The Samikhsya Odia
ଭୁବନେଶ୍ଵର: ଆଜି ସୌମ୍ୟ ରଞ୍ଜନ ପଟ୍ଟନାୟକଙ୍କ ବିରୋଧରେ ବିଜେଡ଼ି କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି। ତାଙ୍କୁ ଉପ-ସଭାପତି ପଦବୀରୁ ହଟାଇ ଦିଆଯାଇଛି। ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।
ନିଜ ଖବର କାଗଜରେ ଦଳ ବିରୋଧରେ କିଛି ଲେଖିଥିବା ଅଭିଯୋଗରେ ତାଙ୍କ ଠାରୁ ଦଳର ପଦବୀ ଛଡାଇ ନିଯାଇଥିବା କୁହାଯାଉଛି।
ପ୍ରୟାଗରାଜ (ୟୁପି): ମାଫିଆ ଅତିକ୍ ଅହମ୍ମଦ ଏବଂ ତାଙ୍କ ଭାଇ ଅଶରଫଙ୍କ ହତ୍ୟା ମାମଲାରେ ପୋଲିସ କର୍ମୀଙ୍କ ଉପରେ କାର୍ଯ୍ୟାନୁଷ୍ଠାନ ହୋଇଛି। କର୍ତ୍ତବ୍ୟ ଅବହେଳା ପାଇଁ ଅତିକର ସୁରକ୍ଷା ସହ ଜଡିତ ୫ ଜଣ ପୋଲିସଙ୍କୁ ନିଲମ୍ବିତ କରାଯାଇଛି। ଏଥିରେ ଶାହଗଞ୍ଜ ଏସଓ ଇନ୍ସପେକ୍ଟର ଅଶ୍ୱନୀ କୁମାର ସିଂଙ୍କ ସମେତ ଦୁଇ ଇନ୍ସପେକ୍ଟର ଏବଂ ଦୁଇ କନଷ୍ଟେବଳଙ୍କୁ ନିଲମ୍ବିତ କରାଯାଇଛି।
ମଙ୍ଗଳବାର ଦିନ ଏସଓ ସମେତ ସମସ୍ତ ପୋଲିସ କର୍ମୀଙ୍କୁ ଏସଆଇଟି ଜେରା କରିଥିଲା। ଯାହା ପରେ ଏସଆଇଟି ରିପୋର୍ଟ ଆଧାରରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏପ୍ରିଲ ୧୫ ତାରିଖରେ ୩ ଆକ୍ରମଣକାରୀ ଶାହଗଞ୍ଜ ପୋଲିସ ଷ୍ଟେସନ ପାଖରେ ଥିବା ଅତିକ୍ ଏବଂ ଅଶ୍ରଫଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ।
ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଆଜି କହିଛନ୍ତି ଯେ, ୨୦୨୧-୨୨ ମସିହାରେ ଦେଶର ସ୍ୱାର୍ଥ ବିରୋଧରେ କାର୍ଯ୍ୟ କରୁଥିବା ୟୁଟ୍ୟୁବ ଚ୍ୟାନେଲଗୁଡିକ ବିରୋଧରେ ମନ୍ତ୍ରଣାଳୟ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ ଶ୍ରୀ ଠାକୁର କହିଛନ୍ତି ଯେ, ମନ୍ତ୍ରଣାଳୟ ୯୪ ୟୁଟ୍ୟୁବ ଚ୍ୟାନେଲ, ୧୯ ଟି ସୋସିଆଲ ମିଡିଆ ଆକାଉଣ୍ଟ ଏବଂ ୭୪୭ ଟି ୟୁଆରଏଲ୍ ବିରୋଧରେ କାର୍ଯ୍ୟାନୁଷ୍ଠାନ ସହିତ ସେଗୁଡିକୁ ବନ୍ଦ କରାଯାଇଛି। ଏହି କାର୍ଯ୍ୟାନୁଷ୍ଠାନ ସୂଚନା ପ୍ରଯୁକ୍ତି ଅଧିନିୟମ ୨୦୦୦ ର ଧାରା ୬୯ଏ ଅନୁଯାୟୀ ନିଆଯାଇଛି।
