The Samikhsya Odia
ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଆଜି ସକାଳେ ପୋଲସରା ଥାନା ଅର୍ନ୍ତଗତ ହୀରାପଲୀ ଗ୍ରାମ ରାସ୍ତାକଡ଼ରେ ଥିବା ଏକ ବିଦ୍ୟୁତ୍ ଟ୍ରାନ୍ସଫରମର୍କୁ ଧକ୍କା ଦେଇ ପରିବା ବୋଝେଇ ପିକ୍ଅପ୍ ଭ୍ୟାନ ଦୁର୍ଘଟଣାଗ୍ରସ୍ତ ହୋଇଛି। ଯେଉଁଥିରେ ଚାଳକ ଗୁରୁତର ଆହତ ହୋଇଥିବା ବେଳେ ପରିବା ବ୍ୟବସାୟୀଙ୍କ ମୃତ୍ୟୁ ହୋଇଛି। ମୃତକ ବ୍ୟବସାୟୀଜଣଙ୍କ ନୟାଗଡ଼ ଜିଲ୍ଲା ପୋଖରା ଗ୍ରାମର ଦୀନବନ୍ଧୁ ସାହୁ ବୋଲି ଜଣାପଡିଛି।
ଉପସ୍ଥିତି ଲୋକ ଉଭୟଙ୍କୁ ଉଦ୍ଧାର କରି ଡାକ୍ତରଖାନାକୁ ନେଇଥିଲେ। ଡ଼ାକ୍ତର ଦୀନବନ୍ଧୁ ସାହୁଙ୍କୁ ମୃତ୍ୟୁ ଘୋଷଣା କରିଛନ୍ତି। ଗୁରୁତର ଆହତ ଚାଳକ ଚିକିତ୍ସିତ ହେଉଛନ୍ତି।
କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଓଡ଼ିଶା ସିମାନ୍ତ ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲାର ଇଚ୍ଛାପୁର ସହର ବାହାରେ ଥିବା ପୁରୁଣା ବାହୁଦା ନଦୀ ପୋଲଟି ଭୁଷୁଡି ପଡିଛି। ଯାହା ଫଳରେ ୭୦ ଟନ୍ ବିଶିଷ୍ଟ ଉକ୍ତ ଭାରି ଯାନ ର ଚାଳକ ଗୁରୁତର ଆହତ ହୋଇଛନ୍ତି।
ପ୍ରକାଶ ଥାଉକି ଉକ୍ତ ବାହୁଦା ନଦୀ ଓଡ଼ିଶାର ଗଞ୍ଜାମ ଜିଲ୍ଲାର ମହେନ୍ଦ୍ର ଗିରି ପର୍ବତ ରୁ ଉତ୍ପନ୍ନ ହୋଇ ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲା ଦେଇ ସମୁଦ୍ର ରେ ମିଶିଛି। ଦୁର୍ଘଟଣା ଘଟିଥିବା ବାହୁଦା ନଦୀ ପୋଲଟି ଅତି ପୁରୁଣା। ଏହି ପୋଲ ଉପରେ ଭାରିଯାନ ନିଷେଧ ନିହାତି ଆବଶ୍ୟକ। ନଚେତ ଆଜି ମାଲବାହୀ ଟ୍ରକ ପରିବର୍ତ୍ତେ ଯାତ୍ରୀବାହୀ ବସ୍ ହୋଇ ଥିଲେ ବହୁ ଜନ ଜୀବନ ବିପନ୍ନ ହୋଇଥାନ୍ତା।