ନୂଆଦିଲ୍ଲୀ, ଗଙ୍ଗା ନଦୀରେ ଭାସୁଥିବା ମୃତଦେହ ନେଇ ଜାତୀୟ ମାନବ ଅଧିକାର ଆୟୋଗ କେନ୍ଦ୍ର, ଉତ୍ତରପ୍ରଦେଶ ଏବଂ ବିହାର ସରକାରଙ୍କୁ ନୋଟିସ ଜାରୀ କରିଛନ୍ତି। ଦୁଇ ରାଜ୍ୟର ମୁଖ୍ୟ ସଚିବ ଏବଂ ସଚିବ ସହିତ କେନ୍ଦ୍ରୀୟ ଜଳ ଶକ୍ତି (ଜଳ ସମ୍ପଦ, ନଦୀ ବିକାଶ ଏବଂ ଗଙ୍ଗା ନବୀକରଣ ବିଭାଗ) କୁ ଆୟୋଗ ଏହି ନୋଟିସ ଜାରି କରିଛନ୍ତି। ଏଥିରେ 4 ସପ୍ତାହ ମଧ୍ୟରେ ନିଆଯାଇଥିବା କାର୍ଯ୍ୟର ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।
ଆୟୋଗ କହିଛନ୍ତି ଯେ ଗଙ୍ଗା ନଦୀରେ ଅର୍ଦ୍ଧ ଜଳିଯାଇଥିବା କିମ୍ବା ପୋଡି ନ ଥିବା ମୃତଦେହକୁ ଭସାଇବା କାର୍ଯ୍ୟକୁ ରୋକିବାରେ ସରକାରୀ କର୍ତ୍ତୃପକ୍ଷ ବିଫଳ ହୋଇଛନ୍ତି। ପବିତ୍ର ଗଙ୍ଗା ନଦୀରେ ଶବଗୁଡିକ ବିସର୍ଜନ କରିବାର ଅଭ୍ୟାସ ଲୋକଙ୍କର ରହିଛି। ହେଲେ ଜଳ ଶକ୍ତି ମନ୍ତ୍ରଣାଳୟ, ଜଳ ସମ୍ପଦ ବିଭାଗ, ନଦୀ ବିକାଶ ଏବଂ ଗଙ୍ଗା ପୁନଃନବୀକରଣ ବିଭାଗର ସ୍ୱଚ୍ଛ ଗଙ୍ଗା ପ୍ରକଳ୍ପ ପାଇଁ ଜାତୀୟ ମିଶନର ନିର୍ଦ୍ଦେଶାବଳୀକୁ ଏହା ସ୍ପଷ୍ଟ ଉଲ୍ଲଂଘନ କରାଯାଇଛି।
ଏଥିରେ ଦର୍ଶାଯାଇଛି ଯେ ଗଙ୍ଗା ନଦୀ (ନବୀକରଣ, ସଂରକ୍ଷଣ ଏବଂ ପରିଚାଳନା) ପ୍ରାଧିକରଣ ନିୟମ 2016, ଯାହା ଗଙ୍ଗା ନଦୀରେ ପରିବେଶ ପ୍ରଦୂଷଣକୁ ରୋକିବା, ନିୟନ୍ତ୍ରଣ କରିବା ଏବଂ ଦୂର କରିବା ପାଇଁ ଲାଗୁ କରାଯାଇଛି। ଏହି ନିୟମ ଅନୁଯାୟୀ ଗଂଗା ନଦୀରେ ନିରନ୍ତର ପର୍ଯ୍ୟାପ୍ତ ଜଳ ପ୍ରବାହ ହୋଇପାରିବ।
ଗଙ୍ଗା ନଦୀର ପ୍ରାକୃତିକ ଏବଂ ନିର୍ମଳ ଅବସ୍ଥାରେ ପୁନଃଉଦ୍ଧାର କରାଯାଇଛି। ଏହା ସହ ଜଡିତ ବିଷୟ ତଥା ଆନୁସଙ୍ଗିକ ପ୍ରତିକାର ଏହି ଆଇନିରେ ନିର୍ଦେଶ ଦିଆଯାଇଛି। ଯାହା ଅନୁଯାୟୀ ଗଙ୍ଗା ନଦୀର ପୁନରୁଦ୍ଧାର, ସଂରକ୍ଷଣ ଏବଂ ପରିଚାଳନା କରାଯାଇ ପାରିବ।