ମନ୍ତ୍ରୀ କହିଛନ୍ତି ଯେ ମିଥ୍ୟା ଖବର ପ୍ରଚାର ପ୍ରସାର କରି ଦେଶର ସାର୍ଵଭୌମତ୍ୱ ବିରୋଧରେ କାର୍ଯ୍ୟ କରୁଥିବା ଏଜେନ୍ସିଗୁଡିକ ବିରୋଧରେ ସରକାର ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।
ସୀତାରାମ ଅଗ୍ରୱାଲ
ଚିଲିକା: ଖୋର୍ଦ୍ଧା ଜିଲ୍ଲା ବାଣପୁର ଏବଂ ଚିଲିକା ବ୍ଲକରେ ମତଦାନ ଶେଷ ହୋଇଛି। ବର୍ତ୍ତମାନ ଭୋଟ ବାକ୍ସ ଭିତରେ ସମସ୍ତ ପ୍ରାର୍ଥୀମାନଙ୍କ ଭାଗ୍ୟ ବନ୍ଦ ହୋଇରହିଛି। ତେବେ ନିର୍ବାଚନ ପୁର୍ବରୁ ଏବଂ ପରେ ଉଭୟ ବାଣପୁର ଓ ଚିଲିକା ବ୍ଲକରେ ଏକାଧିକ ରାଜନୈତିକ ହିଂସା ଦେଖିବାକୁ ମିଳିଛି। ଏହି ପରିପ୍ରେକ୍ଷୀରେ ଖୋର୍ଦ୍ଧା ଜିଲ୍ଲା ପୋଲିସ ଆଜି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଥିବାର ଦେଖିବାକୁ ମିଳିଛି।
ଜିଲ୍ଲା ଏସପି ଅଲେଖ ଚନ୍ଦ୍ର ପହିଙ୍କ ନିର୍ଦ୍ଦେଶକ୍ରମେ ଏବଂ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକଙ୍କ ତତ୍ୱାବଧାନରେ ଆଜି ବାଣପୁର ଓ ବାଲୁଗାଁ ଥାନା ଅଞ୍ଚଳର ରାଜନୈତିକ ହିଂସାରେ ଜଡ଼ିତ ଥିବା ୨୧ ଜଣ ଉପଦ୍ରବିମାନଙ୍କୁ ଚି଼ହ୍ନଟ କରାଯାଇ ଗିରଫ କରାଯାଇଛି। ଆଜି ପ୍ରଥମ ଦିନରେ ବାଲୁଗାଁ ଥାନା ଅଞ୍ଚଳରୁ ୧୪ ଏବଂ ବାଣପୁର ଥାନା ଅଞ୍ଚଳରୁ ୭ ଜଣ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଥିବାର ସୂଚନା ଦେଇଛନ୍ତି ଏସପି ଶ୍ରୀ ପହି।
