The Samikhsya Odia
ଭୁବନେଶ୍ଵର: ରାଜ୍ୟରେ ନୂତନ ସରକାର ଆସିବା ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶକ୍ରମେ ଚିଟଫଣ୍ଡ କ୍ଷତିଗ୍ରସ୍ତ କ୍ଷୁଦ୍ର ଜମାକାରୀଙ୍କ ଅର୍ଥ ଫେରସ୍ତ ପ୍ରକ୍ରିୟା ଆରମ୍ଭ ହୋଇଛି। ଗତ ବର୍ଷକ ମଧ୍ୟରେ ୧ ଲକ୍ଷ ୨୬ ହଜାର ୧୩୭ ଜଣ ଜମାକାରୀଙ୍କୁ ୪୭ କୋଟି ୭ ଲକ୍ଷ ଟଙ୍କା ଫେରସ୍ତ କରାଯାଇପାରିଛି। ଆସନ୍ତା ୩-୪ ମାସ ମଧ୍ୟରେ ଆଉ ୫ ଲକ୍ଷ ଜମାକାରୀଙ୍କୁ କ୍ଷତିପୂରଣ ରାଶି ପ୍ରଦାନ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା ଜଣାଯାଇଛି। ଟଙ୍କା ଫେରସ୍ତ ପ୍ରକ୍ରିୟାକୁ ସରଳୀକୃତ ଏବଂ ଜିଲ୍ଲାସ୍ତରକୁ ବିକେନ୍ଦ୍ରୀକରଣ କରାଯାଇପାରିଛି।
ଭୁବନେଶ୍ବର: ଚିଟଫଣ୍ଡ ମାମଲାରେ ପୂର୍ବତନ ବିଧାୟକ ପ୍ରଭାତ ବିଶ୍ବାଳ ଏବଂ ତାଙ୍କ ପତ୍ନୀଙ୍କ ନାମରେ ସିବିଆଇ ଚାର୍ଯ୍ୟସିଟ ଦାଖଲ କରିଛି। ଫଳରେ ପୁଣିଥରେ ପ୍ରଭାତଙ୍କ ଅଡୁଆ ବଢିବାରେ ଲାଗିଛି। ତେବେ ଏହାକୁ ନେଇ ମୁହଁ ଖୋଲିଛନ୍ତି ପ୍ରଭାତ। ସେ କହିଛନ୍ତି ଯେ ଏହି ଚାର୍ଯ୍ୟସିଟରେ କୌଣସି ସତ୍ୟତା ନାହିଁ।
କୋର୍ଟ ସିବିଆଇକୁ ଦୁଇ ମାସ ମଧ୍ୟରେ ଚାର୍ଯ୍ୟସିଟ ଦାଖଲ କରିବା ପାଇଁ କହିଥିଲା। ହେଲେ ସେମାନେ ଦୁଇ ମାସ ପରେ ଏହା ଦାଖଲ କରୁଛନ୍ତି। ତେବେ ଏହାଦ୍ବାରା ମୋର ରାଜନୈତିକ ଜୀବନରେ କୌଣସି ପ୍ରଭାବ ପକାଇବ ନାହିଁ ବୋଲି ପ୍ରଭାତ କହିଛନ୍ତି। କୋର୍ଟରେ ନିର୍ଦ୍ଦୋଷ ସାବ୍ୟସ୍ତ ହେବା ପରେ ମୁଁ ସକ୍ରିୟ ରାଜନୀତିକୁ ଆସିବି ବୋଲି ପ୍ରଭାତ କହିଛନ୍ତି।