Categories
ଆଞ୍ଚଳିକ

ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ଇକୋଶ୍ ଚକ୍ଷୁ ଚିକିତ୍ସା ଅନୁଷ୍ଠାନ ଓ ମହୁଡା ଫାର୍ମାସିଷ୍ଟ ମହାବିଦ୍ୟାଳୟ ଆନୁକୁଲ୍ୟରେ ପଞ୍ଚାୟତ କାର୍ଯ୍ୟାଳୟ ସାମନାରେ ଏକ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଛି। ଉକ୍ତ କାର୍ଯ୍ୟକ୍ରମରେ ନିକଟସ୍ଥ ୫ ଖଣ୍ଡ ଗ୍ରାମରୁ ସହସ୍ରାଧିକ ଦୃଷ୍ଟି ବାଧିତ ବ୍ୟକ୍ତି ବିଶେଷ ଯୋଗଦେଇଥିଲେ। ଯୋଗ ଦେଇ ଥିବା ସମସ୍ତଙ୍କର ଚକ୍ଷୁ ପରୀକ୍ଷା କରାଯାଇ କିଛି ଲୋକଙ୍କ ପରଳ ଓ ମୋତିଆବିନ୍ଦୁ ଚିକିତ୍ସା ଆଗାମୀ କିଛି ଦିନ ମଧ୍ୟରେ କରିବା ପାଇଁ ନିଷ୍ପତ୍ତି ହେଇଥିଲା ଶିବିର ରେ ଯୋଗ ଦେଇ ଥିବା ସମସ୍ତ ଙ୍କୁ ମାଗଣା ଚିକିତ୍ସା ସହ ଖାଇବା ଓ ରହିବାର ବ୍ୟବସ୍ଥା ସହିତ ନିଜ ଘରେ ପହଞ୍ଚାଇବା ର ବ୍ୟବସ୍ଥା କରାଯାଇଛି।

ଉକ୍ତ ସେବା କାର୍ଯକ୍ରମରେ ଇକୋଶ୍ ଚକ୍ଷୁ ଚିକିତ୍ସା ଅନୁଷ୍ଠାନ ର ଚକ୍ଷୁ ବିଶେଷଜ୍ଞ ଡଃ ଅଶୋକ କୁମାର ସାହୁ ଓ ଦୁଇ ଜଣ ସହଯୋଗୀଙ୍କ ସହ ଦୁଇଟି ଅତ୍ୟାଧୁନିକ ଯନ୍ତ୍ର ଖଞିତ ଏକ ଶୀତତାପ ନିୟନ୍ତ୍ରିତ ଯାନ ସହିତ ଉକ୍ତ କାର୍ଯ୍ୟକ୍ରମରେ ଯୋଗ ଦେଇ ଦ୍ରୁଷ୍ଟି ବାଧିତ ବ୍ୟକ୍ତି ବିଶେଷଙ୍କୁ ମାଗଣା ଚିକିତ୍ସା ଓ ପରାମର୍ଶ ପ୍ରଦାନ କରିଥିଲେ।

Categories
ଆଞ୍ଚଳିକ

ନୂଆଗଡ଼ରେ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ

ବେଗୁନିଆପଡା (ଟୁକୁନା ପ୍ରଧାନ): ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ଅଙ୍ଗାରଗାଁ ପଞ୍ଚାୟତର ନୂଆଁଗଡ଼ ସ୍ଥିତ ଶ୍ରୀ ହନୁମାନ ମନ୍ଦିର ପରିସରରେ ଆଇ କେୟାର ହସ୍ପିଟାଲ ବ୍ରହ୍ମପୁର, ଜୀବନ ଦ୍ୟୁତି ଏଜୁକେସନାଲ ଆଣ୍ଡ ଚାରିଟେବୁଲ ଟ୍ରଷ୍ଟ ର ମିଳିତ ସହଯୋଗରେ ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି।

ଏଥିରେ ଆଇ କେୟାର ହସ୍ପିଟାଲ ବ୍ରହ୍ମପୁରର ଡଃ ହରିଶ୍ ସାହୁ, ଅଜିତ କୁମାର ବାଡ଼ତ୍ୟା ପ୍ରମୂଖ ଉପସ୍ଥିତ ରହି ଚକ୍ଷୁ ପରୀକ୍ଷା କରିବା ସହ ଅସ୍ତ୍ରୋପଚାର କରିବା ପାଇଁ ବ୍ରହ୍ମପୁର କୁ ନେଇଥିଲେ। ଜୀବନ ଦ୍ୟୁତି ଏଜୁକେସନାଲ ଆଣ୍ଡ ଚାରିଟେବୁଲ ଟ୍ରଷ୍ଟ ର ସମ୍ପାଦକ ଟୁକୁନା ପ୍ରଧାନ ଙ୍କ ସଂଯୋଜନାରେ ଅନୁଷ୍ଠିତ ଏହି ଶିବିରରେ ଆରତ ବେହେରା, କୃଷ୍ଣଚନ୍ଦ୍ର ଭୂୟାଁ ସମେତ ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ।

