Tag: କୋଇଲା

ନୂଆଦିଲ୍ଲୀ: ଦେଶରେ ଶକ୍ତି ଚାହିଦା ନିରବଚ୍ଛିନ୍ନ ଭାବରେ ବୃଦ୍ଧି ପାଇବାରେ ଲାଗିଛି ଏବଂ କୋଇଲା ଭାରତର ଶକ୍ତି ସୁରକ୍ଷା ଏବଂ ଅର୍ଥ ବ୍ୟବସ୍ଥାରେ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିଆସୁଛି। ଏଥି ସହିତ ଦେଶରେ ବ୍ୟାବସାୟିକ ଶକ୍ତିର ପ୍ରାଥମିକ ସ୍ରୋତ ମଧ୍ୟ ଜାରି ରହିଛି। ଏହି ବିଶ୍ୱସନୀୟ ଏବଂ ସ୍ଥିର ଶକ୍ତି, ଆମଦାନି ସୁନିଶ୍ଚିତ କରିଆସୁଛି ଯାହା ଔଦ୍ୟୋଗିକ ବିକାଶକୁ ଜାରି ରଖିବା, ସହରୀକରଣକୁ ଶକ୍ତି ଯୋଗାଣ ଦିଗରେ ମଧ୍ୟ ଗୁରୁତ୍ୱପୂର୍ଣ୍ଣ ଯୋଗଦାନ କରୁଛି।

କୋଇଲା ମନ୍ତ୍ରଣାଳୟ ଅଧୀନରେ ଥିବା କାର୍ଯ୍ୟାଳୟ, କୋଇଲା ନିୟନ୍ତ୍ରକ ସଂଗଠନ ( ସିସିଓ) କୋଇଲାର ନମୁନା ନିମନ୍ତେ ପ୍ରକ୍ରିୟା ଏବଂ ମାନକ ନିର୍ଦ୍ଧାରଣ କରିଥାଏ । କୋଇଲାର ଶ୍ରେଣୀ, ଗ୍ରେଡ୍ ଶୁଦ୍ଧତା ସୁନିଶ୍ଚିତ କରିବା ନିମନ୍ତେ କୋଇଲା ଖଣିମାନଙ୍କର ନିରୀକ୍ଷଣ କରେ ତଥା କୋଲିଆରୀ ନିୟନ୍ତ୍ରଣ ନିୟମ, ୨୦୦୪ (୨୦୨୧ରେ କରାଯାଇଥିବା ସଂଶୋଧନ) ଅଧୀନରେ ଗୋଟିଏ କୋଲିଆରୀରେ ଖନନ କରାଯାଇଥିବା କୋଇଲାର ପ୍ରସ୍ତର କୋଇଲାର ଗ୍ରେଡ୍ ଘୋଷଣା କରିବା ସହିତ ଏହାର ରକ୍ଷଣାବେକ୍ଷଣ ଉଦ୍ଦେଶ୍ୟରେ ନିର୍ଦ୍ଦେଶନାମା ଜାରି କରିଥାଏ। କେନ୍ଦ୍ରୀୟ ସରକାରୀ କ୍ଷେତ୍ର, ରାଜ୍ୟ ସରକାର ତଥା ଘରୋଇ କ୍ଷେତ୍ରର କୋଇଲା ଏବଂ ଲିଗନାଇଟ୍ ଖଣିର କୋଇଲା ପ୍ରସ୍ତର ଗୁଣବତ୍ତା-ଡାଟାର ଉପଲବ୍ଧ ନିର୍ଣ୍ଣୟ କରିବା ସକାଶେ ପ୍ରକ୍ରିୟା ହେଉଛି ସର୍ବୋତ୍ତମ ଓ ସର୍ବୋଚ୍ଚ ବ୍ୟବସ୍ଥା।

କୋଇଲା ନିୟନ୍ତ୍ରକ ସଂଗଠନ (ସିସିଓ), ଯାହାର କ୍ଷେତ୍ରୀୟ କାର୍ଯ୍ୟାଳୟ ଧାନବାଦ, ରାଞ୍ଚି, ବିଳାସପୁର, ନାଗପୁର, ସମ୍ବଲପୁର ଏବଂ କୋଠାଗୁଡ଼େମଠାରେ ରହିଛି, ଏହିସବୁ କାର୍ଯ୍ୟାଳୟମାନଙ୍କ ପକ୍ଷରୁ ୨୦୨୪-୨୫ ବର୍ଷ ନିମନ୍ତେ ରାଜ୍ୟର କେନ୍ଦ୍ର ସରକାରଙ୍କ କ୍ଷେତ୍ରର ସଂସ୍ଥା, ରାଜ୍ୟ ସରକାର ତଥା ଘରୋଇ କ୍ଷେତ୍ରର କୋଇଲା ଏବଂ ଲିଗନାଇଟ ଖଣିମାନଙ୍କର କୋଇଲାର ନମୁନା ସଂଗ୍ରହ ଏବଂ ଏହାର ବିଶ୍ଳେଷଣ କରିବା କାର୍ଯ୍ୟ ସମ୍ପାଦନ କରିଛି।

