ଭୁବନେଶ୍ୱର: ମାନବ ସମାଜର ସାମଗ୍ରିକ ବିକାଶ ନିମନ୍ତେ ଉଭୟ ଆଧ୍ୟାତ୍ମିକତା ଓ ଆଧୁନିକତାର ଉତ୍ତମ ସମନ୍ୱୟ ଏକାନ୍ତ କାମ୍ୟ। ସାହିତ୍ୟ ମାଧ୍ୟମରେଏହା ସୁଗମ ହୋଇପାରିବ ବୋଲି ଡିଏଭି ପବ୍ଲିକ୍ ସ୍କୁଲ୍, ଚନ୍ଦ୍ରଶେଖରପୁରରେ ଆୟୋଜିତ ଲିଟରେଚର୍ କନ୍କ୍ଲେଭ୍ର ଦ୍ୱିତୀୟ ସଂସ୍କରଣରେ ଅତିଥିଗଣ ମତବ୍ୟକ୍ତ କରିଛନ୍ତି।
‘ଆଧ୍ୟାତ୍ମିକତା ଓ ଆଧୁନିକତା – ଶାଶ୍ୱତସାହିତ୍ୟ ପ୍ରସଙ୍ଗ’ ଶୀର୍ଷକ ଆଲୋଚନାଚକ୍ରରେ ବିଶିଷ୍ଟ ଲେଖକ ଦାଶବେନହୁର, ପ୍ରଫେସର ଅମୂଲ୍ୟ ପୁରୋହିତ ଓ ପ୍ରଫେସର ରମାକାନ୍ତ ମିଶ୍ର ଯୋଗଦେଇ ବିଶ୍ୱ ଓ ଭାରତୀୟ ସାହିତ୍ୟରୁ ଉଦାହରଣ ମାଧ୍ୟମରେ ଦୃଷ୍ଟିକୋଣ ପ୍ରାଞ୍ଜଳ କରିଥିଲେ । ସମାଜ ପାଇଁ ପରାର୍ଥ ଭାବନାବହନ କରୁଥିବା ଉଚ୍ଚାଙ୍ଗ ସାହିତ୍ୟ କାଳଜୟୀ ହୋଇଥାଏ ବୋଲି ଏଥିରେ ମତୈକ୍ୟ ପ୍ରକାଶ ପାଇଥିଲା।
ବିଦ୍ୟାଳୟ ଅଧ୍ୟକ୍ଷାଡ.ସୁଜାତା ସାହୁ ଏହି ମହୋତ୍ସବ ଆୟୋଜନର ଭୂମିକା ଓ ସୁଦୂର ପ୍ରସାରୀ ପ୍ରଭାବ ସଂପର୍କରେ ଆଲୋକପାତ କରିଥିଲେ । ବିଦ୍ୟାଳୟର ପ୍ରାକ୍ତନ ଛାତ୍ର ସାର୍ଥକ ଶଙ୍କର ଭଗତଙ୍କ ସଂଯୋଜନାରେ ସମ୍ପନ୍ନ ଏହି ଆଲୋଚନା ସଭାରେ ଅଧ୍ୟାପକ ମୟୂଖ ମିଶ୍ର ପ୍ରସଙ୍ଗ ସମୀକ୍ଷା କରିଥିଲେ।
ପାଞ୍ଚଜଣ ବିଦ୍ୟାର୍ଥୀଙ୍କ ଲିଖିତ ପୁସ୍ତକମାନ ଇତ୍ୟବସରରେ ଉନ୍ମୋଚିତ ହୋଇଥିଲା । ଅନ୍ୟାନ୍ୟ କାର୍ଯ୍ୟକ୍ରମ ମଧ୍ୟରେ ଶ୍ଲୋକ,କବିତା ଆବୃତ୍ତି,ସର୍ବଧର୍ମ ପ୍ରାର୍ଥନା, ପୁସ୍ତକ ସମୀକ୍ଷା, ଗଳ୍ପକଥନ, ପୁସ୍ତକ ପ୍ରଦର୍ଶନ, ନୃତ୍ୟାଭିନୟ ଓ ନାଟିକା ପରିବେଷଣ ଆଦି ସମାହିତ ହୋଇଥିଲା।
ବିଦ୍ୟାଳୟ ସଂଯୋଜିକା ଇନ୍ଦିରା ଭଟ୍ଟାଚାର୍ଯ୍ୟଙ୍କ ବ୍ୟବସ୍ଥାପନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ନିହାରିକା ଗନ୍ତାୟତ, ଭାରତୀ ପ୍ରଧାନ, ଡେଜିରାଣୀ ମିଶ୍ର, ଜୟଶ୍ରୀ ମହାପାତ୍ର, ରୁପେଶ ସାହୁ, ସୁଶାନ୍ତ ପ୍ରଧାନ, କଲ୍ୟାଣୀ ପଣ୍ଡା, ସି.ଜ୍ୟୋତି, ଚିତ୍ରାଙ୍ଗଦା ମହାପାତ୍ର, ସ୍ୱାଗତିକା ବିଶ୍ୱାଳ, ସୁମିତ୍ରା ହାଲ୍ଦାର୍, ଦିଲୀପ ପାଲ୍ ପ୍ରମୁଖ ଶିକ୍ଷକଶିକ୍ଷୟିତ୍ରୀଗଣ ଉଲ୍ଲେଖନୀୟ ସହାୟତା କରିଥିଲେ।
