Tag: ଜନ୍ମ ଦିବସ ପାଳିତ

କୁଜଙ୍ଗ: ପୂର୍ବତନ ମନ୍ତ୍ରୀ ତଥା ପାରାଦୀପ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଡାକ୍ତର ଦାମୋଦର ରାଉତଙ୍କ ୮୨ ତମ ଜନ୍ମ ଦିନ ଆଜି କୁଜଙ୍ଗ ଠାରେ ନୀରାଡମ୍ବର ଭାବେ ପାଳିତ ହୋଇ ଯାଇଛି। ଡାକ୍ତର ଦାମୋଦର ରାଉତ ଜୟନ୍ତୀ କମିଟିର ସଭାପତି ତଥା ସାମ୍ବାଦିକ ବିଚିତ୍ରାନନ୍ଦ ପ୍ରଧାନଙ୍କ ନେତୃତ୍ୱରେ ଶତାଧିକ ଦାମୋଦର ପ୍ରେମୀ ଆଜି ସକାଳ ୮ଟା ସମୟରେ ଏକ ଶୋଭାଯାତ୍ରାରେ ଆଜି ସ୍ଥାନୀୟ ଜଗନ୍ନାଥ ମନ୍ଦିରରେ ୮୨ଟି ଦ୍ୱୀପଦାନ କରାଯାଇଥିଲା।

ଏହି କାର୍ଯ୍ୟକ୍ରମରେ କୁଜଙ୍ଗ ପଂଚାୟତ ସମିତି ଅଧ୍ୟକ୍ଷା ନୀନାରାଣୀ ସାହୁ, କୁଜଙ୍ଗ ସରପଂଚ ବନ୍ଦିତା ଦାସ, ବରିଷ୍ଠ ଡାକ୍ତର ରାଉତଙ୍କ ରାଜନୈତିକ ସହଯୋଗୀ ସୁରେନ୍ଦ୍ରନାଥ ସ୍ୱାଇଁ, ବିଜୟ କୁମାର ଖଟେଇ, କୈଳାଶ ଷଡଙ୍ଗୀ, ଯୁବନେତା ଅରୁପସାଦ ମହାନ୍ତି, ପୂର୍ବତନ ସରପଂଚ କୈଳାଶ ଚନ୍ଦ୍ର ବେହେରା, ଯୋଗେନ୍ଦ୍ରନାଥ ଦାଶ, ନନ୍ଦିନୀ ପଣ୍ଡା, ଅବନ୍ତୀ ମାଝୀ, ରଞ୍ଜୁଲତା ବେହେରା, ଶୁଭ୍ରକାନ୍ତ ସାମନ୍ତରାୟ, କାର୍ତ୍ତିକ ଚନ୍ଦ୍ର ଦାସ, ମଙ୍ଗରାଜପୁର ପଂଚାୟତର ଯୁବ ସଙ୍ଗଠନ ଦୁଷ୍ମନ୍ତ ମାଝୀ, ପୂର୍ବତନ ସମିତି ସଭ୍ୟ କବିରଞ୍ଜନ ବେହେରା, ପ୍ରେମାନନ୍ଦ ସ୍ୱାଇଁ, ପ୍ରଭାଷ ଗୋଛାୟତ, ଯୋଗେନ୍ଦ୍ର ନାଥ ସ୍ୱାଇଁ, ଟିକନ ଖଟୁଆ, ପରୀକ୍ଷିତ ରାଉତ, ନୀରଞ୍ଜନ ପ୍ରଧାନ, ବିଶ୍ୱନାଥ ପରିଡା ପ୍ରମୁଖ ଅଂଶ ଗ୍ରହଣ କରିଥିଲେ।

ଭୁବନେଶ୍ୱର: ଲାୟନ୍ସ କ୍ଲବ ଭୁବନେଶ୍ୱର ଓଡ଼ିଶାର ଜନ୍ମ ଦିବସ ସ୍ଥାନୀୟ ହୋଟେଲ ଆର୍ଯ୍ୟପ୍ୟାଲେସଠାରେ ପାଳନ କରାଯାଇଅଛି। ଲାୟନ୍ସ ଜିଲ୍ଲା ଗଭର୍ଣ୍ଣର ଲାୟନ ଇଂ ପୂର୍ଣ୍ଣଚନ୍ଦ୍ର ପାଢୀ, ଲାୟନ୍ସ ଜିଲ୍ଲା ପ୍ରଥମ ମହିଳା ଲାୟନ ରଞ୍ଜନା ପାଢୀ, ପ୍ରଥମ ଜିଲ୍ଲା ଗଭର୍ଣ୍ଣର ଲାୟନ ଇଂ ସୁରେଶ ଚନ୍ଦ୍ର ନାୟକ, ଜିଲ୍ଲା ଅଧ୍ୟକ୍ଷ ଲାୟନ ଅଶୋକ ଅଗ୍ରୱାଲ ଏବଂ ଲାୟନ୍ସ ଜିଲ୍ଲାର ପୂର୍ବତନ ଗଭର୍ଣ୍ଣରମାନେ ଯୋଗଦାନ କରିଥିଲେ।

ଏହି ସଭାରେ କ୍ଲବର ସଭାପତି ଲାୟନ ଇଂ ସିଦ୍ଧାର୍ଥ ମହାନ୍ତି, ସମ୍ପାଦକ ଲାୟନ ଡଃ ବିପିନ ବିହାରୀ ମିଶ୍ର, କୋଷାଧ୍ୟକ୍ଷ ଲାୟନ କାହ୍ନୁ ରଞ୍ଜନ ପୃଷ୍ଟି ଏବଂ ବହୁ ସଦସ୍ୟ ଯୋଗଦାନ କରିଥିଲେ। ଅତିଥିମାନେ କ୍ଲବର ସାମାଜିକ କାର୍ଯ୍ୟକଳାପକୁ ଭୂୟସୀ ପ୍ରଶଂସା କରିଥିଲେ। ଜିଲ୍ଲା ଗଭର୍ଣ୍ଣର କ୍ଲବ ଦ୍ୱାରା ପରିଚାଳିତ ଲାୟନ୍ସ ଚକ୍ଷୁ ଚିକିତ୍ସାଳୟର ଉନ୍ନତି କାମନା କରିବା ସହିତ ଏହା କିପରି ଆଗକୁ ବଢି ପାରିବ ସେଥିନେଇ ଆଲୋଚନା କରିଥିଲେ। ଏହି ଉତ୍ସବରେ ପୂର୍ବତନ ଜିଲ୍ଲା ଗଭର୍ଣ୍ଣର, ପୂର୍ବତନ ସଭାପତି ଏବଂ ଚାର୍ଟର ମେମ୍ବର ଲାୟନ ଏସ୍‌.କେ. ଝୁନଝୁନୱାଲଙ୍କୁ ସମ୍ମାନିତ କରାଯାଇଥିଲା।

ଏହି ଉତ୍ସବକୁ ଲାୟନ କିଶୋର ଚନ୍ଦ୍ର ସାହୁ ଓ ଲାୟନ ଶରତ କୁମାର ପରିଡ଼ା ପରିଚାଳନା କରିଥିଲେ। ଶେଷରେ ଲାୟନ ସୁଧାଂଶୁ କୁମାର ମହାନ୍ତି ଧନ୍ୟବାଦ ଅର୍ପଣ କରିଥିଲେ। ଶେଷରେ କେକ୍ କଟାଯାଇ କ୍ଲବର ଜନ୍ମ ଦିବସକୁ ବହୁ ଆନନ୍ଦ ଉଲ୍ଲାସରେ ପାଳନ କରାଯାଇଥିଲା।