Tag: ତାରକା ପ୍ରଚାରକ

ନୂଆଦିଲ୍ଲୀ: ସଡକ ଦୁର୍ଘଟଣାରେ ବିଜେପିର ତାରକା ପ୍ରଚାରକ ତଥା ନରସିଂହପୁରର ବିଜେପି ପ୍ରାର୍ଥୀ କେନ୍ଦ୍ର ମନ୍ତ୍ରୀ ପ୍ରହ୍ଲାଦ ପଟେଲ ଆହତ ହୋଇଛନ୍ତି। କୁହାଯାଉଛି ଯେ, ଏହି ଦୁର୍ଘଟଣା ଅମରୱାଡା ନିକଟରେ ଛିନ୍ଦୱାଡା ଠାରୁ ନରସିଂହପୁରକୁ ଆସୁଥିବା ବେଳେ ଘଟିଛି। କୁହାଯାଉଛି ଯେ, ଭୁଲ ପାର୍ଶ୍ୱରୁ ଆସୁଥିବା ମୋଟରସାଇକେଲ ଚାଳକଙ୍କ ସହ ତାଙ୍କ ଗାଡି ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ଅନ୍ୟ ଚାରି ରୁ ପାଞ୍ଚ ଜଣ ମଧ୍ୟ ଆହତ ହୋଇଥିବା ଜଣାଯାଇଛି। ପ୍ରହ୍ଲାଦ ପଟେଲ ସାମାନ୍ୟ ଆହତ ହୋଇଥିବା ଜଣାଯାଇଛି।

ଜଣେ ଶିକ୍ଷକଙ୍କ ମୃତ୍ୟୁ:

ଏହି ସଡକ ଦୁର୍ଘଟଣାରେ ମୋଟରସାଇକେଲରେ ବସିଥିବା ଜଣେ ଶିକ୍ଷକଙ୍କ ମୃତ୍ୟୁ ହୋଇଥିବାବେଳେ ପାଞ୍ଚ ଜଣ ଆହତ ହୋଇଥିବା କୁହାଯାଉଛି। ଆହତମାନଙ୍କୁ ଛିନ୍ଦୱାଡା ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି। କେନ୍ଦ୍ର ମନ୍ତ୍ରୀ ପ୍ରହ୍ଲାଦ ପଟେଲ ଅଳ୍ପକେ ବର୍ତ୍ତି ଯାଇଥିଲେ। ସେ ସାମାନ୍ୟ ଆହତ ହୋଇଛନ୍ତି। ଘଟଣା ସ୍ଥଳରେ କେନ୍ଦ୍ର ମନ୍ତ୍ରୀ ପଟେଲଙ୍କ ବିରୋଧରେ ସ୍ଲୋଗାନ ମଧ୍ୟ ଦେଇଥିଲେ।

ନୂଆଦିଲ୍ଲୀ: ଗୁଜୁରାଟ ବିଧାନସଭା ନିର୍ବାଚନ ପାଇଁ ଆମ୍ ଆଦମୀ ପାର୍ଟି ତାରକା ପ୍ରଚାରକଙ୍କ ତାଲିକା ପ୍ରକାଶ କରିଛି। ଏହି ତାଲିକାରେ ସବୁଠାରୁ ଆକର୍ଷଣୀୟ ନାମ ହେଉଛି ହରଭଜନ ସିଂଙ୍କ ନାମ। ହରଭଜନ ସିଂ ଏଥର ଆମ୍ ଆଦମୀ ପାର୍ଟି ପାଇଁ ଭୋଟ୍ ଲୋଡୁଥିବାର ନଜର ଆସିବେ। ରାଜ୍ୟସଭାରେ ସାଂସଦ ହୋଇଥିବା କ୍ରିକେଟର ହରଭଜନ ସିଂ ଗୁଜରାଟ ନିର୍ବାଚନରେ ​​ଅରବିନ୍ଦ କେଜ୍ରିୱାଲଙ୍କ ଦଳ ପାଇଁ ପ୍ରଚାର କରିବେ।

ପ୍ରକାଶ ଯେ, ଗୁଜୁରାଟର ୧୮୮ ଟି ବିଧାନସଭା ଆସନରେ ଆମ୍ ଆଦମୀ ପାର୍ଟି ପ୍ରଥମ ଥର ପାଇଁ ପ୍ରତିଦ୍ୱନ୍ଦ୍ୱିତା କରୁଛି। AAP ଦାବି କରିଛି ଯେ, ଏଥର ଆପ ସର୍ବାଧିକ ସଂଖ୍ୟକ ସିଟ୍ ଜିତୁଛି। ଗୁଜୁରାଟ ବିଧାନସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଥିବା AAP ସହିତ ଏହି ପ୍ରତିଯୋଗିତା ତ୍ରିକୋଣୀୟ ହେବ ବୋଲି ଅନେକ ଲୋକ ଆଶା କରନ୍ତି। ଗୁଜୁରାଟରେ ଆମ୍ ଆଦମୀ ପାର୍ଟି ମଧ୍ୟ ନିଜର ମୁଖ୍ୟମନ୍ତ୍ରୀ ଚେହେରା ଘୋଷଣା କରିଛି। ବର୍ତ୍ତମାନ ଆପ ର ୨୦ ତାରକା ପ୍ରଚାରକଙ୍କ ତାଲିକା ଜାଣିବା…..