ନିକଟରେ ବାଲୁଗାଁ ଥାନା ଅନ୍ତର୍ଗତ କ୍ଷେତ୍ରପାଳ ଗ୍ରାମ ଏବଂ ବାଣପୁର ଥାନା ଅନ୍ତର୍ଗତ ଭେଟେଶ୍ୱର ଗ୍ରାମ ଓ ଥାନା ପରିସରରେ ଘଟିଥିବା ହିଂସାରେ ଉକ୍ତ ଅଭିଯୁକ୍ତମାନେ ଜଡିତ ଥିବା ଜଣାପଡିଛି। ଏହି ପ୍ରକ୍ରିୟା ଆଜିଠାରୁ ଆରମ୍ଭ ହୋଇଛି ଏବଂ ସମସ୍ତ ଅଭିଯୁକ୍ତମାନେ ଗିରଫ ନହେବା ପର୍ଯ୍ୟନ୍ତ ଏହା ଜାରି ରହିବ ବୋଲି ଏସପି କହିଛନ୍ତି।
ତତସହିତ ଅଞ୍ଚଳରେ ଶାନ୍ତି ଶୃଙ୍ଖଳା ବଜାୟ ରଖିବାକୁ ଏସପି ଜନସାଧାରଣଙ୍କୁ ଅପିଲ କରିଛନ୍ତି। ହିଂସାକୁ କଦାପି ବରଦାସ୍ତ କରାଯିବନାହିଁ ଏବଂ ଆଗକୁ ମଧ୍ୟ ଯିଏ ରାଜନୈତିକ ହିଂସା ସୃଷ୍ଟି କରିବ ତାକୁ ଦୃଢ଼ ହସ୍ତରେ ଦମନ କରାଯିବ ବୋଲି ଏସପି ଶ୍ରୀ ପହି କହିଛନ୍ତି।
ତେବେ ନିର୍ବାଚନ ପରେ ଖୋର୍ଦ୍ଧା ଜିଲ୍ଲା ପୋଲିସକୁ ଆକ୍ସନ ମୁଡ଼ରେ ଦେଖିବାକୁ ମିଳିଛି। ‘ତମେ ଭଦ୍ର ହେଲେ ଆମେ ନମ୍ର’ ଏବଂ ‘ତମେ ହିଂସ୍ର ହେଲେ ଆମେ ଉଗ୍ର’ ଏହି ମନ୍ତ୍ରକୁ ନେଇ ଆଗକୁ ବଢୁଛି ପୋଲିସ। ତେବେ ଗିରଫ ଭୟରେ ଉକ୍ତ ରାଜନୈତିକ ହିଂସାରେ ଜଡ଼ିତ ଥିବା ବହୁ ନେତା ଓ କର୍ମୀମାନେ ବର୍ତ୍ତମାନ ଅଞ୍ଚଳ ଛାଡି ପାତାଳି ହେଉଥିବାର ଦେଖିବାକୁ ମିଳିଛି।
ନୂଆଦିଲ୍ଲୀ: ଉତ୍ତର କୋରିଆରେ ଚମଡ଼ା ଜ୍ୟାକେଟର ନିଷେଧାଦେଶ ପରେ ଏବେ ହସକୁ ନିଷେଧ କରିବାକୁ ଘୋଷଣା କରାଯାଇଛି। ବାସ୍ତବରେ, ଉତ୍ତର କୋରିଆରେ ୧୦ ଦିନ ପର୍ଯ୍ୟନ୍ତ କାହାକୁ ହସିବା ପାଇଁ ଅନୁମତି ନାହିଁ। ଏହି ୧୦ ଦିନ ମଧ୍ୟରେ ଦେଶର କୌଣସି ବ୍ୟକ୍ତି ଆନନ୍ଦ ଉତ୍ସବ ପାଳନ କରିପାରନ୍ତି ନାହିଁ। ଏହି ଆଦେଶକୁ ସମ୍ପୂର୍ଣ୍ଣ ରୂପେ ପାଳନ କରାଯିବା ପାଇଁ ପ୍ରତ୍ୟେକ ସହରରେ ପୋଲିସ ମୁତୟନ କରାଯାଇଛି। ତେବେ ଡିସେମ୍ବର ୧୮ ରୁ ୨୭ ତାରିଖ ମଧ୍ୟରେ ସର୍ବସାଧାରଣ ସ୍ଥାନରେ ଲୋକମାନେ ହସିବା ଉପରେ ବାରଣ କରାଯାଇଛି।
ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ସମଗ୍ର ଦେଶର ଲୋକଙ୍କ ହସକୁ ନିଷିଦ୍ଧ କରିଛନ୍ତି। ବାସ୍ତବରେ, ୨୦୧୧ ମସିହାରେ ଏହି ଦିନ ଉତ୍ତର କୋରିଆର ପୂର୍ବତନ ସର୍ବୋଚ୍ଚ ନେତା କିମ ଜୋଙ୍ଗ ଉନଙ୍କ ପିତା କିମ ଜୋଙ୍ଗ-ଇଲଙ୍କ ଦେହାନ୍ତ ହୋଇଥିଲା। କିମ ଜୋଙ୍ଗ ଉନ ତାଙ୍କ ପିତାଙ୍କ ଦଶମ ବାର୍ଷିକୀରେ ୧୦ ଦିନ ରାଷ୍ଟ୍ରୀୟ ଶୋକ ଘୋଷଣା କରିଛନ୍ତି। ଅର୍ଥାତ୍ ତାଙ୍କର ଦଶମ ମୃତ୍ୟୁ ବାର୍ଷିକୀରେ ଉତ୍ତର କୋରିଆରେ ଶୋକର ବାତାବରଣ ସୃଷ୍ଟି ହେବ।
ଏହି ସମୟ ମଧ୍ୟରେ ଦେଶର କୌଣସି ବ୍ୟକ୍ତି ଉତ୍ସବ, ହସ, ପାର୍ଟିରେ ଅଂଶଗ୍ରହଣ କରିପାରିବେ ନାହିଁ। ଅନ୍ୟପକ୍ଷରେ, ଯଦି ରାଷ୍ଟ୍ରୀୟ ଶୋକ ସମୟରେ କୌଣସି ବ୍ୟକ୍ତି ହସୁଥିବାର ଦେଖାଯାଏ, ତେବେ ତାଙ୍କୁ ଗିରଫ କରାଯିବ। ଗିରଫ ପରେ ତାଙ୍କୁ କୌଣସି ମାମଲା ବିନା କଠୋର ଦଣ୍ଡ ଦିଆଯିବ।
ଏହା ବ୍ୟତୀତ, ଯଦି ଏହି ୧୦ ଦିନ ମଧ୍ୟରେ ଗୋଟିଏ ପରିବାର କେହି ମରିଯାଏ, ତେବେ ପରିବାର ସଦସ୍ୟମାନେ ଉଚ୍ଚ ସ୍ୱରରେ କାନ୍ଦିପାରିବେ ନାହିଁ। ଆଦେଶ ଅନୁଯାୟୀ, ଯଦି କାହାର କାନ୍ଦିବାର ଶବ୍ଦ ପୋଲିସର କାନରେ ପହଞ୍ଚେ, ତେବେ ତାଙ୍କୁ ମଧ୍ୟ ଗିରଫ କରାଯାଇପାରେ। ଏଥି ସହିତ, ଏହି ଦଶ ଦିନ ମଧ୍ୟରେ କେହି ମୃତ ଶରୀରର ଶେଷ ରୀତିନୀତି ମଧ୍ୟ କରିପାରିବେ ନାହିଁ।
ଲକ୍ଷ୍ନୌ: ବିଜେପିକୁ ବିଏସପିରୁ ଆସିଥିବା ଜିତେନ୍ଦ୍ର ସିଂ ବବଲୁଙ୍କୁ ଦଳରୁ ବହିଷ୍କାର କରାଯାଇଛି। ଜିତେନ୍ଦ୍ର ସିଂ ବବଲୁ କିଛି ଦିନ ପୂର୍ବରୁ ବିଜେପିରେ ଯୋଗ ଦେଇଥିଲେ। ଯାହାକୁ ବିଜେପିର ରୀତା ବହୁଗୁଣା ବିରୋଧ କରିଥିଲେ। ବାସ୍ତବରେ ରୀତା ବହୁଗୁଣାଙ୍କ ଘର ଜିତେନ୍ଦ୍ର ସିଂ ବବଲୁ ପୋଡି ଦେଇଥିବା ଅଭିଯୋଗ ହୋଇଛି। ବବୁଲୁ ସେତେବେଳେ ବିଏସପିରେ ଥିଲେ ଏବଂ ଗତ ସପ୍ତାହରେ ବିଜେପିରେ ଯୋଗ ଦେଇଥିଲେ। ଏବେ ରୀତା ବହୁଗୁଣାଙ୍କ ଅଭିଯୋଗରେ ବିଜେପି ତାଙ୍କୁ ଦଳରୁ ବାହାର କରିଦେଇଛି।
