ଭୁବନେଶ୍ବର: ପ୍ରବାସୀ ଭାରତୀୟ ସମିଳନୀ ଓ ଉତ୍କର୍ଷ ଓଡିଶା କଂକ୍ଲେଭ ନାଁ ରେ ବିଏମସି କର୍ତ୍ତୃପକ୍ଷ ଜୀବେ ନିଷ୍ଠୁରତା ନିରୋଧ ଆଇନ କୁ ଭ୍ରୁକ୍ଷେପ ନ କରି ନୀରିହ ପ୍ରାଣୀ ମାନଙ୍କ ଉପରେ ଅତ୍ୟାଚାର କରୁଛନ୍ତି। ସେମାନଙ୍କୁ ସ୍ଥାନାନ୍ତରିତ କରିବାକୁ ନିଷ୍ପତି ଗ୍ରହଣ କରିଛନ୍ତି। ଏହାକୁ ନେଇ ଆଜି ରାଜ୍ୟର ବିଭିନ୍ନ ପ୍ରାଣୀ କଲ୍ୟାଣ ସଂଗଠନ, ସ୍ବେଛାସେବୀ, କର୍ମୀ, ସଂଗଠକ ମାନେ ମିଳିତ ଭାବେ ଭୁବନେଶ୍ୱର ମାଷ୍ଟ୍ରର କ୍ୟାଣ୍ଟିନ ରେ ନିରବ ପ୍ରତିବାଦ କରିଥିଲେ।
ଏଥିରେ ରାଜ୍ୟ ପିପୁଲ ଫର ଆନିମଲ, ଆଳାପ ପ୍ରାଣୀ କଲ୍ୟାଣ ସଙ୍ଗଠନ, ଜନକଲ୍ୟାଣ ମଞ୍ଚ, ଆନିମଲ ଓଲଫେଆର ଟ୍ରଷ୍ଟ, ରିହାବିଟାଟା ଫାଉଣ୍ଡେସନ, ସ୍ପିକ ଫର ଆନିମଲ, ପିପୁଲ ଫର ଆନିମଲ ଷ୍ଟୁଡେଣ୍ଟ ଉଇଙ୍ଗ, ରାଜ୍ୟ ଜୀବେ ନିଷ୍ଠୁରତା ନିରୋଧ ସମିତି ପକ୍ଷରୁ ଡା ତ୍ରୈଲୋକ୍ୟ ନାଥ ମହାରଣା, ଜୀବନ ବଲ୍ଲବ ଦାସ, ଡା ଦିଲୀପ ମିଶ୍ର, ବିକେ ପଟ୍ଟନାୟକ, ଅନ୍ୟାନ୍ୟ ଶତପଥୀ, ସନ୍ତୋଷ ଦାସ, ଇପିସିତା ମିଶ୍ର, ବିଜୟଲଷ୍ମୀ ଦାସ, ଦୀପ୍ତିମୟୀ ମିଶ୍ର, ଜୋତ୍ସା ମହାରଣା, ପୂଜା ଘୋଷ, ଜିତେନ୍ଦ୍ର ସିଂହ, ଦୁର୍ଗାପ୍ରସାଦ ପାଢ଼ୀ, ସୌମ୍ୟ ରଞ୍ଜନ ପଟ୍ଟନାୟକ, ଦେବ ପ୍ରସାଦ ପରିଜା, ସନ୍ତୋସିନୀ ଭୋଇ, ବନିତା ନାୟକ, ବର୍ଷା ରାଣୀ ସାହୁ, ଶାରଦା ମହାପାତ୍ର, ବିଶାଳ ଧନରାଜ, ସୋନାଲ କବି ପ୍ରମୁଖ ଯୋଗ ଦେଇଥିଲେ।
