Tag: ଜମିବାଡି ବିବାଦ

କୁଚିଣ୍ଡା : ମହୁଲପାଲି ଥାନା ନପଡା ଗାଁରେ ଟ୍ରିପଲ୍‌ ମର୍ଡର ହୋଇଛି । ଜମିବାଡି ବିବାଦରୁ ଟ୍ରିପଲ୍‌ ମର୍ଡର ହୋଇଥିବାର ସୂଚନା ମିଳିଛି । ଜମିବାଡି ବିବାଦରୁ ଟାଙ୍କିଆରେ ହାଣି ହତ୍ୟା କରିଛି ପଡୋଶୀ ।ଟାଙ୍ଗିଆ ଚୋଟରେ ମାଆ, ଝିଅ ଓ ଜ୍ବାଇଁଙ୍କ ମୃତ୍ୟୁ ହୋଇଛି ।  ବିଲରେ ଜ୍ବାଇଁଙ୍କ ମୃତଦେହ ପଡିଥିବାବେଳେ ମା’ ଓ ଝିଅଙ୍କର ମୃତଦେହ ଘରେ ପଡିଛି ।

କେନ୍ଦ୍ରାପଡା : ସମ୍ପତ୍ତି ପାଇଁ ଏଠି ରକ୍ତର ସମ୍ପର୍କ ତୁଚ୍ଛ । ସମ୍ପତ୍ତି ପାଇଁ ଦୁଇ ପରିବାର ମଧ୍ୟରେ ରକ୍ତାକ୍ତ ସଂଘର୍ଷ ଘଟିଥିବାର ସୂଚନା ରହିଛି । ଏଭଳି ଏକ ଘଟଣା କେନ୍ଦ୍ରାପଡା ପାଟକୁରା ଥାନା ଶାସନିପଡା ଗ୍ରାମରେ ଘଟିଥିବାର ସୂଚନା ରହିଛି । ଜମିବାଡି ବିବାଦକୁ ନେଇ ମରଣାନ୍ତକ ଆକ୍ରମଣ ହୋଇଛି । ଦୁଇ ପରିବାର ମଧ୍ୟରେ ରକ୍ତାକ୍ତ ସଂଘର୍ଷ ଘଟି 6ଜଣ ଗୁରୁତର ହୋଇଛନ୍ତି । ପାଟକୁରା ଥାନା ଶାସନିପଡା ଗ୍ରାମରେ ଏପରି ଏକ ଅଭାବନୀୟ କାଣ୍ଡ ଘଟିଛି । ଏହି ଗ୍ରାମରେ ଦୁଇ ପରିବାର ମଧ୍ୟରେ ଆକ୍ରମଣ ହୋଇଥିବାବେଳେ 6ଜଣ ଗୁରୁତର ହୋଇଛନ୍ତି । ଦୁଇ ଅତି ଗୁରୁତରଙ୍କୁ କଟକ ସ୍ଥାନାନ୍ତର କରାଯାଇଛି ।

ଆଠଗଡ : ଜମି ବିବାଦକୁ କେନ୍ଦ୍ର କରି 2 ପରିବାର ମଧ୍ୟରେ ସଂଘର୍ଷ  ହୋଇଛି । ଖୁଣ୍ଟିଣୀ ଥାନା ଧୁରୁସିଆ ଗାଁରେ ବିଳମ୍ବିତ ରାତ୍ରିରେ ଏହି ଗଣ୍ଡଗୋଳ ଘଟିଥିବାର ସୂଚନା ରହିଛି ।  ଗୋଟିଏ ପରିବାରର ଠେଙ୍ଗା ମାଡରେ ଅନ୍ୟ ଏକ ପରିବାରର ଜଣେ ମୃତ ହୋଇଥିବାର ସୂଚନା ମିଳିଛି । ଜମିବାଡିକୁ କେନ୍ଦ୍ର କରି ଉଭୟଙ୍କ ପକ୍ଷରେ ଗୋଷ୍ଠୀ ସଂଘର୍ଷ ହୋଇଥିଲା । ଏହି ସଂଘର୍ଷରେ ଠେଙ୍ଗା ମାଡରେ ଉଭୟ ପକ୍ଷରୁ 4 ଜଣ ଆହତ ହୋଇଛନ୍ତି । ଗୁରୁତର ଆହତଙ୍କୁ ଆଠଗଡ ମେଡ଼ିକାଲରେ ଭର୍ତ୍ତି କରାଯାଇଛି । ଗୋଷ୍ଠୀ ସଂଘର୍ଷକୁ ନେଇ ଗାଁରେ ଉତ୍ତେଜନା ଲାଗି ରହିଥିଲା । ଘଟଣାସ୍ଥଳରେ ସାଇଣ୍ଟିଫିକ୍‌ ଟିମ୍‌ ସହ ଖୁଣ୍ଟୁଣୀ ପୋଲିସ୍‌ ପହଞ୍ଚି ତଦନ୍ତ ଆରମ୍ଭ କରିଛି ।

ନବରଙ୍ଗପୁର :  ସମ୍ପତ୍ତି ପାଇଁ ରକ୍ତର ସମ୍ପର୍କ ଏଠି ତୁଚ୍ଛ ପାଲଟି ଯାଉଛି । ସାମାନ୍ୟ ଜମିବାଡି ବିବାଦକୁ ନେଇ ସାବତ ମା’କୁ ହତ୍ୟା କରିଛି ପୁଅ । ଏହିପରି ଏକ ଅଭାବନୀୟ ଘଟଣା ନବରଙ୍ଗପୁର ଗାଦବଗୁଡା ସାହିରେ ଘଟିଛି । ସାବତ ମା’କୁ ତଣ୍ଟିଚିପି ହତ୍ୟା କରିଛି ନୃଶଂସ ପୁଅ । ଘରବାଡି ବିବାଦରୁ ନବରଙ୍ଗପୁର ଟାଉନ୍‌ ଗାଦବାଗୁଡା ସାହିରେ ଏପରି ଏକ ହତ୍ୟାକାଣ୍ଡ ଘଟିଥିବାର ସୂଚନା ରହିଛି ।  ତେବେ  ଅଭିଯୁକ୍ତ ପୁଅକୁ ନବରଙ୍ଗପୁର ଟାଉନ୍‌ ଥାନାରେ ଅଟକ ରଖାଯାଇ ଏହି ଘଟଣା ସମ୍ପର୍କରେ ପଚରାଉଚୁରା ଚାଲିଛି ।