Categories
ଆଞ୍ଚଳିକ ସ୍ବାସ୍ଥ୍ୟ

ଉପାନ୍ତ ଅଂଚଳରେ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ ଅଣ୍ଟା ଭିଡିଲା ଟାଙ୍ଗୀ ବ୍ଲକ ସାମ୍ବାଦିକ

ସୀତାରାମ ଅଗ୍ରୱାଲ

ଟାଙ୍ଗୀ: ପାହାଡ ଜଙ୍ଗଲ ଘେରା ଗ୍ରାମାଂଚଳର ଜନ ସାଧାରଣଙ୍କୁ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ ଟାଙ୍ଗୀ ବ୍ଲକ ସାମ୍ବାଦିକ ସଂଘ ଅଣ୍ଟା ଭିଡିଛି। ସାମ୍ବାଦିକ ସଂଘ ପକ୍ଷରୁ ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକର ଉପାନ୍ତ ଅଂଚଳ ନର ମାନବୀ ଉଚ୍ଚ ବିଦ୍ୟାଳୟ ପରିସରରେ ଚକ୍ଷୁ ଚିକିତ୍ସା ଶିବିର ଆୟୋଜନ କରାଯାଇଛି। ଭୁବନେଶ୍ୱରର ନେତ୍ରମ ଓ ଟାଙ୍ଗୀ ବ୍ଲକ ସାମ୍ବାଦିକ ସଂଘର ମିଳିତ ସହଭାଗିତାରେ ଏହି ଶିବିର ଆୟୋଜନ କରାଯାଇଛି।

ଉକ୍ତ ଶିବିରରେ ଅଭିଜ୍ଞ ଡାକ୍ତର ରାଜ କୁମାର କର ତାଙ୍କ ସହଯୋଗୀ ମାନଙ୍କ ସହ ଯୋଗଦେଇ ଆଧୁନିକ ଯନ୍ତ୍ରପାତି ସାହାଯ୍ୟରେ ରୋଗୀ ମାନଙ୍କର ଚକ୍ଷୁ ଚିକିତ୍ସା କରାଇଛନ୍ତି।
ଛୋଟ ଛୋଟ ପିଲା ମାନଙ୍କର ଚକ୍ଷୁ ସହ ବୟସ୍କ ଲୋକମାନଙ୍କର ଚକ୍ଷୁ ପରୀକ୍ଷା ଏହି ଶିବିରରେ କରାଯାଇଛି।

ଚକ୍ଷୁ ପରୀକ୍ଷା କରାଯାଇ ଚଷମା ଆବଶ୍ୟକ କରୁଥିବା ରୋଗୀ ମାନଙ୍କୁ ଚଷମା ପ୍ରଦାନ କରାଯାଇଛି। ଏହା ସହ ଚକ୍ଷୁରେ ଅସ୍ତ୍ରୋପ୍ରଚାର କରିବା ପାଇଁ ରୋଗୀ ମାନଙ୍କୁ ସଂପୂର୍ଣ୍ଣ ବ୍ୟବସ୍ଥା କରାଯାଇଛି।

ଏହି ଚିକିତ୍ସା ଶିବିରରେ ବାଲୁଗାଁ, ବାଣପୁର, ନାଚୁଣୀ, ଟାଙ୍ଗୀ, କୁହୁଡି, ମଙ୍ଗଳାଯୋଡି ଆଦି ଅଂଚଳରୁ ଲୋକେ ପହଞ୍ଚି ମାଗଣା ଚକ୍ଷୁ ପରୀକ୍ଷା କରାଇଛନ୍ତି। ତେବେ ଏହି ଚକ୍ଷୁ ଚିକିତ୍ସା ଶିବିରରେ ଜିଲ୍ଲା ପରିଷଦ ସଭ୍ୟ ରିସ୍ନା ମାନଧାତା, ରାଜ୍ୟ ଖାଉଟି ସୁରକ୍ଷା ସଂଗଠନ ସଭାପତି ସୋମନାଥ ପଟ୍ଟନାୟକ, ନେତ୍ରମ ସଂଯୋଯକ ଉପେନ୍ଦ୍ର ଖୁଣ୍ଟିଆ, ସାମ୍ବାଦିକ ସଂଘ ସଭାପତି ପଦ୍ମନାଭ ବିଶ୍ୱାଳ ପ୍ରମୁଖ ଅତିଥୀ ଭାବେ ଯୋଗ ଦେଇ ସଂଘର ଏଭଳି କାର୍ଯ୍ୟକୁ ଭୁରୁଭୁରି ପ୍ରଶଂସା କରିଛନ୍ତି।

