ଭୁବନେଶ୍ବର: ଆଜି ହେଇଛି ନୂଆଖାଇ। ସାରା ପଶ୍ଚିମ ଓଡିଶା ବେଶ୍ ଉତ୍ସବ ମୁଖର ହୋଇଉଠିଛି। ନେତାନେତ୍ରୀଠାରୁ ଆରମ୍ଭ କରି ସାଧାରଣ ଜନତା ସମସ୍ତେ ଏହି ଗଣପର୍ବକୁ ବେଶ ଧୂମଧାମରେ ପାଳନ କରୁଛନ୍ତି। ସେହିପରି ନିଜନିଜ ସାମାଜିକ ଗଣ ମାଧ୍ୟମରେ ଅଭିନନ୍ଦନ ମଧ୍ୟ ଜଣାଉଛନ୍ତି। ସେହି ପରିପ୍ରେକ୍ଷୀରେ ପଶ୍ଚିମ ଓଡିଶା ବିଜେଡି ନେତ୍ରୀ ଶ୍ରୀମୟୀ ମିଶ୍ର ମଧ୍ୟ ନିଜର ଅଭିନନ୍ଦନ ଭିଡିଓ ଜାରୀ କରିଛନ୍ତି।
ଏହି ଭି଼ଡିଓରେ ଶ୍ରୀମୟୀ ନୂଆଖାଇ ପରଂପରା ଉପରେ ନିଜର ମତ ରଖିଛନ୍ତି। ସମ୍ବଲପୁରୀ ଭାଷାରେ ସେ କହିଛନ୍ତି ଯେ, ନୂଆଖାଇ ଆମ ମାଟି, ସଂସ୍କୃତି, ପରଂପରା ଆଉ କୃଷିର ଏକ ପରିଚୟ। ଏହା ଭାଇଚାରାର ଏକ ପର୍ବ। ଏଥିସହିତ ଏହି ପର୍ବର ମହତ୍ବ ସହିତ ନାଚଗୀତର ସଂଯୋଗକୁ ମଧ୍ୟ ଉପସ୍ଥାପିତ କରିଛନ୍ତି।
