Tag: ଟୋକିଓ ଅଲମ୍ପିକ୍ସ

ନୂଆଦିଲ୍ଲୀ: ଚମତ୍କାର ପ୍ରଦର୍ଶନ କରି ଭାରତୀୟ ହକି ଦଳ ଜର୍ମାନୀକୁ ୫-୪ ବ୍ୟବଧାନରେ ପରାସ୍ତ କରି ବ୍ରୋଞ୍ଜ ପଦକ ଜିତିଛି। ୪୧ ବର୍ଷ ପରେ ଭାରତ ଅଲିମ୍ପିକ୍ସରେ ହକିରେ ପଦକ ଜିତିଛି। ଏହାପୂର୍ବରୁ ଭାରତ ଭାସୁଦେବନ ଭାସ୍କରନଙ୍କ ଅଧିନାୟକତ୍ୱରେ ୧୯୮୦ ମସ୍କୋ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିଥିଲେ। ଭାରତ ପାଇଁ ସିମରଞ୍ଜିତ ସିଂ ଦୁଇଟି ଗୋଲ ସ୍କୋର କରିଥିଲେ, ହରମାନପ୍ରୀତ ସିଂ, ରୁପିନ୍ଦର ପାଲ ସିଂ ଏବଂ ହାର୍ଦ୍ଦିକ ସିଂ ଗୋଟିଏ ଲେଖାଏଁ ଗୋଲ ସ୍କୋର କରି ଏହି ମ୍ୟାଚରେ ଦଳର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

ବର୍ତ୍ତମାନର ବିଶ୍ୱ ମାନ୍ୟତାରେ ତୃତୀୟ ସ୍ଥାନ ଅଧିକାର କରିଥିବା ଭାରତ ଏହି ମ୍ୟାଚରେ ଖରାପ ଆରମ୍ଭ କରିଥିଲା ​​ଏବଂ ମ୍ୟାଚ୍ର ପ୍ରଥମ ମିନିଟରେ ଜର୍ମାନୀ ଗୋଟିଏ ଗୋଲ୍ ସ୍କୋର କରି ୦-୧ରେ ଅଗ୍ରଣୀ ହାସଲ କରିଥିଲା। ଜର୍ମାନୀ ପାଇଁ ତିମୁର ଓରୁଜ ଏହି ଗୋଲ ସ୍କୋର କରିଥିଲେ। ପଞ୍ଚମ ମିନିଟରେ ଭାରତ ଫେରିବାର ସୁଯୋଗ ପାଇଲା କିନ୍ତୁ ରୁପିନ୍ଦର ପାଲ ସିଂ ପେନାଲ୍ଟି କର୍ଣ୍ଣରକୁ ରୂପାନ୍ତର କରିବାରେ ବିଫଳ ହୋଇଥିଲେ। ପ୍ରଥମ କ୍ୱାର୍ଟର ଶେଷ ହେବା ପରେ ଜର୍ମାନୀ ଭାରତଠାରୁ ୦-୧ରେ ଅଗ୍ରଣୀ ହାସଲ କରିଥିଲା। ତେବେ ଭାରତର ଗୋଲକିପର ଶ୍ରୀଜେଶ ଏହି କ୍ୱାର୍ଟରରେ କିଛି ଉଜ୍ଜ୍ୱଳ ପ୍ରତିରକ୍ଷା କରିଥିଲେ।

ନୂଆଦିଲ୍ଲୀ: ଭାରତୀୟ ମହିଳା ହକି ଦଳ ଟୋକିଓ ଅଲମ୍ପିକ୍ସରେ ଇତିହାସ ସୃଷ୍ଟି କରିଛି। ମହିଳା ହକି ଦଳ ପ୍ରଥମ ଥର ପାଇଁ ଅଲିମ୍ପିକ୍ସର ସେମିଫାଇନାଲରେ ପ୍ରବେଶ କରିଛି। ଅଷ୍ଟ୍ରେଲିଆକୁ ୧-୦ ରେ ପରାସ୍ତ କରି ଭାରତୀୟ ମହିଳା ଦଳ ସେମିଫାଇନାଲରେ ସ୍ଥାନ ପକ୍କା କରିଛି। ଗୁରୁଜିତ କୌରଙ୍କ ଚମତ୍କାର ଗୋଲ ଯୋଗୁଁ ଭାରତ ଏହି ମ୍ୟାଚରେ ବିଜୟ ହାସଲ କରିଛି। ଏକ ମହାନ ଖେଳ ପ୍ରଦର୍ଶନ କରୁଥିବା ଭାରତୀୟ ମହିଳା ହକି ଦଳ ଅଷ୍ଟ୍ରେଲିଆକୁ ୧-୦ରେ ପରାସ୍ତ କରିଛି। ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇ ବିଶ୍ୱର ୯ ନମ୍ବର ଭାରତୀୟ ଦଳ ବିଶ୍ୱର ୨ ନମ୍ବର ଅଷ୍ଟ୍ରେଲିଆକୁ ପରାସ୍ତ କରି ପ୍ରଥମ ଥର ପାଇଁ ଅଲିମ୍ପିକ୍ସର ସେମିଫାଇନାଲରେ ପ୍ରବେଶ କଲା। ଭାରତ ତୃତୀୟ ଅଲିମ୍ପିକ୍ସରେ ଖେଳୁଛି। ମସ୍କୋ (୧୯୮୦) ଅଲମ୍ପିକ୍ସର ୩୬ ବର୍ଷ ପରେ ରିଓ ଅଲିମ୍ପିକ୍ସ (୨୦୧୬) ପାଇଁ ଦଳ ଯୋଗ୍ୟତା ଅର୍ଜନ କରିଥିଲେ।