ଏହି କାର୍ଯ୍ୟକ୍ରମରେ ସାମ୍ବାଦିକ ସଂଘ ଉପଦେଷ୍ଟା ପ୍ରଦୋଷ କୁମାର ଦାସ, ଉପ ସଭାପତି ମନୋଜ ନାଇଡୁ, ସଂପାଦକ ମନୋଜ କୁମାର ପଟ୍ଟନାୟକ, ପ୍ରବକ୍ତା ସରୋଜ କୁମାର ପାଇକରାୟ, ଵରିଷ୍ଠ ସାମ୍ଵାଦିକ ବିକ୍ରମ କେଶରୀ ସାହୁ, ବିଭୁତି ଭୁଷଣ ଦାସ, ରାକେଶ ମହାନ୍ତି, କମଳ ଲୋଚନ ପାଇକରାୟ, ସୁଧୀର କୁମାର ବେହେରା, ରଜନୀ କାନ୍ତ ମିଶ୍ର, ରାମ ଚନ୍ଦ୍ର ପରିଡା, ପ୍ରଶାନ୍ତ କୁମାର ବେହେରା, ରାକେଶ କୁମାର ଜଗଦ୍ଦେବ, ଅନନ୍ତ ପ୍ରଧାନ, ଶଙ୍କର ବେହେରା, ସ୍ଥାନୀୟ ଶିକ୍ଷକ ଗୋପାଳ ସେନ ପ୍ରମୁଖ ସହଯୋଗ କରିଥିଲେ।

Categories
ଆଞ୍ଚଳିକ

ନାଉଗାଁ ଏକତା ସ୍ପୋର୍ଟିଂ କ୍ଲବ୍ ପକ୍ଷରୁ ମାଗଣା ଚକ୍ଷୁ ଚିକିତ୍ସା ଶିବିର

ରମେଶ ମହାନ୍ତି
ଜଗତସିଂହପୁର: ଏକତା ସ୍ପୋର୍ଟିଂ କ୍ଳବ କାର୍ଯ୍ୟାଳୟ, ଚାରିଛକ ତିରୁଣା ଠାରେ ଏକ ମାଗଣା ମୋତିଆ ବିନ୍ଦୁ ଚିହ୍ନଟ ଶିବିର ଅନୁଷ୍ଠିତ ହେଇଯାଇଛି। ତିରୁଣା ପଞ୍ଚାୟତର ନାଏବ ସରପଞ୍ଚ ଦିଜବର ପରିଡା ଏବଂ ବିଜୁ ଜନତା ଦଳ ନାଉଗାଁର ଯୁବ ସଭାପତି ପ୍ରତ୍ୟୁଷ ପରିଡାଙ୍କ ଦ୍ୱାରା ଏହି ଶିବିରର ଉଦଘାଟନ ହୋଇଥିଲା।

ଏହି ଶିବିରରେ ୩୫ ଜଣ ରୋଗୀ ପହଞ୍ଚି ଚକ୍ଷୁ ବିଶେଷଜ୍ଞ ଡ଼. ବି.କେ ମହାନ୍ତି ଏବଂ ତାଙ୍କ ସହଯୋଗୀ ମାନଙ୍କ ଉପସ୍ଥିତିରେ ନିଜ ନିଜର ଚକ୍ଷୁର ଚିକତ୍ସା ନିମନ୍ତେ ଉପଚାର ଜଣାଇଥିଲେ। ସେଥି ମଧ୍ୟରୁ ୬ ଜଣଙ୍କୁ ଭୂମିକା ଚକ୍ଷୁ ଚିକତ୍ସାଳୟ, ଜାରକା ଠାରେ ସେମାନଙ୍କ ଚକ୍ଷୁର ଅସ୍ତ୍ରୋପଚାର ପାଇଁ ନିଆଯାଇଥିଲା।

ଏହି ଶିବିରକୁ କ୍ଳବର ବରିଷ୍ଠ ଉପଦେଷ୍ଟା ଆଦିତ୍ୟ ପରିଡା ଏବଂ ଭରତ ସାହାଣୀ ଆୟୋଜନ କରିବା ସହିତ କ୍ଳବର ସଭାପତି ଜ୍ଞାନରଞ୍ଜନ ପରିଡା ଏବଂ ବିଶ୍ୱରଂଜନ ପରିଡା, ନାରାୟଣ ପରିଡା, ଲଲାଟ କୁମାର ପରିଡା, କ୍ଷେତ୍ରମୋହନ ସ୍ୱାଇଁଙ୍କ ସମେତ କ୍ଳବ ର ସମସ୍ତ ସଦସ୍ୟ ଉପସ୍ଥିତ ରହି କରୋନାର ସମସ୍ତ ନିୟମାବଳୀ ଅନୁଯାୟୀ ଶିବିରକୁ ସୁରୁଖୁରୁରେ ପରିଚାଳନା କରିଥିଲେ।