ଏହି ବାର୍ଷିକ ନମୁନାକରଣ କାର୍ଯ୍ୟ ସିପିଏୟୁ (୩୩୧), ରାଜ୍ୟ ସରକାର (୬୯) ଏବଂ ଘରୋଇ କ୍ଷେତ୍ର (୨୭)କୁ ମିଶାଇ ମୋଟ ୪୨୭ ଗୋଟି ଖଣିରେ ସମ୍ପାଦନ କରାଯାଇଛି। ଗ୍ରେଡର ଶୁଦ୍ଧତା ସୁନିଶ୍ଚିତ କରିବା ନିମନ୍ତେ, ପ୍ରାପ୍ତ ନମୁନାଗୁଡ଼ିକୁ ଦୁଇଟି ଭିନ୍ନ ଭିନ୍ନ ପ୍ରୟୋଗଶାଳାରେ ବିଶ୍ଳେଷଣ କରାଯାଇଛି।

ନିର୍ଦ୍ଧାରିତ ପ୍ରକ୍ରିୟା ଅନୁସାରେ ଖଣିମାନଙ୍କର କୋଇଲା ପରସ୍ତର ବାର୍ଷିକ ଗ୍ରେଡ଼ିଂର ଘୋଷଣା ପ୍ରକ୍ରିୟା ସମ୍ପୂର୍ଣ୍ଣ ହୋଇ ସାରିଛି। ସରକାରୀ କ୍ଷେତ୍ର, ରାଜ୍ୟ ସରକାର ତଥା ଘରୋଇ କ୍ଷେତ୍ରର ସମସ୍ତ କୋଇଲା ଏବଂ ଲିଗନାଇଟ ଖଣିର ପରସ୍ତର ଘୋଷିତ ଗ୍ରେଡ୍ ୦୧.୦୪.୨୦୨୪ ତାରିଖ ଠାରୁ କାର୍ଯ୍ୟକାରୀ ହେବ।

ଅକ୍ଟୋବର ୨୦୨୩ ସୁଦ୍ଧାଘରୋଇ କୋଇଲା ଭିତ୍ତିକ ବିଦ୍ୟୁତ ଉତ୍ପାଦନ୬୮୬.୭ ବିଲିୟନ ୟୁନିଟ୍ (ବିୟୁ)ରେ ପହଞ୍ଚିଛି, ଯାହା ଗତ ବର୍ଷ ସମାନ ଅବଧିରେ ଉତ୍ପାଦନ ହୋଇଥିବା ୬୩୦.୭ ବିଲିୟନ ୟୁନିଟ୍ (ବିୟୁ) ତୁଳନାରେ ୮.୮୮% ବୃଦ୍ଧି ହୋଇଥିବା ଦର୍ଶାଉଛି।

ବିଦ୍ୟୁତ ଚାହିଦା ବୃଦ୍ଧି ସତ୍ତ୍ୱେ, ମିଶ୍ରଣ ପାଇଁ କୋଇଲା ଆମଦାନୀ ୪୬.୫୭% ହ୍ରାସ ପାଇ ଅକ୍ଟୋବର’୨୩ ସୁଦ୍ଧା ୧୩.୫୭ ନିୟୁତ ଟନ୍ ରେ ପହଞ୍ଚିଛି, ଯାହା ଗତବର୍ଷ ଏହି ଅବଧିରେ ୨୫.୪ ମେଟ୍ରିକ ଟନ୍ ଥିଲା। ଏହି କୋଇଲା ଉତ୍ପାଦନରେ ଆତ୍ମନିର୍ଭରଶୀଳତା ଏବଂ ସାମଗ୍ରିକ କୋଇଲା ଆମଦାନୀକୁ ହ୍ରାସ କରିବା ପାଇଁ ଦେଶର ପ୍ରତିବଦ୍ଧତାକୁ ଦର୍ଶାଉଛି।