ନିୟମରେ ଉଲ୍ଲେଖ ରହିଛି ଯେ, “କୌଣସି ବ୍ୟକ୍ତି କୌଣସି ପ୍ରକଳ୍ପ, ପ୍ରକ୍ରିୟା କିମ୍ବା କୌଣସି କାର୍ଯ୍ୟକଳାପ କରିବା ଉଚିତ୍ ନୁହେଁ ଯେଉଁଥିରେ ଗଙ୍ଗା ନଦୀ ପ୍ରଦୂଷଣ ସୃଷ୍ଟି କରିବ। ହେଲେ ଏସବୁ କର୍ତ୍ତୁପକ୍ଷ ଏହି ନିୟମକୁ ଠିକ୍ ଭାବେ ପାଳନ କରିପାରୁ ନ ଥିବା ଅନୁମାନ କରାଯାଉଛି।
ଏଥିରେ ଏହା ମଧ୍ୟ କୁହାଯାଇଛି ଯେ, କେତେକ ଗଣମାଧ୍ୟମରେ ପ୍ରକାଶିତ ହୋଇଛି ଯେ, ଗଂଗାନଦୀରେ ଭାସୁଥିବା ଶବଗୁଡିକ କୋଭିଡ ଆକ୍ରାନ୍ତଙ୍କର। ଏପରି ହୋଇଥିଲେ ଗଂଗାନଦୀ ପରିବେଶ ଉପରେ କୁପ୍ରଭାବ ପକାଇବ। ଯେଉଁମାନେ ଏହି ନଦୀକୁ ପବିତ୍ର କାମରେ ବ୍ୟବହାର କରିଥାନ୍ତି ସେମାନଙ୍କ ଉପରେ ପ୍ରଭାବ ପଡିବ। ଯଦି ଏହି ଶବଗୁଡିକ କରୋନା ପିଡିତଙ୍କର ନୁହେଁ, ତେବେ ମଧ୍ୟ ନଦୀରେ ଏପରି ଶବକୁ ବିସର୍ଜନ କରିବା ଏହାର ପ୍ରରିବେଷ ଉପରେ କୁ ପ୍ରଭାବ ପକାଇବ।
ଏଥିସହିତ ଏହି ପ୍ରକାରର ଅଭ୍ୟାସ ମୃତ ଶରୀର ପ୍ରତି ମାନବିକ ଅଧିକାର କ୍ଷୁର୍ଣ୍ଣ କରୁଛି ବୋଲି ଆୟୋଗ ଉଲ୍ଲେଖ କରିଛନ୍ତି। । ବିଭିନ୍ନ ଗଣମାଧ୍ୟମ ରିପୋର୍ଟକୁ ଆଧାର କରି ଜଣେ ମାନବିକ ଅଧିକାର କର୍ମି ଆୟୋଗଙ୍କ ନିକଟରେ ଏହି ଅଭିଯୋଗ କରିଛନ୍ତି। ଏହି ମାମଲାକୁ ଆୟୋଗ ଗ୍ରହଣ କରି ଏହି ନୋଟିସ ଜାରି କରିଛନ୍ତି। ଏପରି ଘଟଣାକୁ ରୋକିବାରେ ବିଫଳ ହୋଇଥିବା ଅବହେଳିତ ଜନସାଧାରଣଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଭିଯୋଗକାରୀ କମିଶନଙ୍କୁ ହସ୍ତକ୍ଷେପ କରିବାକୁ ମଧ୍ୟ ଅନୁରୋଧ କରିଛନ୍ତି।
ପଢନ୍ତୁ- ଗଙ୍ଗା ନଦୀରେ ଭାସୁଛି ମୃତ ଦେହ: ଗ୍ରାମାଞ୍ଚଳରେ କରୋନା ସଂକ୍ରମଣକୁ ନେଇ ଚିନ୍ତା ପ୍ରକଟ କଲେ କେନ୍ଦ୍ରମନ୍ତ୍ରୀ