Tag: କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀଙ୍କ ମେଡାଲ

ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ତଥା ସମବାୟ ମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ସୋମବାର ନୂଆଦିଲ୍ଲୀରେ ମଣିପୁର ସୁରକ୍ଷା ସ୍ଥିତିର ସମୀକ୍ଷା ପାଇଁ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ସ୍ଥଳସେନା ମୁଖ୍ୟ ଜେନେରାଲ ମନୋଜ ପାଣ୍ଡେ, କେନ୍ଦ୍ର ଗୃହ ସଚିବ, ଗୁଇନ୍ଦା ବ୍ୟୁରୋ (ଆଇବି)ର ନିର୍ଦ୍ଦେଶକ, ସ୍ଥଳସେନା (ନାମାଙ୍କିତ) ମୁଖ୍ୟ ଲେଫ୍ଟନାଣ୍ଟ ଜେନେରାଲ ଉପେନ୍ଦ୍ର ଦ୍ୱିବେଦୀ, ମଣିପୁର ସରକାରଙ୍କ ସୁରକ୍ଷା ପରାମର୍ଶଦାତା, ଆସାମ ରାଇଫଲ୍ସର ମହାନିର୍ଦ୍ଦେଶକ, ମଣିପୁର ମୁଖ୍ୟ ଶାସନ ସଚିବ, ପୁଲିସ ମହାନିର୍ଦ୍ଦେଶକ (ଡିଜିପି) ଏବଂ ସେନା ଓ ଗୃହ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଣିପୁରର ସୁରକ୍ଷା ସ୍ଥିତିର ସାମଗ୍ରିକ ସମୀକ୍ଷା କରିଥିଲେ ଏବଂ ମଣିପୁରରେ ଆଉ ଯେପରି ହିଂସାକାଣ୍ଡ ନ ଘଟେ ତାହା ସୁନିଶ୍ଚିତ କରିବାକୁ ନିର୍ଦ୍ଦେଶ ଦେଇଥିଲେ। ମଣିପୁରରେ ଶାନ୍ତି ଫେରାଇ ଆଣିବା ପାଇଁ କେନ୍ଦ୍ରୀୟ ବାହିନୀର ରଣନୀତିକ ମୁତୟନ ଉପରେ ଗୃହମନ୍ତ୍ରୀ ଗୁରୁତ୍ୱାରୋପ କରିଥିଲେ। ଆବଶ୍ୟକ ପଡ଼ିଲେ କେନ୍ଦ୍ର ସୁରକ୍ଷାବଳ ସଂଖ୍ୟା ବୃଦ୍ଧି କରାଯିବ ବୋଲି ସେ କହିଛନ୍ତି। ହିଂସାକାରୀଙ୍କ ବିରୋଧରେ ଆଇନ ଅନୁଯାୟୀ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗୃହମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ସରକାର ମଣିପୁରର ସମସ୍ତ ନାଗରିକଙ୍କ ସୁରକ୍ଷା ସୁନିଶ୍ଚିତ କରିବାକୁ ସମ୍ପୂର୍ଣ୍ଣ ପ୍ରତିଶ୍ରୁତିବଦ୍ଧ ବୋଲି କେନ୍ଦ୍ର ଗୃହ ମନ୍ତ୍ରୀ କହିଥିଲେ। ବିଶେଷ କରି ଖାଦ୍ୟ, ପାଣି, ଔଷଧ ଓ ଅନ୍ୟାନ୍ୟ ମୌଳିକ ସୁବିଧାର ଉପଯୁକ୍ତ ଉପଲବ୍ଧତା ନେଇ ଶ୍ରୀ ଅମିତ ଶାହ ରିଲିଫ୍ କ୍ୟାମ୍ପର ସ୍ଥିତିର ସମୀକ୍ଷା କରିଥିଲେ। ବିସ୍ଥାପିତଙ୍କ ପାଇଁ ଉପଯୁକ୍ତ ସ୍ୱାସ୍ଥ୍ୟ ଓ ଶିକ୍ଷା ସୁବିଧା ତଥା ସେମାନଙ୍କ ଥଇଥାନ ସୁନିଶ୍ଚିତ କରିବାକୁ ଗୃହମନ୍ତ୍ରୀ ମଣିପୁରର ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଥିଲେ।

ସେଠାରେ ଲାଗି ରହିଥିବା ଜାତିଆଣ ସଂଘର୍ଷର ସମାଧାନ ପାଇଁ ସମନ୍ୱିତ ଆଭିମୁଖ୍ୟର ଗୁରୁତ୍ୱ ଉପରେ ଗୃହମନ୍ତ୍ରୀ ଜୋର ଦେଇଥିଲେ। ସେ କହିଥିଲେ ଯେ ଗୃହ ମନ୍ତ୍ରଣାଳୟ ଉଭୟ ଗୋଷ୍ଠୀ, ମୈତୀ ଏବଂ କୁକିମାନଙ୍କ ସହ କଥାବାର୍ତ୍ତା କରିବ, ଯାହାଦ୍ୱାରା ଜାତିଗତ ବିଭେଦକୁ ଯଥାଶୀଘ୍ର ଦୂର କରାଯାଇପାରିବ। ରାଜ୍ୟରେ ସୁରକ୍ଷା ସ୍ଥିତି ସୁଦୃଢ଼ କରିବା ପାଇଁ ଭାରତ ସରକାର ମଣିପୁର ସରକାରଙ୍କୁ ସକ୍ରିୟ ଭାବେ ସହଯୋଗ କରି ଆସୁଛନ୍ତି।

ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ଏବଂ ସମବାୟ ମନ୍ତ୍ରୀ ଅମିତ ଶାହା ମହାରାଷ୍ଟ୍ରର ପୁଣେ ଠାରେ କେନ୍ଦ୍ରୀୟ ସମବାୟ ସମିତି ନିବନ୍ଧକ (ସିଆରସିଏସ)ଙ୍କ ଡିଜିଟାଲ ପୋର୍ଟାଲର ଶୁଭାରମ୍ଭ କରିଛନ୍ତି। ଏହି ଅବସରରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ, କେନ୍ଦ୍ର ସମବାୟ ରାଷ୍ଟ୍ର ମନ୍ତ୍ରୀ ବି.ଏଲ ବର୍ମାଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।

କାର୍ଯ୍ୟକ୍ରମକୁ ସମ୍ବୋଧିତ କରି ଶ୍ରୀ ଶାହ କହିଥିଲେ, ମହାରାଷ୍ଟ୍ରରୁ ହିଁ ସମବାୟ ସଂସ୍କୃତି ସାରା ଦେଶରେ ବିସ୍ତାରିତ ହୋଇଥିଲା ଏବଂ ମହାରାଷ୍ଟ୍ରର ସମବାୟ ମଡେଲ ଦେଶରେ ସମବାୟ ଆନ୍ଦୋଳନକୁ ଆଗେଇ ନେଉଛି। ସେ କହିଥିଲେ, ଯଦି ଆମେ ଆଜି ସମବାୟ ଆନ୍ଦୋଳନର କ୍ରମ ବିକାଶକୁ ଦେଖିବା ତା’ହେଲେ ଏହା ଗୁଜରାଟ, ମହାରାଷ୍ଟ୍ର ଏବଂ କର୍ଣ୍ଣାଟକରେ ବିଶେଷ ଭାବେ ବିକଶିତ ହୋଇଥିବା ଦେଖିବାକୁ ମିଳିବ । ପୂର୍ବରୁ ଏହି କ୍ଷେତ୍ର ବମ୍ବେ ରାଜ୍ୟ ଅଧୀନରେ ଥିଲା। ତେଣୁ  କେନ୍ଦ୍ରୀୟ ସମବାୟ ସମିତି ନିବନ୍ଧକ (ସିଆରସିଏସ)ଙ୍କ ଡିଜିଟାଲ ପୋର୍ଟାଲର ଶୁଭାରମ୍ଭ କାର୍ଯ୍ୟ ମହାରାଷ୍ଟ୍ରରୁ ଆରମ୍ଭ କରାଯିବାର ବିଶେଷ ପ୍ରାସଙ୍ଗିକତା ରହିଛି । ଶ୍ରୀ ଶାହା କହିଥିଲେ, ବିଭିନ୍ନ ବହୁମୁଖ ସମବାୟ ସମିତିକୁ ପରିଚାଳନା କରୁଥିବା କେନ୍ଦ୍ରୀୟ ନିବନ୍ଧକ (ସିଆରସିଏସ)ଙ୍କ କାର୍ଯ୍ୟ ଆଜି ଠାରୁ ସମ୍ପୂର୍ଣ୍ଣ ଡିଜିଟାଲ ହେଲା । ନୂଆ ଶାଖା ଖୋଲିବା, ଅନ୍ୟ ରାଜ୍ୟକୁ ସମ୍ପ୍ରସାରଣ କିମ୍ବା ଅଡିଟିଂ ଭଳି ସମବାୟ ସମିତିଗୁଡ଼ିକର ସବୁ କାର୍ଯ୍ୟ ଏବେ ଅନଲାଇନରେ ହେବ ।