କୋଇଲା ଉତ୍ପାଦନ କୁ ଆହୁରି ବଢ଼ାଇବା ପାଇଁ ସରକାର ପ୍ରୟାସ ଜାରି ରଖିଛନ୍ତି, ଯାହାର ଲକ୍ଷ୍ୟ ହେଉଛି ଉପଲବ୍ଧତା ବୃଦ୍ଧି କରିବା ଏବଂ ଆମଦାନୀ କୋଇଲା ଉପରେ ନିର୍ଭରଶୀଳତା ହ୍ରାସ କରିବା, ଯାହା ଦ୍ୱାରା ବୈଦେଶିକ ଭଣ୍ଡାରକୁ ସୁରକ୍ଷିତ ରଖାଯାଇପାରିବ।

ନୂଆଦିଲ୍ଲୀ: ଦେଶର ଥର୍ମାଲ ପାୱାର ପ୍ଲାଣ୍ଟ (ଟିପିପି) ପାଇଁ ପର୍ଯ୍ୟାପ୍ତ ପରିମାଣର କୋଇଲା ଉପଲବ୍ଧ ଅଛି ବୋଲି କୋଇଲା ମନ୍ତ୍ରଣାଳୟ ସ୍ପଷ୍ଟ କରିଛି। ୧୬ ଜୁଲାଇ ୨୦୨୩ ସୁଦ୍ଧା ତାପଜ ବିଦ୍ୟୁତ କେନ୍ଦ୍ରରେ ଶେଷ କୋଇଲା ଷ୍ଟକ୍ ୩୩.୪୬ ନିୟୁତ ଟନ୍ (ମେଟ୍ରିକ୍ ଟନ୍) ରହିଛି, ଯାହା କି ଗତ ଆର୍ଥିକ ବର୍ଷର ସମାନ ସମୟ ତୁଳନାରେ ୨୮% ଅଧିକ। ଖଣି ଶେଷରେ ପିଟହେଡ୍ କୋଇଲା ଷ୍ଟକ୍, ଟ୍ରାନଜିଟ ଏବଂ ଟିପିପି ସମେତ ସମସ୍ତ ସ୍ଥାନରେ କୋଇଲା ଉପଲବ୍ଧତା ୧୦୩ ମେଟ୍ରିକ୍ ଟନ୍ ରହିଛି, ଯାହା ଗତବର୍ଷ ୭୬.୮୫ ମେଟ୍ରିକ୍ ଟନ୍ ଥିଲା, ଯାହା କି ୩୪% ଅଧିକ। ମନ୍ତ୍ରଣାଳୟ ସମସ୍ତ କେନ୍ଦ୍ରୀୟ ଜେନକୋ ଏବଂ ରାଜ୍ୟ ଜେନକୋ ସହିତ ମଧ୍ୟ ଘନିଷ୍ଠ ସମନ୍ୱୟ ରଖିଛି ଏବଂ ଶକ୍ତି କ୍ଷେତ୍ର ପାଇଁ କୋଇଲାର କୌଣସି ଅଭାବ ନାହିଁ।

କୋଇଲା ମନ୍ତ୍ରଣାଳୟ ଆହୁରି ମଧ୍ୟ କହିଛି ଯେ ଜୁଲାଇ, ୨୦୨୩ରେ ଉତ୍ପାଦନ ଗତ ବର୍ଷର ସମାନ ସମୟ ତୁଳନାରେ ବହୁତ ଅଧିକ ହୋଇଛି। ବାସ୍ତବରେ ବର୍ଷା ଯୋଗୁଁ କୋଇଲା ଉତ୍ପାଦନ ଅତ୍ୟନ୍ତ ପ୍ରଭାବିତ ହୋଇଛି। ମୌସୁମୀ ଋତୁ ପାଇଁ ଖଣିଭିତ୍ତିକ ଆଗୁଆ ଯୋଜନା ମାଧ୍ୟମରେ ଏହା ସମ୍ଭବ ହୋଇପାରିଛି। ବଡ଼ ଖଣିରୁ ନିରବଚ୍ଛିନ୍ନ ନିଷ୍କାସନ ପାଇଁ କୋଇଲା କଂପାନିଗୁଡ଼ିକ ସିମେଣ୍ଟ ରାସ୍ତା ନିର୍ମାଣ କାର୍ଯ୍ୟ ହାତକୁ ନେଇଛନ୍ତି। ଯାନ୍ତ୍ରିକ କୋଇଲା ପରିଚାଳନା କାରଖାନା ମାଧ୍ୟମରେ ୯ଟି କୋଇଲା ଖଣିରୁ ରେଳ ସାଇଡିଂକୁ ପରିବହନ ଆରମ୍ଭ ହୋଇଛି। କୋଇଲା କଂପାନିଗୁଡ଼ିକ ମଧ୍ୟ ଉପର ସିମରୁ କୋଇଲା ଉତ୍ତୋଳନ କରିବାକୁ ଯୋଜନା କରିଛନ୍ତି, ଫଳସ୍ୱରୂପ ୨୦୨୩ ଏପ୍ରିଲ ପହିଲାରୁ ଜୁଲାଇ ୧୬ ମଧ୍ୟରେ କୋଇଲା ଉତ୍ପାଦନ ୨୫୮.୫୭ ନିୟୁତ ଟନ୍ ହୋଇଛି, ଯାହା ଗତବର୍ଷ ୨୩୬.୬୯ ନିୟୁତ ଟନ୍ ଥିଲା।

