Tag: ଗିରଫ କଲା ପୋଲିସ

ନୂଆଦିଲ୍ଲୀ: ଛତିଶଗଡରେ ଜାତିର ପିତା ମହାତ୍ମା ଗାନ୍ଧୀଙ୍କୁ ଅପମାନଜନକ ଶବ୍ଦ କହିଥିବା କାଲିଚରନ୍ ମହାରାଜଙ୍କୁ ରାୟପୁର ପୋଲିସ ଗିରଫ କରିଛି। କାଲିଚରନ୍ କୁ ଧରିବା ପାଇଁ ରାୟପୁର ପୋଲିସର ତିନୋଟି ଟିମ୍ ପଠାଯାଇଥିଲା। ମହାରାଷ୍ଟ୍ର, ମଧ୍ୟପ୍ରଦେଶ ଏବଂ ଦିଲ୍ଲୀକୁ ଦଳ ପଠାଯାଇଥିଲା। ଆଜି ଭୋର ୪ ଟାରେ ରାୟପୁରର ବାଗେଶ୍ୱର ଧାମ ନିକଟରେ ଏକ ୭ ଜଣିଆ ପୋଲିସ ଟିମ୍ କାଲିଚରନଙ୍କୁ ଗିରଫ କରିଥିଲେ।

ଉଲ୍ଲେଖ ଯୋଗ୍ୟ ଯେ, ଡିସେମ୍ବର ୨୬ ତାରିଖ ସନ୍ଧ୍ୟାରେ ରାୟପୁରର ଧର୍ମ ସଂସଦରେ କାଲିଚରନ୍ ଜାତିର ପିତା ମହାତ୍ମା ଗାନ୍ଧୀଙ୍କୁ ଅପମାନିତ କରିଥିଲେ। ଏହା ପରେ କାଲିଚରନ୍ ନିଜେ ଟ୍ରେନ୍ ଯୋଗେ ଛତିଶଗଡରୁ ପଳାଇ ଯାଇଥିଲେ। ପରଦିନ କାଲିଚରନ୍ ଏକ ଭିଡିଓ ରିଲିଜ୍ କରି ସେ ଏଥିପାଇଁ ଅନୁତପ୍ତ ନୁହନ୍ତି ବୋଲି କହିଥିଲେ। ଏହି ଭିଡିଓ ପରେ ପୋଲିସର ସାଇବର ସେଲ୍ ଟିମ୍ ଏହି ଭିଡିଓର ଅନୁସନ୍ଧାନ କରିଥିଲା।

କାଲିଚରନର ଏହି ଭୁଲ ତାଙ୍କ ବ୍ୟକ୍ତିଗତ ଠିକଣାର ରହସ୍ୟ ଉନ୍ମୋଚନ କରିଥିଲା। ବାସ୍ତବରେ ସେ ଛତରପୁର ପଲ୍ଲଭି ଗେଷ୍ଟ ହାଉସରୁ ଏହି ଭିଡିଓ ରିଲିଜ କରିଥିଲେ। ଫୋନର ଶେଷ ଅବସ୍ଥାନ ମଧ୍ୟ ଖଜୁରାହୋରେ ପୋଲିସ ପାଇଥିଲା। ତେଣୁ ଗିରଫ ପାଇଁ ତିନିଟି ଭିନ୍ନ ଭିନ୍ନ ଟିମ୍ ପଠାଯାଇଥିଲା। ପୋଲିସ ସୂତ୍ରରୁ ପ୍ରକାଶ ଯେ ,ସେ ରାୟପୁରରୁ ଫେରାର ହେବା ପରେ କାଲିଚରନଙ୍କ ଫୋନ ବନ୍ଦ ହୋଇଯାଇଥିଲା। କିନ୍ତୁ ପୁଣିଥରେ ମଧ୍ୟପ୍ରଦେଶର ଖଜୁରାହୋରେ କାଲିଚରନଙ୍କ ଫୋନ୍ ଅନ୍ ହୋଇଥିଲା। ଏହା ପରେ ପୁଣି ଫୋନ୍ ବନ୍ଦ ହୋଇଯାଇଥିଲା। ପଲ୍ଲଭି ଗେଷ୍ଟ ହାଉସ ଠାରୁ ୨୫ କିଲୋମିଟର ଦୂରରେ ଥିବା ଏକ ଘରୋଇ କୋଠରୀରେ ରହୁଥିଲେ। ଅର୍ଥାତ୍ ଗିରଫ ହେବାର ଭୟରେ କାଲିଚରନ୍ ମଧ୍ୟପ୍ରଦେଶରୁ ଫେରାର ହୋଇପାରିନଥିଲେ। ସେଠାରୁ ରାୟପୁର ପୋଲିସ କାଲିଚରନଙ୍କୁ ଗିରଫ କରିଥିଲା।