କେନ୍ଦ୍ର ସମବାୟ ମନ୍ତ୍ରୀ କହିଥିଲେ, ଅନେକ ଚିନ୍ତା କରିବା ପରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ‘‘ସହକାର ସେ ସମୃଦ୍ଧି’’ ବିଚାର ଉପସ୍ଥାପନ କରିଥିଲେ । ଗତ ୯ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ଦେଶର କୋଟି କୋଟି ଗରିବ ଲୋକଙ୍କୁ ମୌଳିକ ସୁବିଧା ଯୋଗାଇ ଦେବା ଦିଗରେ କାର୍ଯ୍ୟ କରିଛନ୍ତି । ପ୍ରଧାନମନ୍ତ୍ରୀ ମୋଦୀ ଦେଶର ଗରିବ ଓ ବଞ୍ଚିତ ମାନଙ୍କୁ ଆବାସ, ବିଦ୍ୟୁତ ସଂଯୋଗ, ଶୁଦ୍ଧ ପାନୀୟ ଜଳ, ଗ୍ୟାସ ସିଲିଣ୍ଡର, ଶୌଚାଳୟ, ୫ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା, ମୁଣ୍ଡ ପିଛା ମାସିକ ୫ କିଲୋଗ୍ରାମ ଲେଖାଏଁ ଖାଦ୍ୟଶସ୍ୟ ମାଗଣାରେ ଯୋଗାଇ ଦେଉଛନ୍ତି । ଦେଶର କୋଟି କୋଟି ଲୋକ ପୂର୍ବରୁ ବ୍ୟାଙ୍କ ସେବାରୁ ବଞ୍ଚିତ ଥିଲେ । ପ୍ରଧାନମନ୍ତ୍ରୀ ମୋଦୀ ସେମାନଙ୍କ ପାଇଁ ବ୍ୟାଙ୍କ ଏକାଉଣ୍ଟ ଖୋଲିବା ଜରିଆରେ ଗରିବ ଲୋକଙ୍କୁ ଦେଶର ଅର୍ଥବ୍ୟବସ୍ଥା ସହ ଯୋଡ଼ିପାରିଛନ୍ତି । ସେ କହିଥିଲେ, ଯଦି ଦେଶର ଗରିବ ଲୋକଙ୍କ ପାଖରେ ଏକ ଉଦ୍ୟୋଗ ଆରମ୍ଭ କରିବା ଲାଗି ପୁଞ୍ଜିର ଅଭାବ ରହିଛି ତା’ହେଲେ ସମବାୟ ଆନ୍ଦୋଳନ ହିଁ ଏକମାତ୍ର ମାର୍ଗ ଯାହା ଜରିଆରେ ଅନେକ ଲୋକ ଅଳ୍ପ ପୁଞ୍ଜି ସହିତ ଏକତ୍ରିତ ହୋଇ ଏକ ବଡ଼ ଉଦ୍ୟୋଗ ପ୍ରତିଷ୍ଠା କରିପାରିବେ।

ଶ୍ରୀ ଶାହା କହିଥିଲେ ଯେ, ‘‘ସହକାରସେ ସମୃଦ୍ଧି’’ର ଅର୍ଥ ହେଉଛି ଗରିବ ଲୋକଙ୍କ ଜୀବନରେ ସୁଧାର ଆଣିବା, ସେମାନଙ୍କୁ ଦେଶର ଆର୍ଥିକ ବିକାଶ ଯୋଗଦାନ ଦେବା ପାଇଁ ମଞ୍ଚ ଯୋଗାଇ ଦେବା ଏବଂ ସମବାୟ ଜରିଆରେ ସେମାନଙ୍କ ଜୀବନଧାରଣ ମାନରେ ସୁଧାର ଆଣିବା । ଏହି ଉଦ୍ଦେଶ୍ୟ ନେଇ ଶ୍ରୀ ମୋଦୀ ସମବାୟ ମନ୍ତ୍ରଣାଳୟ ଗଠନ କରିଥିବା ସେ କହିଥିଲେ । ଶ୍ରୀ ଶାହା କହିଥିଲେ, ଆଜି ଶୁଭାରମ୍ଭ କରାଯାଇଥିବା ପୋର୍ଟାଲ ଦ୍ୱାରା ଦେଶର ୧୫୫୫ ବହୁମୁଖୀ ସମବାୟ ସମିତି ଲାଭବାନ ହେବେ ଏବଂ ଏସବୁ ୧୫୫୫ ସମବାୟ ସମିତି ମଧ୍ୟରୁ କେବଳ ୪୨% ମହାରାଷ୍ଟ୍ରରେ ଅଛନ୍ତି । ଏହା ମହାରାଷ୍ଟ୍ରରେ ସମବାୟ ଆନ୍ଦୋଳନର ସାମର୍ଥ୍ୟକୁ ଦର୍ଶାଉଛି। ଅନୁରୂପ ଭାବେ ମୋଦୀ ସରକାର ସବୁ ରାଜ୍ୟର ସମବାୟ ସମିତି ନିବନ୍ଧକଙ୍କ କାର୍ଯ୍ୟାଳୟଗୁଡ଼ିକୁ କମ୍ପ୍ୟୁଟରୀକରଣ କରିବାକୁ ଯାଉଛନ୍ତି ଯାହାକି ଦେଶବ୍ୟାପୀ ରହିଥିବା ୮ ଲକ୍ଷ ସମବାୟ  ସମିତିଗୁଡ଼ିକର ଯୋଗାଯୋଗକୁ ସହଜ କରିବ ବୋଲି ସେ କହିଥିଲେ ।

କେନ୍ଦ୍ର ସ୍ୱରାଷ୍ଟ୍ର ଓ ସମବାୟ ମନ୍ତ୍ରୀ କହିଥିଲେ, ଆଧୁନିକତା, ପାରଦର୍ଶିତା ଓ ଉତ୍ତରଦାୟିତ୍ୱ ବିନା ଦେଶରେ ସମବାୟ ଆନ୍ଦୋଳନ ଆଗକୁ ବଢ଼ିପାରିବ ନାହିଁ । ସେ କହିଥିଲେ ଯେ, ଅଧିକ ସମବାୟ ପ୍ରତି ଗ୍ରହଣୀୟତା ବଢ଼ାଇବାକୁ  ହେଲେ ଉତ୍ତରଦାୟିତ୍ୱ ନିର୍ଦ୍ଧାରଣ କରିବାକୁ ହେବ ଏବଂ ପାରଦର୍ଶିତା ଆଣିବାକୁ ହେବ । ଅମୁଲ, ଇଫକୋ ଏବଂ କ୍ରିଭକୋ ଭଳି ସମବାୟର ଅନେକ ସଫଳ କାହାଣୀ ଭାରତ ସାରା ଦୁନିଆକୁ ଦେଖାଇଛି । ବର୍ତ୍ତମାନ ଏସବୁକୁ ଆଗେଇ ନେଇ ଆମକୁ ସମବାୟ ଆନ୍ଦୋଳନକୁ ଏକ ନୂଆ ଗତି ଦେବାକୁ ହେବ ।

ଶ୍ରୀ ଶାହା କହିଥିଲେ ଯେ ନିକଟରେ ବହୁମୁଖୀ ସମବାୟ ସମିତି ଆଇନରେ ସଂଶୋଧନ ଅଣାଯାଇଛି । ଏହି ଆଇନ ଅଧୀନରେ ଆମେ ନିର୍ବାଚନୀ ସଂସ୍କାର କାର୍ଯ୍ୟକାରୀ କରିଛୁ, ସମବାୟ ପ୍ରଶାସନ ପାଇଁ ନୂଆ ନିୟମ ନିର୍ଦ୍ଧାରଣ କରିଛୁ, ଆର୍ଥିକ ଶୃଙ୍ଖଳା ଓ ପାଣ୍ଠି ପାଇଁ ବ୍ୟବସ୍ଥା କରିଛୁ, ବ୍ୟବସାୟିକ ସୁଗମତା ପାଇଁ ବ୍ୟବସ୍ଥା କରିଛୁ, ନିର୍ବାଚନ ଆୟୋଗଙ୍କ ଭଳି ଏକ ନିରପେକ୍ଷ ସଂସ୍ଥା ସମବାୟ ନିର୍ବାଚନ ପାଇଁ କାର୍ଯ୍ୟ କରିବ, ପରିଷଦ ପରିଚାଳନା ପାଇଁ ନିୟମିରେ ପରିବର୍ତ୍ତନ କରାଯାଇଛି, ପାରଦର୍ଶିତା ଆଣିବା ଲାଗି ପରିଷଦ ନିର୍ଦ୍ଦେଶକ ଓ କର୍ମଚାରୀଙ୍କ ମଧ୍ୟରେ ଉତ୍ତରଦାୟିତ୍ୱ ନିର୍ଦ୍ଧାରଣ କରାଯାଇଛି । ବହୁମୁଖୀ ସମବାୟ ସମିତି ଆଇନ, ୨୦୨୨ ସମବାୟ ସମିତିଗୁଡ଼ିକର ଉତ୍ତରଦାୟିତ୍ୱ ନିର୍ଦ୍ଧାରଣ କରିବା ସହିତ ପ୍ରିୟାପ୍ରୀତି ତୋଷଣକୁ ସମାପ୍ତ କରିବ ଯାହାଫଳରେ ଯୁବ ପ୍ରତିଭା ସମବାୟ ଆନ୍ଦୋଳନରେ ସାମିଲ ହୋଇପାରିବେ ।