ସେହିପରି ଗତବର୍ଷ ୨୨୪ ମେଟ୍ରିକ୍ ଟନ୍ କୋଇଲା ଯୋଗାଣ ହୋଇଥିବା ବେଳେ ଚଳିତ ବର୍ଷ ଏହା ୨୩୩ ମେଟ୍ରିକ୍ ଟନ୍ ରହିଛି। ବାସ୍ତବରେ, ଯଥେଷ୍ଟ ଉପଲବ୍ଧତା କାରଣରୁ କୋଇଲା କମ୍ପାନୀଗୁଡିକ ଏହି ସମୟ ମଧ୍ୟରେ ଅଣ-ନିୟନ୍ତ୍ରିତ କ୍ଷେତ୍ରକୁ ବିପୁଳ ପରିମାଣର ଅତିରିକ୍ତ ପରିମାଣରେ ଯୋଗାଣ କରିଛନ୍ତି। ଉଲ୍ଲେଖଯୋଗ୍ୟ, ଚଳିତ ବର୍ଷ ତାପଜ ବିଦ୍ୟୁତ ଉତ୍ପାଦନରେ ଅଭିବୃଦ୍ଧି ମାତ୍ର ୨.୦୪% ଥିବା ବେଳେ କୋଇଲା ଉତ୍ପାଦନରେ ଅଭିବୃଦ୍ଧି ୯% ରୁ ଅଧିକ ରହିଛି।

ରେଳ ମନ୍ତ୍ରଣାଳୟ ପକ୍ଷରୁ ସମସ୍ତ ସହାୟକ ସଂସ୍ଥା ପାଇଁ ପର୍ଯ୍ୟାପ୍ତ ରେକ୍ ଉପଲବ୍ଧ କରାଯାଉଛି, ଯାହା ଥର୍ମାଲ ପାୱାର ପ୍ଲାଣ୍ଟରେ ପର୍ଯ୍ୟାପ୍ତ ପରିମାଣରେ କୋଇଲା ମହଜୁଦ୍ ରହିବାର ବାଟ ଖୋଲିଛି। କୋଇଲା, ରେଳ ବାଇ ଏବଂ ଶକ୍ତି ମନ୍ତ୍ରଣାଳୟ ସମସ୍ତ ଥର୍ମାଲ ପାୱାର ପ୍ଲାଣ୍ଟ ପାଇଁ ପର୍ଯ୍ୟାପ୍ତ ପରିମାଣର କୋଇଲା ଉପଲବ୍ଧତା ସୁନିଶ୍ଚିତ କରିବା ପାଇଁ ଘନିଷ୍ଠ ସମନ୍ୱୟରେ କାର୍ଯ୍ୟ କରୁଛନ୍ତି।

କୋଇଲା ମନ୍ତ୍ରଣାଳୟ ପକ୍ଷରୁ ଆହୁରି ସ୍ପଷ୍ଟ କରାଯାଇଛି ଯେ କୋଇଲା ଉପଲବ୍ଧ ନଥିବାରୁ କୌଣସି ପାୱାର ପ୍ଲାଣ୍ଟ ବନ୍ଦ ହୋଇନାହିଁ।

