ବିଲ୍’ କାର୍ଯ୍ୟକ୍ରମ କରାଯିବ।

ଏହି ଗାଡିରେ ୪ ପ୍ରକାରର ପୋଡପିଠା, ଆରିଶା, କାକରା, ଏଣ୍ଡୁରୀ ପରି ପ୍ରାୟ ୧୨ ପ୍ରକାରର ପିଠା ରହିବ। ଭୁବନେଶ୍ବରରେ ଏହି ‘ପିଠା ଅନ୍ ହ୍ବିଲ୍’ ମାଷ୍ଟରକ୍ୟାଣ୍ଟିନ, ଖଣ୍ଡଗିରି, ସିଆରପି ଛକ, ପଟିଆ, ଚନ୍ଦ୍ରଶେଖରପୁର ଏବଂ ରୂପାଲି ଛକରେ ରହି ବିକ୍ରି କରାଯିବ। ଏହିପିଠା ଓଡିଶାର ସ୍ବୟଂ ସହାୟକ ଗୋଷ୍ଠୀ ଦ୍ବାରା ପ୍ରସ୍ତୁତ କରାଯାଉଛି।

Categories
ଆଜିର ଖବର ଖେଳ ରାଜ୍ୟ ଖବର

ସିଲଭର ସିଟି ବୋଟିଂ କ୍ଲବରେ ୱାଟର ସ୍ପୋର୍ଟସ ପାର୍କ ନିର୍ମାଣ କାର୍ଯ୍ୟର ସମୀକ୍ଷା କଲେ ଓଟିଡିସି ଅଧ୍ୟକ୍ଷା

କଟକ, ରାଜ୍ୟରେ ପର୍ଯ୍ୟଟନ ଭିତ୍ତିଭୂମିର ବିକାଶ କରି ଏହି ଶିଳ୍ପକୁ ଅଧିକ ସମୃଦ୍ଧ ଓ କ୍ରିୟାଶୀଳ କରିବା ନିମନ୍ତେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଥିବା ବେଳେ ପର୍ଯ୍ୟଟକଙ୍କୁ ମହାନଦୀରେ ଆଡ଼ଭେଂଚର ୱାଟର ସ୍ପୋଟର୍ସ (ଦୁଃସାହାସିକ ଜଳକ୍ରୀଡ଼ା) ସହ ମନୋରଞ୍ଜନର ସୁବିଧା ଯୋଗାଇ ଦେବା ନିମନ୍ତେ ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ(ଓଟିଡିସି) ଦ୍ୱାରା କଟକର ମାତା ମଠ ଠାରେ ସିଲିଭର ସିଟି ବୋଟିଂ କ୍ଲବ କମ୍ପେ୍ଲକ୍ସ ପରିସରରେ ଏକ ୱାଟର ସ୍ପୋଟର୍ସ ପାର୍କ ସ୍ଥାପନ କରାଯିବାକୁ ନିଷ୍ପତ୍ତି ହୋଇଛି। ଏହା ଖୁବ ଶୀଘ୍ର ପର‌୍ୟ୍ୟଟକଙ୍କ ନିମନ୍ତେ ଲୋକାର୍ପିତ ହେବ।

ଓଟିଡିସି ଅଧ୍ୟକ୍ଷା ଶ୍ରୀମତୀ ଶ୍ରୀମୟୀ ମିଶ୍ର ମଙ୍ଗଳବାର ଅପରାହ୍ନରେ ବରିଷ୍ଠ ପଦାଧିକାରୀ ଓ ଇଞ୍ଜିନିୟରମାନଙ୍କ ସହ କଟକ ଗସ୍ତରେ ଯାଇ ମାତାମଠ ଠାରେ ଥିବା ଏହି ୱାଟର ସ୍ପୋଟର୍ସର ଆବଶ୍ୟକ ଭିତ୍ତିଭୂମି ନିର୍ମାଣ କାର‌୍ୟ୍ୟର ଅଗ୍ରଗତିର ସମୀକ୍ଷା କରିଛନ୍ତି। ଓଟିଡିସି ଅଧ୍ୟକ୍ଷା ସମସ୍ତ କାର୍ଯ୍ୟ ବୁଲି ଦେଖିବା ପରେ ତାଙ୍କ ସହ ଯାଇଥିବା ଓଟିଡିସିର ବରିଷ୍ଠ ପଦାଧିକାରୀ ଓ ଇଞ୍ଜିନିୟରମାନଙ୍କୁ ବାକି ଥିବା କାର୍ଯ୍ୟକୁ ତୁରନ୍ତ ଶେଷ କରିବାକୁ ନିର୍ଦ୍ଦେଶ ଦେଇଥିଲେ।

ପର‌୍ୟ୍ୟଟକଙ୍କ ନିରାପତ୍ତାକୁ ସର୍ବୋଚ୍ଚ ପ୍ରାଥମିକତା ଦେଇ ଏବାବଦରେ ସମସ୍ତ ଆନୁସଙ୍ଗିକ ସୁବିଧା ଉପଲବ୍ଧ କରାଇବା ନିମନ୍ତେ ଶ୍ରୀମତୀ ମିଶ୍ର ନିର୍ଦ୍ଦେଶ ଦେଇଛନ୍ତି। ଏହି ସ୍ଥାନରେ ବିଭିନ୍ନ ପ୍ରକାରର ୱାଟର ସ୍ପୋଟର୍ସ ବ୍ୟତୀତ ପର‌୍ୟ୍ୟଟକଙ୍କ ସୁବିଧା ପାଇଁ ଓଟିଡିସି ପକ୍ଷରୁ ଏକ ରେଷ୍ଟୁରାଣ୍ଟ ମଧ୍ୟ କାର‌୍ୟ୍ୟ କରିବ। ପର‌୍ୟ୍ୟଟକମାନେ ମହାନଦୀର ମନୋରମ ଦୃଶ୍ୟକୁ ଉପଭୋଗ କରିପାରିବା ନିମନ୍ତେ ଏକ ଭ୍ୟୁ ପଏଣ୍ଟ ଓ ସ୍ମୃତିକୁ ସାଇତି ରଖିବା ନିମନ୍ତେ ଏକ ସେଲଫି ଜୋନ୍ ମଧ୍ୟ ନିର୍ମାଣ କରାଯାଉଛି।

କଟକବାସୀ ମଧ୍ୟ ଏଠାରେ ପ୍ରାକୃତିକ ପରିବେଶକୁ ଉପଭୋଗ କରିପାରିବେ। ରାଜ୍ୟ ତଥା ଦେଶବିଦେଶର ପର‌୍ୟ୍ୟଟକମାନଙ୍କୁ ଏଠାରେ ଅତ୍ୟାଧୁନିକ ୱାଟର ସ୍ପୋଟର୍ସ ଓ ମନୋରଞ୍ଜନର ସୁବିଧା ଯୋଗାଇଦେବା ପାଇଁ ଓଟିଡିସି ଖୁବଶୀଘ୍ର ଅନ୍ୟାନ୍ୟ ଆବଶ୍ୟକ ଭିତ୍ତିଭୂମି ବିକାଶ କାର‌୍ୟ୍ୟ କରାଇବ ବୋଲି ଶ୍ରୀମତୀ ମିଶ୍ର କହିଛନ୍ତି।