କେନ୍ଦ୍ର ମନ୍ତ୍ରୀ ଶ୍ରୀ ଶାହା କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱ ଏବଂ ନିରନ୍ତର ମାର୍ଗଦର୍ଶନ ଫଳରେ ପ୍ରାଥମିକ କୃଷି ସମବାୟ ସମିତିଗୁଡ଼ିକୁ ଅଧିକ ବ୍ୟବହାର୍ଯ୍ୟ କରିବା ଲାଗି ଅନେକ କାର୍ଯ୍ୟ କରାଯାଉଛି । ଆସନ୍ତା ୫ ବର୍ଷ ମଧ୍ୟରେ ଦେଶରେ ୩ ଲକ୍ଷ ନୂଆ ପ୍ରାଥମିକ କୃଷି ସମବାୟ ସମିତି ପ୍ରତିଷ୍ଠା କରି ମୋଦୀ ସରକାର ସମବାୟ ଆନ୍ଦୋଳନକୁ ପ୍ରତ୍ୟେକ ଗ୍ରାମରେ ପହଞ୍ଚାଇବାକୁ ନିଷ୍ପତ୍ତି ନେଇଛନ୍ତି । ଗତ ୭୦ ବର୍ଷ ମଧ୍ୟରେ ଦେଶରେ ୯୩ ହଜାର ପ୍ରାଥମିକ କୃଷି ସମବାୟ ସମିତି ନିର୍ମାଣ ହୋଇଥିବା ବେଳେ ଆସନ୍ତା ୫ ବର୍ଷ ମଧ୍ୟରେ ୩ ଲକ୍ଷ ନୂଆ ପ୍ରାଥମିକ କୃଷି ସମବାୟ ସମିତି ନିର୍ମାଣ କରାଯିବ । ମୋଦୀ ସରକାରଙ୍କ ଦ୍ୱାରା ଦେଶର ସବୁ ପ୍ରାଥମିକ କୃଷି ସମବାୟ ସମିତିର କମ୍ପ୍ୟୁଟରୀକରଣ କାମ ଶେଷ କରାଯାଇଛି ବୋଲି ଶ୍ରୀ ଶାହା କହିଥିଲେ। ପ୍ରାଥମିକ କୃଷି ସମବାୟ ସମିତିଗୁଡ଼ିକ ଏବେ ଜନ ସେବା କେନ୍ଦ୍ର (ସିଏସସି) ଭାବେ ପରିଣତ ହୋଇ ବିଭିନ୍ନ ପ୍ରକାର କାର୍ଯ୍ୟ କରିପାରିବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର କ୍ୟାବିନେଟ ବିଶ୍ୱର ସର୍ବବୃହତ ଓ ବହୁମୁଖୀ ଭଣ୍ଡାରଣ ଯୋଜନାକୁ ମଞ୍ଜୁର କରିଛନ୍ତି । ବର୍ତ୍ତମାନ ଜିଇଏମ ପ୍ଲାଟଫର୍ମର ଲାଭ ମଧ୍ୟ ସମବାୟ ସଂସ୍ଥାଗୁଡ଼ିକୁ ମିଳୁଛି ।

ବର୍ତ୍ତମାନ ସୁଦ୍ଧା ୯୫% ଜାତୀୟ ସମବାୟ ଡେଟାବେସ ତିଆରି କାମ ଶେଷ ହୋଇଛି । ଆମେ ଏକ ନୂଆ ସମବାୟ ନୀତି ଆଣିବାକୁ ଯାଉଛୁ । ଆମେ ଏକ ସମବାୟ ବିଶ୍ୱବିଦ୍ୟାଳୟ ପ୍ରତିଷ୍ଠା କରିବାକୁ ଯାଉଛୁ ଯାହା ମାଧ୍ୟମରେ ସମବାୟର ବୈଷୟିକ ଶିକ୍ଷା ଏବଂ ଏହାର ସମସ୍ତ ବିଭାଗକୁ ଯୋଡ଼ାଯାଇପାରିବ । ସେ କହିଥିଲେ ଯେ ଶ୍ରୀ ମୋଦୀ ୩ଟି ନୂଆ ବହମୁଖି ସମବାୟ ସମିତି ଗଠନ କରିଛନ୍ତି । ଗୋଟିଏ ସମିତି ବହୁମୁଖି ଜୈବିକ ଉତ୍ପାଦ ବିକ୍ରି ପାଇଁ ପ୍ରତିଷ୍ଠା କରାଯାଇଛି ଯାହାକି ‘ଭାରତବ୍ରାଣ୍ଡ’ ନାମରେ ପ୍ରାକୃତିକ କୃଷି ଉତ୍ପାଦ ବିକ୍ରି କରୁଛି । ଏହାର ସମ୍ପୂର୍ଣ୍ଣ ଲାଭ ଚାଷୀଙ୍କ ଏକାଉଣ୍ଟକୁ ଯାଉଛି । ଏହି ୩ଟି ନୂଆ ବହମୁଖି ସମବାୟ ସମିତି ଦ୍ୱାରା ଦେଶର ୧୦ କୋଟି ଚାଷୀ ଲାଭବାନ ହେଉଛନ୍ତି ଏବଂ ଏଗୁଡ଼ିକ ଆଗାମୀ ଦିନରେ କୋଟି ଚାଷୀଙ୍କ ସମୃଦ୍ଧି ନିମନ୍ତେ ମାର୍ଗ ପ୍ରଶସ୍ତ କରିବ ।

କେନ୍ଦ୍ର ମନ୍ତ୍ରୀ ଶ୍ରୀ ଶାହା କହିଥିଲେ, ପୂର୍ବରୁ ସମବାୟ ସଂସ୍ଥାଗୁଡ଼ିକ ପ୍ରତି ବୈମାତୃକ ମନୋଭାବ ପୋଷଣ କରାଯାଉଥିଲା କିନ୍ତୁ ଏବେ ସମବାୟ ସଂସ୍ଥାଗୁଡ଼ିକୁ କର୍ପୋରେଟ୍‌ ସଂସ୍ଥା ଭଳି ସୁବିଧାସୁଯୋଗ ମିଳିପାରୁଛି । ଆୟକରରେ ରହିଥିବା ଦୋହରା ଟିକସ ବ୍ୟବସ୍ଥାକୁ ମଧ୍ୟ ଉଚ୍ଛେଦ କରାଯାଇଛି । ଅନେକ ବର୍ଷ ଧରି ପଡ଼ିରହିଥିବା ଚିନି କଳଗୁଡ଼ିକର ବିଭିନ୍ନ ସମସ୍ୟାକୁ ମୋଦୀ ସରକାର ସମାଧାନ କରିଛନ୍ତି ।  ଚାଷୀଙ୍କ ଲାଭ ଉପରେ ସରକାର ଟିକସ ଲାଗୁ କରି ପାରିବେ ନାହିଁ, ସମବାୟ କ୍ଷେତ୍ର ପାଇଁ ସରକାର ଏହି ନୀତି ଆପଣାଇଛନ୍ତି । ଅର୍ଥ ମନ୍ତ୍ରଣାଳୟ ଏହି ନିଷ୍ପତ୍ତିକୁ ଗ୍ରହଣ କରିବା ସମବାୟ କ୍ଷେତ୍ର ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ପୂର୍ବରୁ କେବର ସହରାଞ୍ଚଳ ସମବାୟ ବ୍ୟାଙ୍କକୁ ଗୃହ ଋଣ ପ୍ରଦାନ କରିବାର କ୍ଷମତା ଥିଲା ଏବେ ଗ୍ରାମୀଣ ସମବାୟ ବ୍ୟାଙ୍କଗୁଡ଼ିକୁ ଏ ସୁବିଧା ମିଳିଛି । ଏବେ ସହରାଞ୍ଚଳ ସମବାୟ ବ୍ୟାଙ୍କକୁ ଭ୍ରାମ୍ୟମାଣ ବ୍ୟାଙ୍କ ସେବା ଯୋଗାଇ ଦେବାର ଅନୁମତି ମିଳିଛି । ସରକାରୀ ବ୍ୟାଙ୍କ ଭଳି ସହରାଞ୍ଚଳ ସମବାୟ ବ୍ୟାଙ୍କକୁ ମଧ୍ୟ ନୂଆ ଶାଖା ଖୋଲିବା ଲାଗି ଅନୁମତି ପ୍ରଦାନ କରାଯିବା ସହିତ ଏକକାଳୀନ ସେଟଲମେଣ୍ଟ ଅଧିକାର ଦିଆଯାଇଛି ।