ନୂଆଦିଲ୍ଲୀ: କୋଇଲାକୁ ଅଧିକରୁ ଅଧିକ ଗ୍ୟାସରେ ପରିଣତ କରିବାକୁ କେନ୍ଦ୍ର ସରକାର ଯେଉଁ ଗୁରୁତ୍ୱ ଦେଉଛନ୍ତି ତାହାକୁ ଚରିତାର୍ଥ କରିବାକୁ କୋଇଲା ମନ୍ତ୍ରଣାଳୟ ବିଭିନ୍ନ ପ୍ରୟାସ ଆରମ୍ଭ କରିଛି। ୨୦୩୦ ଆର୍ଥିକ ବର୍ଷ ସୁଦ୍ଧା ୧୦୦ନିୟୁତ ଟନ୍ କୋଇଲାକୁ ଗ୍ୟାସରେ ପରିଣତ କରିବାକୁ ମନ୍ତ୍ରଣାଳୟ ଗୁରୁତ୍ୱ ଦେଇ କାମ ଆରମ୍ଭ କରିଛି। ତେବେ କୋଇଲାକୁ ଗ୍ୟାସରେ ପରିଣତ କରି ଅଧିକରୁ ଅଧିକ ସ୍ୱଚ୍ଛ ଇନ୍ଧନ ଉତ୍ପାଦନ କରିବାକୁ ମନ୍ତ୍ରଣାଳୟ ଏକ ବୃହତ ପୂର୍ଣ୍ଣାଙ୍ଗ ପ୍ରକଳ୍ପ କାର୍ଯ୍ୟକାରୀ କରିବାକୁ ବିଚାର କରୁଛି। ଏଥି ପାଇଁ ୬୦୦୦କୋଟି ଟଙ୍କା ବ୍ୟୟ ବରାଦ କରିବାକୁ ଆପାତତଃ ସ୍ଥିର ହୋଇଛି। ତେବେ ଏହି ଯୋଜନାକୁ କାର୍ଯ୍ୟକାରୀ କରିବା ପୂର୍ବରୁ ଏହାର ବୈଷୟିକ ଓ ଆର୍ଥିକ ଦିଗକୁ ବିଚାର କରି କୋଇଲା ମନ୍ତ୍ରଣାଳୟ ଦେଖୁଛି। ଭାରତ ସ୍ୱଚ୍ଛ ତଥା ପ୍ରଦୂଷଣମୁକ୍ତ ଇନ୍ଧନ ଉପରେ ଗୁରୁତ୍ୱ ଦେଉଛି। ସେ ଦୃଷ୍ଟିରୁ କୋଇଲାକୁ ସିଧା ଜାଳେଣୀଭାବେ ବ୍ୟବହାର ନ କରି ଏହାକୁ ଗ୍ୟାସ୍‌ରେ ପରିଣତ କରିବାକୁ ଉଦ୍ୟମ କରାଯାଉଛି। ଭାରତରେ ପ୍ରଚୁର କୋଇଲା ରହିଛି। ତାହାକୁ ଗ୍ୟାସରେ ପରିଣତ କଲେ ଦେଶରେ ସ୍ୱଚ୍ଛ ଇନ୍ଧନ ଆବଶ୍ୟକତା ଅନେକାଂଶରେ ପୂରଣ ହୋଇପାରିବ। ତେବେ ଏହି ଗ୍ୟାସିଫିକେସନ ପ୍ରକିୟା ଅତ୍ୟନ୍ତ ବ୍ୟୟବହୁଳ ଓ ଏହାର ପ୍ରଯୁକ୍ତି ବା ଟେକ୍‌ନୋଲୋଜି ଯଥେଷ୍ଟ ଖର୍ଚ୍ଚ ସାପେକ୍ଷ। ସେ ଦୃଷ୍ଟିରୁ କୋଇଲାକୁ ଗ୍ୟାସରେ ପରିଣତ କରାଗଲେ କେତେ ଲାଭ, କେତେ କ୍ଷତି ହେବ ସେକଥା ମନ୍ତ୍ରଣାଳୟ ବିଚାର କରି ଦେଖୁଛି। ଭାରତର ଭବିଷ୍ୟତର ସ୍ୱଚ୍ଛ ଇନ୍ଧନ ଆବଶ୍ୟକତା ପୂରଣ ପାଇଁ ସରକାର ବିଭିନ୍ନ ବିକଳ୍ପକୁ ବିଚାର କରି ଦେଖୁଛନ୍ତି। ସ୍ୱଚ୍ଛ ଇନ୍ଧନ ଶସ୍ତା ହେଲେ ଦେଶର ଅର୍ଥନୀତି ଉପରେ ଏହାର ଉତ୍ତମ ପ୍ରଭାବ ପଡିବ।

