ସୀତାରାମ ଅଗ୍ରୱାଲ
ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ଚିଲିକା ଢ଼ାବା ନିକଟସ୍ଥ ନୂଆଗଡ଼ ଓଭରବ୍ରିଜ ଠାରେ ଆଜି ସକାଳେ ଏକ ସଡ଼କ ଦୁର୍ଘଟଣାରେ ଜଣେ ଅଜଣା ବ୍ୟକ୍ତି ପ୍ରାଣ ହରାଇଛନ୍ତି। ଉକ୍ତ ଅଞ୍ଚଳରେ ରାସ୍ତା କାମ ଜାରି ରହିଥିବା ବେଳେ ବ୍ୟକ୍ତି ଜଣକ ଭାରସାମ୍ୟ ହରାଇ ମଟରସାଇକେଲକୁ ବ୍ରିଜରେ ଧକ୍କା କରିଥିବାର ଅନୁମାନ କରାଯାଉଛି। ପଥର ଉପରେ ବ୍ୟକ୍ତିଙ୍କ ମଟରସାଇକେଲ ପଡ଼ିଥିବା ବେଳେ ତାଙ୍କ ମର ଶରୀର ମଧ୍ୟ ଉକ୍ତ ପଥର ତଳେ ଫସି ରହିଥିବାର ଦେଖାଯାଇଥିଲା।
ଖବର ପାଇ ୧୦୮ ଆମ୍ବୁଲାନ୍ସ ମୃତ ବ୍ୟକ୍ତିଙ୍କୁ ଉଦ୍ଧାର କରି ଖଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନେଇଥିବା ବେଳେ ବର୍ତ୍ତମାନ ଘଟଣାସ୍ଥଳରେ ନାଭାଲ ଫାଣ୍ଡି ପୋଲିସ ପହଞ୍ଚି ବାଇକକୁ ଜବତ କରି ତଦନ୍ତ ଆରମ୍ଭ କରିଦେଇଛି। ତେବେ ଗାଡିଟିର ନମ୍ବର ଅନୁଯାୟୀ ମୃତକଜଣଙ୍କ ଫୁଲବାଣୀ ଜିଲ୍ଲାର ହୋଇଥିବେ ବୋଲି ଅନୁମାନ କରାଯାଉଛି।