ଶ୍ରୀ ଅମିତ ଶାହ କହିଥିଲେ ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭାରତକୁ ୫ ଟ୍ରିଲିୟନ ଡଲାର ଅର୍ଥବ୍ୟବସ୍ଥା ଏବଂ ବିଶ୍ୱର ତୃତୀୟ ବୃହତ ଅର୍ଥବ୍ୟବସ୍ଥା ରୂପରେ ପରିଣତ କରିବାକୁ ଲକ୍ଷ୍ୟ ରଖିଛନ୍ତି । ସମବାୟ କ୍ଷେତ୍ର ଏ ଦିଗରେ ଯୋଗଦାନ ସେବା ପାଇଁ ଲକ୍ଷ୍ୟ ନିର୍ଦ୍ଧାରଣ କରିବା ଉଚିତ୍‌ । ଶ୍ରୀ ମୋଦୀଙ୍କର ‘‘ସହକାର୍‌ ସେ ସମୃଦ୍ଧି’’ ସଂକଳ୍ପକୁ ସାକାର କରିବା ଦିଗରେ, ସମବାୟ ମନ୍ତ୍ରଣାଳୟ ଏହି ଡିଜିଟାଲ ପୋର୍ଟାଲ ଶୁଭାରମ୍ଭ ସହିତ ଏକ ନୂଆ ଯାତ୍ରା ଆରମ୍ଭ କରିଥିବା ସେ କହିଥିଲେ ।

ନୂଆଦିଲ୍ଲୀ/ଭୁବନେଶ୍ୱର: ସ୍ୱରାଜର ବାଖ୍ୟାରେ ସ୍ୱଦେଶୀ, ସ୍ୱଭାଷା, ସ୍ୱଧର୍ମ, ଆମର ସଂସ୍କତି ଏବଂ ଦେଶର ସର୍ବୋଚ୍ଚ ବିଚାର ସର୍ବପ୍ରଥମେ ସ୍ୱତଃପ୍ରବୃତ ମନକୁ ଆସିଥାଏ। କିନ୍ତୁ ସ୍ୱାଧୀନତା ପରବର୍ତୀ ସମୟରେ ସ୍ୱରାଜର ଏହି ସମସ୍ତ ବାଖ୍ୟାକୁ ଅଣଦେଖା କରି କେବଳ ଶାସନ ବ୍ୟବସ୍ଥାରେ ସୀମିତ କରାଗଲା। ବର୍ତ୍ତମାନ ସମୟରେ ଏ ସମସ୍ତ ବିଷୟ ଗୁଡିକର ପୁନର୍ବିଚାର ଜରୁରୀ। ସ୍ୱରାଜର ସମ୍ପୂର୍ଣ୍ଣ କଳ୍ପନା ହିଁ ନୂଆ ଇଣ୍ଡିଆର ବିଚାର ଏବଂ ଏହି ବିଚାର ହିଁ ଏହାର ମୂଳ ଆଧାର ବୋଲି କହିଛନ୍ତି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ।

ଗୁରୁବାର ଦିଲ୍ଲୀ ବିଶ୍ୱବିଦ୍ୟାଳୟ ଦ୍ୱାରା ଆୟୋଜିତ ଅନ୍ତରାଷ୍ଟ୍ରୀୟ ସେମିନାରକୁ ଉଦଘାଟନ କରିବା ଅବସରରେ ଶ୍ରୀ ଶାହ ଉପସ୍ଥିତ ପ୍ରାଧ୍ୟାପକ, ଶିକ୍ଷାବିତ୍ ଏବଂ ଛାତ୍ରଛାତ୍ରୀଙ୍କୁ ଉଦବୋଧନ ଦେଇ ଏହା କହିଛନ୍ତି। “‘ସ୍ୱରାଜ ରୁ ନୂଆ ଭାରତ’ପର୍ଯ୍ୟନ୍ତ ଭାରତ ବିଚାରର ପୁନରାବଲୋକନ ଶୀର୍ଷକ ଆଲୋଚନାରେ ମୁଖ୍ୟ ଅତିଥି ଭାବରେ ଯୋଗଦେଇ ଶ୍ରୀ ଶାହ କହିଛନ୍ତି ଯେ ଆମ ସ୍ୱରାଜ କଳ୍ପନାରେ ‘ସ୍ୱ’ ଶବ୍ଦର ମହତ୍ୱ ଅଧିକ ଏବଂ ‘ରାଜ’ର ଅର୍ଥ ବ୍ୟବସ୍ଥା ଆଣିବା। ମାତ୍ର ସ୍ୱାଧୀନତା ପରେ ‘ସ୍ୱ’କୁ ଧ୍ୟାନ ନ ଦିଆଯାଇ ଶାସନକୁ ପ୍ରାଧାନ୍ୟ ଦିଆଗଲା। ଏହି କାରଣରୁ ଦେଶ ସ୍ୱାଧୀନତାର ୭୫ ବର୍ଷ ପରେ ମଧ୍ୟ ଏ ସମସ୍ତ ବିଷୟର ପୁର୍ନବିଚାର ଜରୁରୀ। ସେ ଆହୁରି କହିିଛନ୍ତି ଯେ ଦିଲ୍ଲୀ ବିଶ୍ୱବିଦ୍ୟାଳୟ ଭଳି ଶିକ୍ଷାନୁଷ୍ଠାନ ୧୦୦ ବର୍ଷ ପୂରଣ କରିବା ଏବଂ ଆଗାମୀ ଦିନର ରୂପରେଖ ପ୍ରସ୍ତୁତ କରିବା ଶିକ୍ଷାନୁଷ୍ଠାନ ଗୁଡିକ ମଧ୍ୟରେ ଏକ ବଡ ଉପଲବ୍ଧି  ପରିବର୍ତନର ଯେଉଁ ବିଚାର, ନୀତି କିମ୍ବା କଳ୍ପନା ରହିଛି, ଏହାର ବାହକ ହେଉଛି ବିଶ୍ୱବିଦ୍ୟାଳୟ ଏବଂ ଏହାର ବିଦ୍ୟାର୍ଥୀ। କାଳଖଣ୍ଡ ଯାହା ବି ହେଉ ଅର୍ଥାତ୍ ଯେବେ ବି ଯୁଗ ପରିବର୍ତନ ହୁଏ, ପରିବର୍ତନର ବାହକ ସର୍ବଦା ବିଶ୍ୱବିଦ୍ୟାଳୟ ରୁହେ ବୋଲି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଛନ୍ତି।

କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସେମିନାରରେ ଯୋଗଦେଇ କହିଛନ୍ତି ଯେ ବିଗତ ୮ ବର୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ନୂଆ ଭାରତ ଗଠନ କରିବା ଏବଂ ଭାରତକୁ ଏକ ଆର୍ôଥକ ମହାଶକ୍ତି ଭାବରେ ସ୍ଥାପିତ କରିବା ଦିଗରେ କାର୍ଯ୍ୟ କରୁଛନ୍ତି। ଏଥିପାଇଁ ଦେଶରେ ଅଭୁତପୂର୍ବ ଗତିରେ କାମ ସମ୍ପନ୍ନ ହେଉଅଛି। ନୂଆ ରାଷ୍ଟ୍ରୀୟ ଶିକ୍ଷା ନୀତି ଲାଗୁ ହେବା ଦ୍ୱାରା ଏକବିଂଶ ଶତାବ୍ଦୀରେ ଭାରତ ଏକ ଜ୍ଞାନ ଆଧାରିତ ମହାଶକ୍ତି ହେବା ଦିଗରେ ଅଗ୍ରସର ହେଉଛି। ଆଜି ଆମର ବିଶ୍ୱବିଦ୍ୟାଳୟ ଶିକ୍ଷା କ୍ଷେତ୍ରରେ ମହତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି। ପେଟେଂଟ୍‌-ପ୍ରୋସେସ, ବ୍ଲକଚେନ୍ ଆକାଉଂଟି, ଇ-କମର୍ସ ଆରବିଟ୍ରେସନ ଭଳି ଭବିଷ୍ୟତର ପାଠ୍ୟକ୍ରମ ଗୁଡ଼ିକ ଦେଶର ଯୁବପିଢ଼ିଙ୍କ ସୃଜନ ଶକ୍ତି ଏବଂ ରୋଜଗାରକୁ ଅଧିକ ପ୍ରାଧାନ୍ୟ ଦେବାର ସକ୍ଷମ ରଖିଛି। ଦିଲ୍ଲୀ ବିଶ୍ୱବିଦ୍ୟାଳୟ ଭଳି ଗୁରୁତ୍ୱପୂର୍ଣ୍ଣ ଶିକ୍ଷାନୁଷ୍ଠାନକୁ ଅତ୍ୟାଧୁନିକ କୌଶଳ, ପରିବର୍ତିତ ନିଯୁକ୍ତି ଦୃଶ୍ୟପଟ୍ଟ ଏବଂ ଏକବିଂଶ ଶତାବ୍ଦୀର ଆବଶ୍ୟକତାକୁ ରଖି କୁଶଳ ମାନବସମ୍ବଳ ପ୍ରସ୍ତୁତ କରିବା ଦିଗରେ ଅଧିକ ପ୍ରୟାସ କରିବାକୁ ପଡ଼ିବ।

