ନୂଆଦିଲ୍ଲୀ: ସିଡିଏସ୍ ଜେନେରାଲ୍ ଅନିଲ ଚୌହାନ ମଙ୍ଗଳବାର କହିଛନ୍ତି ଯେ, ଭାରତର ଉତ୍ତର ସୀମାରେ ଚୀନ୍ର ‘ପିପୁଲ୍ସ ଲିବରେସନ୍ ଆର୍ମି’ର ନିରନ୍ତର ନିୟୋଜନ ଏକ ଆହ୍ଵାନ। ସେ କହିଛନ୍ତି ଯେ, ଲାଇନ୍ ଅଫ୍ କଣ୍ଟ୍ରୋଲ୍ (LOC) ଉପରେ ଦେଶର ଦାବିର ବୈଧତା ରକ୍ଷା କରିବାକୁ ସଶସ୍ତ୍ର ବାହିନୀ ପ୍ରତିବଦ୍ଧ। ପୁଣେ ନ୍ୟାସନାଲ ଡିଫେନ୍ସ ଏକାଡେମୀ (ଏନଡିଏ) ର ୧୪୪ ତମ ପାଠ୍ୟକ୍ରମର ପ୍ୟାରେଡକୁ ସମ୍ବୋଧିତ କରି ଜେନେରାଲ ଚୌହାନ କହିଛନ୍ତି ଯେ, କେବଳ ଆଖପାଖ ଅଞ୍ଚଳରେ ନୁହେଁ ବରଂ ବିସ୍ତାରିତ ପଡ଼ୋଶୀ ଦେଶରେ ମଧ୍ୟ ଶାନ୍ତି ଏବଂ ସ୍ଥିରତା ରକ୍ଷା କରିବାରେ ସଶସ୍ତ୍ର ବାହିନୀ ଏକ ରଚନାତ୍ମକ ଭୂମିକା ଗ୍ରହଣ କରିବାକୁ ସଂକଳ୍ପବଦ୍ଧ।
ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ସିଡିଏସ୍ କହିଛି ଯେ, ଉତ୍ତର ସୀମାରେ PLA ର ନିୟୋଜନ ଦିନକୁ ଦିନ ବୃଦ୍ଧି ପାଉନାହିଁ ଏବଂ ଏହାର ସୈନ୍ୟ ସଂଖ୍ୟା ୨୦୨୦ ଭଳି ସମାନ। ତେଣୁ ଏକ ଚ୍ୟାଲେଞ୍ଜ ଅଛି ଏବଂ ସଶସ୍ତ୍ର ବାହିନୀ ସେହି ସବୁ ପଦକ୍ଷେପ ନେଉଛନ୍ତି, ଯାହା ଦ୍ଵାରା କୌଣସି ପ୍ରତିକୂଳ ପରିସ୍ଥିତି ଉପୁଜିବ ନାହିଁ।
“ଆମେ ଡେମଚୋକ ଏବଂ ଡେପସାଙ୍ଗ ବ୍ୟତୀତ ସମସ୍ତ ସ୍ଥାନକୁ ଫେରିବାରେ ସଫଳ ହୋଇଛୁ। ଆଲୋଚନା ଜାରି ରହିଛି। ଆଶା କରୁଛି ଆଲୋଚନା ଫଳାଫଳ ଦେବ, ଆମେ ଆଶାବାଦୀ।
ସୂଚନାଯୋଗ୍ୟ ଯେ, ଜୁନ୍ ୨୦୨୦ ରେ ଗଲଭାନ୍ ଉପତ୍ୟକାରେ ଭାରତୀୟ ଏବଂ ଚୀନ୍ ସୈନ୍ୟବାହିନୀ ମଧ୍ୟରେ ସଂଘର୍ଷ ଘଟିଥିଲା ଯେଉଁଥିରେ ଉଭୟ ଦେଶର ସୈନିକ ଆହତ ହୋଇଥିଲେ। ଚାରି ଦଶନ୍ଧିରୁ ଅଧିକ ସମୟ ମଧ୍ୟରେ ଦୁଇ ଦେଶ ମଧ୍ୟରେ ଏହା ସବୁଠାରୁ ବଡ ସାମରିକ ମୁକାବିଲା ଥିଲା।