ବହୁ ମାମଲାର ସମ୍ମୁଖୀନ ହୋଇଥିବା ଜିତେନ୍ଦ୍ର ସିଂ ବବଲୁ ମାୟାବତୀ ସରକାରରେ ଜଣେ ବିଏସପିର ଦବଙ୍ଗ ବିଧାୟକ ଥିଲେ। ଅଯୋଧ୍ୟାଠାରୁ ଲକ୍ଷ୍ନୌ ପର୍ଯ୍ୟନ୍ତ ତାଙ୍କର ଦବଦବା ରହୁଥିଲା। ସେ ମାୟାବତୀଙ୍କ ଅତି ଘନିଷ୍ଠ ନେତାଙ୍କ ମଧ୍ୟରେ ଗଣତି ହେଉଥିଲେ। ମାୟାବତୀଙ୍କ ଦ୍ୱାରା ତାଙ୍କ ଭାଇଙ୍କୁ ଏମଏଲସି କରାଯାଇଥିଲା। ଏହା ଭିତରେ ଏପରି ଘଟଣା ଘଟିଥିଲା ଯେ, ବବଲୁ ସାରା ଦେଶରେ ହେଡଲାଇନରେ ଆସିଥିଲେ। ଲକ୍ଷ୍ନୌରେ ତତ୍କାଳୀନ ରାଜ୍ୟ କଂଗ୍ରେସ ସଭାପତି ରୀତା ବହୁଗୁଣାଙ୍କ ଘର ଜାଳିଦେବାକୁ ଉଦ୍ୟମ ହୋଇଥିଲା। ବବଲୁ ଏବଂ ତାଙ୍କ ସହଯୋଗୀଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା। ତାଙ୍କୁ ମଧ୍ୟ ଜେଲ ଯିବାକୁ ପଡିଥିଲା। ରୀତା ବହୁଗୁଣା ବର୍ତ୍ତମାନ ବିଜେପିରେ ଅଛନ୍ତି। ସେ ହେଉଛନ୍ତି ପ୍ରୟାଗରାଜରୁ ଦଳର ଲୋକସଭା ସାଂସଦ।
ଉଲ୍ଲେଖ ଯୋଗ୍ୟ ଯେ, ଅଗଷ୍ଟ ୪ ତାରିଖରେ ଲକ୍ଷ୍ନୌରେ ବିଜେପି ରାଜ୍ୟ ସଭାପତି ସ୍ଵତନ୍ତ୍ର ଦେବ ସିଂ ଜିତେନ୍ଦ୍ର ସିଂଙ୍କୁ ଏକ ବଡ କାର୍ଯ୍ୟକ୍ରମରେ ଦଳରେ ସାମିଲ କରିଥିଲେ। ସେତେବେଳେ ରୀତା ବହୁଗୁଣା ଯୋଶୀ ଆପତ୍ତି କରିଥିଲେ। ଯୋଶୀ ଏହି ବିଷୟରେ ଦଳର ନେତୃତ୍ୱଙ୍କୁ ଅବଗତ କରାଇଥିଲେ। ଗତ ବର୍ଷ ମଧ୍ୟ ବବଲୁଙ୍କୁ ଦଳକୁ ଆଣିବାକୁ ଚେଷ୍ଟା କରାଯାଇଥିଲା, କିନ୍ତୁ ଦଳର କର୍ମୀଙ୍କ ତୀବ୍ର ବିରୋଧ ଯୋଗୁଁ ଏହି ନିଷ୍ପତ୍ତି ପ୍ରତ୍ୟାହାର କରିବାକୁ ପଡିଥିଲା।
ଭୁବନେଶ୍ୱର: ରାଜ୍ୟରେ ଏବେ ବି ଆଂଶିକ ଲକଡାଉନ ଜାରି ରହିଛି। କରୋନା କଟକଣା ଭିତରେ କାର୍ଯ୍ୟାଳୟ ଚଳାଇବା ପାଇଁ ରାଜ୍ୟ ସରକାର ଅନୁମତି ଦେଇଛନ୍ତି। ହେଲେ କରୋନା ସଂକ୍ରମଣକୁ ଦେଖି ଭୁବନେଶ୍ଵରରେ ସରକାରୀ ଓ ବେସରକାରୀ କାର୍ଯ୍ୟାଳୟ ପାଇଁ ବିଏମସି ଏକ ଗାଇଡଲାଇନ୍ ଜାରି କରିଛି। କାର୍ଯ୍ୟାଳୟର ସମସ୍ତ କର୍ମଚାରୀଙ୍କୁ ସାମାଜିକ ଦୂରତ୍ୱ, ମାସ୍କ ପରିଧାନ ସହିତ ହାତ ସାନିଟାଇଜ କରିବା ପାଇଁ ବିଏମସି ବାଧ୍ୟତାମୂଳକ କରିଛି।