କରୋନା ସମୟରେ ଉତ୍ପନ୍ନ ହୋଇଥିବା ଚ୍ୟାଲେଞ୍ଜ ପରେ ମଧ୍ୟ ଭାରତର ଗତିଶୀଳ ଅର୍ଥନୀତି ଏବଂ ପ୍ରଧାନମନ୍ତ୍ରୀ ମୋଦିଙ୍କ ଜନମଙ୍ଗଳ ଏବଂ ସୁଶାସନ ମଡ଼େଲ ଆଜି ସମଗ୍ର ଦୁନିଆ ପାଇଁ ଉଦାହରଣ ଭାବରେ ଉଭା ହୋଇଛି। ଦେଶ ଏବଂ କେନ୍ଦ୍ର ଶାସିତ ଅଂଚଳର ଜାତୀୟ ଖାଦ୍ୟ ସୁରକ୍ଷା ଯୋଜନାରେ ଅନ୍ତର୍ଗତ ୮୦ କୋଟି ନାଗରିକଙ୍କ ଖାଦ୍ୟ ସୁରକ୍ଷା, ପ୍ରତ୍ୟକ୍ଷ ଲାଭ ହସ୍ତାନ୍ତର ବା ଡିବିଟି ଭଳି ଭାରତର ଜନକଲ୍ୟାଣକାରୀ ବ୍ୟବସ୍ଥା ଗୁଡ଼ିକ ମାନବ କଲ୍ୟାଣ ଦିଗରେ ବଡ଼ ପଦକ୍ଷେପ। ଭାରତ ଏବଂ ବିଶ୍ୱର ସମସ୍ୟା ଗୁଡ଼ିକର ସମାଧାନ ପାଇଁ ବୈଶ୍ୱିକ ସ୍ତର ପର୍ଯ୍ୟନ୍ତ ନେବା ତଥା ଗ୍ଲୋବାଲ ମଡେଲ ଭାବରେ ପ୍ରତିଷ୍ଠିତ ହେବା ପାଇଁ ଦିଲ୍ଲୀ ବିଶ୍ୱବିଦ୍ୟାଳୟ ଦାୟିତ୍ୱ ନେବା ପାଇଁ ଶ୍ରୀ ପ୍ରଧାନ ଆହ୍ୱାନ କରିଛନ୍ତି। ସେ ଆହୁରି କହିଛନ୍ତି ଯେ ଆଜି ଆମେ ଅମୃତ ମହୋତ୍ସବ ଏବଂ ମହାତ୍ମା ଗାନ୍ଧିଙ୍କ ୧୫୦ତମ ଜୟନ୍ତୀ ପାଳନ କରୁଅଛେ। ଏହି ଶୁଭ ସମୟରେ ସ୍ୱରାଜରୁ ନୂଆ ଭାରତ ପର୍ଯ୍ୟନ୍ତର ପରିକଳ୍ପନା ପାଇଁ ସମସ୍ତେ ଏକାଠୀ ହେବା ସୌଭାଗ୍ୟର ବିଷୟ ବୋଲି କେନ୍ଦ୍ରମନ୍ତ୍ରୀ କହିଛନ୍ତି।

ଏହି କାର୍ଯ୍ୟକ୍ରମରେ ଦିଲ୍ଲୀ ବିଶ୍ୱବିଦ୍ୟାଳୟର କୁଳପତି ପ୍ରାଧ୍ୟାପକ ଯୋଗେଶ ସିଂହ, ବରିଷ୍ଠ ଶିକ୍ଷାବିତ୍ ଏବଂ ଅନ୍ୟାନ୍ୟ ଅତିଥିଗଣ ସାମିଲ ହୋଇଥିଲେ।

ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ଓ ସମବାୟ ମନ୍ତ୍ରୀ ଅମିତ ଶାହା ଆଜି ନୂଆଦିଲ୍ଲୀରେ ରାଷ୍ଟ୍ରୀୟ ତଦନ୍ତକାରୀ ସଂସ୍ଥା (ଏନ୍‌ଆଇଏ) ର ୧୩ ତମ ପ୍ରତିଷ୍ଠା ଦିବସ ଉତ୍ସବରେ ଯୋଗ ଦେଇଛନ୍ତି। ଏହି ଅବସରରେ ଉଲ୍ଲେଖନୀୟ ସେବା ପାଇଁ ଗୃହମନ୍ତ୍ରୀ ମଧ୍ୟ ଏନଆଇଏର ଅଧିକାରୀମାନଙ୍କୁ ପୁରସ୍କାର ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ କୁମାର ମିଶ୍ର ଏବଂ ଜାତୀୟ ତଦନ୍ତକାରୀ ସଂସ୍ଥାର ମହାନିର୍ଦ୍ଦେଶକ ନିଶିଥ ପ୍ରମାଣିକ, ଦିଲ୍ଲୀ ପୁଲିସ୍‍ କମିଶନର ଏବଂ ଏନ୍‍ଆଇଏର ବରିଷ୍ଠ ଅଧିକାରୀମାନେ ମଧ୍ୟ ଅଂଶଗ୍ରହଣ କରିଛନ୍ତି।

କେନ୍ଦ୍ର ଗୃହମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି ଯେ ଜାତୀୟ ତଦନ୍ତକାରୀ ସଂସ୍ଥା ସହିତ ଗୃହ ମନ୍ତ୍ରଣାଳୟ ପାଇଁ ଆଜି ଏକ ଗୁରୁତ୍ୱପୂର୍ଣ୍ଣ ଦିନ, ଯେହେତୁ ଏନଆଇଏ ଆଭ୍ୟନ୍ତରୀଣ ସୁରକ୍ଷା କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ କ୍ଷେତ୍ରକୁ ତ୍ୱରାନ୍ୱିତ ଏବଂ ଦକ୍ଷତାର ସହିତ ପରିଚାଳନା କରୁଛି। ସେ କହିଛନ୍ତି ଯେ ଏନ୍‌ଆଇଏକୁ ଏଭଳି ଅପରାଧର ତଦନ୍ତ କରିବାକୁ ପଡ଼ିବ ଯେଉଁଠାରେ ସାକ୍ଷୀ ଏବଂ ପ୍ରମାଣ ପାଇବାରେ ଅସୁବିଧା ଅଛି କିନ୍ତୁ ତଥାପି ଦୋଷୀ ସାବ୍ୟସ୍ତ କରିବାରେ ଏନଆଇଏ ଯେଉଁ ସଫଳତା ହାସଲ କରିଛି ତାହା ଦେଶର ପୋଲିସ ଏବଂ ସମସ୍ତ ଆତଙ୍କବାଦୀ ବିରୋଧୀ ସଂସ୍ଥା ପାଇଁ ପ୍ରେରଣାର ଉତ୍ସ ଏବଂ ଏଥିପାଇଁ ମୁଁ ସମଗ୍ର ଏନ୍‍ଆଇଏ ପରିବାରକୁ ବହୁତ ବହୁତ ବଧାଇ ଜଣାଉଛି।

ଅମିତ ଶାହା କହିଛନ୍ତି ଯେ କୌଣସି ଅନୁଷ୍ଠାନ ପାଇଁ ୧୩ ବର୍ଷ ଅବଧି ଏକ ଶିଶୁ ପର୍ଯ୍ୟାୟ ପରି, କିନ୍ତୁ ଦେଶର ଗୃହମନ୍ତ୍ରୀ ଭାବରେ ମୁଁ ନିଶ୍ଚିତ ଭାବରେ କହିପାରେ ଯେ ଖୁବ୍ କମ୍ ସମୟ ମଧ୍ୟରେ ଏନଆଇଏ ୯୦ ପ୍ରତିଶତ ହାରରୁ ଅଧିକ ଦୋଷୀ ସାବ୍ୟସ୍ତ କରିଛି। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଆତଙ୍କବାଦ ମୁକ୍ତ ଭାରତ ଏବଂ ଶତ ପ୍ରତିଶତ ଶୂନ୍ୟ ସହନଶୀଳତାର ଲକ୍ଷ୍ୟ ପୂରଣ କରିବାରେ ଏନଆଇଏର ଏକ ପ୍ରମୁଖ ଭୂମିକା ରହିଛି। ଗୃହମନ୍ତ୍ରୀ କହିଛନ୍ତି ଯେ ମୁଁ ପୁରା ଏନଆଇଏ ପରିବାରକୁ ନିଶ୍ଚିତ କରିବାକୁ ଚାହୁଁଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆତଙ୍କବାଦ ବିରୋଧରେ ଶୂନ୍ୟ ସହନଶୀଳତା ନୀତି ଆପଣେଇ ଭାରତ ସରକାର ଆଗକୁ ବଢୁଛନ୍ତି। ଏଥିରେ ଏନ୍‍ଆଇଏ କୁ ଯାହା ସାହାଯ୍ୟ ଆବଶ୍ୟକ କରୁଛି, ଭାରତ ସରକାର ସେଥିପାଇଁ ସମ୍ପୂର୍ଣ୍ଣ ପ୍ରତିବଦ୍ଧ । ସେ କହିଛନ୍ତି ଯେ ଆଜି ଆମ ଦେଶ ବିକାଶ ପଥରେ ଅଗ୍ରଗତି କରିଛି ଏବଂ ଆଜି ଦୁନିଆର ପ୍ରତ୍ୟେକ କ୍ଷେତ୍ରରେ ଏଭଳି ପରିସ୍ଥିତି ସୃଷ୍ଟି ହୋଇଛି ଯେ ଭାରତ ବିନା ବିଶ୍ୱର ଲକ୍ଷ୍ୟ ପୂରଣ ହୋଇପାରିବ ନାହିଁ, ତେଣୁ ଭାରତର ଆଭ୍ୟନ୍ତରୀଣ ସୁରକ୍ଷିତ ରହିବା ଅତ୍ୟନ୍ତ ଜରୁରୀ ଅଟେ।