ଭାରତରେ କୋଇଲା ଗ୍ୟାସିଫିକେସନ ଟେକ୍‌ନୋଲୋଜିର ପ୍ରବର୍ତ୍ତନ  ଫଳରେ କୋଇଲା କ୍ଷେତ୍ରରେ ଏକ ବୈପ୍ଳବିକ ପରିବର୍ତ୍ତନ ଆସିବ। ଏହା ଦ୍ୱାରା ଆମଦାନୀ ହେଉଥିବା ଗ୍ୟାସ ଉପରୁ ନିର୍ଭରଶୀଳତା କମିବ। ସେହିଭଳି ଦେଶର ମେଥାନଲ୍‌, ଆମୋନିଆ ଓ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀର ଆମଦାନୀ ମଧ୍ୟ ହ୍ରାସ ପାଇବ। ଏବେ ଭାରତ ତାହାର ଆବଶ୍ୟକତାର ୫୦ଶତାଂଶ ପ୍ରାକୃତିକ ଗ୍ୟାସ, ୯୦% ମେଥାନଲ ଓ ପ୍ରାୟ ୧୫% ୟୁରିଆ ବିଦେଶରୁ କିଣୁଛି। ତେଣୁ କୋଇଲା ଗ୍ୟାସ ଉତ୍ପାଦିତ ହେଲେ ଭାରତ ଏ କ୍ଷେତ୍ରରେ ଆତ୍ମନିର୍ଭରଶୀଳ ହୋଇ ପାରିବ। ଏହା ଦ୍ୱାରା ମଧ୍ୟ ନିଯୁକ୍ତି ସୁଯୋଗ ସୃଷ୍ଟି ହେବ ଏବଂ ସ୍ୱଚ୍ଛ ଇନ୍ଧନ ବ୍ୟବହାର ଫଳରେ ଅଙ୍ଗାରକାମ୍ଳ ନିର୍ଗମନ ହ୍ରାସ ପାଇବ।

ସୁତରାଂ କୋଇଲା ମନ୍ତ୍ରଣାଳୟ କୋଇଲାକୁ ଗ୍ୟାସରେ ପରିଣତ କରିବା ପାଇଁ ବିଭିନ୍ନ ପ୍ରକଳ୍ପ ଉପରେ କାମ କରୁଛି। ସେଥି ପାଇଁ ପୂର୍ଣ୍ଣାଙ୍ଗ ନୀତି ପ୍ରସ୍ତୁତ କରାଯାଉଛି। ଏଥିରେ ଉଭୟ ସରକାରୀ ଓ ଘରୋଇ କ୍ଷେତ୍ରକୁ ସାମିଲ କରିବାକୁ ପ୍ରୟାସ ଚାଲିଛି ଏବଂ ଏଥି ପାଇଁ ମୋଟ ୬୦୦୦ କୋଟି ଟଙ୍କା ବିନିଯୋଗ କରିବାକୁ ଯୋଜନା ଆପାତତଃ ଚୂଡାନ୍ତ ହୋଇଛି। ଏହି ଯୋଜନାରେ  ପ୍ରଥମେ ଲିଗ୍‌ନାଇଟ୍ କୋଇଲାକୁ ଗ୍ୟାସରେ ପରିଣତ କରିବାକୁ ବିଚାର କରାଯାଉଛି। ଲିଗ୍‌ନାଇଟ କୋଇଲା ଦେଖିବାକୁ ଧୂସର, ନରମ ଏବଂ ଦହନଶୀଳ।  ସରକାର ଏହି କାମକୁ ଉଭୟ ରାଷ୍ଟ୍ରାୟତ୍ତଉଦ୍ୟୋଗ ଓ ବେସରକାରୀ ଶିଳ୍ପ ସଂସ୍ଥାକୁ ଦେବାକୁ ଚିନ୍ତା କରୁଛନ୍ତି। ଏଥି ପାଇଁ ଟେଣ୍ଡର ମାଧ୍ୟମରେ ଶ୍ରେଷ୍ଠ ବିଡ୍‌ରଙ୍କୁ ବଛାଯିବ। ଆବଶ୍ୟକ ସ୍ଥଳେ ଟେଣ୍ଡର ପାଇଥିବା ଉଦ୍ୟୋଗ ବା ସଂସ୍ଥାଙ୍କୁ ସରକାର ଆର୍ଥିକ ସହାୟତା ଯୋଗାଇବେ।

ଅତିକମ୍‌ରେ ଏଭଳି ଏକ ପ୍ରକଳ୍ପକୁ  ଟାରିଫ୍ ଭିତ୍ତିରେ ଟେଣ୍ଡର ଦିଆଯିବ। ଏଥି ପାଇଁ ନୀତି ଆୟୋଗ ସହାୟତାରେ ଆବଶ୍ୟକ ନୀତି ନିୟମ ପ୍ରସ୍ତୁତ କରାଯିବ। ଏହାଛଡା କୋଇଲା ଗ୍ୟାସିଫିକେସନ ପ୍ରକଳ୍ପରେ ଦେଶୀ ଟେକ୍‌ନୋଲୋଜି ବ୍ୟବହାରକୁ ସରକାର ବାଧ୍ୟତାମୂଳକ କରିଛନ୍ତି।