ନୂଆଦିଲ୍ଲୀ: ଆଜି ଚୀନ୍‌ର ଜିଆଓ ହେ ବିଙ୍ଗଙ୍କୁ ପରାସ୍ତ କରି ଟୋକିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଭାରତର ବ୍ୟାଡମିଣ୍ଟନ ତାରକା ପିଭି ସିନ୍ଧୁ ଇତିହାସ ସୃଷ୍ଟି କରିଛନ୍ତି। ଦୁଇଟି ଅଲିମ୍ପିକ୍ ପଦକ ଜିତିଥିବା ସିନ୍ଧୁ ପ୍ରଥମ ଭାରତୀୟ ବ୍ୟାଡମିଣ୍ଟନ୍ ଖେଳାଳି ହୋଇଛନ୍ତି। ସିନ୍ଧୁ ଆରମ୍ଭରୁ ଏହି ମ୍ୟାଚ୍ ଉପରେ ପ୍ରାଧାନ୍ୟ ବିସ୍ତାର କରିଥିଲେ ଏବଂ ପ୍ରଥମ ଗେମରେ ଚାଇନାର ଖେଳାଳିଙ୍କୁ ୨୧-୧୩ ରେ ପରାସ୍ତ କରି ନିଜର ସ୍ଥିତିକୁ ଦୃଢ କରିଥିଲେ। ଏହା ପରେ ସେ ଦ୍ୱିତୀୟ ଗେମରେ ଚମତ୍କାର ପ୍ରଦର୍ଶନ କରି ମ୍ୟାଚ ଜିତିଥିଲେ। ୫୨ ମିନିଟ ଧରି ଚାଲିଥିବା ଏକ ମ୍ୟାଚରେ ସିନ୍ଧୁ ଚାଇନାର ଖେଳାଳି ବିଙ୍ଗକୁ ୨୧-୧୩, ୨୧-୧୫ ରେ ପରାସ୍ତ କରିଥିଲେ।

ଏହା ସିନ୍ଧୁଙ୍କର ଦ୍ୱିତୀୟ ଅଲିମ୍ପିକ୍ସ ଥିଲା। ସିନ୍ଧୁ ରିଓ ଅଲିମ୍ପିକ୍ସରେ ପଦାର୍ପଣ କରି ରୌପ୍ୟ ପଦକ ଜିତିଥିଲେ। କ୍ରମାଗତ ଦୁଇ ଅଲିମ୍ପିକ୍ ପଦକ ଜିତିବାରେ କୁସ୍ତି ସୁଶୀଲ କୁମାରଙ୍କ ପରେ ସିଦ୍ଧୁ ହେଉଛନ୍ତି ଦ୍ୱିତୀୟ ଭାରତୀୟ ଆଥଲେଟ୍। ୨୦୦୮ ବେଜିଂ ଅଲିମ୍ପିକ୍ସରେ ସୁଶୀଲ ବ୍ରୋଞ୍ଜ ପଦକ ଏବଂ ୨୦୧୨ ଲଣ୍ଡନ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିଲେ। ଟୋକିଓ ଅଲିମ୍ପିକ୍ସରେ ଭାରତ ପାଇଁ ଏହା ହେଉଛି ଦ୍ୱିତୀୟ ପଦକ।

ଶନିବାର ଦିନ ପିଭି ସିନ୍ଧୁ ସେମିଫାଇନାଲ ମ୍ୟାଚ୍ ଜିତିପାରିନଥିଲେ। ଏହି କାରଣରୁ ସ୍ୱର୍ଣ୍ଣ ପଦକ ଜିତିବାର ସ୍ୱପ୍ନ ଭାଙ୍ଗି ଯାଇଥିଲା। ଯଦିଓ ସେମି ଫାଇନାଲରେ ହାରିଯିବା ପରେ ବ୍ରୋଞ୍ଜ ପଦକ ଜିତିବାର ସୁଯୋଗ ପାଇଥିଲେ, ଯାହା ସେ ଏହାର ଫାଇଦା ନେଇଥିଲେ। ତାଙ୍କ ବିଜୟ ସହିତ ସମଗ୍ର ଦେଶରେ ଖୁସିର ଲହରୀ ଖେଳିଯାଇଛି।