କେନ୍ଦ୍ର ସ୍ୱରାଷ୍ଟ୍ର ଓ ସମବାୟ ମନ୍ତ୍ରୀ କହିଛନ୍ତି ଯେ କୌଣସି ସଭ୍ୟ ସମାଜ ପାଇଁ ଆତଙ୍କବାଦ ଏକ ଅଭିଶାପ, ଯଦି ଦୁନିଆର କେହି ଏହି ଅଭିଶାପର ସବୁଠାରୁ ବଡ ଯନ୍ତ୍ରଣା ଭୋଗୁଛନ୍ତି, ତେବେ ତାହା ହେଉଛି ଆମ ଦେଶ। ଆତଙ୍କବାଦ ଅପେକ୍ଷା ମାନବିକ ଅଧିକାରର କୌଣସି ବଡ ଉଲ୍ଲଂଘନ ହିଁ ନାହିଁ। ତେଣୁ ମାନବିକ ଅଧିକାରର ସୁରକ୍ଷା ପାଇଁ ଆତଙ୍କବାଦକୁ ସମ୍ପୂର୍ଣ୍ଣରୂପେ ବିଲୋପ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଆତଙ୍କବାଦକୁ ନିଷ୍ଠାର ସହିତ ଶେଷ କରିବା ଦିଗରେ ଏନ୍‍ଆଇଏ ଆଗକୁ ବଢିବା ଉଚିତ୍‍। ଶ୍ରୀ ଶାହା କହିଛନ୍ତି ଯେ ଗତ ୭ ବର୍ଷ ମଧ୍ୟରେ ଅନେକ କଠିନ କ୍ଷେତ୍ରରେ ଏନଆଇଏ ବହୁତ ଭଲ କାମ କରିଛି ଏବଂ ମୁଁ ଜାମ୍ମୁ କାଶ୍ମୀରର ଏକ ବିଶେଷ ଉଦାହରଣ ଦେବାକୁ ଚାହୁଁଛି। ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ସହ ଲଢିବା ଗୋଟିଏ କଥା କିନ୍ତୁ ଆତଙ୍କବାଦର ମୂଳୋତ୍ପାଟନ କରିବା ଅନ୍ୟ ଏକ ଜିନିଷ, ଯଦି ଆମେ ଏହାକୁ ହଟାଇବାକୁ ଚାହୁଁ, ତେବେ ଆମକୁ ସେମାନଙ୍କର ସମସ୍ତ ଆତଙ୍କବାଦୀ ପାଣ୍ଠି ଯୋଗାଣ ବ୍ୟବସ୍ଥାକୁ ଧ୍ୱଂସ କରିବାକୁ ପହିବ।

ମୋଦୀ ଜୀ ପ୍ରଧାନମନ୍ତ୍ରୀ ହେବା ପରେ ଏନଆଇଏ ଦ୍ୱାରା ଯେଉଁସବୁ ଆତଙ୍କବାଦ ପାଣ୍ଠି ମାମଲା ରୁଜୁ ହୋଇଛି, ମୁଁ ଆତ୍ମବିଶ୍ୱାସ ସହ କହିପାରେ ଯେ ଜାମ୍ମୁ କାଶ୍ମୀରରୁ ଆତଙ୍କବାଦକୁ ମୂଳୋତ୍ପାଟନ କରିବାରେ ତାହା ବହୁତ ସାହାଯ୍ୟ କରିଛି । ଆଜି ଏନଆଇଏର ସତର୍କତା ହେତୁ ଆତଙ୍କବାଦୀଙ୍କୁ ଟଙ୍କା ଯୋଗାଇବାର ବାଟକୁ କ୍ରମଶଃ ବନ୍ଦ କରାଯାଇଛି, ଜାମ୍ମୁ କାଶ୍ମୀରରେ ରହୁଥିବା ଓଭରଗ୍ରାଉଣ୍ଡ କର୍ମଚାରୀଙ୍କ ବିରୋଧରେ ଏନଆଇଏ ଅନେକ ମାମଲା ରୁଜୁ କରିଛି ଏବଂ ସେମାନଙ୍କ ସ୍ଲିପର ସେଲ୍‍କୁ ନଷ୍ଟ କରିବାରେ ବହୁତ ଭଲ କାମ କରିଛି।

୨୦୧୮ ଏବଂ ୨୦୧୯ ରେ ପ୍ରଥମ ଥର ପାଇଁ ଏନ୍‍ଆଇଏ ଦ୍ୱାରା ପଞ୍ଜିକୃତ ହୋଇଥିବା ମାମଲା ଆଜି ଆତଙ୍କବାଦୀଙ୍କୁ ଟଙ୍କା ଯୋଗାଇବା ରାସ୍ତାକୁ ବନ୍ଦ କରିଦେଇଛି । ଏହା ସେମାନଙ୍କର ଲଜିଷ୍ଟିକ୍ସ ଏବଂ ଅସ୍ତ୍ରଶସ୍ତ୍ର ଯୋଗାଣ ପାଇଁ ଏକ ବଡ ଝଟକା ଦୋଇଛି, ଯେଉଁମାନେ ଆତଙ୍କବାଦକୁ ମଧ୍ୟ ସାହାଯ୍ୟ କରିଥିଲେ ଏବଂ ସମାଜରେ ସମ୍ମାନର ସହ ବଞ୍ଚଥିଲେ ସେମାନଙ୍କୁ ଏନ୍‍ଆଇଏ ସର୍ବ ସମ୍ମୁଖକୁ ଆଣିବା ସହିତ ଅଦାଲତର କାଠଗଡାକୁ ଟାଣିଛି। ବାମପନ୍ଥୀ ଉଗ୍ରବାଦ ମାମଲାରେ ଏନଆଇଏ ମଧ୍ୟ କାର୍ଯ୍ୟ ଆରମ୍ଭ କରିଛି ଏବଂ ଗୁଳି ଓ ସାମଗ୍ରୀ ଯୋଗାଣକାରୀ ଏବଂ ବାମପନ୍ଥୀ ଉଗ୍ରବାଦୀ ସଂଗଠନର ପାଣ୍ଠି ଯୋଗାଣର ମୂଳରେ ପହଞ୍ଚିବା ପାଇଁ ଏନଆଇଏକୁ କିଛି ମାମଲା ଦିଆଯାଇଛି ଏବଂ ଏହା ଆଶା କରାଯାଉଛି ଯେ ଏହା ଜାମ୍ମୁ କାଶ୍ମୀର ପରି କରାଯିବ, ଏଥିରେ ମଧ୍ୟ ବଡ଼ ସଫଳତା ମିଳିବ। ଆତଙ୍କବାଦ ପାଣ୍ଠି ଯୋଗାଣ ସମ୍ବନ୍ଧୀୟ ୧୦୫ ମାମଲା ପଞ୍ଜିକୃତ ହୋଇଛି, ୮୭୬ ଅଭିଯୁକ୍ତଙ୍କ ବିରୋଧରେ ୯୪ ଟି ଚାର୍ଜସିଟ୍ ଦାଖଲ କରାଯାଇଛି, ୭୯୬ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି ଏବଂ ସେଥିମଧ୍ୟରୁ ୧୦୦ ଅଭିଯୁକ୍ତଙ୍କୁ ମଧ୍ୟ ଦୋଷୀ ସାବ୍ୟସ୍ତ କରାଯାଇଛି, ଏହା ଏକ ବଡ଼ ସଫଳତା।