ଆହୁରି ମଧ୍ୟ ଏହି ପ୍ରକଳ୍ପକୁ ପ୍ରୋତ୍ସାହିତ କରିବା ପାଇଁ ସରକାର ବ୍ୟବହୃତ କୋଇଲା ଓ ଉତ୍ପାଦିତ ଗ୍ୟାସ ଉପରେ ଜିଏସ୍‌ଟି ରିହାତି ଦେବେ। ତା’ଛଡା ସମ୍ପୃକ୍ତ  କମ୍ପାନୀ ସେସ୍ ବାବଦରେ ସରକାରଙ୍କୁ ଯେଉଁ ଟିକସ ଦେଇଥିବେ ତାହାକୁ ଫେରସ୍ତ ଦିଆଯିବ। ଏସବୁ ଟିକସ ଜନିତ  ରିହାତି ସୁବିଧା ବ୍ୟବସାୟିକ ଉତ୍ପାଦନ ଆରମ୍ଭର ୧୦ବର୍ଷ ଯାଏ ଯୋଗାଇ ଦେବାର ବ୍ୟବସ୍ଥା ରହିଛି।

କୋଇଲା ମନ୍ତ୍ରଣାଳୟ ମଧ୍ୟ କୋଲ ଇଣ୍ଡିଆ ଲିମିଟେଡ ଅଧୀନରେ ଥିବା ମାଟି ଉପରୁ ମିଳୁଥିବା କୋଇଲା ଖଣି ଅଞ୍ଚଳରେ ଗ୍ୟାସିଫିକେସନ କାମ ସହଯୋଗ ଭିତ୍ତିରେ ଆରମ୍ଭ କରିବାକୁ ଭେଲ, ସିଆରଇଏଲ, ଗେଲ୍‌, ଆଇଓସିଏଲ ଆଦିଙ୍କ ମଧ୍ୟରେ୨୦୨୨ରେ ବୁଝାମଣାପତ୍ର ସ୍ୱାକ୍ଷର କରିଛି। ସେଥି ମଧ୍ୟରୁ ଇସିଏଲ, ଏମ୍‌ସିଏଲ ଓ ଡବ୍ଲ୍ୟୁ ସିଏଲ୍ ପକ୍ଷରୁ ଏହି ପ୍ରକଳ୍ପ ପାଇଁ ସର୍ଭେ ଆଦି କାମ ଆରମ୍ଭ ହୋଇଛି। ଫିଜିବିଲିଟି ରିପୋର୍ଟ ଆସିବା ପରେ ଗ୍ୟାସିଫିକେସନ ପ୍ରକଳ୍ପ କାମ ଆରମ୍ଭ ହେବ।

କୋଇଲା ଗ୍ୟାସିଫିକେସନ ପ୍ରକଳ୍ପକୁ କାର୍ଯ୍ୟକାରୀ କରିବାକୁ କୋଇଲା ମନ୍ତ୍ରଣାଳୟ ବଦ୍ଧ ପରିକର। ଏହା ଦ୍ୱାରା ଦେଶର ବ୍ୟାପକ ହିତ ସାଧନ ହେବ। ଏଥିରେ ସରକାରୀ ଉଦ୍ୟୋଗ, ରାଷ୍ଟ୍ରାୟତ୍ତ ସଂସ୍ଥା, ଏବଂ ବେସରକାରୀ ଉଦ୍ୟୋଗମାନଙ୍କୁ ସାମିଲ କରିବାକୁ ମଧ୍ୟ ଉଦ୍ୟମ ଅବ୍ୟାହତ ରହିଛି। ପୁଞ୍ଜିନିବେଶ, ଇନୋଭେସନ ଆଦି ପାଇଁ ସରକାର ମଧ୍ୟ ଏ କ୍ଷେତ୍ରରେ କାମ ଜାରି ରଖିଛନ୍ତି।