ନୂଆଦିଲ୍ଲୀ: ତୃଣମୂଳ କଂଗ୍ରେସ ନେତ୍ରୀ ଶାୟନୀ ଘୋଷଙ୍କୁ ତ୍ରିପୁରା ପୋଲିସ ଗିରଫ କରିଛି। ହତ୍ୟା ଅଭିଯୋଗରେ ଶାୟନୀଙ୍କୁ ଅଗରତାଲାରେ ଗିରଫ କରାଯାଇଛି। ଶାୟନି ଟିଏମସିର ଯୁବା ମୋର୍ଚ୍ଚାର ରାଜ୍ୟ ସଭାପତି। ପଶ୍ଚିମ ତ୍ରିପୁରାର ଅତିରିକ୍ତ ଏସପି ବିଜେ ରେଡ୍ଡୀ କହିଛନ୍ତି ଯେ, ପ୍ରାଥମିକ ପ୍ରମାଣ ଆଧାରରେ ତାଙ୍କୁ ଗିରଫ କରାଯାଇଛି। ତାଙ୍କ ବିରୋଧରେ ଆଇପିସିର ଧାରା ୩୦୭, ୧୫୩ ଅନୁଯାୟୀ ଏକ ମାମଲା ପଞ୍ଜିକରଣ କରାଯାଇଛି।

ଏହାସହ ଶନିବାର ରାତିରେ ତ୍ରିପୁରା ମୁଖ୍ୟମନ୍ତ୍ରୀ ବିପ୍ଲବ କୁମାର ଦେବଙ୍କ ଏକ ବୈଠକରେ ଶାୟନୀ ଘୋଷ ବାଧା ସୃଷ୍ଟି କରିଥିବା ଅଭିଯୋଗ ହୋଇଛି। ସଭାସ୍ଥଳରେ ଶାୟନୀ ଘୋଷ ପହଞ୍ଚି ‘ଖେଲା ହୋବେ’ର ସ୍ଲୋଗାନ ଦେଇଥିଲେ। ତୃଣମୂଳ କଂଗ୍ରେସର ସାଧାରଣ ସମ୍ପାଦକ ଅଭିଷେକ ବାନାର୍ଜୀଙ୍କ ଗସ୍ତର ୨୪ ଘଣ୍ଟା ପୂର୍ବରୁ ଘୋଷଙ୍କୁ ଗିରଫ କରାଯାଇଛି।

ତ୍ରିପୁରାରେ ଟିଏମସି ନେତାଙ୍କ ଉପରକୁ ଆକ୍ରମଣ ହୋଇଥିଲା। ଯେତେବେଳେ ଦଳର ନେତା କୁନାଲ ଘୋଷ ସାମ୍ବାଦିକଙ୍କ ସହ କଥା ହେବାକୁ ଆସିଥିଲେ, ସେତେବେଳେ ତାଙ୍କୁ ଆକ୍ରମଣ କରାଯାଇଥିଲା। ଏହି ସମୟରେ କିଛି ସାମ୍ବାଦିକଙ୍କୁ ମଧ୍ୟ ଆକ୍ରମଣ କରାଯାଇଥିଲା। ଏହି ଆକ୍ରମଣ ପରେ ଗିରଫ ହୋଇଥିବା ଟିଏମସି ନେତା ଶାୟାନୀ ଘୋଷଙ୍କୁ ପୋଲିସ ଷ୍ଟେସନରେ ସୁରକ୍ଷିତ ସ୍ଥାନକୁ ନିଆଯାଇଛି।

ସେପଟେ ୧୫ରୁ ଅଧିକ ଟିଏମସି ସାଂସଦଙ୍କ ଏକ ପ୍ରତିନିଧୀ ଦଳ ଆଜି ରାତିରେ ଦିଲ୍ଲୀରେ ପହଞ୍ଚିବେ। ତ୍ରିପୁରାରେ ପୋଲିସର ଅତ୍ୟାଚାରକୁ ନେଇ ସେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସହ ଏକ ସମୟ ମାଗିଛନ୍ତି। ଟିଏମସି ସୂତ୍ର ଅନୁଯାୟୀ ଆସନ୍ତାକାଲି ଠାରୁ ସାଂସଦମାନେ ଦିଲ୍ଲୀରେ ଧାରଣାରେ ବସିବେ।