ଯଦି କୌଣସି କାର୍ଯ୍ୟାଳୟ ଏହି ନିୟମକୁ ଉଲ୍ଲଂଘନ କରନ୍ତି, ତେବେ ସମ୍ପୃକ୍ତ କାର୍ଯ୍ୟାଳୟ ଉପରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଏମସି କମିଶନର ସଞ୍ଜୟ ସିଂ ପ୍ରକାଶ କରିଛନ୍ତି। ଭୁବନେଶ୍ଵରରେ କରୋନା ସଂକ୍ରମଣରେ ଆଶାତୀତ ହ୍ରାସ ପାଉନଥିବାରୁ ଏଭଳି ପଦକ୍ଷେପ ନିଆଯାଇଛି ବୋଲି କମିଶନର କହିଛନ୍ତି।
ତେବେ ଆସନ୍ତା ସୋମବାର ଠାରୁ ବିଏମସି ଏନଫୋର୍ସମେଣ୍ଟ ଟିମ୍ ଏବଂ ପୋଲିସ ମିଳିତ ଭାବରେ ବିଭିନ୍ନ ସ୍ଥାନରେ ଚଢାଉ କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ। ଯେଉଁ ସରକାରୀ ଅଥବା ଘରୋଇ କାର୍ଯ୍ୟାଳୟ ନିୟମ ଉଲ୍ଲଂଘନ କରିବେ, ତାହାକୁ ବନ୍ଦ କରାଯିବ ବୋଲି କମିଶନର କହିଛନ୍ତି। କୌଣସି କାର୍ଯ୍ୟାଳୟରେ ଏପରି ମାମଲା ସାମ୍ନାକୁ ଆସିଲେ କାର୍ଯ୍ୟାଳୟକୁ ଅନିର୍ଦ୍ଦିଷ୍ଟ ସମୟ ପାଇଁ ବନ୍ଦ କରାଯିବ ବୋଲି ବିଏମସି ପକ୍ଷରୁ ଚେତାବନୀ ଦିଆଯାଇଛି।
ଭୁବନେଶ୍ବର: କରୋନା ଲଢେଇ ପାଇଁ ଗାଁ କଲ୍ୟାଣ ସମିତିକୁ ବଡ ଦାୟିତ୍ଵ ମିଳିଛି। ଏହି ଲଢେଇ ପାଇଁ ସମିତିକୁ ସରକାରଙ୍କ ପକ୍ଷରୁ ଆର୍ଥିକ ସହାୟତା ମିଳିବା ସହ ବଡ ଦାୟିତ୍ଵ ମଧ୍ୟ ପ୍ରଦାନ କରାଯାଇଛି।
ବୈଠକ କରି ତିନି ମାସର ଆକ୍ସନ ପ୍ଳାନ କରିବା ପାଇଁ ସମିତିଗୁଡିକୁ କୁହାଯାଇଛି। ସ୍ଥାନୀୟ ଗଣମାଧ୍ୟମକୁ ନେଇ ଲୋକଙ୍କୁ କରୋନା ସମ୍ପର୍କରେ ସମିତି ସଚେତନ କରିବ। ସାନିଟାଇଜ ସହ ଟୀକା ଏବଂ ଟେଷ୍ଟିଂ ପାଇଁ ଲୋକଙ୍କୁ ସମିତି ଉତ୍ସାହିତ କରିବ। ଏହାସହ ଆକ୍ରାନ୍ତଙ୍କୁ ମେଡିକାଲ ନେବାକୁ ସମିତି ଗାଡି ବ୍ୟବସ୍ଥା କରିବ। କୋଭିଡ ନିୟମ ଉଲ୍ଲଂଘନକାରୀଙ୍କ ଉପରେ ସମିତି କଡା କାର୍ଯ୍ୟାନୁଷ୍ଠାନ ନେଇପାରିବ।