୧- ଅରବିନ୍ଦ କେଜ୍ରିୱାଲ
୨- ମନୀଷ ସିସୋଦିଆ
୩- ଭାଗବନ୍ତ ମାନ୍
୪- ସଞ୍ଜୟ ସିଂ
୫- ରାଘବ ଚଡ୍ଡା
୬- ହରଭଜନ ସିଂ
୭- ଇସୁଦାନ୍ ଗଢଭୀ
୮- ଗୋପାଲ ଇଟାଲୀୟା
୯- ଅଲପେଶ କଥିରିଆ
୧୦- ଯୁବରାଜ ଜାଡେଜା
୧୧- ମନୋଜ ସୋରାଥିଆ
୧୨- ଜଗମଲ ବାଲା
୧୩- ରାଜୁ ସୋଲାଙ୍କି
୧୪- ପ୍ରବୀଣ ରାମ
୧୫- ଗୌରୀ ଦେଶାଇ
୧୬- ମାଥୁର ବାଲଦାନିଆ
୧୭- ଅଜିତ ଲୋଖିଲ
୧୮- ରାକେଶ ହିରାପାରା
୧୯- ବିଜନ୍ଦ୍ର କୌର
୨୦- ଅନମୋଲ ଗଗନ ମାନ୍

ନୂଆଦିଲ୍ଲୀ: ଫେବୃଆରୀ ୨୦ ତାରିଖରେ ହେବାକୁ ଥିବା ପଞ୍ଜାବ ବିଧାନସଭା ନିର୍ବାଚନ ପାଇଁ କଂଗ୍ରେସ ନେତା ଗୁଲାମ ନବୀ ଆଜାଦ ଏବଂ ଲୋକସଭା ସାଂସଦ ମନୀଷ ତିୱାରୀଙ୍କ ନାମ ଦଳର ଷ୍ଟାର ପ୍ରଚାରକ ତାଲିକାରେ ସ୍ଥାନ ପାଇନାହାନ୍ତି। ପଞ୍ଜାବ ପାଇଁ କଂଗ୍ରେସ ୩୦ ଟି ‘ତାରକା ପ୍ରଚାରକ’ର ଏକ ତାଲିକା ପ୍ରକାଶ କରିଛି। ଯେଉଁଥିରେ ସୋନିଆ ଗାନ୍ଧୀ, ମନମୋହନ ସିଂ ଏବଂ ରାହୁଲ ଗାନ୍ଧୀଙ୍କ ନାମ ରହିଛି।

ଆଜାଦ ଏବଂ ତିୱାରୀ ଜି-୨୩ ର ପ୍ରମୁଖ ସଦସ୍ୟଙ୍କ ମଧ୍ୟରେ ଅଛନ୍ତି। ଯେଉଁମାନେ ଦଳର ନେତୃତ୍ୱକୁ ଚିଠି ଲେଖି ଦଳର ପରିବର୍ତ୍ତନ ଆଣିବାକୁ ଦାବି କରିଛନ୍ତି। ଏହି ଲୋକମାନେ ଦଳର ନେତୃତ୍ୱ ଉପରେ ପ୍ରଶ୍ନ ଉଠାଉଛନ୍ତି। ନିକଟରେ ଗୁଲାମ ନବୀ ଆଜାଦଙ୍କୁ ଭାରତ ସରକାର ପଦ୍ମ ଭୂଷଣ ପ୍ରଦାନ କରିଛନ୍ତି।

ତେବେ ପଞ୍ଜାବର ତାରକା ପ୍ରଚାରକମାନଙ୍କ ମଧ୍ୟରେ ଆନନ୍ଦ ଶର୍ମା ଏବଂ ଭୁପିନ୍ଦର ସିଂ ହୁଡାଙ୍କ ପରି ଜି-୨୩ ର ଅନ୍ୟ କିଛି ସଦସ୍ୟ ଅଛନ୍ତି। ପ୍ରଚାରକମାନଙ୍କ ତାଲିକାରେ ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ସଚିନ୍ ପାଇଲଟ୍ ମଧ୍ୟ ଅଛନ୍ତି। ଯିଏକି ପୂର୍ବରୁ କଂଗ୍ରେସ ବିରୁଦ୍ଧରେ ବିଦ୍ରୋହ କରିଥିଲେ।

