ନୂଆଦିଲ୍ଲୀ, ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ପତ୍ନୀ ନତାସା ଷ୍ଟାନକୋଭିକ୍ ଏକ ଶିଶୁପୁତ୍ର ଜନ୍ମ ଦେଇଛନ୍ତି । ଏନେଇ ନିଜ ଟ୍ବିଟରେ ସୂଚନା ଦେଇଛନ୍ତି ହାର୍ଦ୍ଦିକ । ସେ ଟ୍ବିଟ କରି ଲେଖିଛନ୍ତି, ‘‘ ଶିଶୁପୁତ୍ର ସହିତ ଆମେ ଆଶୀର୍ବାଦ ପ୍ରାପ୍ତ ହେଲୁ । ’’ ତେବେ ଶିଶୁର ହାତର ଏକ ଛବି ପାଣ୍ଡ୍ୟା ପୋଷ୍ଟ କରିଛନ୍ତି ।
ଭଦୋଦରାରେ ନତାସା ଶିଶୁ ପୁତ୍ର ଜନ୍ନ ଦେଇଛନ୍ତି। ପୂର୍ବରୁ ସେମାନଙ୍କ ପରିବାରକୁ ଏକ ନୂଆ ସଦସ୍ୟ ଆସୁଥିବା କଥା ମେ ମାସରେ ହାର୍ଦ୍ଦିକ ଘୋଷଣା କରିଥିଲେ। ସେମାନେ ଏବେ ଜୀବନର ଆଉ ଏକ ନୂଆ ସୋପାନରେ ପହଞ୍ଚିଥିବାରୁ ଉଭୟେ ବେଶ୍ ଖୁସି ବୋଲି ହାର୍ଦ୍ଦିକ ଇନଷ୍ଟାଗ୍ରାମରେ ଉଲ୍ଲେଖ କରିଛନ୍ତି।
ଭାରତୀୟ ଦଳର ଅଧିନାୟକ ବିରାଟ କୋହଲି ପ୍ରଥମେ ହାର୍ଦ୍ଦିକଙ୍କୁ ଶୁଭେଚ୍ଛା ଜଣାଇଛନ୍ତି। ପରେ ପରେ ଅନେକ କ୍ରିକେଟର ଓ ମୁଖ୍ୟ ରବି ଶାସ୍ତ୍ରୀ ମଧ୍ୟ ଶୁଭେଚ୍ଛା ଜଣାଇଛନ୍ତି। (ଏଜେନସି)