Categories
ଆଜିର ଖବର ରାଜ୍ୟ ଖବର

ସରପାଲ ଗ୍ରାମରେ ଅଘଟଣ, ପୋଖରୀରେ ବୁଡି ବାଳିକା ମୃତ

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଚାରମାଳ ଥାନା ଅନ୍ତର୍ଗତ ସରପାଲ ଗ୍ରାମରେ ରବିବାର ସକାଳୁ ଗ୍ରାମର ପୋଖରୀ ରେ ବୁଡି ଜଣେ ବାଳିକାର ମୃତ୍ୟୁ ହୋଇଛି , ମୃତ ବାଳିକା ଜଣକ ହେଲେ ଅନୁଗୁଳ ଜିଲ୍ଲା କୋଶଲା ଅଞ୍ଚଳର ଝିଣ୍ଟିପାଲ ଗ୍ରାମର ସିନୁ ପ୍ରଧାନ ବୟସ ୫ ବର୍ଷ ବୋଲି ଜଣାପଡ଼ିଛି।

ସୂଚନାଯୋଗ୍ୟ ଯେ ବାଳିକା ଜଣକ ନିଜ ମାଉସୀ ଘର ସରପାଲ ଗ୍ରାମ କୁ ଗତକାଲି ବୁଲିବାକୁ ଆସିଥିଲେ , ହେଲେ ଆଜି ସକାଳ ୧୦ ଘଟିକା ସମୟରେ ମାଉସୀ ଓ ଘରର ଅନ୍ୟ ଛୁଆମାନଙ୍କ ସାଙ୍ଗରେ ଗ୍ରାମରେ ଥିବା ପୋଖରୀକୁ ଗାଧୋଇବା ପାଇଁ ଯାଉଥିଲେ। ହେଲେ ଗାଧୋଉଥିବା ସମୟରେ ସିନୁ ପାଣି ଭିତରକୁ ଚାଲିଯାଇ ବୁଡିଯାଇଥିଲେ। ପାଖରେ ଗାଧୋଉଥିବା ମାଉସୀ ସିନୁ କୁ ଉଦ୍ଧାର କରି ରେଢ଼ାଖୋଲ ଡ଼ାକ୍ତରଖାନାକୁ ଆଣି ଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ସଂକ୍ରାନ୍ତରେ ଚାରମାଳ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ପ୍ରଧାନପାଲି ଛକରୁ ୧୦ କେଜି ଗଞ୍ଜେଇ ଜବତ: ୨ ବାଇକ୍ ସହ ୪ ଜଣ ଗିରଫ

କନ୍ଦର୍ପ ବେହେରା
ରେଢାଖୋଲ: ଆଜି ଚାରମାଳ ପୋଲିସ ଯାନବାହାନ ଯାଂଚ କରୁଥିବା ବେଳେ ପ୍ରଧାନପାଲି ଛକରୁ ଦୁଇଟି ମୋଟର ସାଇକେଲରୁ ୧୦ କେଜି ଗଞ୍ଜେଇ ଜବତ କରିବା ସହ ୪ ଜଣଙ୍କୁ ଗିରଫ କରିବାରେ ସଫଳ ହୋଇଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ଅପରାହ୍ନ ୩ ଟା ୧୫ ମିନିଟ୍ ସମୟରେ ଚାରମାଳ ଥାନା ପ୍ରଧାନ ପାଲି ଛକରେ ଚାରମାଳ ପୋଲିସ୍ ଗାଡି ଯାଂଚ କରୁଥିବା ସମୟରେ ବୌଦ୍ଧରୁ ୨ ଟି ମୋଟର ସାଇକେଲ ସମ୍ବଲପୁର ପଟକୁ ଯାଉଥିବା ବେଳେ ପୋଲିସ୍ ଗଞ୍ଜେଇ ଥିବାର ଜାଣିବାକୁ ପାଇ ବାଇକ ଦୁଇଟିକୁ ଅଟକାଇଥିଲା। ଯାଂଚ ବେଳେ ଦୁଇଟି ବ୍ୟାଗରୁ ୧୦ କେଜି ଗଞ୍ଜେଇ ଜବତ କରିଥିଲା ଚାରମାଳ ପୋଲିସ୍। ଦୁଇଟି ମୋଟରସାଇକେଲ ମଧ୍ୟରୁ ହୋଣ୍ଡାସାଇନ୍ ର ଗାଡି ନଂ ଓଡି-୧୯କେ-୬୬୦୧ ଏବଂ ବାଜାଜ୍ ସିଟି୧୦୦ ବାଇକର ଗାଡି ନଂ ନ ଥିବା ଚାରମାଳ ପୋଲିସ୍ ପ୍ରକାଶ କରିଛି। ସେମାନଙ୍କ ପାଖରୁ ଚାରୋଟି ମୋବାଇଲ୍ ଫୋନ୍ ମଧ୍ୟ ଜବତ କରିଛି।

ଗିରଫ ବେପାରୀ ମାନେ ହେଲେ ଛତିଶ୍‌ଗଡ ରାଜ୍ୟ ତୁମଳା ଥାନା ଗଞିଆଡି ଗ୍ରାମର ଡିଲେଶ୍ୱର ରାମ ଯାଦବ, ତୁମଲା ଥାନା କୁଟେସେରା ଗ୍ରାମର କେଦାର ନାଥ ଯାଦବ, ବୌଦ୍ଧ ଜିଲ୍ଲା ଦେବନ୍ଧ ଗ୍ରାମର ପ୍ରଶନ୍ନ ନାଏକ ଏବଂ ବୌଦ୍ଧ ଜିଲ୍ଲା ମଥୁରା ଗ୍ରାମର ତପନ କୁମାର ବାଘକୁ ଚାରମାଳ ଥାନା କେସ୍ ନଂ ୧୭ ତା ୧୧/୨/୨୦୨୧ ୟୁ/ଏସ୍‌-୨୦(ବି)(ଆଇଆଇ)(ବି)୨୯ ଏନ୍‌ଡିପିଏସ୍ ଧାରା ୧୯୮୫ ରେ ଗିରଫ କରିଛି। ଆସନ୍ତା କାଲି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ଚାରମାଳ ଥାନାଧିକାରୀ ବସନ୍ତ ଦଳେଇ ପ୍ରକାଶ କରିଛନ୍ତି।