ଶ୍ରୀ ଅମିତ ଶାହା କହିଛନ୍ତି ଯେ ସମସ୍ତ ଅଳତଙ୍କବାଦ ସମ୍ବନ୍ଧୀୟ ତଥ୍ୟକୁ ସବୁ ରାଜ୍ୟର ପୋଲିସ ଏବଂ ଏଜେନ୍ସି ସହ ସେୟାର କରିବା, ଆତଙ୍କବାଦ ବିରୋଧୀ ଆଇନକୁ ମଜବୁତ ତଥା ଦୃଢ଼ କରିବା, ଆତଙ୍କବାଦ ବିରୋଧୀ ଅନୁଷ୍ଠାନକୁ ମଜବୁତ କରିବା ସରକାରଙ୍କ ଉଦ୍ୟମ ଏବଂ ଆତଙ୍କବାଦୀ ମାମଲାରେ ଶତ ପ୍ରତିଶତ ଦୋଷୀ ସାବ୍ୟସ୍ତ କରିବା ଲକ୍ଷ୍ୟ ନେଇ ଚାଲିଛୁ। ଏହି ଚାରୋଟି ସ୍ତମ୍ଭରେ ଆତଙ୍କବାଦୀ ବିରୋଧୀ କାର୍ଯ୍ୟ ଅଗ୍ରଗତି କରିପାରିବ ଏବଂ ମୁଁ ଖୁସି ଯେ ଏହି ଚାରୋଟି ସ୍ତମ୍ଭ ଉପରେ ଏନଆଇଏ ବହୁତ ଭଲ ଅଗ୍ରଗତି କରିଛି। ସେ କହିଛନ୍ତି ଯେ ଯଦି ଆମେ ୨୦୦୦ ରୁ ୨୦୨୨ ପର୍ଯ୍ୟନ୍ତ ଦେଶରେ ଆତଙ୍କବାଦୀ ମାମଲା ବିଶ୍ଳେଷଣ କରୁ, ତେବେ ଅନେକ ଘଟଣା ମନକୁ ଆସେ, କିନ୍ତୁ କିଛି ଘଟଣା ଏପରି ଅଟେ ଯାହା ବ୍ୟବସ୍ଥାରେ ସଂସ୍କାର ଆଣିଥାଏ।

ମୁମ୍ବାଇ ଆତଙ୍କବାଦୀ ଆକ୍ରମଣ ଏପରି ଏକ ଘଟଣା ଥିଲା ଯାହା ପରେ ଜାତୀୟ ଆତଙ୍କାବାଦୀ ନିରୋଧି ସଂସ୍ଥା ଗଠନ କରାଯାଇଥିଲା, ଉପକୂଳ ସୁରକ୍ଷା ପାଇଁ ମଧ୍ୟ ଏକ ଯୋଜନା ପ୍ରସ୍ତୁତ କରାଯାଇଥିଲା, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ଉପରେ କଟକଣା ଲଗାଇବା ପାଇଁ ସମସ୍ତ ଏଜେନ୍ସି ସଚେତନ ହୋଇଥିଲେ, ଆତଙ୍କବାଦ ତଦନ୍ତ ଏବଂ ଗୁଇନ୍ଦା ବ୍ୟବସ୍ଥାରେ ମଧ୍ୟ ଗୁଣାତ୍ମକ ଉନ୍ନତି ଘଟିଛି ଏବଂ ଠିକ୍ ସମୟରେ ବୁଦ୍ଧିର ସଠିକ୍ ବ୍ୟବହାର ପାଇଁ, ବହୁତ ସମୟପଯୋଗୀ କାର୍ଯ୍ୟକ୍ରମ ମଧ୍ୟ ଅଛି। ସେ କହିଛନ୍ତି ଯେ ଏହି ବର୍ବର ଆକ୍ରମଣରୁ ପୋଲିସ ଏବଂ ଦେଶର ସମସ୍ତ ଏଜେନ୍ସି ଶିକ୍ଷାଲାଭ କରି ଆଜି ଆତଙ୍କବାଦ ବିରୋଧୀ କାର୍ଯ୍ୟକୁ ମଜବୁତ କରିଛନ୍ତି।

କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଛନ୍ତି ଯେ ଏନଆଇଏ ଗଠନ ହେବାର ୧୩ ବର୍ଷ ବିତିଗଲାଣି, ଯେଉଁଥିରେ ୪୦୦ ରୁ ଅଧିକ ମାମଲା ରୁଜୁ ହୋଇଛି, ୩୪୯ ରୁ ଅଧିକ ମାମଲାରେ ଚାର୍ଜସିଟ୍‍ ଦାଖଲ ହୋଇଛି, ପ୍ରାୟ ୨୪୯୪ ଅପରାଧୀଙ୍କୁ ଧରାଯାଇଛି, ୩୯୧ ଜଣଙ୍କୁ ଦଣ୍ଡ ଦିଆଯାଇଛି ଏବଂ ୯୩.୨୫ ପ୍ରତିଶତ ସଫଳତା ଏଥିରେ ହାସଲ କରାଯାଇଛି, ଏହି ସଫଳତା ଅନେକ ଅଭିନନ୍ଦନ ପାଇବାକୁ ଯୋଗ୍ୟ। ସେ କହିଛନ୍ତି ଯେ ୨୦୧୪ ମସିହାରୁ ଦେଶରେ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ଗଠନ ପରେ ଏନଆଇଏର ସଶକ୍ତିକରଣ ପାଇଁ ଅନେକ କାର୍ଯ୍ୟ କରାଯାଇଛି। ଆମେ ଚାହୁଁ ଯେ ଏନ୍‍ଆଇଏ ଅଧିକ ଶକ୍ତିଶାଳୀ ଏବଂ ଦକ୍ଷ ହେଉ ଏବଂ ଏନ୍‍ଆଇଏକୁ ସମଗ୍ର ବିଶ୍ୱରେ ଆତଙ୍କବାଦ ନିରୋଧୀ ଏଜେନ୍ସି ଭାବରେ ସ୍ୱୀକୃତି ମିଳୁ। ସେ କହିଛନ୍ତି ଯେ ଆମେ ଏନଆଇଏ ଆକ୍ଟ ଏବଂ ୟୁଏପିଏ ଆକ୍ଟକୁ ମଜବୁତ କରିବା ପାଇଁ କାର୍ଯ୍ୟ କରିଛୁ।

ଶ୍ରୀ ଶାହା କହିଛନ୍ତି ଯେ ସେ ଏକ ଗୁରୁତ୍ୱପୂର୍ଣ୍ଣ ସଂଶୋଧନ ବିଲ୍ ଆଣିଥିଲେ, ଏହା ପରେ ଏନଆଇଏକୁ ଅନେକ ପ୍ରକାରର କ୍ଷମତା ମିଳିଛି। ଭାରତ ବାହାରେ ଯେକୌଣସି ଆତଙ୍କବାଦୀ ଆକ୍ରମଣରେ ଯେଉଁଠାରେ ଭାରତୀୟମାନେ ଆହତ ହୋଇଛନ୍ତି, ସେଠାରେ ତଦନ୍ତ କ୍ଷମତା ଏନଆଇଏକୁ ଦିଆଯାଇଛି ଏବଂ ଏକ ଆନ୍ତର୍ଜାତୀୟ ଏଜେନ୍ସି ଭାବରେ ଗ୍ରହଣୀୟ ହେବା ଲକ୍ଷ୍ୟରେ ଏନ୍‌ଆଇଏ ଏହାକୁ ପ୍ରମାଣ କରିବା ଉଚିତ୍‍। ନୂତନ ସଂଶୋଧନରେ, ଆମେ ଏନଆଇଏକୁ ଅନୁପ୍ରବେଶ, ବିସ୍ଫୋରକ ପଦାର୍ଥ ଏବଂ ସାଇବର ଅପରାଧର ଅଧିକାର ମଧ୍ୟ ଦେଇଛୁ। ପୂର୍ବରୁ ଆତଙ୍କବାଦୀ ସଂଗଠନକୁ ଆତଙ୍କବାଦୀ ସଂଗଠନ ଭାବରେ ଘୋଷଣା କରିବାର ଅଧିକାର ଥିଲା, ବର୍ତ୍ତମାନ ଭାରତରେ ପ୍ରଥମ ଥର ପାଇଁ ଆମେ ଏନଆଇଏକୁ ସଂଗଠନ ତଥା ବ୍ୟକ୍ତିବିଶେଷଙ୍କୁ ଆତଙ୍କବାଦୀ ଘୋଷିତ କରିବାର ଅଧିକାର ଦେଇଛୁ ଏବଂ ଏପର୍ଯ୍ୟନ୍ତ ୩୬ ଜଣଙ୍କୁ ଆତଙ୍କବାଦୀ ଘୋଷିତ କରାଯାଇଛି, ଏହା ହେଉଛି ଏକ ନୂତନ ପ୍ରକାର ଆରମ୍ଭ।