ନୂଆଦିଲ୍ଲୀ: ଶକ୍ତି ମନ୍ତ୍ରଣାଳୟ ଶକ୍ତି ବି (୮) (କ) ଅଧୀନରେ କୋଇଲା ବ୍ୟବହାର କରୁଥିବା ପାୱାର ପ୍ଲାଂଟ୍ ଗୁଡିକଙ୍କ ପାଇଁ ଘରୋଇ କୋଇଲାର ଆବଶ୍ୟକ ପରିମାଣ ନିର୍ଦ୍ଧାରଣ କରିବା ନିମନ୍ତେ ୧୦ % ଅମଦାନୀକୃତ କୋଇଲାର ମିଶ୍ରଣକୁ ବିଚାରକୁ ନେବାକୁ ସିଇଏକୁ ନିର୍ଦ୍ଦେଶ ପ୍ରଦାନ କରିଛନ୍ତି, ଯାହା ଶକ୍ତି ଦୃଷ୍ଟିରୁ ଘରୋଇ କୋଇଲାର ହାରାହାରି ୧୫% ସହିତ ସମାନ ଅଟେ। ଶକ୍ତି ବି (୮) (କ) ହେଉଛି ପାୱାର ପ୍ଲାଂଟ ଗୁଡିକଙ୍କ ପାଇଁ ଗବାକ୍ଷ ସଦୃଶ, ଯେଉଁ ମାନଙ୍କର କୋଇଲା ନିମନ୍ତେ ନିଲାମ ଧରିବା ପାଇଁ ସାମର୍ଥ୍ୟ ରହିଛି, ଏହି କୋଇଲାକୁ ବ୍ୟବହାର କରି ଶକ୍ତି ଉତ୍ପାଦନ କରିବା ଏବଂ ଡେ ଆହେଡ୍ ମାର୍କେଟ (ଡିଏଏମ୍ ) ବା ସ୍ୱଳ୍ପକାଳୀନ ପିପିଏ ପାଇଁ ଡିଇଇପି ପୋର୍ଟାଲ୍‌ରେ ତାର ବିନିମୟରେ ବିକ୍ରି କରିବା ପାଇଁ ସାମର୍ଥ୍ୟ ରହିଛି।

ଏଭଳି ପ୍ଲାଂଟ୍ ଗୁଡିକ ପାଇଁ, ମନ୍ତ୍ରଣାଳୟ ଓଜନ ଦ୍ୱାରା ୧୦% ବାଧ୍ୟତାମୂଳକ ମିଶ୍ରଣ ଆଧାରରେ ନିର୍ଦ୍ଦେଶ ପ୍ରଦାନ କରିଛନ୍ତି, ୧୫ ଜୁନ୍ ୨୦୨୨ରୁ ଆରମ୍ଭ କରି ୩୧ ମାର୍ଚ୍ଚ ୨୦୨୩ ପର୍ଯ୍ୟନ୍ତ ବ୍ୟବହୃତ କୋଇଲାର ପରିମାଣକୁ ହିସାବ କରିବା ନିମନ୍ତେ ମନ୍ତ୍ରଣାଳୟ ନିର୍ଦ୍ଦେଶ ଦେଇଛନ୍ତି। ଏହା ଏହି ସବୁ ପ୍ଲାଂଟ୍ ଆମଦାନୀ କରା ଯାଉଥିବା କୋଇଲା ଆହରଣ କରିବାକୁ ତିନି ସପ୍ତାହର ଏକ ମହଲତ ପ୍ରଦାନ କରିବ।

ବିଦ୍ୟୁତ୍ ଶକ୍ତିର ବର୍ଦ୍ଧିତ ଚାହିଦା ଏବଂ ଘରୋଇ କୋଇଲା କମ୍ପାନୀ ମାନଙ୍କର କୋଇଲା ଯୋଗାଣ କୋଇଲା ବ୍ୟବହାର ସହିତ ମେଳ ଖାଉନଥିବାକୁ ତାହା ଉପରେ ବିଚାର କରି, ଶକ୍ତି ମନ୍ତ୍ରଣାଳୟ ଆଇପିପି ଗୁଡିକ ସମେତ ଉତ୍ପାଦନକାରୀ କମ୍ପାନୀ ମାନଙ୍କୁ (ଜେନ୍‌କୋ) ଶକ୍ତି ଉତ୍ପାଦନ ପାଇଁ ୧୦% ଆମଦାନୀକୃତ କୋଇଲା ମିଶ୍ରଣ କରିବା ନିମନ୍ତେ ୨୮.୦୪.୨୦୨୨ ରେ ନିର୍ଦ୍ଦେଶ ଦେଇଛନ୍ତି। ଏହା ଘରୋଇ କୋଇଲା ଯୋଗାଣକୁ ପରିପୂରଣ କରିବା ପାଇଁ କରା ଯାଇଛି।