ସବୁ ଜିଲ୍ଲାପାଳ, ମ୍ୟୁନିସିପାଲ କମିଶନରଙ୍କୁ ଏନେଇ ସ୍ୱାସ୍ଥ୍ୟ ସଚିବ ପ୍ରଦୀପ୍ତ ମହାପାତ୍ର ଚିଠି ଲେଖି ସୂଚନା ଦେଇଛନ୍ତି।
ତେବେ କରୋନା ଲଢେଇ ପାଇଁ ଗାଁ କଲ୍ୟାଣ ସମିତିକୁ ସର୍ବାଧିକ ୨୦ ହଜାର ଟଙ୍କା ମିଳିବ। ୨୦୨୧-୨୨ ବର୍ଷ ପାଇଁ ୪ ଟି କିସ୍ତିରେ ୨୦ ହଜାର ଟଙ୍କା ମିଳିବ ବୋଲି ସ୍ୱାସ୍ଥ୍ୟ ସଚିବ ଚିଠିରେ ଉଲ୍ଲେଖ କରିଛନ୍ତି।
ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଥୁଆମୂଳ ରାମପୁର ବ୍ଲକ ଅନ୍ତର୍ଗତ ମାଳିଗାଁ ଗ୍ରାମପଞ୍ଚାୟତରେ ୨୦ ଲକ୍ଷରୁ ଉର୍ଦ୍ଧ୍ଵ ଟଙ୍କା ବାଟ ମାରଣା ହୋଇଥିବା ଅଭିଯୋଗ ବର୍ତ୍ତମାନ ଭିନ୍ନ ମୋଡ଼ ନେବାରେ ଲାଗିଛି। ହିତାଧିକାରୀମାନଙ୍କୁ ବାରମ୍ବାର ପୋଲିସ ଡ଼ାକି ପଚରା ଉଚୁରା ଜାରି ରଖିଥିବା ବେଳେ, ହିତାଧିକାରୀ ଶ୍ରମିକମାନଙ୍କୁ ଅଭିଯୁକ୍ତ ମାନେ ବନ୍ଧାହୋଇ ଫେରିଲା ପରେ ଆକ୍ରମଣ କରିବାକୁ ଧମକ ଦେଉଥିବା ଅଭିଯୋଗ କରିଛନ୍ତି। ଅନ୍ୟପକ୍ଷେ
ରାମପୁର ଥାନା କେସ୍ ନମ୍ବର ୪୩/୨୦୨୧ ଅନୁଯାୟୀ ୪୨୦, ୪୬୭, ୪୬୮ ଏବଂ ୩୪ ଆଇପିସି ଧାରାରେ ୩ଜଣ ଅଭିଯୁକ୍ତ ଜେଲ ଯାଇଥିବା ବେଳେ ୨୦ ଲକ୍ଷ ଟଙ୍କା କେମିତି ହଡ଼ପକାରୀମାନଙ୍କ ଠାରୁ ଆଦାୟ କରାଯିବ ପ୍ରଶାସନର ମୁଣ୍ଡ ବିନ୍ଧାର କାରଣ ପାଲଟିଛି।
ଏପରି ସ୍ଥଳେ ସବୁଠୁ ଗୁରୁତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରୁଥିବା ଜିଆରଏସ ତଥା ଗ୍ରାମ ରୋଜଗାର ସେବକ ଆଦବାରୁ ମାଝୀ ଅନାୟାସରେ ଘୁରି ବୁଲୁଛନ୍ତି। ତାଙ୍କର ଭୂମିକା ସନ୍ଦେହ ଘେରରେ ରହିଥିବା ବେଳେ ତାଙ୍କ ପାଖକୁ ଆଇନର ଲମ୍ବାହାତ କିପରି ପହଞ୍ଚି ପାରୁ ନାହିଁ ତାହା ଏଠାରେ ପ୍ରଶ୍ନବାଚି ସୃଷ୍ଟି କରୁଛି। ସମ୍ପୂର୍ଣ୍ଣ ଘଟଣାବଳୀକୁ ନିରିଖେଇ ଦେଖିଲେ ଜିଆରଏସ ଆଦବାରୁ ମାଝୀଙ୍କ ଭୂମିକା ସନ୍ଦେହ ଘେରରେ ରହିଥିବା ଜଳ ଜଳ ହୋଇ ବାରିହୋଇ ପଡୁଥିବା ବେଳେ ପ୍ରଶାସନ କାହିଁକି ହାତବାନ୍ଧି ବସିଛି ତାହା ବୁଝା ପଡୁନାହିଁ।
