ସୀତାରାମ ଅଗ୍ରୱାଲ
ଚିଲିକା: ଜି-୨୦ ଥୀଙ୍କ ଶିଖର ସମ୍ମିଳନୀର ଏକ ଅଂଶ ଭାବରେ, ଭାରତୀୟ ନୌସେନା ନବମ ଓ ଦଶମ ଶ୍ରେଣୀରେ ପଢ଼ୁଥିବା ସ୍କୁଲ ପିଲାମାନଙ୍କ ପାଇଁ ‘ଇଣ୍ଡିଆନ୍ ନେଭି କୁଇଜ୍ (G20 THINQ)’ ନାମକ ଏକ ଜାତୀୟ ତଥା ଆନ୍ତର୍ଜାତୀୟ କୁଇଜ୍ ପ୍ରତିଯୋଗିତା ଆୟୋଜନ କରୁଛି। ଏହି କାର୍ଯ୍ୟକ୍ରମ ଦୁଇଟି ପର୍ଯ୍ୟାୟରେ, ଜାତୀୟ ରାଉଣ୍ଡ ଏବଂ ଆନ୍ତର୍ଜାତୀୟ ରାଉଣ୍ଡରେ କରାଯିବ ବୋଲି ଯୋଜନା କରାଯାଇଛି।
ଜି-୨୦ ଅଧୀନରେ ଆନ୍ତର୍ଜାତୀୟ ରାଉଣ୍ଡ ଆୟୋଜନ କରାଯିବାର ଯୋଜନା ରହିଛି। କୁଇଜ୍ ପ୍ରିଲିମ ପ୍ରତିଯୋଗିତା ଅନଲାଇନ ଏବଂ ସେମି ଫାଇନାଲ୍ ଓ ଫାଇନାଲ୍ ପ୍ରତିଯୋଗିତା ମୁମ୍ବାଇର ଗେଟୱେ ଏଫ ଇଣ୍ଡିଆ ଠାରେ ଅନୁଷ୍ଠିତ ହେବ। ସର୍ବୋତ୍ତମ କୁଇଜ୍ ଟିମ ଗୁଡିକ, ନୂଆଦିଲ୍ଲୀର ଇଣ୍ଡିଆ ଗେଟ୍ ଠାରେ ହେବାକୁ ଥିବା ଆନ୍ତର୍ଜାତୀୟ ରାଉଣ୍ଡରେ ଭାଗ ନେଇ ଭାରତର ପ୍ରତିନିଧିତ୍ୱ କରିବେ।
ଆଗ୍ରହୀ ବିଦ୍ୟାଳୟଗୁଡ଼ିକ www.theindiannavyquiz.in ୱେବସାଇଟରେ ପଞ୍ଜୀକୃତ ହୋଇ ଉକ୍ତ ପ୍ରତିଯୋଗିତାରେ ଅଂଶଗ୍ରହଣ କରିପାରିବେ ବୋଲି ଭାରତୀୟ ନୌସେନା ପକ୍ଷରୁ କୁହାଯାଇଛି।