ଅମିତ ଶାହା କହିଛନ୍ତି ଯେ ଦେଶର ପୋଲିସର ତଦନ୍ତ ପଦ୍ଧତିରେ ଏକ ଆମୂଳଚୂଳ ପରିବର୍ତ୍ତନ ହେବା ଉଚିତ, ବର୍ତ୍ତମାନର ତଦନ୍ତ ଥାର୍ଡ ଡିଗ୍ରୀ ଉପରେ ନୁହେଁ ବରଂ ଡାଟା ଏବଂ ସୂଚନାର ଡିଗ୍ରୀ ଉପରେ ର୍ନିଭର କରିବା ଉଚିତ। ବର୍ତ୍ତମାନ ଥାର୍ଡ ଡିଗ୍ରୀର ଯୁଗ ନୁହେଁ, କିନ୍ତୁ ଯଦି ଏହି ପରିବର୍ତ୍ତନ ଅ ।ଣିବାକୁ ପଡିବ, ତେବେ ଡାଟାବେସ୍ ପ୍ରସ୍ତୁତ କରିବାକୁ ପଡିବ ଏବଂ ଡିଜିଟାଲ୍ ଫୋରେନସିକ୍‍ରେ ବି ପାରଦର୍ଶିତା ହାସଲ କରିବାକୁ ପଡିବ । ନିଶା କାରବାର, ହାୱାଲା କାରବାର, ଅସ୍ତ୍ରଶସ୍ତ୍ର ଚୋରା ଚାଲାଣ, ନକଲି ମୁଦ୍ରା, ବୋମା ବିସ୍ଫୋରଣ, ଆତଙ୍କବାଦ ପାଣ୍ଠି ଯୋଗାଣ ଏବଂ ଆତଙ୍କବାଦ ଭଳି ସାତୋଟି କ୍ଷେତ୍ରରେ ଏକ ଜାତୀୟ ଡାଟାବେସ୍ ସୃଷ୍ଟି କରିବାକୁ ଏନ୍‍ଆଇଏକୁ ଦାୟିତ୍ୱ ଦିଆଯାଇଛି ଏବଂ ଏହାର ଆରମ୍ଭ ଖୁବ୍‍ ଭଲ ହୋଇଛି।

ଯଦି ଏହି ଜାତୀୟ ଡାଟାବେସ୍ ତିଆରି ହୁଏ, ତେବେ ଏହା କେବଳ ଜାତୀୟ ଏଜେନ୍ସିଗୁଡ଼ିକୁ ନୁହେଁ ବରଂ ଦେଶର ପୋଲିସ୍ ଏଜେନ୍ସିଗୁଡ଼ିକୁ ମଧ୍ୟ ସାହାଯ୍ୟ କରିବ। ସେ କହିଛନ୍ତି ଯେ ନିକଟରେ ସେ ଲୋକସଭାରେ ଏକ ବିଲ୍ ଆଣିଛନ୍ତି ଯେଉଁଥିରେ ଆମେ ଜେଲକୁ ବି ଏଥିରେ ସଂଯୋଗ କରିବା କାର୍ଯ୍ୟ କରିଛୁ। ଶ୍ରୀ ଶାହା କହିଛନ୍ତି ଯେ ଏକ ମୋଡସ୍ ଅପେରାଣ୍ଡି ବ୍ୟୁରୋ ଗଠନ କରାଯାଉଛି, ଯେଉଁଥିରେ ମଧ୍ୟ ନୂତନ ବାଳକମାନଙ୍କୁ ଆତଙ୍କବାଦ ସହ ଯୋଡିବାର ମୋଡସ୍ ଅପରେଣ୍ଡିକୁ ଅଧ୍ୟୟନ କରିବାରେ ବିପିଆରଏଣ୍ଡଡି କୁ ସାହାଯ୍ୟ କରିବ।

ଶ୍ରୀ ଶାହା କହିଛନ୍ତି ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ସରକାର ସିଆରପିସି, ଆଇପିସି ଏବଂ ସାକ୍ଷ୍ୟପ୍ରମାଣ ଆଇନରେ ସମ୍ପୂର୍ଣ୍ଣ ପରିବର୍ତ୍ତନ ଆଣିବାକୁ ଚାହୁଁଛନ୍ତି। ଆମେ ବିଶ୍ୱାସ କରୁ ଯେ ଏଗୁଡ଼ିକ ବହୁତ ପୁରୁଣା ନିୟମ ଏବଂ ସମୟ ସମୟରେ ସେଗୁଡିକୁ ପରିବର୍ତ୍ତନ କରିବାର ଆବଶ୍ୟକତା ଅଛି।

ସେ କହିଛନ୍ତି ଯେ ମୁଁ ଏନ୍‌ଆଇଏର ତାଲିମ ଉପରେ ଅଧିକ ଗୁରୁତ୍ୱ ଦେଉଥିଲି ଏବଂ ମୁଁ ଖୁସି ଯେ ଜୁଲାଇ ୨୦୨୧ ରେ ଜାତୀୟ ପୋଲିସ୍ ଏକାଡେମୀ, ହାଇଦ୍ରାବାଦ ସହିତ ଏନଆଇଏର ତାଲିମ ଏବଂ ଦକ୍ଷତା ବୃଦ୍ଧି ପାଇଁ ଏକ ଚୁକ୍ତିନାମା ସ୍ୱାକ୍ଷରିତ ହୋଇଛି ଏବଂ ଏହି କାର୍ଯ୍ୟ ଆଗକୁ ବଢିଛି। ବିଶ୍ୱର ଅନ୍ୟତମ ଶକ୍ତିଶାଳୀ ଏଜେନ୍ସିଗୁଡିକ ସହିତ ସମାନ ଭାବରେ ଏନ୍‍ଆଇଏର ବିକାଶ ଏବଂ ଏହାର ବୃତ୍ତିଗତ ଦକ୍ଷତାକୁ ବଢାଇବା ପାଇଁ ଦୁଇଜଣ ବିଶେଷଜ୍ଞଙ୍କୁ ନେଇ ଏକ ସେଲ୍ ମଧ୍ୟ ସ୍ଥାପନ କରାଯାଇଛି।

କେନ୍ଦ୍ର ସ୍ୱରାଷ୍ଟ୍ର ଓ ସମବାୟ ମନ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ଦେଶ ସମ୍ମୁଖରେ ୫ ଟ୍ରିଲିୟନ ଡଲାର ଅର୍ଥନୀତି ସ୍ଥିର କରିଛନ୍ତି ଏବଂ ଏହା ହାସଲ କରିବା ପାଇଁ ଦେଶର ଆଭ୍ୟନ୍ତରୀଣ ସୁରକ୍ଷା ନିଶ୍ଚିତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଶ୍ରୀ ଶାହା କହିଛନ୍ତି ଯେ ଦେଶ ସ୍ୱାଧୀନତାର ୭୫ ବର୍ଷ ପାଳନ କରୁଛି ଏବଂ ଆଜାଦୀ କି ଅମୃତ ମହୋତ୍ସବ ଅବସରରେ ଏନ୍‍ଆଇଏ ମଧ୍ୟ ଆଗାମୀ ୨୫ ବର୍ଷ ପାଇଁ ଏହାର ଲକ୍ଷ୍ୟ ସ୍ଥିର କରିବା ଉଚିତ୍‍ ଏବଂ ସେମାନଙ୍କ ସଫଳତା ପାଇଁ ଏକ ରୋଡ୍ ମ୍ୟାପ୍ ପ୍ରସ୍ତୁତ କରିବା ଉଚିତ୍‍।

ସେ କହିଛନ୍ତି ଯେ ଯଦି ସଫଳତା ସନ୍ତୋଷ ସୃଷ୍ଟି କରେ, ତେବେ ଆଳସ୍ୟତା ସୃଷ୍ଟି ହୁଏ, କିନ୍ତୁ ଯଦି ସଫଳତା ଆଗକୁ ବଢିବା ପାଇଁ କ୍ଷୁଧା ସୃଷ୍ଟି କରେ, ତେବେ ଅନୁଷ୍ଠାନଗୁଡ଼ିକ ଆଗକୁ ବଢନ୍ତି, ତେଣୁ ଏନ୍‍ଆଇଏକୁ ଏହି ସଫଳତାକୁ ଏକୀଭୂତ ଏବଂ ଆନୁଷ୍ଠାନିକ କରିବା ଉଚିତ୍‍। ଶ୍ରୀ ଶାହା କହିଛନ୍ତି ଯେ ଏନଆଇଏ ହେଉଛି ଏକ ଜାତୀୟ ଏଜେନ୍ସି ଏବଂ ଯଦି ଏହା ଆନୁଷ୍ଠାନିକ ନହୁଏ ତେବେ ବ୍ୟବସ୍ଥା ଏବଂ ସୂଚନା ପ୍ରଣାଳୀ ଆନୁଷ୍ଠାନିକ ହେବ ନାହିଁ, ଆଗକୁ ବଢିବା ବି  ସମ୍ଭବ ନୁହେଁ । ସେ କହିଛନ୍ତି ଯେ ସଫଳତା ମାମଲା ବିଷୟରେ ଚିନ୍ତା କରାଯିବା ଉଚିତ ନୁହେଁ ବରଂ ସଫଳତାକୁ ପଦ୍ଧତିରେ ପରିଣତ କରିବା ଉଚିତ, ସଫଳତା ବ୍ୟକ୍ତିଗତ ସଫଳତା ନୁହେଁ ବରଂ ଅନୁଷ୍ଠାନିକ ସଫଳତା ହେବା ଉଚିତ।