Tag: ଡା. ଭିକେ ପଲ

ନୂଆଦିଲ୍ଲୀ: ଟୀକା ନେଇଥିବା ଲୋକଙ୍କୁ କରୋନା ଭୂତାଣୁ କେତେ ପ୍ରଭାବ ପକାଇପାରେ, ତାହା ନେଇ ନୀତି ଆୟୋଗ ସଦସ୍ୟ ଏକ ପ୍ରେସ ବିଜ୍ଞପ୍ତିରେ ପ୍ରକାଶ କରିଛନ୍ତି। କରୋନା ଟୀକା ଲୋକଙ୍କୁ ଅନେକ ଫାଇଦା ଦେଇଥାଏ। ହଜାର ହଜାର ଲୋକଙ୍କୁ ଟୀକା ବଞ୍ଚାଇପାରିଛି। ଟୀକା ନେଇଥିବା ୭୫ ରୁ ୮୦ ପ୍ରତିଶତ ଲୋକେ କରୋନା ଆକ୍ରାନ୍ତ ହେଲେ, ହସ୍ପିଟାଲ ଯିବାକୁ ପଡିନଥାଏ। ୮ ପ୍ରତିଶତ ଲୋକଙ୍କୁ ଅକ୍ସିଜେନ ଆବଶ୍ୟକ ପଡୁଥିବା ବେଳେ ମାତ୍ର ୬ ପ୍ରତିଶତ ଲୋକଙ୍କୁ ଆଇସିୟୁରେ ଭର୍ତ୍ତି ହେବାକୁ ପଡିଥାଏ। ଏନେଇ ନୀତି ଆୟୋଗ ସଦସ୍ୟ ଡା. ଭିକେ ପଲ ସୂଚନା ଦେଇଛନ୍ତି।

ନୂଆଦିଲ୍ଲୀ: ଜୁଲାଇ ମାସ ସୁଦ୍ଧା ଭାରତରେ ଫାଇଜର ଟୀକା ଉପଲବ୍ଧ ହୋଇପାରେ ବୋଲି ଡା. ଭିକେ ପଲ କହିଛନ୍ତି। ସେଥିପାଇଁ ଫାଇଜର ଟୀକା ଉତ୍ପାଦକଙ୍କ ସହ ଆଲୋଚନା ଜାରି ରହିଛି। ଆଲୋଚନା ପରେ ଭାରତକୁ ଟୀକା ଦେବା ପାଇଁ ଫାଇଜର ଲାଇସେନ୍ସ ଆବେଦନ କରିବ। ଆବେଦନ ପରେ ବିଚାର କରାଯାଇ ମଞ୍ଜୁରୀ ବ୍ୟବସ୍ଥା କରାଯିବ ବୋଲି ଡା. ପଲ କହିଛନ୍ତି।

ଉଲ୍ଲେଖ ଯୋଗ୍ୟ ଯେ, ଏହି ଟୀକା ଉତ୍ପାଦକ କମ୍ପାନୀ ଫାଷ୍ଟ ଟ୍ରାକ ମଞ୍ଜୁରୀ ପାଇଁ କେନ୍ଦ୍ର ସାରକାରକୁ ଅନୁରୋଧ କରିଛି। ଏହି ଟୀକା ୧୨ ବର୍ଷର ଊର୍ଦ୍ଧ୍ଵ ବର୍ଗର ବୟସ୍କଙ୍କୁ ଦିଆଯାଇପାରିବ ବୋଲି ଫାଇଜର ଦାବି କରିଛି। ଏହାସହ ୮ ଡିଗ୍ରୀ ତାପମାତ୍ରା ମଧ୍ୟରେ ଏହାକୁ ସୁରକ୍ଷିତ ଭାବେ ଏକ ମାସ ପର୍ଯ୍ୟନ୍ତ ରଖାଯାଇପାରିବ ବୋଲି କମ୍ପାନୀ ଦାବି କରିଛି।