ଅନ୍ୟପକ୍ଷେ ଜିଆରଏସ ଆଦବାରୁ ମାଝୀ ନିଜେ ଅଙ୍ଗନବାଡି କର୍ମୀଙ୍କ ସ୍ୱାମୀଙ୍କ ଦ୍ୱାରା ପରିଚାଳିତ ହୋଇଥିବା ଦୋଷ ସ୍ୱୀକାର କରିଥିବା ସ୍ଥଳେ କାହିଁକି ପୋଲିସ ବିଭାଗ ନୀରବି ଗଲେ ତାହାନେଇ ବୁଦ୍ଧିଜୀବୀ ମହଲରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।
ତେବେ ଜିଆରଏସ ଆଦବାରୁ ମାଝୀଙ୍କ ଉପରେ କେବେ କାର୍ଯ୍ୟାନୁଷ୍ଠାନ ହେବ ଓ କେବେ ଗରିବ ଲୋକମାନେ ତାଙ୍କ ପାରିଶ୍ରମିକ ମଜୁରୀ ଫେରି ପାଇବେ ତାହା ଆଗାମୀ ଦିନରେ ଦେଖିବାକୁ ବାକି ରହିଲା।
ପାଟଣା: ସାମାଜିକ ଗଣମାଧ୍ୟମରେ ବିବାଦୀୟ ଟିପ୍ପଣୀ ଦେଉଥିବା ବ୍ୟକ୍ତିଙ୍କ ଉପରେ ଏଣିକି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ବିହାର ପୋଲିସ ପକ୍ଷରୁ ଏନେଇ ଘୋଷଣା କରାଯାଇଛି। ଯଦି କୌଣସି ସାମାଜିକ ଗଣମାଧ୍ୟମ ୟୁଜର କୌଣସି ସାଂସଦ, ବିଧାୟକ କିମ୍ବା ଅଧିକାରୀଙ୍କ ବିରୋଧରେ ଅପମାନଜନକ ଭାଷା ବ୍ୟବହାର କରନ୍ତି, ତେବେ ତାଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏନେଇ ବିହାର ପୋଲିସ ପକ୍ଷରୁ ଜାରି ହୋଇଥିବା ଏକ ଚିଠି ମାଧ୍ୟମରେ ଦର୍ଶାଯାଇଛି।
ଏହି ଚିଠିରେ ଲେଖା ଯାଇଛି ଯେ, ଏମିତି ବହୁତ ମାମଲା ଦେଖିବାକୁ ମିଳୁଛି। ଯେଉଁଥିରେ ସାମାଜିକ ଗଣମାଧ୍ୟମରେ ସରକାର, ମନ୍ତ୍ରୀ, ସାଂସଦ, ବିଧାୟକ ଏବଂ ସରକାରୀ ଅଧିକାରୀଙ୍କ ବିରୋଧରେ ଆପତ୍ତିଜନକ ଶବ୍ଦ ବ୍ୟବହାର କରାଯାଉଛି। ଏହା ଆଇନଗତ ଅପରାଧ ଏବଂ ସାଇବର ଅପରାଧ ଅନ୍ତର୍ଗତ ଅଟେ। ତେଣୁ ସେଭଳି ବ୍ୟାକ୍ତିଙ୍କ ଉପରେ କାର୍ଯ୍ଯନୁଷ୍ଠାନ ହେବା ଆବଶ୍ୟକ ବୋଲି ପୋଲିସ କହିଛି।