ଏହାପରେ ଏକ ପ୍ରତିନିଧି ଦଳ ରାଜ୍ୟ ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ସହିତ ଆଲୋଚନା କରିଥିଲେ। ସେ ତୁରନ୍ତ ଏହା ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରତିଶ୍ରୁତି ଦେଇଛନ୍ତି। ବିଏମସି ପକ୍ଷ ରୁ ଉଠାଯାଇଥିବା ନୀରିହ କୁକୁରଙ୍କୁ ତୁରନ୍ତ ପର୍ଯ୍ୟାପ୍ତ ଖାଦ୍ୟ, ପାନୀୟ ବ୍ୟବସ୍ଥା କରିବାକୁ ବିଏମସିକୁ କହିଥିଲେ।
ସୂଚନାଯୋଗ୍ୟ ଖାଦ୍ୟ, ପାନୀୟ ଜଳ, ଚିକିତ୍ସା ଅଭାବରୁ ମଞ୍ଚେଶ୍ୱର ପ୍ରାଣୀଙ୍କ ବନ୍ଧ୍ୟାକରଣ କେନ୍ଦ୍ରରେ ଦୀର୍ଘ ୧୫ ଦିନଧରି ଆବଦ୍ଧ ବହୁ କୁକୁର ଭୋକରେ ରହି କାନ୍ଦୁ ଥିବାର ରିହାଵଟେଡ଼ ଫାଉଣ୍ଡେସନ ର ସଭାପତି ମିଲନ ରଥ, ପିପୁଲ ଫର ଆନିମାଲ ର ରାଜ୍ୟ ସଭାପତି ଜୀବନ ବଲ୍ବବ ଦାସ, ଓଡ଼ିଶା ଜୀବେ ନିଷ୍ଠୁରତା ନିରୋଧ ବା ଷ୍ଟେଟ ଏସ ପି ସି ଏ ର ସ୍ଥାୟୀ ସଦସ୍ୟ ଡା ତ୍ରୈଲୋକ୍ୟ ନାଥ ମହାରଣା, ପ୍ରାଣୀ ସ୍ବେଛାସେବୀ ସୋନାଲ କବି, ଖୋରଧା ଏସ ପି ସି ଏ କାର୍ଯ୍ୟକାରୀ କମିଟି ସଦସ୍ୟ ସନ୍ତୋଷ ଦାସ ଆଦି ବହୁ ସଦସ୍ୟ ଉଦବେଗ ପ୍ରକାଶ କରିଛନ୍ତି।
ସେମାନେ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ, କେନ୍ଦ୍ର ସରକାରଙ୍କ ପ୍ରାଣୀ କଲ୍ୟାଣ ବିଭାଗ, ରାଜ୍ୟ ସରକାରଙ୍କ ନଗର ଉନ୍ନୟନ ବିଭାଗ ମନ୍ତ୍ରୀ, ପ୍ରାଣୀ କଲ୍ୟାଣ ମନ୍ତ୍ରୀ, ଜିଲ୍ଲାପାଳ ଖୋର୍ଦ୍ଧା, ଏସପି ସି ଏ ଅଧିକାରୀ ଙ୍କୁ ପତ୍ର ଲେଖିଥିଲେ।ଏଥିସହ ଖାଦ୍ୟ ଓ ପାଣି ଅଭାଵ ରୁ ଚିତ୍କାର କରୁଥିବା ଏହି ନୀରିହ ପ୍ରାଣୀ ମାନଙ୍କୁ ଦେଖିବା ପାଇଁ କୌଣସି ସ୍ବେଛାସେବୀ ଙ୍କୁ ଛଡ଼ା ଯାଉନଥିବା ଯୋଗୁଁ ବିଏମସି ଅଧିକାରୀ ଜୀବେ ନିଷ୍ଠୁରତା ନିରୋଧ ଆଇନର ଉଲଂଘନ କରିଛନ୍ତି ବୋଲି ବହୁ ସ୍ବେଛାସେବୀମାନେ ଉଦବେଗ ପ୍ରକାଶ କରିଥିଲେ।