ମନୀଷ ତିୱାରୀ ପଞ୍ଜାବର ଏକମାତ୍ର ହିନ୍ଦୁ ସାଂସଦ। ଏହା ସତ୍ତ୍ୱେ ତାଙ୍କ ନାମ ତାରକା ପ୍ରଚାରକ ତାଲିକାରେ ଅନ୍ତର୍ଭୁକ୍ତ ହୋଇନାହିଁ। ତେବେ ପଞ୍ଜାବର ଅନ୍ୟ ଜଣେ ସାଂସଦ ରାବନୀତ ସିଂ ବିଟୁ ଏହି ତାଲିକାରେ ସ୍ଥାନ ପାଇଛନ୍ତି। ଏହି ତାଲିକାରେ ପ୍ରିୟଙ୍କା ଗାନ୍ଧୀ ବାଦ୍ରା, ହରିଶ ଚୌଧୁରୀ, ପିସିସି ମୁଖ୍ୟ ନବଜୋତ ସିଂ ସିଦ୍ଧୁ, ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନି, ଅମ୍ବିକା ସୋନି ଏବଂ ପୂର୍ବତନ ଅଧ୍ୟକ୍ଷ ମୀରା କୁମାର ମଧ୍ୟ ଅଛନ୍ତି।

କଂଗ୍ରେସର ତାରକା ପ୍ରଚାରକମାନଙ୍କ ତାଲିକାରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍, ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବଘେଲ, ପଞ୍ଜାବ କଂଗ୍ରେସର ପୂର୍ବତନ ମୁଖ୍ୟ ସୁନୀଲ ଜାଖଡଙ୍କ ବ୍ୟତୀତ ପ୍ରତାପ ସିଂ ବାଜୱା, ଅଜୟ ମାକେନ୍ ଏବଂ ରଣଦୀପ ସୁରଜେୱାଲାଙ୍କ ନାମ ରହିଛି। ଏମାନଙ୍କ ବ୍ୟତୀତ ହରିୟାଣା କଂଗ୍ରେସ ସଭାପତି କୁମାରୀ ଶୈଲଜା, ଦଳର ନେତା ରାଜୀବ ଶୁକ୍ଲା, ରଣଜିତ୍ ରଂଜନ, ଡି’ସୁଜା, ବି.ଭି ଶ୍ରୀନିବାସ, ଇମ୍ରାନ ପ୍ରତାପଗଢି, ଅମରିନ୍ଦର ସିଂ ରାଜ ୱାରିଙ୍ଗ, ଅମୃତା ଧାୱନ, ରାମିନ୍ଦର ଆୱଲା ଏବଂ ତାଜିନ୍ଦର ସିଂ ବିଟୁ ମଧ୍ୟ ୩୦ ତାରା ପ୍ରଚାରକ ତାଲିକାରେ ସ୍ଥାନ ପାଇଛନ୍ତି।

ନୂଆଦିଲ୍ଲୀ: ଉତ୍ତରାଖଣ୍ଡ ବିଧାନସଭା ନିର୍ବାଚନରେ ​​ପ୍ରଚାର ପାଇଁ କଂଗ୍ରେସ ଦଳ ତାର ୩୦ ତାରକା ପ୍ରଚାରକଙ୍କ ତାଲିକା ପ୍ରକାଶ କରିଛି। ଏହି ତାଲିକାରେ ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନିଙ୍କ ନାମ ମଧ୍ୟ ଅନ୍ତର୍ଭୁକ୍ତ ହୋଇଛି। ତେବେ ପଞ୍ଜାବ ପ୍ରଦେଶ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁଙ୍କ ନାମ ଏହି ତାଲିକାରେ ସ୍ଥାନ ପାଇନାହିଁ।

ଉତ୍ତରାଖଣ୍ଡରେ ହେବାକୁ ଥିବା ନିର୍ବାଚନ ପ୍ରଚାର ପାଇଁ କଂଗ୍ରେସ ସଭାପତି ସୋନିଆ ଗାନ୍ଧୀ, ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂ, ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀ, କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଏବଂ ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନିଙ୍କ ନାମ ଦଳ ଘୋଷଣା କରିଛି। ଏମାନଙ୍କ ବ୍ୟତୀତ ରାଜସ୍ଥାନ ସିଏମ ଅଶୋକ ଗେହଲୋଟ, ଛତିଶଗଡର ମୁଖ୍ୟମନ୍ତ୍ରୀ ଭୁପେଶ ବଘେଲ, ହରିଶ ରାୱତ ଏବଂ ଗୁଲାମ ନବୀ ଆଜାଦଙ୍କ ଭଳି ନେତାଙ୍କୁ ମଧ୍ୟ ଷ୍ଟାର ପ୍ରଚାରକ ତାଲିକାରେ ରଖାଯାଇଛି।